fafa_haha的個人專頁

見評語幾好，環境又靚，帶埋長輩去慶生，但絕對失望及後悔，佢哋嘅九流服務，的確可以令你無明火起 🔥🔥🔥1. 首先一入去都未坐低，已經問你開唔開acqua panna, 我問佢有冇tap water，個侍應直接走咗; 之後另一個侍應行埋嚟，再問我哋開唔開 acqua panna, 咁我又問多佢一次有冇tap water, 佢話你地可以開茶，但長輩說不想飲茶，因怕晚餐瞓唔着覺，我哋話想要水，個侍應話只能夠開acqua panna（$68/枝）， 但最好笑係咩呢，買單結果都係要每人收返茶錢，每人廿幾蚊🤬🤬🤬2. 隔籬枱有架輪椅定BB車要入，所以要拉開張餐凳，個侍應講都冇講聲，直接將張餐凳攝喺我同位長輩中間，之後我叫佢拎走，佢竟然唔拎走，話俾我哋擺袋，但我哋冇話呢個需要，跟住同另一位在場好似高級少少嘅講，佢仲問返我哋係咪需要拎走張凳，直至同有位叫Terry嘅講，佢先至有處理😒😒3. 我哋全台都係嗌咗嗰個所謂廚師精選套餐，但啲侍應好似唔知個套餐有啲咩咁，上菜問我哋係咪嗌咗某種款式嘅菜，我哋話我哋係嗌咗個套餐，但佢哋唔知個套餐有啲咩🤷🏻‍♀️🤷🏻‍♀️4. 跟住啲侍應上菜仲特別，佢哋係企定係一個位，唔會轉位，跟住將碟菜哼一聲飛落你枱面🤯🤯🤯 5. 到收餐具一樣，企死一個位，伸長晒條腰跨過你面前收，但手唔夠長，放返啲食過嘅餐具喺枱面就沾到我哋另外未用嘅餐具，雖然我哋係一家人，但都唔會期望佢哋咁樣將啲口水交叉沾染🤢🤢🤮6. 佢哋無論收菜同上菜都好特別，唔會問你食完未就收咗你碟菜；但你食完咩，佢又唔係即刻收，到佢上菜嘅時候，你唯有自己拎開已經食完嘅餐碟😵‍💫😵‍💫7. 明明佢哋就係有餐廳嘅通道，但個座位後邊好迫嘅罅縫，佢哋都要攝過去，因為可以行短啲路，但食緊嘢嘅時候我哋張凳就俾個侍應一手推開咗🫨🫨🫨🫨我好後悔當初嚟呢度冇睇負評，大家睇返嘅話，全部都係彈佢哋嘅服務，其他細微細眼嘅我冇列出嚟，就係佢哋大部份侍應甚至部份高級啲嘅侍應態度都係非常傲慢。但講返句公道說話，餐廳入邊有個年紀望落都幾老嘅同埋另外一個叫Terry，呢兩個侍應應該係高級少少，佢哋嘅服務態度係OK嘅。至於食物，我覺得不過不失，個套餐有幾樣嘢係好食嘅：斑球、湯、牛肋肉我哋連埋額外叫嘅茶水、甜品、仲有一杯跟餐白酒，呢餐人均9百幾蚊，但衰過大排檔嘅服務，一定永不再來☠️☠️☠️…查看更多

今晚叫左呢枝酒，真心覺得呢個地方係一個幾chill嘅地方 ～呢度嘅酒係有質素嘅，睇返個價錢，其實mark up唔多～反而平時嗰啲餐廳嘅走，真係閒閒地Mark up三四倍～所以佢雖然望落係貴，但佢唔係賺你好多；其他係平，但係自己買可能四需要四分之一至五分之一價錢，咁邊個先係賣得真正嘅貴，而邊個先係有質素，唔使畫公仔畫出腸啦～呢度係無限時間嘅，有梳化，有海景，喺度慢慢嘆，喺香港的確少見～如果店員可以主動啲介紹吓啲酒，就會更加好～…查看更多

Black sheep 嘅餐廳呢就一向都唔係食味道，而係食裝修、氣氛同埋格調。抱住呢個心態去食，就知道係食啲咩，同埋唔會對食物有太大嘅期望。去到食lunch，差唔多成場滿座，侍應又幾好咁，個體驗都OK嘅。食物果方面，正常嘅水準，唔會難食，當然亦都唔會好驚艷啦，純粹想食一餐有氣氛嘅西餐，係okay嘅～如果要對啲食物比comment，個人認為個burrata 可以做新鮮啲,話晒都打正旗號食意大利菜，新鮮嘅burrata係非常嫩滑，如果係硬咗少少，其實已經相對冇咁新鮮㗎啦～…查看更多

又嚟一間好多好評，但其實名過其實嘅餐廳。點講好呢， Standard嘢一定有，例如海景、有人同你介紹食物、有懶特別嘅食材（相入邊蕃茄嗰碟個蕃茄，係主廚嘅媽媽喺法國嘅花園種嘅🙄）～但問題係成件事好冇heart. 成個大堂，好似人手好不足咁，啲侍應係要急急腳咁傳菜；一碟菜未食完，竟然有個侍應打斷，突然之間上菜（ what!? 米芝蓮三星？）；每一碟菜都有介紹，但個背書速度係快到聽到聽唔切，背完就走（真係standard procedure喎) 食物就不過不失啦，有一個女侍應叫Anna，佢好有heart嘅，但全場得佢一個人係咁，人均消費三千幾～未試過可以試吓，但我就唔會再有下一次囉🫠…查看更多

到而家已經寫咗幾篇食評，我真正會比好評嘅，真係一啲都唔多，搞到我都懷疑自己係咪要求過高。對於我嚟講，茶餐廳就俾返茶餐廳質素，米芝蓮食府就應該俾返米芝蓮質素，並唔能夠因為光環或者平貴，去評定一間餐廳食物嘅好壞。甬府呢間餐廳，係由你一入門口嗰一刻就已經提供緊一個非凡嘅用餐體驗，有專人帶你去專屬嘅房間，房間入邊有專屬嘅廁所，而且店員細心講解每一碟菜式、食法、適當嘅時候會離開，又會係適當嘅時候返返嚟。最重要最重要：係佢食物嘅質素！唔單止將精緻嘅菜式做到極緻、就算平平無奇嘅食物，亦都係可以帶出前所未有嘅味道，令到成件事嘅體驗好新鮮，亦都好滿足！好嘅環境、好嘅服務、新鮮嘅食材、一流嘅烹調手法，造就左滿足嘅一餐 ！我哋一行四人，平均每人食咗二千幾蚊，但踏出門口嗰刻，大家都覺得值得😋…查看更多

原本嚟呢間餐廳，因為個廚師嘅名銜好勁，睇報道話喺日本駐美國芝加哥領事館擔任首席廚師，所以滿懷期望。可以食到日本領事質素嘅食物喎，唔係講笑😂但入到去，發現間舖頭嘅衛生程度，就一般啦，未去到日本人所謂嘅乾淨。另外，我哋個主廚係一個女人，其實佢煮嘢食都有工架，但係就好似好趕時間咁，非常嚴肅，整完一樣就一樣，同客人之間完全冇交流。整完就直接收工。味道方面，食材係新鮮嘅，而且以份量黎計算幾抵，但調味就一般，主要都係鹽、黑椒、牛油。其實一般鐵板燒都係呢哋，但呢度d食物就唔係好入到未。由於廚師又嚴肅，又非常趕，所以餐飯都食得我好緊張，唔係好放鬆到🫠一餐飯放鬆唔到嚟食，其實都幾冇癮～…查看更多

以材料嚟計，呢間嘢嘅食材係OK嘅，睇得出餐廳都好肯訂啲時令食材；但係廚師嘅料理方式唔多，未能夠好帶出食材嘅味道，而且處理壽司嘅技術一般。價錢方面，我哋一行四人食lunch，食$800嗰個餐，四人同行，一人免費，平均每人六百幾蚊，以香港嘅omakase嚟計，其實算平。至於服務，可以講係零。幾個廚師同店員都後生，可能因為咁，比較隨意，無論招呼定係其他細節位，都係令我O嘴嘅🙈總括嚟講，食完唔會滿足，但又唔可以話係全唔值嘅一餐😮‍💨…查看更多

一路見網上食評，啲人話呢一間嘅素菜整得好出色，又講到味道好像真，所以同朋友嚟試吓。好可惜，基本上每一個「扮肉」嘅菜式，都係用相同嘅香草同調味調出嚟，所以味道基本上係冇分別～～另外，個威靈頓牛柳其實本身都好期待，好可惜佢撈醃料嘅時候撈得唔均勻，變成舊肉有部份係極咸，當然亦都有部份肉嘅位係OK～最後，成餐得個甜品覺得係OK嘅～～整體來講，佢嘅餸菜擺盆係OK嘅，但服務都係好一般～～其實我哋食完之後係有少少想反映意見俾啲店員知，等佢哋知道有啲咩位可以注意或者考慮留意一下～我見我哋後面嗰台都係成舊威靈頓牛柳食淨一半有多～好可惜，佢哋個樣係冇諗住聽我哋講嘢，咁我哋唯有拜拜～～冇下次👋🏻👋🏻…查看更多

This is my first time to wrote comment on OpenRice. I wrote it because it is such a nice restaurant and I was surprised that there were only a few tables after I had a dinner at their restaurant and knew its quality. I want it to keep the business so that I can keep enjoying the food there.My friend and I had a birthday celebration at this restaurant on Tuesday night. We ordered a portion of striploin and a meatball linguine. The striploin is crispy on the outside but tender inside, the aroma of the charcoal blended perfectly with the taste of aged steak. I think it is much better than the Mortons in TST. I am not a big fan of meatballs, but my friend order one. The meatball is so juicy that I can eat more than one and you can taste that it is not the frozen one. We had a great night there. The staff and the environment are all very nice. Being a resident of the Osouth, I can say that it is one of the best and must try restaurant there.…查看更多