pInGuCc's Profile

咖啡好水好淡 甘不多無咖啡味…雪糕好食過咖啡環境舒適 有沙發位服務自助形式 中規中矩衛生就…表面乾淨 跌咗嘢一望枱下面 好大滴曱甴喺地下…雖然已經唔郁 但個心真係嚇到離一離🤯…Read More

朋友最近極力推介！一開始見到係九龍城廣場food court 加上驚喜嘅餐牌價錢，簡直唔敢相信！都係抱住一試嘅心態…一上菜…嘩！嘩！嘩！個壽司定食真係$100？！餐廳係用高級日本料理食材！刺身用稀有部位！實在太正！忍唔住再追加左好多嘢食😝吞拿魚腦天！吞拿魚面頰！$35/2件 仲抵食過築地🫢油甘魚腩刺身 食到好感動北海道海膽清甜到 講唔出口🥹原來料理長以前係銅鑼灣專注Omakase 🍣想嘗試用街坊價令大眾享受到高質日本食材深深被料理長的熱誠打動🥹…Read More

「西沙茶座」對我來說從來都只是一個浪漫的傳說！以前總覺得要有個心儀的男生開車帶我去先算圓滿…🤣時至今日學會開車亂逛，花多眼亂的選擇中，早就遺忘了這個大家口中的老地方。下午茶時間，經過西沙，餓鬼呼召，方圓幾里內的選擇不多，西貢市中心好似有點遠；馬鞍山聞名的美食沙漠，清一色連鎖品牌…見到「西沙茶座」依然穩坐榜首，又有車位！我決定「一個人浪漫」！我知！我知！好多人狠狠地評價大不如前，三餸飯質素…但我真係好想試🤣結果一去到見到的確伶丁！😳午餐有一半都係類似茶餐廳燒味飯的東東…得一兩個稱得上泰菜的肉碎炒飯同白咖喱…我認我今次大膽左少少…🙃結果我好穩陣地揀左個陀地之選「乳豬燒鵝飯」，叫的時候，老闆娘話個鵝係琵琶鵝，會比較靭，建議海南雞。結果…我知！老闆娘話海南雞好食啲嘛！🤣黎到的確有啲驚喜！好耐無見過咁足料的碟頭飯！乳豬應該唔係BB豬，最多俾佢叫小學豬🐷《味道》小學豬同琵琶鵝的皮係絕對燒得鬆脆！乳豬：介乎乳豬同燒肉中間的質感😎，確實出面又未食過喎～值得一試琵琶鵝：肉質會比較煙靭，始終不容易整，中規中矩，個醬撈飯幾好。不明所以係點解會無乳豬醬，俾左個辣椒油同甜酸醬？！食得出係自家製有驚喜，不過無個乳豬醬唔係好夠圓滿😝《價格》我知你地個個話呢間偏貴！咁lunch 黎講，$75 一碟有乳豬、有鵝，出面最少要$90-$140/碟；仲有無限例湯喎～價錢其實好合理🥸**聽到老闆娘同客人講「淨飲唔叫嘢食都得架」，已經係無價。呢種直率熱情的餐廳真係買少見少！—————泰菜未正式試到，叫個碟頭飯一個人浪漫，中午坐得舒服又無人趕，聽下啲蟬演奏，都係一種幸福！…Read More

突然有事請假一早出了葵涌，工廠區附近除左茶餐廳同燒味，都唔期望有好多選擇。難得放假又唔想茶記...所以膽粗粗行遠少少睇下會唔會搵到驚喜🤩見到良屋，其實第一下都係抱住點都好過茶餐廳少少既心態入去。點知坐低後，見到隔離左右既$60樓下指定午餐，個樣仲靚過出面好多自稱西餐廳既劣食，我突然覺得充滿希望！😂😂😂於是我決定...挑戰佢$148既羊架。係丫，比其他午餐高3陪價錢既羊架！點解唔揀抵食夾大件既$118牛排？因為我覺得西餐入面，羊架細件，又帶骨，煮唔夠火骨會帶血水，煮太熟羊肉又會太韌唔好食。如果大廚可以將呢個做得好，其他野食都應該會好出色！等左15分鐘，羊架黎到4件分量勝價比已經好高！每件顏色都焗得好靚！！！雖然係港式汁和配菜，羊架成熟度剛好！一刀切落去，已經感覺到羊肉軟而不韌，放入口juicy and tender。4塊都係perfect 的羊架！如果配菜再改良一下，已經係6星級質素。估唔到可以係葵涌食到咁有水準嘅西餐！高手在民間丫！最後，希望唔好太出名，唔係下次要排隊喇🙈…Read More

係係係～我知大家好好奇！謎底揭開喇。。。今晚試左呢個原隻赤蝦伴扇貝三文魚蟹肉意大利飯。黎之前已經知道係工廈cafe，無咩期待，為求坐得舒服。一睇menu, 飲品選擇多過食物，食物多數西餐及小食為主。我知道佢地既牛排一定唔會好食得過平時去開既小店瑪麗蓮，所以叫淨係叫左個飯同野飲試下。As expected, 佢又真係HK style 既煮法，海鮮係足料既，飯就一定唔係正宗意大利飯，勝在夠多cheese，味道合格。扇貝略嫌細隻，蝦切開唔離殼（你懂的...😅），蟹肉變蟹柳（唔知合唔合符商品說明條例🤔）。老老實實，如果海鮮唔用雪藏用新鮮貨會更好食。。。$168 抵唔抵見仁見智，對食有要求既就要考慮下😉。千祈唔好失望，佢啲野飲係ok 好飲的，不過除非跟餐，否則大部分特飲都成$48up！我叫左個香蕉燕麥奶昔（其實應該叫冰沙🤔），味道都幾唔錯，仲有好多唔同既茶同健康飲品選擇，下次會再試下其他。觀塘區可以坐得舒服既地方唔多，難得坐得舒服又無人趕你走，我真係無投訴🤗…Read More

期待左好耐，上星期終於約左幾個好朋友去試呢間既新x期超級推介既特激爆蟹黃飯...睇個樣係幾開心，蟹黃既份量合理，味道一般，跟預期一樣有一點點可以接受既腥。但最大鑊係個飯係微温，完全唔夠熱...失望到呢...其實食呢個飯之前，知道呢間野主打串燒，所以每樣叫左啲...牛串-可以唔洗試，整極都係雪櫃味同唔夠熱燒茄子-個汁太濃了 唔要汁啲話 味道係可以的燒羊架-味道一般，温度唔夠燒牛舌-味道一般，有啲乾燒鰻魚 - 正常既國貨鰻魚味，都係熱啲好食啲燒三文魚飯團 - 🤔火喉ok 但個飯唔新鮮同好散...外熱內凍，有待改進....燒虎蝦 - 全場最新鮮同抵食！唯一無失望既野仲有個燒蘆筍同和牛飯無影相🙈原因係已經唔值得影😑 燒蘆筍係揾笨，$23一客，叫左2客，黎到得得2條，問過服務員，堅係$23一條😱 唔係掛，會唔會太過分了？和牛飯得薄薄兩片，配咁大碗白飯，感覺超冷清...姐係咁，總括黎講，串燒質素真係堅唔合格。如果淨係黎試下個蟹黃飯，同虎蝦，我覺得可以。但其他就真係唔值得搏...環境方面，千祈唔好坐bar枱位，入面啲蒸氣蒸到人都溶，食到個人熱辣辣。衛生方面...睇到佢係入面赤手處理生豬，無洗手就係廚房傳菜出去...交叉感染機會大，眼不見最好🙈🙈🙈🙈🙈3個人食左$8xx 就真係好唔抵，因為啲野唔夠水準...同樣價錢去大門x町 相信已經超滿足...試過就算，真係無下次🙈…Read More

好Surprise旺角可以有個坐得咁舒服既地方〜仲有超級無敵大露台可以同朋友燒下野食 傾下計平時食飯時間 旺角等位簡直係地獄 一係唔好食 所以無人等 一係好好食 但唔知等到幾時唔係特別好食 都起碼等15-20分鐘...因為鋪租貴 等到後仲要坐得勁迫 根本無辦法可以好好享受食物 更無環境可言...多謝好朋友介紹 先知旺角都可以嘆風景 仲有好野食係美國返黎既我 一真都懷念buffalo wings Spark 既水準近乎有返左企既感覺如果有埋blue cheese sauce 同西芹 就更完美=]如圖〜Chef's Special 既燒寶貝豬脾係超正！唔洗過澳門山度士都可以品嘗到外脆內滑既baby piglet!!!簡直無得頂!!!唔係講笑 真係食到感動>.< 配啤酒一流〜羊架都出奇地好食! 一啲都唔蘇 仲好嫩 正！正！正！好既野食唔洗寫咁多 因為好食到唔停得口！唔得閒寫咁多=]下次想試埋燒野食〜應該會好好 feel=]…Read More