kobeeewong's Profile

Samjin Amook 於1953店於韓國開業，今次過江龍來香港，招牌菜式原材料全來自韓國，可謂是真正的韓國魚糕！所有魚糕餅付款後可請示店員翻熱，小編的炸物推介次序如下：1️⃣Chili Pepper 魚裡藏椒 $34 2️⃣Bacon Hotdog 培根魚餅棒 $263️⃣Bulgoji Croquette韓式烤肉夾心黃金魚球 $20炸魚肉青椒裡面再釀有魚肉和蔬菜粒，辣得好過癮，最推薦🤤培根棒同烤肉球皆外脆內爽，魚蓉餡好味😋熱食另外兩款是Hamroll 火腿卷魚丸球 $26, Original Amook Soup (Package) 原味魚餅湯（套餐）$28一整串有四款魚餅，爽口彈牙，味道取決於個魚餅湯，湯味鮮甜微辣，陣陣胡椒香，飲完暖笠笠，難怪是韓國冬天必食街頭小食！另一款是香港特設的麻辣魚湯，嗜辣者可以試下☺️飲品有米水，卡路里低，好鐘意！提子汁內含果肉，也是一個解渴的好選擇。…Read More

呢間牛繁燒肉係尖沙咀好似都幾出名，於是今日放工就黎試吓。壺漬牛肋條，一開始以為咁細壺會得好少，原來有兩大條，餐廳會有有埋剪刀，方便客人食用，好貼心。記得配埋大蔥食，好食😋特上牛胸腹肉，幾有較口，好多肉汁，牛味重，好味！大人氣！霧島溫泉蛋飯，呢個係必食必點之選！！個人大愛紫菜撈飯，大量飯素同蛋汁，撈埋啲珍珠米，簡直一流😋😋如果比較大食嘅朋友，可以一人一碗食都得！like facebook 同 check in 會送上級澳洲和牛里脊肉一份，好抵😍服務方面，侍應都好有禮貌👍🏼…Read More

今日同朋友黎龍城呢間茶餐廳食晚飯，我地叫左兩個不同既餐，分別係川辣蝦球雞煲同服務員推介的龍蝦牛柳，先上兩個餐湯，其羅宋湯，甜酸辣適中，非常開胃。而另外一個餐湯是忌廉湯，湯渣份量多，唔錯。川辣蝦球雞煲上枱時沙沙聲，大量雞件，配以洋蔥，蝦好彈牙，非常惹味，加白飯正。另外龍蝦牛柳鐵板餐，龍蝦大隻新鮮，而牛柳嫩滑多汁，好抵食，只係八十幾元。最後炸鮮魷作為小食，外脆內軟，面粉份量適中，唔會一舊舊，酸甜汁，帶出鮮味。…Read More

和氣食堂是我永食不厭的日本餐廳，因為質素高，價錢抵，所以今天又在到此吃中午飯。沙律方面，溫泉蛋牛油果沙律好fresh, 蛋黃溢出，非常流心。小食方面，牛油果芒果班戟，水果同牛油果的配搭，好特別，味道幾夾。刺身同軍艦方面，有三文魚，帶子同甜蝦，每款刺身很鮮甜，海膽亦是焦點之一。黑豚肩燒丼，推薦大家，燒肉醬汁加豚肉，每塊燒肉都燒得剛好，賣相已經很吸引，而且大碗性價比很高。珍寶赤蝦海鮮丼，刺身多得滿，大大件，好正。甜品方面，雪糕軟滑，唔錯的ending!…Read More

吞pot煲其實係朋友介紹，因為我好鍾意食響鈴，而呢間雞煲有自創嘅爆芝響鈴，於是今晚就決定嚟朝聖。首先，侍應會遞上九宮格調味料，有基本材料，蔥，蒜頭，辣椒漿，沙茶醬，豉油等等，一定溝到你鍾意嘅醬汁。雞煲方面，我哋點了辣酒花螺雞煲，侍應好快就已經上煲，未食已經聞到陣香味，雞肉亂畫，湯底香濃，仲有花螺無數粒，好抵食。除外，美國特級肥牛脂肪分布得好均勻，肉類推介。手打墨魚海膽丸，人手打出嚟好彈牙，海膽餡好鮮甜，非常出色。對於我來講芝士響鈴先係主角，即叫即炸，擺入湯度吸晒湯底，芝士溶得好快，真係好好食，必要之選。總體而言，會再嚟！…Read More

岩鹽絕對是我心目中高級日本餐廳數一數二的地位，小食叫了吉列忌廉蟹肉餅，熱辣辣，新鮮炸起蟹肉融入薯仔，加埋入面啲忌廉，外脆內軟。鵝肝帶子！！雖然少少油膩但絕對值得一試！主食叫了個好豐富的雜錦燒肉飯，有牛小排、雞件、刺身、沙律、面嘖湯！網燒每件肉，淨賣相已經好吸引，啲肉好嫩滑，刺身新鮮，好抵食！紫薯蓉特色卷，有芒果同三文魚籽，令紫薯味唔太重，好有特色，味道都幾夾。最後，like facebook page 有haagen daz 雪糕食，大家記得like吖！服務方面好好，整體來說會再黎！下次試下釜飯先！…Read More

台式料理來說，古早味這間餐廳論食物質素同服務態度都算是值得再去。平時食開魯肉飯，今日想轉下口味，叫了嘉義雞肉飯，雞肉絲份量好多，配埋炸蒜撈飯食，好食。牛肉牛筋麵，牛筋牛腩都好鬆軟，配菜有蘿蔔同白菜，好冧，湯底鮮味十足，一定要品嚐一下。九重塔手抓餅，同原味相比，加咗薄荷葉，煎完出嚟但一啲都唔油膩，有點似香港的蔥油餅，好香口。吉列豬扒，即叫即炸，粉唔厚，配埋沙律醬絕對好食。胚芽奶茶，正正常常，奶味濃郁。最後埋單都只係$200都唔使，食物質素好好，服務亦都好好客，所以性價比都幾高，下次嚟一定要試埋佢啲甜品，賣相好精緻，好吸引。…Read More

尖沙咀多了不少印度素菜，今晚想做無肉日，所以選擇了karlish!環境光線舒服，服務員主動為我們介紹不同的菜式，是印度人的好客之道吧。前菜首先選擇了Sev Puri，酸酸甜甜辣辣的汁，有洋蔥，炸麵碎，好開胃。Stuffed Paratha, 可以選擇芝士、印度芝士、薯仔三款材料做夾心，今次揀咗薯仔，唔想咁漏。賣相雖然一般，但配埋咖喱汁，好好味！有衝動想叫多一個印度薄餅！我今餐最中意食的是Veg Manchurian, 是蔬菜和豆炸過後的菜球，醬汁夠辣夠惹味！另外再加了Veg Fried Rice， 撈埋兩種汁也不錯，但如果你不愛食蔥，可問服務員推介其他飯類。下次再來一定會點個正宗印度甜品！…Read More

旺角放題多不勝數，今晚與友人決定新嘗試樂天大喜屋。刺身方面，點了有三文魚，帶子同甜蝦，比其他放題稍為出眾的是，可選擇長腳蟹，每款刺身都很鮮甜，大家記得問服務員拎把剪刀先開蟹呀。我最愛的海膽手卷，海膽份量合理，好新鮮唔腥，忍不住叫多幾件。沖繩黑糖牛仔肉，激推薦大家多點幾份，因為實在太好味，其他放題食唔到，黑糖的醬汁加和牛，感覺好清新，牛肉有點「銀」，但依然好食。壽司方面，個人最愛是火焰燒芝士蟹柳壽司，蟹柳唔乾身鎖住水份，加埋芝士好惹味。炸物方面，芝麻炸雞翼是每間放題都必點，同炸榴槤波，兩樣都炸得唔油膩，份量適中。甜品方面，有一杯haagendaz, 我選擇了期間特定的櫻花味，有點像洛神花，頗消濟。…Read More

談及最喜歡的泰國菜，一定是新泰！位置於鬧市尖沙咀，一到步已經被裝修輝煌的店面吸引，有如置身於泰國的Spa!泰式前菜不得不點的是我最愛嘅泰式生，好新鮮嘅蝦肉，蒜頭和辣椒更加刺激味蕾，好惹味。小食點了牛油蒜蓉雞翼，雞翼大大隻，蒜頭整成茸炸後脆口，配飯也可，推介！！主食點了蝦醬炒飯，賣相幾好，配料都多，驚喜的是加了臘肉，平時不好臘肉的我都吃個不停，全因臘肉不肥，與蝦醬炒飯的味道好夾！另外，海鮮點了一條魚，賣相精緻，魚肉好滑，而且配以泰式辣醬酸酸甜甜的，口感不錯！甜品點了芒果糯米飯,記得趁熱食,好味！椰青同泰式奶茶十級推，椰青啖啖椰子肉，天然飲品；泰式奶茶有別港式奶茶，值得一試！…Read More

今晚到旺角食吉壽放題，一嚟到經理就安排我哋兩個坐卡位，10分舒適，環境燈光幾好。一嚟到就比出面啲嘢食吸引住，坐低就急不及待叫野食。刺身方面，我哋叫咗三文魚，帶子，甜蝦，同埋泰式生蝦，夠晒新鮮同埋肥美。熟食方面，鰻魚份量啱啱好，醬汁一流，芝士蟹柳燒帶子同芝麻雞翼係必食，皮脆肉嫩。炸天婦羅炸得乾爽，雞軟骨份量適中又又有咬口。壽司方面我哋叫咗黑松露蝦壽司同埋三文魚腩壽司，不過食放題唔想咁飽架都係叫少少就夠。 甜品方面有雲呢拿同士多啤梨雪米糍，仲有乳酪雪糕，飯後消濟一流。飲品方面基本上你講得出嘅都有，買單都只係二百幾蚊一個人，好抵食。…Read More

行完銅鑼灣，決定去呢間朋友介紹的餐廳吃晚飯。同女朋友兩個決定要個二人餐A, 不需要諗已經配搭好每款菜，方便選擇困難症的我倆。首先，蕃茄餐湯，偏酸。個人較愛香芒牛油果沙律，芒果鮮甜，牛油果蓉融入沙律裡面，配以沙律醬好fresh!炸拼盤是雞翼，雞軟骨同蝦天婦羅。推介這道小食，炸得乾身不油膩，點沙律醬食好好味！金菇牛肉卷，肉汁夠，牛肉包住金菇好有咬口。波士頓龍蝦，賣相已經好吸引！面上舖滿芝士同海膽，一點也不會腥，而且龍蝦肉大大隻，一啖食好正，勁推！！燒原條筍殼皇，成條魚上，魚肉好滑，加泰式醬好特別。野菜湯烏冬，有菜有菇，個湯清甜，頗健康。甜品選擇了燒芝麻湯圓，竟然真的是燒出來的湯圓，像食燒綿花糖一樣，熱辣辣，好味！服務方面，因為龍蝦吃法較麻煩，員工主動為我們遞上濕紙巾，好體貼。…Read More

是日去完海洋公園，跟住就上返佐敦食期待已久嘅印度菜，因為出名正宗，服務態度好。剛到步，老闆已熱情招待，先送上免費牛油果醬胡椒脆餅小食，辣辣地幾開胃，並遞上餐牌介紹美食。小食點了Dahi Puri, 裡面是冰冷嘅豆蓉加以茄汁同cream, 酸酸甜甜，非常特別。主食點了Lamb Kebab, 上碟時已一分為二，羊肉份量好多，配以生菜蕃茄同醬汁，好抵食，不過到底點樣食kebab先可以唔食到周圍都係呢，哈哈。仲點了一個Chicken Masala, 咖哩汁食得出好正宗，好香，而雞肉非常之嫩滑，極推薦呢道菜，記得加個garlic naan（咖哩點可以無薄餅），兩個人食完真係飽到爆。整體而言，食物質素真係好好，服務員不斷為我地加水，好體貼，係性價比高嘅印度尼泊爾餐廳，好值得再黎！…Read More

旺角鬧市的餐廳多不勝數，今天與朋友逛逛女人街，決定試一下街坊cafe, 品嚐一下它的街坊人情味。坐下後，餐廳佈置格調中西合壁，碗碟好精美。首先上的是忌廉蘑菇餐湯，味道十足，湯中有不多料，唔錯。松葉蟹腳蟹肉意粉，份量一點也不吝嗇，蟹肉大隻鮮甜，配以忌廉蟹籽汁一啲都唔會乾，亦唔漏，幾好味。法式鵝肝雞肉意大利飯，個人頗推薦這主菜，鵝肝外皮薄脆，非常香口，加上黑松露蘑菇，整體挺惹味。飲品一般，偏甜。環境方面幾舒服，適合同朋友傾計，加上食物質素不錯，頗滿意是次用餐。…Read More

阿來好似係近期最熱門嘅泰國菜，位置係鬧市旺角，咁就腳就黎試下先。講起泰式前菜，一定必點我最愛嘅泰式生蝦刺身，好新鮮嘅蝦肉，仲要大大隻。小食點了拼盤，炸蝦餅好脆，乾身唔油膩，蝦肉又夠彈牙，好食！蛋黃雞翼幾特別，外層蛋黃炸，推介！！四款小食沾泰式辣醬啱晒。主食點了辣椒膏蝦頭油海鮮炒飯，賣相幾好，啲飯好有蛋香，海鮮配料都多，好抵食，加了個飛天椒炒通菜，好惹味。另外，點了咖喱軟殼蟹火山包，賣相好靚夠特別，仲加薄餅，啲咖哩汁有椰香，軟殼蟹份量都幾多，但要快啲食，如果唔係就淋晒。椰青一定要飲，好fresh, 仲有啖啖椰子肉，係健康嘅天然飲品。服務方面都要讚呀，好笑容，上菜又快，食物味道正宗，下次一定會再黎！…Read More