sandyorhk's Profile

同事今日退休請食散水餅由於非常近公司，就喺中環站，款式又多，個樣又靚，同事話買呢間餅舖蛋糕做散水餅。佢哋嘅戚風蛋糕，非常之吸引女士，顏色同埋花款都好粉色系列。有啲配搭水果，有啲配搭食用鮮花。都係一個靚字，一定會影多幾張相打卡！我揀咗粉紅色石榴香梨$65。味道清新，蛋糕唔算太甜，下午茶食啱啱好。價錢唔可以話平，但係一個人食實在太多，所以我同另一位同事share啱啱好。兩個人乘除番開，其實又唔算貴喎！呢間餅舖有好多分店，梗有一間喺左近，未食過可以試吓。…Read More

行遠啲慢食午餐同朋友share以下菜式 LUNCH MENUVITELLO TONNATO rocket .capers。shaved parmesan吞拿魚醬薄牛仔肉GRILLED OCTOPUS glaze onion.romesco sauce扒西班牙八爪魚配香辣紅椒汁LOCAL YELLOW CHICKEN mushroom fricassee香煎本地三黃雞$ 268 GRILLED IBERICO PORK RACK chimichurri sauce西班牙黑毛豬$ 278 有餐包加餐飲…Read More

喺小西灣開咗冇幾耐嘅樓上Cafe。幫襯過兩次店仔，細細，主要係做熟客，或者唔想飲連鎖咖啡嘅客人。估唔到除咗咖啡之外，仲有甜食，鹹食，單價喺屋村來講唔算平，但係勝在咖啡，熱食即煮即製。我order 過 flat white 第一次係試flat white - fruity 第二次係試flat white - nutty 男性店長會講解咖啡來源同埋味道。第一次，由於舖頭比較多人，我攞走。第二次，有枱可以坐低慢慢飲。住小西灣嘅街坊想飲有質素嘅咖啡，可以考慮吓。…Read More

係G.C. Bakey買咗個丹麥酥之後，原來攞住張單去買咖啡，有九折。買咗個蘋果栗子丹麥酥之後，見到側邊佢哋有幾張枱凳咁啱有人離開有位，我就順便買埋杯咖啡慢慢嘆。實除咗佢哋啲位之外， food court都有啲位可以坐低食。我order咗杯flat white 8oz, 佢哋嘅咖啡味道不過不失，未去到好impress, 未試過都可以試吓，佢哋嘅咖啡受歡迎程度，一定唔及佢哋嘅麵包啦。所以買咖啡係唔使排隊嘅，因此我建議大家先買完麵包，先慢慢去買咖啡。…Read More

今日出咗去尖沙咀行街，喺K11 Musea醫肚。G.C.一向都要排隊，加上今日係星期日，條龍都好長，好多人好似唔使錢咁起勢咁買。所以佢哋個貨架上邊其實冇乜存貨， 啲麵包一出籠就爭住攞，熱門麵包更加係一掃而空。今日我冇食牛角包，選擇左蘋果栗子丹麥酥，一條大大條好重手，可以分成三件，價錢係$54。我即刻食咗一件，由於唔係新鮮出爐，已經凍咗，但係依然鬆脆，個餡非常之豐富，有栗子同埋蘋果，我就覺得栗子稍為偏硬。整體味道還可以。返到屋企用氣炸鍋加熱左之後，好食。…Read More

今日忙到3:00先至食快餐。今日主打試新嘢叫咗一個將軍漢堡餐薯條換粟米飲品轉咗白桃冰雪乳酪White Peach Yogurt Frappé見到有個抹茶豆乳批，$10 ，加咗一個。白桃冰雪乳酪White Peach Yogurt Frappé 好飲，味道好夾，乳酪味唔算好重，甜度適中。抹茶豆乳批，味道都幾特別，抹茶嗰邊甜甜地，豆乳嗰邊鹹鹹地，大家有興趣，不妨試吓。主角將軍漢堡，我自己覺得醬汁稍為偏甜，如果再食會選擇少汁。…Read More

CWB店自從通返關之後門口重新出現長長嘅排隊人龍，每次經過見到咁多人排隊，都打退堂鼓。所以今日lunchtime （星期一，1點左右）咁啱經過，見到得三四個人排隊，即刻順手過去買返五個蛋撻，同同事分享。之前食過好幾次，味道唔錯，價錢都可以接受，每個蛋撻價格係$12。5至10分鐘就買到比完錢走得，因為lunchtime 食飽咗，所以留到下午茶時間先至食。建議如果凍咗，可以氣炸鍋，或者焗爐，加熱返，口感同味道會更好。…Read More

江浙滬喺尖沙咀，樓上鋪餐廳，好難吸引顧客，地鋪實在太多選擇，地下嗰個派傳單姐姐，非常之落力，咁啱又想食上海嘢，所以想去試吓。午餐$7-80 +1，包一杯嘢飲，一個小食，同埋一個主食。少咗一個炒年糕，分量充足，材料除咗年糕之外，仲有肉絲同筍絲，調味適當，唔會太鹹。另外叫咗一條小黃魚，由於係即刻炸魚，時間稍為要等耐少少，另外包一個白飯。 其實條黃魚都唔算小，非常之大條，兩個人食，非常足夠 。小食叫咗水晶肉同埋小籠包。我叫咗熱豆漿，但係唔係熱嘅，係室溫。整體而言味道唔錯，價錢合理。…Read More

喺中環返工，大家都知道搵食艱難，平平哋百零蚊，喺中環其實真係有唔錯。餐廳唔算大，一至五過嚟食午餐，最好book位，啱啱坐低冇幾耐，門口就要排隊啦。餐廳有配搭好嘅aLl day breakfast 選擇，亦都有意粉，我選擇咗跟隨自己嘅口味自由配搭aLl day bread 食材。我個餐有兩塊多士，牛油果，炒蛋，蘑菇，泰式炒牛肉，雞肉，份量足夠，朋友點咗個意粉，味道唔錯。配搭一杯咖啡。午餐啱啱好。食物係即時處理準備，所以等餐時間稍長，建議有充足時間午餐時間，可以試吓。…Read More

相對低食泰國菜香港地幾廿蚊食個午餐，除咗茶餐廳，食粉面，選擇其實唔算多。銅鑼灣呢間泰國菜，午餐有好多選擇10幾款，價錢有$63至$68 +1 ， set lunch 包括泰式雜菜湯（味道有啲似冬陰功，份量細細碗，唔怕食到太飽，食唔到煮食），有一杯免費飲品，可以選擇龍眼茶或龍眼冰（其他泰國餐廳可能呢個係特飲，要額外加錢，但係呢度唔使，仲有其他飲品選擇可以加錢）主食，我就選擇咗曼谷炒米粉，份量足夠，熱辣辣新鮮炒起（略嫌乾身咗啲），整體味道唔錯，抵食之選。係銅鑼灣，不妨可以過嚟試吓，手機落單非常方便。…Read More