msririwan's Profile

早兩三星期路過見到新開試業，見有位就入去食左個下午茶餐，本身無咩期望相都無影打算求其食完就走，上菜先知好好食，份量算多，擺盤又靚，隔左幾日約埋兩個朋友再試下晚餐，坦白講晚餐係貴嘅，沒有套餐，但係水準相當高，點左杯up to bartender,happy hour 買一送一，咁又抵飲喎香茅牛尾農夫包，偏甜，好大個包，食唔晒豬手好食，不過要等幾耐下餸名忘了，大概係三文魚加薯仔粒，，有小小辣小小酸咁，好好食但唔夠飽調酒師發板，我同佢講偏向甜酸no milk no coconut 加強酒精，整左杯芒果荔枝味vodka 溝白酒既特飲比我，好味…Read More

餐廳係呢個位有點偏僻，行得來呢頭，通常一係整車，一係帶寵物睇醫生，附近冇乜餐廳，一係行返去荃灣廣場，我就因為要等貓貓既報告，咁坐咗入嚟食，求其買咗個炸雞比薯條下午茶，好似30幾蚊，點知上菜果下真係嚇一嚇「咁大碟點食😂😂」雞髀應該落左華鹽，炸得啱啱好，雞肉仲滑的，但係我都係食唔晒，太大隻啦，薯條正正常常，見佢用扮哂西餐咁都加分架，仲有叫咗凍咖啡，就冇通通茶餐廳凍咖啡咁囉，地方都乾淨，不過冇乜人食，可能實在太偏遠啦…Read More

我喺附近返工，其實已經來過食幾次，都係食鹽焗雞同埋口水雞；相比起來鹽焗雞好味啲，口水雞好似唔同出面啲材料，佢話佢係秘製配方，但我就覺得唔係咁正宗，鹽焗雞隻雞就幾滑，同埋算係好大碟，雖然都要六十幾七十蚊，不過中環食嘢係咁上下啦，但係我唔可以再飲佢嘅奶茶啦，飲完夜晚瞓唔着😅講真呢兩條街一向貴，咁我寧願食呢間都唔食翠x or 太x 啦，值得一讚係呢間啲職員好好禮貌，即叫即到；下次唔食雞啦，試吓食佢其他午餐先…Read More

其實我知呢間野開咗好耐，以前係間出名食蛋撻既茶餐廳，但係呢間餐廳個門面裝修得怪怪地，我都冇留意裏面食乜，今日睇真啲原來係食日本野，有魚生飯，有丼，有特飲，又唔貴嘅，最平生薑豬肉丼套餐$58，有汽水有甜品，咁我今日揀咗燒牛舌丼套餐，$60仲平過隔離品X同埋翠X, 啲牛脷都幾厚身，又夠冧，但係啲汁咸咗啲，不過都會再返嚟食；但係座位就係似大家樂，自己搵位霸位出去點餐攞嘢食，如果自己一個人食都幾難霸住個位；另外自己回收托盤，有部機可以㩒兩蚊優惠券下次用架…Read More

又黎可憐中環人搵食系列，中環魚米家幾要往上環方向行過長扶手梯過少少，所以唔洗排隊有位既機會會多少少，我點左最熱門既豬軟骨魚腐魚湯米線套餐，可以配選一個小食，我點選了炸魚皮，飲品點凍檸茶，魚腐魚湯米線，太大碗，我大約食了一半，絕對係隔離翠X既米線double 份量，價錢一樣，魚腐我個人口味唔太喜歡，太冧，硬係覺得似未熟（當然係熟的）豬軟骨是另上的，味道係濃郁的，但肉炆到好散，有點似湯渣配答小碟既炸魚皮，不過無乜味，過下口癮咁凍飲正常無特別…Read More

我相信呢間係新開嘅餐廳，裝修新淨環境乾淨，坐得鬆動，呢啲都係其次，重要的係我第一次食泰國船面，原來幾好食，又唔貴，又足料，我點左一個牛既船面，我先生點左個雞嘅船面；牛船面雞船面兩個都好食，因為湯底好濃郁，除咗牛同雞嘅主菜，仲有幾粒類似魚蛋，有啲炸豬皮，好多香菜配料，總之又大碗又多料又好食，每碗才五十幾蚊，如果呢間野呢個價錢開係中環金鐘，應該排隊排到上山佢另外有一款舖頭主打雜錦船面，貴少少嘅，乜嘢餸都齊晒，一定飽到上心口正宗泰式奶茶，用大湯碗裝住，不喜歡甜的不要點，正宗泰式奶茶係好甜凍奶茶少甜,正常嘢，小甜左都係幾甜…Read More

茶餐廳下午茶食到悶，試下去pizza hut 睇下有咩食，原來唔一定食pizza既，價錢仲幾抵食，芝士火腿酥加杯熱咖啡只係三十幾，另外叫左個溫泉蛋焗肉醬意粉加杯凍咖啡就貴啲，好似要六十幾，呢度嘅好處就係坐得好舒服，張枱好大，環境好乾淨呢個芝士火腿包到勁大，食完勁飽唔使食晚飯溫泉蛋肉醬意粉，ok 既，如果肉多番少少就好喇Standard 機沖黑咖啡，好濃凍咖，正常無特別呢間野有少少奇怪就係要好似快餐咁出去counter 買野食，裝修咁靚真係估佢唔到…Read More

路過呢間餐廳門面正正常常，普通裝修，中間係兩排高身吧枱，椅子都放得頗擠迫，以為係快餐店價錢，無睇menu 就坐底了，點知lunch set 要$118， set 又唔包飲品，加了一杯檸檬梳打又要加十幾蚊哦，眼見除左我，其他都是外國客人，唔怪之得咁鬼貴啦，但係咁樣起身走我又好魚皮㗎嘛，咁照叫一個set啦燒牛肉撈蒙，一上菜，嘩咁大碌野既，咁條氣都順返啲，同埋都幾好食既，佢啲配菜我食到有薄荷葉，幾清爽醒神，其他越南店so far 無咁樣做前菜係豬腩肉沙律，真心講豬腩唔好食，沙律OK，新鮮正正常常一杯青檸梳打，我唔明點解係套餐但加飲品仲要加十幾蚊，好鬼貴…Read More

又黎金鐘人搵食艱難系列，話說金鐘廊遠東海富一帶12:30打後好難有位食嘢，尤其是我一個人，冇人幫我霸位，連鎖快餐店都唔洗諗，係金鐘廊呢間好燒味擺明速食店，紙盒上，食完自己掉入垃圾桶，食客食野速度快過其他連鎖快餐，座位都係勁細張，之前新開直頭係得6個位，多數人都係外賣，近來擴充左有廿個位左右叉燒雞肶飯56 蚊唔係平架，平過太X少少啦，細細盒，女仔食就飽，不過都幾濟，味道一般唔係差，叉燒次次食都係瘦叉，雞就咸了些少，但係金鐘連太X都無得你食，麥記插針都插唔入既時候，就會覺得呢間係荒漠甘泉…Read More

近來少咗出街食，經常找外賣速遞公司送食物過來，今日點左霸王川莊，青衣店，其實之前都食過一次堂食，已經覺得幾好，尤其是服務質素，環境又好舒服，食物份量都OK，食物唔會有小辣，一係唔辣，一係好辣，今次點外賣都係，燈影牛肉係好好食，不過真係幾辣好鬼正嘅燈影牛肉，每一塊都整到半透明，入口是甜的，隨後辣味湧上，越食越想食我唔識得太辣，叫啲唔辣嘅瓜菜中和下，新鮮爽口孜然羊腩，外賣黎到冧左，味道還可以，呢種食物都係留返堂食穩陣…Read More

近排香港咁亂都唔知去邊區行街好，咁就去咗觀塘行工廈shopping，有駱駝漆大廈三期頂樓一路掃去二期同一期，行到去一期6樓見到呢間咖啡店咁田園feel，價錢唔貴，就入去坐低休息下；地方都好大，都幾多人食，座位都幾闊落，不過都幾嘈，洗手間好乾淨，食物正常唔貴，選擇多，咖啡都正常，如果係觀塘唔知食乜好，絕對可以上嚟一試水牛城雞翼，甜甜酸酸咁，可以泡沫咖啡，冇乜特別，正常野熱朱古力咖啡，呢個OK，夠大杯我少過嚟觀塘，我相信呢間咖啡店本身都幾受歡迎，隔離枱竟然有個婆婆喺度慶祝生日，個pancake雪糕山好吸引，有好多一家大細推埋BB黎，我係中午一點黎到食，坐左2/3人，我估晏小小三點左右會好多人…Read More

好耐冇去食燒肉，今次去食牛角，荃灣店，一如以往肉嘅質素優質，我唔去食燒肉放題，因為之前食過，肉既質素始終同散叫既無得比，好在我的食量不大，否則閒閒地預500一個人才飽上圖上方是牛肋肉，我覺得係最好食既，軟身，油香重，我比較能吃生，每邊燒20-30秒就夠了厚切牛舌，三個字，wonderful 重口味燒雞肝，能吃的人就會很喜歡，香濃惹味食燒肉點可以冇啤酒，自問酒量不好，沒有點清酒燒肉三寶雖然牛角消費不便宜，但係食完高質嘅燒肉係好滿足嘅…Read More

話說新都會廣場嘅餐廳係長期淪陷嘅，尋日放假下午茶只係想搵間coffee shop飲下咖啡，但係廣場同埋附近嘅coffee shop都係超級多人，咁唔打唔撞搵到地下中庭嘅呢間本身係食西餐廳嘅，咁有咖啡飲，有甜品食就試吓啦呢個係班cake配雪糕同鮮果， 60幾蚊，上菜時嘩咁大碟嘅，係咪一人份量嚟跟住發現Menu有個二人套餐，我見人哋個pan cake係堆到山咁高味道正正常常囉，咁簡單嘅材料其實好難整得難食嘅加咗$12要咗杯Cappuccino, 我就覺得麻麻地啦，啲奶泡好鞋口，下面Double shot espresso 冇混入奶，即係泡還泡，啡還啡，以我認知係好似係1/3奶1/3咖啡同1/3泡，呢間就係1/3咖啡，2/3泡，同埋佢個造型都唔靚…Read More

譚仔區區都有，我都食過唔少次，今次要講下青衣呢間譚仔，咁有乜特別呢，啲食物都係大家食過嗰啲啦，我想講嘅係，呢間嘅職員竟然係講純正廣東話㗎服務都係一般一般啦，揮幾十次手先有人理，十秒講唔到你想點乜佢黑面架，咁食物依舊ok 啦，又平啦，所以繼續都係咁多人食啦川椒皮蛋，食咗兩舊先記得影相，麻味出，少辣，我最愛麻辣豬耳，都幾大件下，啲醬料同川椒皮蛋差唔多，都係麻味出辣味少，都唔差既，我都係鍾意食皮蛋多啲腩肉腐皮炸醬清湯底米線，都係唔敢試辣，清清地岩我食架喇🤣🤣🤣…Read More

今日一放工就拉埋個同事過嚟食平時晏晝行慢少少都排長龍，呢間餐廳係出名平價同埋豬扒好好食，咁我哋就叫咗一個肉燥汁炸豬扒飯，同埋一個沖繩豬軟骨飯，再加20雞要左碟辣汁海蜇（唔係淨豬扒，下面有個飯㗎，係塊豬扒太大塊遮住咗啲飯咋）55蚊就咁大碗，已經點咗小飯，個豬扒真係炸得啱啱好，軟滑多汁，抵讚沖繩豬頸肉飯嘅配菜，蘿蔔同埋蓮藕已經炆到好林好入味啲軟骨已經炆到晶凝通透，比得上某啲貴價拉麵嘅豬軟骨，而且都幾多下，本來仲諗住食完去附近買雪糕食，飽到食唔到了呢碟辣汁海蜇只係$20咋惹味，送飯一流加罐裝飲品只係加$5雞，好似冇乜餐廳有咁平了門口裝修走日系，好易認，威靈頓街行過長扶手電梯過少少就見到了好有心思的懷舊擺設，其實我都未見過呢啲風扇呢張應該係我阿媽年代嘅學校枱，究竟店主係邊度搵返黎…Read More