Amy Farrah 's Profile

近年減少食辣,因為身體承受唔到,腸胃會唔舒服.今次去銅鑼灣見一位長輩,長輩想食中國菜,於是就揀中川滿居.一出銅鑼灣地鐵站C出口,就會見到川滿居嘅招牌,超方便呀！環境充滿中國風一坐低,待應姨姨就介紹佢哋嘅拿手小菜,酸菜魚係必叫嘅,另外再加咗孜然羊肉,想食少少辣嘅長輩就叫咗黃金涼拌皮蛋(BB辣)最後見到飲品menu有個可愛嘅名字---桃之夭夭,我就試下~長輩就要咗柑桔檸檬茶.金湯酸菜魚---魚片非常滑,魚片上有小辣嘅蒜蓉,非常惹味~有薯粉做底,吸曬湯味,味道好夾~本身鍾意食薯粉嘅我食咗好多🤩加上大量酸菜,整體份量巨大,兩個人都食唔曬~孜然羊肉---羊肉膻味唔重,用麼麼皮包著食,感覺似食北京填鴨,有洋蔥做配料,味道濃厚,每人食三份就啱啱好！黃金涼拌皮蛋---長輩話唔係好辣,皮蛋面上面有辣椒碎,係開胃嘅前菜~飲品---桃之夭夭原來係梳打水加桃肉,味道清甜,食完濃味食物之後飲,感覺清新~整體味道極好,性價比高,下次仲想食片皮鴨和烤魚~店名：川滿居 (京都廣場)地址：銅鑼灣駱克道491-499號京都廣場6樓…Read More

今日趁中秋節,入九龍城探望長輩.小時候,每一個星期天都要去九龍城,對九龍城有很多回憶.長輩建議去食泰國菜,九龍城確實有很多由泰國華僑開辦的餐館.小時候未能食辣,現在終於可以一試了~長輩建議去金麥泰泰國菜館,話味道夠正宗,價錢又親民~午飯時間去到,已經坐滿了半間餐廳了~今次全由長輩發板,order了：泰式木瓜絲沙律,泰式炸拼盤（小）,泰式冬陰功湯河,馬拉盞炒通菜,椰汁三色冰,椰青,椰汁糕~泰式木瓜絲沙律---味道清爽酸辣,有花生碎、生菜絲,好岩做開胃小食泰式炸拼盤---有蝦餅、魚餅、春捲、咖哩雞,春捲有兩款,一款餡料是原隻蝦,另一款餡料係糯米,好好味,蝦餅魚餅用料十足,啖啖都有鮮味~最喜歡咖哩雞,入味又唔會太辣,炸物香口但唔油膩,好滿足泰式冬陰功湯河---份量好足,有蝦、菇類作配料,泰式河粉和港式河粉唔同,粗粗正方形一塊,吸收晒湯料,冬陰功湯有鮮味又唔會太辣~馬拉盞炒通菜---火喉啱啱好,馬拉盞野惹味,加埋炸蒜喺面,好惹味椰汁三色冰和椰青都係泰國特色,食完濃味嘅泰國菜,飲椰青清新一下,解渴又解膩👍最後當然唔少得甜品,椰汁糕---西米做底,面上加上厚厚的椰汁,好香好甜能夠和長輩享受一餐有質素嘅泰國菜,絕對係好好嘅中秋節禮物~祝大家中秋節快樂,人月兩團圓~店名：金麥泰泰國菜館地址：九龍城南角道34號地下…Read More

今日專程落荃灣香車街街市去買餃子,因為Mr Sheldon 係餃子迷,天氣熱就乜都食唔到,只可以食餃子~點知買了多年的餃子店,竟然結束營業~在非常絕望失望之時,見到隔離店開了一間專食餃子的餃子店,Mr Sheldon 馬上入去一試~店舖裝修簡約,非常有家的感覺,冷氣充足,有別於一般平民餃子店~餃子種類非常多,亦有小食,套餐又抵食~於是,我哋點了兩個套餐~$58已經有餃子+麵,兩個小食,飲品,抵食👍我點了：孜然羊肉餃撈酸辣紅薯粉,小食係中華沙律配酸辣鳳爪,飲品係生椰奶茶Mr Sheldon 點了：豬肉白菜米線蕃茄湯底,小食係涼拌青瓜配蒜香雞翼,飲品係楊梅青檸飲~孜然羊肉餃撈酸辣紅薯粉：羊肉充滿鮮騷味,加埋孜然調味,非常惹味~店員話佢哋用新鮮羊肉,唔係冰鮮,所以味道非常香騷~我本身非常喜歡食羊肉,試過很多羊肉餃,次次都係失望而回~但今次配埋酸辣紅薯粉 ,令我好滿足~小食亦很夠味,鳳爪味道不太酸,微辣 就岩晒我~飲品---加左椰汁既奶茶好香好滑,好岩天氣熱既時候飲豬肉白菜米線蕃茄湯底---Mr Sheldon 覺得豬肉白菜餃係餃子中最好嘅配搭,所以要試下~結果冇令Mr Sheldon 失望,肉菜比例完美,肉餃味道新鮮清新,冇冰鮮味~店員話佢哋用黑毛鮮豬肉,所以唔會有雪味~蕃茄湯底用料十足,有加粟米去煲,湯底鮮甜,Mr Sheldon 非常滿意👍小食---涼拌青瓜絕對係天氣熱嘅必食,唔太辣又爽口~蒜香雞翼入味,仲要有兩隻,份量好夠~自家製飲品,健康又特別飲品---估唔到楊梅青檸飲嘅青檸味咁出,少少酸又清甜,Mr Sheldon 話飲完有消膩的感覺~總結,難得搵到一間坐得舒服又有家的味道嘅餃子店,可以舒舒服服咁去享受美食,用真材實料整既餃子,確實用冰鮮餃子有天淵之別~另外,湯底亦非常足料,小食亦高質~飲品亦不簡單,原來係店員一早係店內親自煲起再入瓶,健康又新鮮~看得出「餃嘢」真係好用心去「搞野」！Mr Sheldon話下次再試煎餃,期待下一次的驚喜~店名：餃嘢地址：荃灣曹公坊25號地下…Read More

高質日式串燒昨天去佐敦工作後,經過一間串燒店,本來打算食串燒當午餐,但原來串燒店亦是一間酒吧,有午餐供應,於是,就入去坐得舒舒服服地嘆個午餐~有日式午餐,亦有西式午餐,仲有串燒我order左：自訂特色西餐：牛舌+炒時菜+珍珠飯,串燒就要了雞翼+蠔牛舌+炒時菜+珍珠飯送上厚切牛舌,口感軟嫩又多汁,厚煎得岩岩好,炒時菜加了蘑菇和黑椒,味道清新,珍珠飯有口感,成個飯餐嘅味道都配合得好好,$68真係抵食串燒雞翼---$68有六隻,燒得香脆冇過火,加埋醬汁,非常惹味蠔---燒完都冇縮水,多汁又鮮味,睇得出店家火喉控制得好好,擺盤仲要勁靚,估唔到食串燒可以咁高雅招呼我嘅店員態度非常親切,又有禮貌,於是我一邊食午餐,一邊同店員傾下計~佢好熱情咁介紹佢哋酒吧樓上有三間套房,仲帶埋我上去參觀,每個套房都有獨立廁所,亦都有獨立音響.店員話音響係靚貨,因為其中一個老細係做音響嘅,所以為套房添置好貨嚟招呼客人~上去套房嘅樓梯絕對係打卡位,好夢幻！如果想同一大班fd搞party,都係一個不錯的選擇👍冇諗過一間酒吧嘅串燒出品水平咁高,性價比極高,絕對係出色之作,期待下次再嚟試下夜市~飲住啤酒食串燒,一絕啊✌️店名：酒川地址：佐敦吳松街88-90號地舖…Read More

今日約朋友去葵興食lunch, 因為朋友係葵興返工，個度係工廠區，心諗都係食茶餐廳架啦，點知係新葵興廣場搵到一間新開嘅高質西餐廳-X Square Cafe ，立即book位同朋友去試下.我地叫左兩個lunch set, 一份係煙三文魚明太子忌廉意粉，另一份係精選牛肉漢堡配薯條，三文魚意粉好足料，又有鮮花裝飾，有顏值，亦好好味，而牛肉漢堡包都好足料，牛肉超級多汁，中間仲加多兩塊煙肉，加上沙律同薯條，真係好飽肚！美味的餐湯超足料的牛肉漢堡雖然好飽，不過女仔食甜品不嬲都有另一個胃，我哋最後叫左個抹茶牛角包雪糕窩夫，即叫即整，熱辣辣仲好脆口😋，食完甜品真係非常滿足！精緻既擺盤 睇見已經覺得好美味值得一讚嘅係職員態度好好，我地叫佢幫手影合照，佢仲幫手影左好多唔同角度嘅相👍🏻大家如果經過葵興就試吓這間隱世西餐廳啦😎地點：葵涌興芳路166-174號新葵興廣場地下2號舖…Read More

陪好友入元朗睇跌打,怎料離開時開始下大雨,又遇上午膳時間,正在苦惱去邊度搵食之際,見到 燒窰雞 的燈牌,醒目又吸晴,行埋去見門店光鮮新淨,就決定入去一試~一入到去,店員非常貼心 ,問我哋 會唔會太凍（因為太大風大雨,我哋全身濕晒）,駛唔駛調較一下冷氣,估唔到 有咁好既服務態度👍店舖坐位非常寬落舒服,又乾淨,光線充足,可以舒舒服服食餐飯,感覺非常好👍店員推介我哋試下佢哋既燒窰雞和海龍皇米線,平時食的米線都是配丸類 、肉片,未試過有海鮮,所以就order了一個去試試~海龍皇米線---非常足料,有蝦、蠔、帶子、花甲、仲有鮑魚！食落 鮮味十足,睇得出店主用高質食材.純魚湯 清甜又鮮,整體上 非常滿意原味燒窰雞米線---雞件非常入味,有肉食又沒有過多肥膏.豬骨湯 不太咸,味道清清的,非常適合炎熱潮濕嘅天氣.調味料 選擇多又乾淨整齊兩個米線既份量都多,我哋兩個女仔都食到好飽好飽最後試埋店舖自家製涼茶,跟餐只需加$10,又係另一驚喜,對比其他店舖的汽水、檸檬茶等,自家製涼茶多左一份健康+解渴！店員話自家製涼茶係餐廳每日新鮮煲起,呢份心思 很難得！總結今次午餐食得非常逍遙,坐得非常舒服,店員又非常nice~期待下次再來試蒜香味燒窰雞+地獄雲吞米線~店員話佢哋新增咗早餐時段,夜晚又有串燒時段~我見價錢合理,有機會都想試試！店名：燒窰居地址：元朗安寧路138-160號紫荊樓二期期地下F舖…Read More

因整身份証而途經元朗,趕返office 時,見到有蛋包飯外賣店,就買一份比自己,一份比同事~我order了 炒飯+多春魚同事order了 咖哩吉列豬扒蛋包飯另外再order了兩個小食：炸薯條 和 炸小丸子拎到返office,多春魚仍然香脆,炒飯份量十足,有帶子、粟米和鮮蝦,一個女孩食一份已經好飽！咖哩吉列豬扒蛋包飯欣賞 店家分盒載著吉列豬扒,吉列豬扒炸得香脆,蛋包飯份量十足,日式咖喱甜甜的,撈飯一流,同事是巨食男孩,食完一份已經飽左8成！再試埋小食：炸薯條 ---冇加太多鹽,有薯仔味,同事食到停唔到口~炸小丸子---打開外賣盒時,木魚仍然和我揮手,每一粒都落足料,有章魚粒,加埋沙律醬和紫菜碎,味道絕對係冇得輸！整體味道都好好,唔會太濃味又足料,性價比非常高！最值得讚係：店面+出品 整齊又衛生,外賣蛋包飯能夠保持形狀,唔會混到一團糟~其他小食 賣相精緻,見到已經覺得 很美味~除了蛋包飯外,店舖亦提供意粉、漢堡、烏冬,還有素食~種類非常多元化！商場內亦有提供立食位置~期待下次再來試試！風之谷蛋包飯西菁街23號K Plus地下6號舖…Read More

參觀朋友在屯門的新居一到埗,見到不同的食肆,有日式、台式、中式,最特別係有土耳其餐廳,就入去試試Order了：旋轉烤肉（羊肉）卡巴、牛油印度薄餅、凍檸茶旋轉烤肉（羊肉）卡巴---羊肉唔乾身,食落juicy,配埋沙律和醬汁,惹味又清新,卡巴皮薄,冇諗過可以食到咁好食既羊肉~牛油印度薄餅---牛油味不太濃,但又夠香,薄餅不太油膩,喜歡食薄餅的我,一個人食晒兩件凍檸茶---又係一個驚喜,茶底清香但不苦澀,唔會「太甜」,清清地又有茶味,喜歡檸茶的我 決定下次要嚟encore ~餐廳環境、氣氛 悠閒舒服,聽著音樂,感覺好chill~餐廳有特別午餐套餐和買一送一優惠 ,感覺很抵食~店名：OLYMPOS Restaurant & Bar (屯門)地址：屯門海皇路23號御海灣地下18號舖…Read More

今日 一收工就出旺角 趕快辦年貨一落旺角東站 見到有間門面光鮮既餐廳就入去快手醫肚 再出動越南粉麵我最喜歡食撈檬Order了：越式蝦餅撈檬+香茅雞翼+椰汁三色冰越式蝦餅撈檬---蝦餅煎得香脆又不太油膩,撈檬 份量夠,最欣賞紅蘿蔔絲青瓜絲夠多.香茅雞翼---是次一大驚喜！香茅味非常非常非常清新,和平時食的完全是兩碼子的事~食完兩隻仲想encore ~椰汁三色冰---有三色馬蹄、紅豆和綠豆,加埋椰汁就perfect 了！總結：性價比高,門面又乾淨企利,下次要再來試牛河~店名：越星餐廳旺角亞皆老街76號地舖…Read More

今日工作完後,要趕回家準備 和友人食晚飯一聚~趕時間去街市買餸,冇時間慢慢食lunch,就外賣燒味飯盒~見到 新開張的 燒味滷師 舖面整齊+價錢超值,便外賣了飯盒和燒鵝、叉燒 加餸~外賣飯盒：叉燒切雞飯+叉燒燒鴨飯小時候食的叉燒,比較濃味.今日試的叉燒,又不太濃味,但有「叉燒」香味,味道剛剛好！切雞沒有「死咸」,燒鴨 夠味 ,$20一盒,實在係「超值」！至尊燒鵝：揀了「上莊」,有小時候和爺爺到酒樓食的美味,皮脆、肉香,友人H試過都讚不絕口！燒味佬叉燒：揀了半肥瘦,唔會啖啖肥膏,味道又不太濃,不錯啊！感覺上 現在的燒味比小時候 進化了~欣賞店面乾淨整齊,又有蓋子遮蓋食物,沒有油膩膩的觀感~小時候 食燒味,總是感到口渴,食完又要勁飲水~但今次又冇呢個情況~下次再試試滷水~…Read More

今日順路去探兩個朋友班,因為只有短短一小時lunch time見見,所以就買外賣到朋友office快食~荃灣眾安街小店林立,眾多店舖中,我被這個「有氣勢」的招牌吸引,我決定試試這間名為「何止」的小食店Order:章魚大阪燒,卡邦尼炸燒賣和炸餃子章魚大阪燒：拎到返朋友office, 一打開,見到木魚在向我揮手,咬落去,啖啖都有 章魚,份量十足,加埋沙律醬,味道一流！卡邦尼炸燒賣：即是炸燒賣再加醬汁,燒賣炸到脆卜卜,配埋醬汁,又幾夾~炸餃子：因為我唔食韮菜,所以朋友H一個人獨食~朋友H話難得餃子炸完但餡料不太乾,食到滿口韮菜味~朋友話 係好食既三份小食 份量十足,三個女孩子食完都夠飽了~下次想試試炸乳鴿和咖哩什錦~…Read More

今日順路去探兩個朋友班,因為只有短短一小時lunch time見見,所以就買外賣到朋友office快食~買小食的店舖隔離就是手搖茶,因利成便,順手買埋飲品上朋友公司Order：奶油Oreo奶茶、香草籽布蕾奶茶、波霸奶茶朋友O點的奶油oreo奶茶：厚厚的Oreo在奶茶上,非常吸睛~朋友飲完第一啖已經話：好滑好滿足,甜度適中~因為很少店舖會加Oreo係茶面,所以朋友好滿意~我試香草籽布蕾奶茶：一入口,嚐到隆隆的雲呢拿味,好清新~再嚐奶茶底,香醇有茶味,甜度亦適中,我都好滿意~朋友H要了最簡單的波霸奶茶：茶底當然香醇,珍珠軟淋度適中,絕對冇令朋友失望~見到招牌右上角有寫：「島嶼紅茶專門店」,左下角寫：`TAICHUNG TAIWAN`,估計茶葉是由台灣進口,所以質素不錯丫！下次要再試試其他招牌飲品！…Read More

終於約到大忙人朋友見面,為咗遷就佢嘅收工地點,就相約係尖沙咀食飯~揀了新開嘅西班牙餐廳一聚~兩個女仔胃口不大,只order了一個小食、一個主菜和甜品,已經非常滿足小食：西班牙豬牛迷你漢堡包主菜：西班牙藍肚蝦,大蜆燴飯甜品：西班牙油炸鬼波,朱古力雪糕西班牙豬牛迷你漢堡包---確實非常迷你,漢堡上加了一塊炸豬皮,十分邪惡有十分美味西班牙藍肚蝦,大蜆燴飯---賣相吸引,用料十足,大蜆、藍肚蝦非常鮮味,加上 香料,令燴飯 啖啖都香濃味足~西班牙油炸鬼波,朱古力雪糕---從未試過,所以更要一試~原來 油炸鬼波表面炸到脆脆的,內有朱古力醬,加埋朱古力雪糕,口感特別~每人食完兩粒都仲想食~見到餐廳有平台位置,可供客人外出傾計、飲酒,好chill好relax~餐廳店面面積極大,位置寬敞,令我哋可以好舒服咁一邊享受美食,一邊傾計~見到Drink Menu有很多款cocktail 、wine,本想一試,但又唔想 酒後駕駛~期待下一次再搭公共交通再出去一試~…Read More

收工經過旺角,被門口的大大poster吸引決定入內一試平時食開X記的漢堡包,即使要巨無霸或是安格斯牛柳,仍然覺得唔夠飽唔好食~但今次試的漢堡包,令我回味無窮Order了：竹炭軟殼蟹牛油果醬漢堡+百香果梳打竹炭軟殼蟹牛油果醬漢堡：份量十足,有竹炭包、蟹子白醬汁、原塊芝士、原隻軟殼蟹、鮮牛油果醬、番茄和生菜,再加薯條沙律菜~竹炭包味道特別,加埋牛油果醬,有另一番滋味~而軟殼蟹香脆+番茄生菜,又唔會太油膩~沙律菜味道清新,而薯條係粗粗曲曲的~百香果梳打：一大杯梳打,百香果味香濃,再免費加椰果or 爆珠or蘆薈,好滿足值得一讚,店主仲好貼心地提供手套比顧客用~臨走時和店主傾開,原來剛剛新開張,所以飲品全日免費贈送,感覺很抵食！另外,店主兩夫婦都從事飲食業多年,因為大廚先生對漢堡包有要求,所以特別揀選竹炭包來入貨~只因他們都用了很長時間研究不同麵包,認為高質的麵包才能做出品質好的漢堡包,這份堅持令我欣賞！店內除了提供漢堡包外,還有意粉和飯供顧客選擇~新張期內,更有四人同行 贈送免費蛋糕的優惠~下次要再約朋友來 試試 ！店名：高堡地址：旺角通菜街2A-2P號鴻光大廈地下K1-K3號舖…Read More

親民抵食泰國菜好友臨別在即,相約在好友屋企附近食飯見一面,好友想食泰國菜（怕在外國冇機會食到）,於是就揀選了金殿泰國菜去到已經座無虛設,等左一陣才可入座~一坐低,見到有套餐,感覺夠食又抵食就點了$218 二人套餐二人套餐有：串燒（雞/豬）、肉碎生菜包、黃咖喱（雞/豬）、薄餅、可樂/七喜因為想飲椰青,可樂和七喜就拎走咗串燒：我哋要兩雞兩豬 ,燒得好香,加埋醬汁,好有風味肉碎生菜包：因為朋友唔食得辣,所以要了「走辣」,最喜歡肉碎有淡淡的檸檬香,配埋生菜,清新又惹味黃咖喱：我們order了 黃咖喱雞,不太辣,但有咖喱香,雞肉滑身唔「鞋」口,配埋薄餅,一流！椰青：非常清甜,椰肉很嫩,應該係新鮮貨~最後再點了 椰汁西米糕,一盒有六件,充滿泰國風味~最欣賞店員們非常有禮貌,又會主動快手清理枱面~讓我和好友可以一邊輕鬆傾計,一邊品嚐美食~…Read More