nicecolagirl's Profile

原本想order濃厚雕白湯拉麵，點知差唔多有位嗰陣時發現賣晒，咁唯有試呢個辣味濃湯拉麵，價錢仲平少少，$118。我覺得真係要食得辣先可以食，都真係有啲辣，唔該晒有啲肉碎非常香口。下次試吓佢個沾麵先。味道非常好，服務十級好，雖然要排隊，但佢幫我落定order，唔使等好耐就有得食。…Read More

行到vcity，心情麻麻，想起甜牙牙好似有下午茶餐食，就行過去食，睇到價錢牌有d驚訝，$24蚊？😱😱，真係茶餐廳都唔得啦！雖然係平平無奇，但$24可以食飽飽就真係不錯了，平日人少少，環境巧舒服。…Read More

老總上任,開公數,咁啱開張咪走去試吓菜,一行十幾人去食個lunch....因為訂咗枱,我第二個去到,所以直入就可以...因為我地低級坐一枱,我地又可以自己叫自己食,埋單唔知幾錢,但點菜睇就唔算好貴,最平$3x一個點心,叫咗大約以下:小籠包 - 佢講到好特別,因為用水晶皮,不過一啲都唔好食:(,staff有溫馨提示最好唔好點醋(service好,好細心:)),燒賣- 唔記得三定四粒,虾都幾大隻,可以啦....:)虾餃 - 一籠三粒,都係一般ok啦...千層糕- no good no good,好似係最平$26only,成正比,size 好鬼細,食味都係過得去only, no next time...xx海鮮袋 - 唔係好記符個名,一籠兩件,我冇得食,但同事話幾ok,料好足,帶子好大隻,$$$$$虾腸 - 幾好,都夠滑,虾好大隻:)炸春卷 - 都ok,唔係好夠脆口叉燒so - 唔知,因為又係冇份食鮮竹卷(好似係) - 不過又係冇份食好似仲有其他,不過真係唔記得喇....碟頭收咗九人份量芥蘭,炒飯同炆麵-- 羌汁芥蘭 - 幾好處好,因為一向都幾like呢味菜;。炒飯 - 都幾ok,不過淡咗少少炆麵 - 淡多多,汁水太多不過最後一提 ---- 最差最差係辣椒油,一啲都唔辣,落咗等於冇落,得油同色,一啲味都冇,一定要換另外一個牌子or叫師傅整得好啲... 食虾餃燒賣,落咗先入到口...開咗只有四日,應該可以有改善空間..Service ok,因為 5 star嘛.... 不過咁中式地方有個鬼佬 serve你有點格格不入,尤其指示我地washroom位置之後,入到washrrom有一啲五六十年代音樂就覺得好唔match...…Read More

天氣好熱，行咗一陴街就好鬼死口渴，見到呢間新嘢好多人，又唔想再行，等吓都ok。今次試咗最basic嘅珍珠奶茶，味道ok，珍珠有口感得嚟又夠多，一杯約700ml，飲到尾都仲有珍珠又夠凍，奶味比茶味濃，如果鍾意茶味濃就覺得唔係好合格，但我就ok。雖然等嘅時候好多人，但唔係等好耐，大杯又解渴，都係hk$12，你想點????:)…Read More

因為要分兩頭食團年飯，所以就要提早一個星期六同亞媽食。禽晚所有嘅餸都比上星期好味(唔知係咪轉咗廚?)今次叫咗薑蔥雞，因為蒜香雞次次都食，有啲厭(其實係好好吃，不過真係order too many times)，薑蔥煮法都ok，好滑好有味道，不過都係比唔上蒜香雞....琵琶豆腐~~~好大碟，獻汁好夠(因為叫咗多汁)，所以啲炸豆腐match一齊就好有味，少少脆又濕濕地，正!沙拉骨~~又係portion好大，九個人一人一舊都仲有剩....蟹肉扒豆苗~~~非常非常大碟，夠油水，very good!黃金虾球~~推介!又係好大碟，咸蛋黃好足，全部虾都有，色澤均勻，虾剛剛熟，唔會過火，肉脆，一定要試，超值!!! ($8x only)豉汁鱔~水準之作，但我又講唔到話有咩特別，不過今次條鱔好似瘦咗少少...豉椒炒蜆~~好似咸咗少少...糯米飯~~唔多似炒，不過就料足，同埋$50一碟就幾抵....服務方面:可能係平價飯店啦，所以都唔會expect有service，但個落單哥哥仔幾搞笑...你叫加茶都有人好快幫你。最大缺點係~~~張枱太細，同隔離零距離!!!!…Read More

今日放工，見有少少肚餓，路過麥仔，見到有新嘢出，又係我最愛嘅Spicy，忍唔住就叫咗6件+杯coke。因為快餐店係冇service可言，所以今次唔寫，不過都可以一提，商業區真係唔同喲，可能係質素問題啦.....呢個新嘢，第一口食落就覺得似咖哩味多d，但細心小口小口食，就發現佢有麻味，喺炸皮下面，有一點點黑色花椒，顏色係比平時食嘅深少少色，我覺得都幾香口。如果好食得辛辣嘅人就覺得唔係好夠，so far，我就覺得幾好，at least佢價錢又係一樣，咁咪叫多種口味choose囉。一提:如果平時鍾意用醬嘅fans，sorry，係冇得跟嘅!:):)…Read More

上星期，還是聖誕過後的一個星期一，老細去外送，可以輕輕鬆鬆上班去，北平時遲咗少少返到公司，因為太眼訓，落樓下行個圈順便買杯coffee提神，之前飲過The Mix，所以又再試第二間。開嘅座位有限，所以決定買走。猶疑坐與否之際，高高嘅男waiter就已經好快問我要唔要坐低食嘢，見到佢好忙都仲好主動想keep住d客，服務都好好。雖然杯cappacino等咗好耐，但waitress功夫幾好，一流!呢排又見到咁多:):)，我都好想同bf嚟食個celebration dinner添，不過我覺得好似唔係好值，所以一直都未試，見到d人話food都ok啦，不過就好少提service同mood，因為我好多時夜晚見到服務員係西裝友多(唔知係咪經理呢?)，但就兩至三個人企喺門口位，唔止一次見到一pair好似情侶嘅staff融融細語，我都唔好意思行入去睇睇。下星期，等我同個friend去lunch做白老鼠先。…Read More

聖誕前夕，朝早返工無耐，老細就要人開會，佢知我地幾個同事都好忙，就建議到樓下coffee shop開個casual嘅會當break一break，原本打算去Pacific Coffee，但冇位，就向前行咗去Mix，老細話d juice同sandwich都ok，因為在鬼佬嚟講，lunch多數係食呢d，所以佢成日都買，不過coffee就大家都第一次試...雖然係自助式，不過幾條友order完坐低咗，到ready嗰陣，佢staff都好nice咁過嚟提提我地，service都ok啦，因為都有smile...至於coffee方面，可能佢唔係專家，所以咖啡味唔係好夠濃，不過就冇苦澀味，我叫latte，同事叫mocha，都係一般水準啦，但老細叫嗰杯係有玉桂味，都幾清新，佢話ok。我諗下次我都係叫juice好d，因為佢係fresh juice，我覺得抵d.:)…Read More