heung_a的个人专页

星期五晚，熱辣辣想食好野。諗到又來百好食晚飯，基本上唔係咩人日子2人都有位。長期都做的片皮鴨78蚊，真係好抵食。今次點了南澳龍蝦三百幾蚊，大約斤半重，比西澳貴百零蚊。可以開邊蒸同上湯焗，上湯焗多數都走油，我都係揀開邊蒸，原汁原味。開邊蒜蓉蒸，配刀叉食，好好食，啖啖肉又厚肉又夠彈，仲好鮮甜。真係冇揀錯。另外叫左個小炒王，今次失準，韮菜花淋左。最後加多個蒸鮑魚，78蚊半打，平過自己係街市買啦。味道都不錯，真心抵食。簡單開心滿足的2人晚餐又完成…查看更多

見網上有啲宣傳，就來試下嘛。諗住以前做開單點，都貴價，咁做任食應該會唔會衰得去邊啦。1930前交枱，238位加飲品加38蚊，仲有每位18蚊既醬油費。所謂既醬油得5樣野，蒜蓉，炸蒜，辣椒粒同蔥，同埋唔咸既豉油。點左個豬手鍋試下，唔辣，得少少麻。豬手係爽脆豬手，但其實係冇乜味道。之後加湯食火鍋，出事了。完全冇味，個湯係少少味都冇。完全唔覺得自己打邊爐。以下食物有一輪一人送一客佛跳牆，罐頭鮑魚同螺，唔難食。火鍋料海鮮盤，蝦，蜆，馬刀貝，蟶子，帶子。肉有澳洲和牛，牛舌，豚肉。手打肉丸，芝士牛丸，蝦丸，松露墨魚丸餃有雲吞，XO醬水餃，魚皮餃以上食物都正常，唔難食，但唔特別好食。不過XO醬餃，食落口我就吐返出來，可能味道唔岩我。其他火鍋料都不過不失，係魷魚鬚好難食，佢係一大抽，三四條一抽，請幻想下係平時飲茶果種炸魷魚鬚，仲要原抽咁去打邊爐。又係一入口就吐返出來。另外環境，其實真係好迫，枱面好大，但位係迫，同隔離枱都好近。成個場都好迫，暗得來又唔係舒服果種。整體來講，這是一間垃圾火鍋，食得飽既。但唔好食同冇打邊爐既滿足感。最後話有雪糕都冇心機食，去返普通百幾蚊全包既火鍋仲好食過佢。埋單2人夾埋646.8,仲要係早鳥優惠。價錢唔緊要，但唔好比啲咁既水準人吖。任飲又要加錢都算，醬油都要收錢，都比返多啲選擇人吖。唔捨得做任食就唔好學人做啦。大家真係唔好去，中伏中伏中伏！！！…查看更多

星期六晚同屋企人外出用餐因為疫情都好耐冇一家人出街食飯。我們一家四口到百樂門點了一個西澳龍蝦配2隻乳鴿的孖寶上湯龍蝦配伊麵底，一來就一開邊。我開頭有點驚訝，點解開邊既。打完個卡之後，佢地就幫我們剪開。其實都好既，証明真係完整一隻嘛。不過剪就剪到d殼碎晒，落晒d伊麵度。龍蝦話約14襾，都好厚肉的。炸子雞係屋企到酒樓晚飯必點，不過呢度炸得一般。同埋佢斬雞竟然冇斬個雞轉彎，係一隻雞中翼連尖咁，唔過癮。乳鴿都ok，夠味，岩岩上都脆皮的。海星斑仔 ＄288仲有點左盅湯，姬松茸赤肉螺頭湯。不過好油，唔太岩我口味。金銀蛋莧菜就一般，都沒有影相了。食完有糖水送有紅豆沙同南瓜露。…查看更多

媽媽是印尼華僑，以前都有跟媽媽返去印尼過暑假。出來做野之後就沒有機會返去了。這間餐廳都係我同媽媽經常來吃，只要諗唔到食咩就會來。今日點左個撈麵這個印尼撈麵同即食麵果隻就當然不同啦。這個是印尼華僑聚居地Singkawang撈麵。入面有魚旦，炸豬皮，魚旦，豆乾，豬肉，芽菜。佢地口味多數都係會放辣椒醬同白醋去撈埋一齊除左撈麵都仲有撈河粉，或者湯麵同湯粉。不過我都係鍾意撈多。另外點左個Rujak 客家沙律好多人食印尼菜多數點加多加多，但我更愛既係RujakRujak係一種蔬果沙律，多數都係菠蘿沙葛青瓜，重點係果個醬汁。野食都係食華僑既情懷，不過這樣既坐位係少同迫。到星期六日或者Lunch時間都會好滿人。…查看更多

訂到賞你住Staycation$770-$500房連早餐😎然後自己係eshop買左Lunch $287.3/位之前都食過佢既午餐，果陣星期日都冇咁多人。今次閒日都幾多人下。午餐凍海鮮有蝦，蟹腳，2款青口，麵包蟹，生蠔凍海鮮都新鮮，生蠔都鮮甜，我唔鍾意加cocktail醬食，加左少少檸汁，係鮮既。刺生有三文魚，吞拿魚，雕紅魚，我都係唔食，只係點左蝦同希靈魚。蝦我覺得凍海鮮果種好食d,可能我鍾意食熟食多。希靈魚正常。熱食款式都多天婦羅，都係素食款，不過紫菜天婦羅好好食，好似零食果種，自己加d味粉。喇沙，我要個走米粉的，入面有生菜，青口肉，蝦同龍蝦肉，叫師傅多芫荽，再自己係隔離加炸乾蔥。個湯好濃味，再加埋芫荽乾蔥好好味，惹味。😋😋😋有個印度師傅即整簿餅，食左個原味，同一個香蕉薄餅。簿餅好鬆好食，最重要係師傅煎完最後拍拍個幾下。香蕉薄餅好好食，加香蕉，練奶同沙糖。煎完又有d焦糖味咁。我真係好鍾意食這個甜餅😍佢仲有雞蛋薄餅同見到有人點左個香蕉花生醬，但真係食唔到，下次要再食。然後到熱食薄餅前有咖喱，咖哩雞沒特別好椰汁唔辣，咖哩羊我唔食，咖哩海鮮好驚喜，有三文魚魷魚，重點係佢個汁好好食，好有香料味，仲辣辣地。😋😋😋煎三文魚，這個幾好食，唔會煎到散晒又唔會焗到出晒汁咁牛脷，都厚，但又夠淋，味道就係牛脷有牛味咁。如果有點汁或者鹽燒咁就更好。牛尾，好夠淋，這個汁又好食，有點想送白飯食。😆燒牛肉，沒有落醬，就咁食乾乾地，都ok既。炸鮮奶，這個可以skip左佢，個炸漿炸完太油了。🤔仲有一條好大條既炸魚，淋左洋蔥既甜酸汁。魚咁大條都唔知從何夾起好🤨，不過真係炸得好透，皮好脆口。肉都ok，實實淨咁。配埋洋蔥同汁係好食既。其實仲有其他熱食，有點心小龍包果d，仲有其他炸野，中菜咁。不過我冇太大興趣就沒有食。甜品就款式不過不失，如果佢可以做到一件件或者一杯杯咁就好d,下下咁一兜兜自己筆，到後尾係唔好睇。朱古力慕士蛋糕好好食，濃濃既朱古力😍。芒果拿破倫芒果夠甜，餅底又唔太甜，岩岩好。仲有個芒果班蘭蛋糕，班蘭蛋糕好食。仲有個芒果大菜糕咁既甜品都好食。其他甜品就麻麻地嚕。雪糕有movenpick,同哈根大師既雪糕批😍😍😍。仲有一條長枱既沙律吧，都好易遺忘左，到我想食又好飽了🐷。飲品有咖啡茶果d，仲有罐裝汽水，有cokezeor,對我來講好重要😏😏😏。午餐自助餐這個價錢都多野食，不過拎野食個位真係好迫😟入左個個圈有種入左結界既感覺🤫🤫🤫左邊排緊剌生右邊排生蠔，原來中間有生果....都發現唔到添。感覺2條龍尾撞埋一齊了🤜🤛我都係尾段先去拎果邊既野食，咁就鬆動好多。🕺💃早餐相比琴日lunch沒有太多人既場地，係好舒服。正路野蛋腸煙肉麵包多士，有多種小瓶果醬。有沙律菜火腿有小杯杯乳酪，有3，4種味。有生果西瓜菠蘿哈密瓜蘋果橙有點心蟹粥麥皮，食左一碗麥皮，水煮麥皮，好健康 😅。同多款穀類早餐我最鍾意係香蕉糕同鬆餅，好好食。西式包點都好吸引，有牛角包，其他酥咁。不過早餐都食唔到太多了。…查看更多

話說譚仔出左芫荽餐，芫荽愛好者就去試下。之前食佢既魚湯脆肉鯇米線都覺得好味。芫荽皮蛋脆肉鯇魚湯米線加3蚊芫荽山我覺得份量充足，3蚊芫荽山另上。一來試啖頭啖湯。清清地都幾好味，係有d魚味既。本身都有少量芫荽係面，皮蛋都好足料，感覺食極都仲有。脆肉鯇唔會太熟，口感嫩滑。肉質脆實，唔會散晒。芫荽山係自己堆砌出來的。豬膶重慶酸辣大辣小妹試一啖湯覺得好嗆喉，男友覺得唔夠辣，只係覺得入面有好多辣椒粉，但分揮唔到辣既感覺，豬膶太熟，不過整體都好食。麻辣豬肚有花生芹菜芫荽撈埋好好食。試左杯香荽青檸雪碧入口清新，但又飲唔到芫荽味。如果係香荽青檸梳打，冇甜就更好。…查看更多

一講食素食自助餐，我會去每日。試過好多間，都係呢間值得推薦。佢有好多涼拌菜，最愛是涼拌竹筍，可惜今日沒有。今日有拍青瓜，雲耳，酸蘿蔔，麻醬波菜，酸薑皮蛋。然後又有d好特別既小食，好似紫薯蓉波，花生脆蘋果，焗蕃茄。呢d都係d好有心思既素食，餐廳唔係求其煮就算，都有意思。好睇又好食啦。漢堡包，這個都幾好食。沙律牛角包，這款第一次見。好好食，又好睇。仲有呢度d煎炸物都好好食，唔會好油益。有炸芋頭春卷，炸雲吞，椒鹽粟米，炸豆腐，蘿蔔糕，黑椒薯仔，炸藕餅（唯一唔好食）沙律吧都有好多款式，仲有不同醬。有藕尖，有驚喜。甜品都好多款式，有綠茶豆沙餅，黑芝麻卷，斑蘭蛋糕，紅豆糕，楊枝金露，紅棗糕，薑汁糕，我最鍾意佢既香蕉糕。仲有綠豆沙，有湯，有胡椒枝竹咸菜湯，碗仔翅。其實仲有好多熱盤，不過我冇太大興趣，只係食左炒麵炒飯。，下午茶68蚊位。每日好在佢唔會刻意整d假肉去滿足素口唔素心既人。每款款式都係純素，冇假肉偽肉。唯一唔好既係位太迫，坐位同拎食物位置太近。…查看更多

又係樓下揾食，其實都會真係冇乜好食。行過見到佢做澳洲龍蝦11.8襾，就吸引到男朋友。仲有嘉士伯做緊18.8支見侍應枱枱都介紹澳洲龍蝦，我們都係一心想食。都想揾隻大d食。出去魚缸自選，揀左隻生生猛猛既，岩岩好2斤。我們選擇用蒜蓉蒸肉質夠甜，口感彈牙。蒸又唔會過晒火，又唔太老。連d鬚入面既肉都係彈嫩滑。蒜蓉豉油又好香好惹味。南乳吊燒雞 優惠價70蚊半隻，140一隻，好公道。好好食，d皮係好脆，唔似某d地方炸到個皮好濕軟淋淋咁。呢雞唔駛點醬都好好食。而且呢個價錢係好抵食。4頭鮑魚，118蚊隻佢有35蚊10頭同4頭118，都食開就食豪d嘛。鮑魚有手掌心咁大隻，切開好嫩滑，蒸得唔會過晒火而老同un。食又夠鮮甜，好彩叫左4頭。食得好開心，好滿足最後2個人飲左5支啤酒，3樣餸埋單＄888好豐盛既一餐，帳面睇都貴，但睇食既質素係超值。比食自助餐開心抵食，最重要食到自己鍾意食既野。開心仲有師傅係有料，蒸海鮮控制得岩岩好。鮑魚龍蝦蒸得嫩滑鮮甜，唔會過火…查看更多

呢排見網上成日有人講呢間點心放題，見openrice可以即時訂到枱又有9折就來試一下嘛上到樓上其實d位都算迫迫地，不過我們2人都左右枱都2人又ok。點心紙，蒸類即點心比較少。味點廚點比較多。每枱都必點乳鴿，有紅燒同滷水，我們來2隻紅燒。上菜好快，一陣就有得食。乳鴿熱辣辣，炸得好香脆酸蘿蔔，好開胃，醃得好夠味，之後都有再點。勳蹄，普通，如果有醋點就更好味。麻辣豬肚絲，木耳絲好爽，麻辣味惹味，之後都有再點。蒜泥白肉，蒜泥好香生蒜味，味道不錯。酸薑皮蛋，真係流心皮蛋炸釀蟹蓋，釀既係魚膠果d朋友。似凍貨舖買氣炸鍋之選。干煸四季豆，好惹味，四季豆走油再炒，如果有欖菜一齊炒更正。燒賣，睇落去大大粒，入面啖啖肥豬肉。蝦餃，皮厚餡肥魚翅餃，皮唔好食，餡有點怪，好似梅梅地咁既口感。牛肉球，呢個好食，因為係平時出面腸粉檔食果種，我鍾意炸雲吞，香脆，如果有醬點就好蔗蝦，冇特別，氣炸鍋之選既朋友炸豆腐，係平常酒樓食到既豆腐，好食，唔會太咸。避風塘青口，成隻青口連殼炸。炸蒜都好香，幾好食。欖角排骨，好似自家制叉燒咁。味道係不錯，甜甜地又有欖角味。不過肉太肥，食唔到。口水雞，都唔錯，個醬香香辣辣。大富豪炒飯，有蟹籽，蛋白同埋有d碎濕濕的真蟹肉。炒得好有鑊氣，但真係太油，粒粒飯都比油包住。不過2個人都食晒一大碟仲有點左南瓜餅，香芋地瓜丸子，這2樣是平時d放題都有的，好食，都係氣炸鍋之選。順德奶奶卷，即係炸鮮奶，都幾好食，可以試下，平時出面少食。甜品叫左炸饅頭，炸得唔夠脆，只係個面金黃色。不過欣賞佢配大量煉奶。成粒饅頭浸入去都得。桂花糕，清清甜甜，幾好食。紅豆杯，一個膠盒仔上，唔太甜有椰奶香味。總結，佢地自己都叫自己蒸類點心為求其點心，都好老實。我諗都係外賣攞貨，d公仔蒸包包都見超巿有賣。其他既炸野，乳鴿，小炒類就好食既。埋單每位148連茶錢，任食都算不錯，唔吃得上話好好食，但都滿足的。另外，呢度d員工服務都不錯，其實任食要不斷上菜都好忙，但都唔係黑口黑面。上菜速度又快，野食都係熱辣辣。…查看更多

食晚飯完飯，想食甜品。見到呢間店，其實想試好耐，不過成日都太夜關左門。今日初試一下，買左招牌焦糖海鹽＄50面頭有焦糖脆脆同埋焦糖爆谷。焦糖脆脆好食，爆谷有少少淋左，唔太脆。然後有點咸咸地既忌廉芝士，唔知係咪加左海鹽呢，這個好味。中間就係牛奶冰，綿綿冰的感覺，不過覺得好重練奶味，所以有點甜。最底有牛奶布丁，仲有點焦糖係底。布丁都好滑，唔太甜。其實成杯野又唔係太重焦糖味，煉奶味重多。有點不似我想像中好濃郁嘅焦糖味。佢又唔夠味，但又好甜。感覺好似有點到喉唔到肺咁。可能呢款配d清新味道會夾d。我覺得焦糖海鹽配這個冰就失色左。…查看更多

想揾個地方坐下食下野飲下酒，都會來薩莉亞。一支白酒八十幾蚊，坐餐廳來講係好平。仲有好多款既小食可以送酒，這個係唔錯。今次點左甜蝦沙律，雞翼，仲有新既明太子芝士薄餅。沙律同雞翼都係一路既水準，唔多講。明太子芝士薄餅係新出，我這個明太子愛好者，見到就點。明太子醬唔太平均，所以切完有d會好少醬。明太子醬咸咸香香咁，配芝士又好味，日式薄餅。比佢地個明太子意粉更好食。下次可以再點。魷魚田螺送酒小吃，我好鍾意食田螺面既蒜，好香好惹味。…查看更多

陳儀興食左好多年，每次有人話想食打冷我必推薦。人生第2次食司奄，上次食係泰式，烚左岩岩熟，開左口。今次係生醃，第一次食連開殼都唔識打開好紅，都有點驚驚地。但食落去原來好鮮甜，比半熟仲好食。上次食泰式都仲有少少腥味，但呢個係完全冇。所以都有不停食。蠔餅每次來都必點的，好大份的蠔餅。香口又脆口，不過真係要襯熱食。小炒皇，完全係鑊氣之選。蝦乾銀魚仔好香口，韮菜花嫩口唔老。腰果花生食落好滋味。食唔停咁。送酒一流。椒鹽白飯魚，又係必點食物。粉又唔會厚，炸得又乾身，椒鹽又香口。又冇骨，一口接一口，啖啖肉咁食。啫啫排骨煲，點呢個係一個錯誤。我本來想點既係砵酒焗骨粒，但記錯左。因為唔係自己想食既野，所以味道麻麻。最後5個餸，5支大啤埋單＄616…查看更多

泰國咁多間泰菜，呢間係openrice係少人寫食評。門面裝修簡單，一間唔顯眼既泰國菜。但價錢親民，又好食。今晚2個人食，本身想食燒肉放題飲啤酒，最後都係去左九龍城食泰菜，放題式咁點菜食。1. 司奄（螄蚶）男朋友一見到有司奄就話要點，我本身未食過。第一次食。焯到岩岩開口，剛好熟，仲有點血。其實有少少驚驚...但食落去又幾鮮味，暖暖地。有d海水味咁。配埋個泰汁一流。2.沙嗲12蚊串，外面買一串都唔止呢個價，仲可以堂食。抵到極。4串起，點左豬牛雞腎各1串試下。沙嗲汁甜甜地幾好味。豬肉有驚喜，少少燶邊好香口。又唔會好啖啖肥豬肉咁。好好食。牛肉麻麻，感覺乸到d肉冇乜質感，可以不點。雞肉正常，不過不失。腎好大嚿，係好抵既。但太大嚿好困難咬。如果切薄d會更好。因為飲酒關係，我再點多次沙嗲今次2串豬墨丸牛丸墨丸係好難食，一團粉，冇口感冇墨魚味，冇魚味，蛋旦都不如。牛丸細細粒，有d似泰國食既豬肉丸，幾好食。3.牛肉生菜包以前食過豬雞蝦既生菜包。今次就試下牛肉。生菜包都係豬好食，牛肉有d粗，唔夠香。不過好彩佢d香料夠。4. 柚子蝦沙律酸酸甜甜好好味，柚子又好食又夠甜多汁。沙律汁唔會太咸，岩岩好。蝦就普通雪藏蝦啦。成個夾埋就好好食。開胃。5. 炸蝦餅蝦餅係我食泰國菜必食的。呢間雖然開一半，但都好大碟，份量好足。好姐食。送酒一流。6. 泰式炒粉絲晚餐又想食d主食，又唔想食好飽肚既野。點左個炒粉絲。有肉碎同蛋仲有d菜。好夠鑊氣，蛋好香。加點辣汁仲好食。我記得呢個係48蚊，好抵食。7.燒鰂魚魚肚中間放左香茅香葉等既香料一齊燒。一來到香噴噴，啖啖肉。貼住魚皮既肉仲正。好想連埋皮食。但又有魚鱗同好多鹽，都係冇食到。但真係必點燒魚。最後2個人放題式咁食左8碟野，4支大啤。埋單＄616。有點誇張，但又好滿足。咁樣食開心過食放題或者buffet。又可以慢慢坐，冇限時又冇人趕你走。開心的一餐。…查看更多

話說去Staycation, dining credit 仲有三百幾蚊。4點先Check out,食完早餐又唔係好餓，咁就去龍苑食個簡單Lunch. 果日朝早先訂位，都仲有位。2個食點左3款野食1. 蝦餃，皮薄餡靚，有大粒蝦。唔又蒸到軟淋淋，有水準的。2. 春風得意腸粉食過其他酒店或者酒樓都覺得好好食，咁就試下係度叫啦。入口，第一感覺好食，入面係好似炸羅漢齋咁。d油味重，個腸粉皮又唔好食，好厚又唔滑，感覺好粗糙。這個有點失望。3. 蒜香帶子蒸飯細細籠，2至3人食岩岩好。面頭有炸蒜有走過油既乾瑤柱，令成個飯清淡得來好香。飯底又唔會蒸到好濕，乾乾地，粒粒分明。帶子切細粒，唔會蒸過火，都好鮮甜。…查看更多

Staycation 包1250餐飲消費12點Checkin就去食lunch buffet入場冇乜人，好闊落，枱與枱之間都有鬆動，唔會出出入入都忙撞到人。又唔迫。前菜凍食都有幾多款，牛旁泡菜好食。仲有柚子沙律，一粒粒好得意。蝦沙律杯，幾精緻。海鮮由職員夾，其實咁樣幾好，唔會好似其他buffet咁搶。又舒服又唔迫人。拎左蟹腳同蝦熱食都幾多款，燒牛脷串好食，夠淋又香。正方形果塊係一大條肉卷切出來。好似午餐肉咁既味，但又幾好食。有趣！有咖哩魚旦，雖然係平野，但係平時間係唔會買來食，所以有得食就好滿足。甜品都ok,不過唔算太多款，但都夠食。呢度閒日Lunch唔多人，拎野食唔駛同迫又唔駛排隊好舒服。但食物就唔係話咩貴野，不過都夠食同岩食。想揾地方坐下同朋友傾計又食下多元化野都係唔錯選擇。…查看更多