kathryn's Profile

同朋友慶祝生日，見呢間餐廳評分咁高（Google 4.8分！），滿心期待去試，結果有啲失望⋯⋯ 我哋叫咗個二人餐，但上菜速度快到有啲離譜，未食完一道，下一道已經上咗，搞到食得好趕。 🍽️ 食物點評：✅ 生蠔：新鮮好食，加埋特製檸檬啫喱，味道幾特別！ ➖ 刺身普通，冇咩驚喜，正常發揮。 🐦 串燒味道OK，但上菜時已經唔算熱，可能因為未食完上一道菜，放多陣就凍咗，扣分。 🍜 海膽櫻花蝦素麵精緻，幾有驚喜，不過對我嚟講鹹咗少少。 ❌ 甜品（桃味蒟蒻）最伏！一入口係假桃糖水味，蒟蒻本身又冇味⋯⋯ 環境服務：▪️ 坐吧枱下層，得兩三枱客，冇乜氣氛可言▪️ 上樓洗手間先發現樓上滿座，氣氛明顯好啲▪️ 侍應冇主動添茶，叫完先加...仲要係凍茶總括嚟講，食物質素有好有壞，但以4.8分嘅高評嚟講，我期望會更高。可能我哋撞正唔好彩？不過朋友生日飯搞到咁，真係有啲掃興⋯⭐ 個人評分：3/5（唔算難食，但唔值4.8分）…Read More

同屋企人慶生，菜式特登揀咗大家都鍾意食嘅pizza！我哋點咗Dinner set for 4，另外加咗牛肉他他同pepperoni pizza～個人覺得整體都好食嘅，推介：🦞 龍蝦濃湯伴蟹肉濃郁龍蝦湯底熬煮出海洋精華，蟹肉鮮甜🐮 牛肉他他我嘅最愛，新鮮牛肉配上香脆法包太滋味🐙 西班牙風味烤八爪魚呢個好有驚喜！八爪魚外脆內嫩，搭配特色Romesco醬，味道特別又好味🍕 Pepperoni Pizza小朋友最鍾意食呢個！餅底用意大利石爐烤製，好脆口！我都未影相就已經一人一件冇哂😅🦞 龍蝦汁大蝦意粉每條意粉都充滿濃郁龍蝦醬汁，大蝦爽脆彈牙，連平時唔食海鮮嘅媽媽都破例食咗🍰 ⼠多啤梨意⼤利⾺卡邦尼芝士 士多啤梨鮮甜多汁，用脆乳酪與蜂窩糖增添趣味口感！特別感謝貼心的服務團隊，知道我們慶祝生日，送上不同的驚喜！…Read More

又為食、又貪靚又想身體好，呢個下午茶滿足我多個願望！唔好以為下午茶細細件食唔飽，呢個tea set就連大胃王都照顧到！✨ Paper Moon聯乘LIFE YOUNG推出🌿《綠韻物語下午茶》 於菜色加入綠色食材，帶嚟清新嘅感覺！☕️ 先講打卡3層架，共有10款咸甜點，我自己就鍾意呢幾款：🍴 香草吞拿魚伴牛油果蛋黃醬清新輕盈🍴 意大利青瓜鹹芝士蛋糕卷伴三文魚子口感豐富，鍾意濃郁芝士味+青瓜配搭，食完想再encore 🍴開心果忌廉脆捲筒，開心果控一定like！香脆又好味🍴迷你朱古力心太軟，香濃朱古力令人無法抗拒🍽️ 鐵板肉眼扒伴薯角同即烤意大利青瓜、菲達芝士香草披薩真係熱辣辣🔥上枱！ → 薯角脆卜卜蘸阿根廷青醬，檸檬酸香中和油膩感，啖啖肉汁真係好juicy→ 即叫即烤嘅意大利青瓜pizza 🍕餅底好脆，同鹹香芝士+ 青瓜味道超夾🍸 特飲Yuzu Matcha Soda好有驚喜！柚子味+氣泡感，解膩度滿分💯 💝 附送LIFE YOUNG 特選逆時光禮盒（價值: $1,600）包括LIPOSOMAL NMN 18000、健康保健品、3-I-1 醫美療程優惠券及身體檢查禮券（真係值回票價） ✅ 上1957 eshop預購，人均 $250就食到貴婦tea set兼拎養生法寶，CP值極高！…Read More

青海高原風光迷人，土地肥沃，物產豐富，而且無污染，產出稀有優質食材都已傳入香港，包括：氂牛、藏羊、三文魚(虹鱒)、藜麥、枸杞、冬蟲夏草等，喺香港都可以享受青海嘅地道滋味😋去咗 #翠玉軒 食晚飯，佢哋用咗青海直送食材精心烹製成別出心裁嘅菜式。試過每一款菜式後，深深感受到青海獨特嘅風味同鮮美食材嘅搭配。🍴避風塘青海三文魚(虹鱒)扒三文魚油脂豐富 但唔油膩，肉質嫩滑，帶有豐富口感，經過避風塘烹調法，上枱時已散發香味，入口已經好滿足！🍴蘿蔔清湯氂牛腱青海氂牛肉質鮮美，低脂肪又有咬口，配上香港地道風味嘅清湯腩方法烹調，蘿蔔清甜，係囡囡最鍾意嘅菜式！🍴枸杞魚湯水耕生菜 枸杞先熬魚湯，再浸熟生菜，清甜搭配，帶來清爽口感又滋補！🍴香菇氂牛肉拌麵拉麵彈牙，配上氂牛肉醬烹調後嘅青海香菇及肉質鮮香厚實嘅牛肉，入口濃郁，辣味可以刺激舌尖，更惹味可口！🍴高原枸杞桂圓糕 用糖水先浸青海枸杞加入以雪棗、桂圓及黃糖熬水做成嘅凍糕玲瓏剔透，Q彈而清香軟滑！今次用餐令我更認識青海呢個地方，每一道菜式都展現咗青海美食嘅獨特風味🩷由於菜式係期間限定，想試就要把握機會喇！🧡著數！Eatizen 會員專享惠顧「青海珍味．家宴」，即送$100 美心中菜電子優惠券，仲可以自動參加大抽獎，有機會贏取「青海雙人來回機票」一套兩張 推廣日期 : 即日起至 2025年3月31日推廣分店：全線 #美心皇宮 (沙田分店除外 )、全線 #翠園 (旺角分店及廣場飯店除外 )、全線 #八月花 #映月樓 及 #翠玉軒#青海珍味 #味遊中國 #天賜食材 #高原禮物 #青海氂牛 #藏羊 #青海三文魚 #全新粵式菜單 #美心中菜 #Qinghai #Maxims @maximschinese…Read More

呢幾年屋企人生日嘅蛋糕，我盡量都會帶埋囡囡一齊整，囡囡有得玩之餘，又可以將心意送上！今年媽媽生日，我又去咗整蛋糕。去開希慎廣場嘅Home.焙小日子而家搬咗去灣仔合和商場，新開幕仲有限時優惠⚡️我哋整嘅款式係熊物語，芝麻戚風味道唔會太甜，加入椰香奶凍、香蕉、核桃，口感好豐富好有層次，一家大細都鍾意！鍾意喺度整蛋糕🍰因為唔洗自己準備材料、工具，兩手fing fing嚟玩就得，慳返好多時間，真係好方便！…Read More

鋼琴🎹讓人感覺浪漫走進這家米芝蓮三星餐廳L’AMOUR優雅高貴的裝潢播放著優美的旋律🎶撲鼻美味的法國菜讓我多重感受就像置身於法國🇫🇷不捨得離開我選擇了4 course menu🍴自家製法包🥖配鵝肝醬鵝肝醬好香同多士好夾🍴南瓜海鮮湯香濃南瓜🎃味，口感濃郁🍴藍鰭吞拿魚他他味道鮮甜，配多士一齊食層次分明🍴有機野米釀法國鵪鶉呢款好驚喜，鵪鶉嫩滑釀入野米好有咬口🍴海膽雪糕🍧海膽配豆腐雪糕，意想不到嘅組合，但夾埋一齊又唔怪，幾特別整頓飯都讓我齒頰留香😋味道難忘！加上同好友於呢個環境舒舒服服暢談，暫時忘記了生活中嘅壓力！…Read More

開學倒數一星期仲有幾日要好好玩埋佢早兩日上咗Sky100食下午茶🫖原來Sky100會間中轉場景俾大家打卡📸今次嚟同3年前嚟已經好唔同講返個Tea~ Café 100意法下午茶望住維港景色嘆下午茶☕️零舍寫意食過兩次先發現原來食物係by Ritz Carlton💕Savouries日曬番茄乾忌廉三文治🥪配意大利青醬法式焦糖洋蔥餡餅, 牛肉汁啫喱蟹肉奶油煎餅卷配日本芥末蛋黃醬油封鴨腿蛋批🥧我比較鍾意法式焦糖洋蔥餡餅雖然味道有咸有甜但絕不奇怪另外鍾意油封鴨腿蛋批鹹香鴨腿配上濃郁蛋香的酥脆蛋批為平凡的蛋批帶點不平凡💕Sweets香橙伯爵茶撻🍊雜莓蝶豆花奶凍椰子檸檬馬卡龍🍋英式鬆餅配士多啤梨果醬及奶油忌廉香橙伯爵茶撻味道清新口感豐富雜莓蝶豆花奶凍🍮好多層次，用匙羹🥄由底向上𢳂嚟食味道一流椰子檸檬馬卡龍及英式鬆餅都俾Jasmine食哂，應該好好味😋唔知下次上嚟又會有咩主題呢？…Read More

難得我同囡囡都放假，要帶佢去玩同去椰子星球食好西。我哋兩個最近入坑學人食榴槤，見到榴槤UFO係呢度嘅皇牌，當然要試吓。榴槤UFO味道好有層次，Creamy嘅D24榴槤果肉+鮮甜芒果🥭+ 椰水凍+ 小丸子+試管椰奶真係不得了，超好味😋榴槤迷一定要試！囡囡鍾意飲芒芒丸丸椰子奶，新鮮芒果+椰子呢個組合好正，芒果鮮甜椰子🥥香濃再加埋小丸子同椰子肉，口感好豐富好好飲。本來想試鰻魚玉子燒，但可惜lunch時段已經賣哂，改試海苔肉鬆玉子燒。豐富口感有層次，玉子滑嫩但外皮有焦香感，同一般玉子燒唔同，都幾好食😋…Read More

一月一度靚媽聚會第一餐靚媽s聚會飯都未食，就已經約定之後個月再見面。大家嘅小朋友差唔多年紀，真係有數之不盡嘅話題！上次試中菜，今次就試歐陸菜式🍽️全新概念餐廳 2+2 café & bar，用上本地及世界各地🌎優質食材，以繁複工序嘅烹調方法製作美食😋🔸海鮮拼盤波士頓龍蝦、生蠔、南非鮑魚、北海道帶子同虎蝦等多種海鮮。生蠔🦪海水味濃，肉質鮮甜，好好味！而波士頓龍蝦🦞肉質鮮嫩而且彈牙！配有6款醬汁可供選擇，提升海鮮嘅鮮味。🔸松葉蟹肉甘蝦海膽牛油果沙律用生菜包食法包住食材，食法特別，帶出豐富嘅層次及口感。🔸牛仔膝肉燴手製意大利寬條麵配燒牛骨髓牛骨髓嘅牛脂好香好正，蕃茄醬寬條麵🍝味道剛好，濃而不膩。🔸干邑龍蝦濃湯，香濃好味🔸招牌烤原隻蒜香有機玉米雞🍗即叫即烤，肉質嫩滑而且香口。🔸澳洲M6和牛斧頭扒🥩份量十足牛味濃郁，配埋特製醬汁好好食！🔸意大利咖啡芝士朱古力一睇以為係麥提莎，原來係tiramisu 。上菜時會有煙霧🌫️效果，打卡一流🔸朱古力心太軟配香草雪糕🍧心太軟嘅流心朱古力濃郁，配香草雪糕可以中和甜味。🔸榛子軟糕🍮呢款相當有驚喜，好有咬口，推薦👍🏻我哋4個都食到捧住個肚走，大滿足❤️下次飯聚食咩好呢？ …Read More

難得的me time～約埋幾位靚媽一齊聚一聚！今次飯聚選擇咗大公館，品嚐精緻高質嘅新派粵菜🫖環境舒適寬敞，加上貼心的服務，可以用「冇得彈」嚟形容💕每款菜式都好精緻，好有水準！💥特別推薦川味口水竹絲雞，以冷盤啫喱狀呈現好特別，配埋麻辣醬油，非常滋味！三色藜麥金沙蝦球🍤上菜時已經聞到陣陣鹹蛋黃香味，加上蝦球皮脆彈牙，絕對係令人忘不了的味道！西班牙火腿金芙蓉蒸星斑球賣相特別，嫩滑星斑球🐟配上蒸蛋及西班牙火腿，味道好夾，口感豐富！金箔懷舊芝麻卷係我最鍾意嘅傳統糕點❤️香港已經買少見少，但呢度可以食到皮薄芝麻味濃郁嘅芝麻卷，實屬難得！今次飯聚有美人佳餚非常開心！而且有說不完的話題，期待下次見面啊❣️…Read More

Where to go with besties 👯‍♂️ It’s a great place to relax and unwind with your besties friends or family.✨Afternoon Tea with Pool Access $688 for 2paxYou can spend 3 hours on swimming, sunbathing at outdoor rooftop infinity pool to enjoy the panoramic Victoria Harbour view.Have a nice Afternoon Tea set at The Farmhouse.Including Lobster Brioche, Wagyu Beef Burger, Foie Gras Pâté Tart, Pistachio Mascarpone Gâteau, Almond Scones with Tropical Condiments, plus unlimited made-to-order Soufflé Pancakes, Crêpe Cones, Ice Cream, Cotton Candy.✨夏日下午茶+3小時泳池通行證 $688/2位可於酒店頂樓戶外無邊際游泳池游泳🏊🏻‍♀️享受日光浴⛱️及欣賞維多利亞港全景。不懂游泳也可以在此盡情打卡📸於泳池玩了3小時已經又餓又累，到了The Farmhouse 享用美味下午茶：杏仁鬆餅、法式鵝肝凍撻、龍蝦包🦞、蕃茄莎莎牛油果撻🥑、和牛漢堡配黑蒜蛋黃醬🍔草莓撻🍓、朱古力泡芙、椰子芒果杯🥥🍋開心果軟芝士蛋糕🍰另外更可享用即點即製美食 (無限供應)可麗餅雪糕筒🍦梳乎里班戟🥞即製棉花糖、多款口味雪糕🍧各款點心都很精緻，口感豐富！我們還點了特飲Summer Spritz，過了一個很chill的下午🥂…Read More

暑假流流長，當然要帶小朋友周圍玩！最近同好友去咗鰂魚涌Jello & Mellow呢度地方好大，枱與枱之間都好闊落。北歐風設計好高質，仲有好多打卡位📸餐廳廚師精心設計菜單，推出一系列少鹽、少糖及少油嘅美食，嚴選新鮮食材，加上色彩繽紛🌈健康得嚟，賣相好睇又好食！除咗食物好味😋+賣相吸引外，當然唔少得佢哋嘅波波池滑梯🛝啦！兩個小朋友，極速食完即刻要去玩😂餐廳分成兩個用餐區域：✨The Mello Dining Room小朋友可以喺「Fort Jiggle」區域玩唔同嘅玩樂設施，盡情放電🔋而大人就可以喺側邊嘅用餐區，睇到小朋友嘅同時，又可以舒舒服服咁同朋友傾吓偈❣️✨Main Dining Room如果唔帶/冇小朋友嘅大人，就可以喺呢度享受溫馨舒適嘅用餐體驗🍴特色美食：傳統卡邦尼意粉🍝瑪格麗特薄餅🍕韓瘋炸魚薯條🍟For kids👧🏻👦🏻Wheels On the bus🚌 Over the Rainbow🌈Creamy Road好立克焦糖脆餅奶蓋Purple Breeze蝶豆花蘋果梳打北海道8.0牛奶軟雪糕🍦配自製棉花糖及啫喱是日精選蛋糕 – Be Zesty🍰Uni-cone 草莓紅桑子香蕉果昔Avocado Monster牛油果芒果青瓜香蕉果昔全部食物飲品都好精緻又好味😋而且配搭新穎又特別，完全冇得挑剔👍🏻兩位小朋友都玩到唔捨得走，所以暑假都想嚟玩多次，俾小朋友多啲美好回憶❣️…Read More

好耐冇去靚靚cafe打卡喇📸難得妹妹返嚟香港，一早book定同佢去！一入門口就見到吸睛打卡位，發光嘅巨型月亮🌙配襯花藝💐，感覺好優雅高貴。我哋選擇咗5 course set menu (dinner)包咗90分鐘任飲意大利氣泡酒🥂啱哂鍾意飲酒嘅朋友！前菜：🥗煙三文魚他他配牛油果藜麥沙律及西班牙火腿肉拼盤沙律好感豐富有層次，好好味😋是日餐湯：🍵黑松露磨菇忌廉湯好香，味道濃郁👍🏻小食：(另可選火焰蒜片一口和牛粒)🐚伏特加火焰帶子，服務員喺我哋面前點火，由於我放得手機太近影相，有啲嚇親😂 味道略嫌唔太夠味！主菜：(5選2，另有其他可選擇)🥩烤美國Prime肉眼牛扒我哋order咗medium，肉質鮮嫩好juicy🦀軟殼蟹, 蟹肉, 蟹籽, 明太子忌廉扁意粉蟹肉好好味，奶油味香濃，不過有啲漏甜品：(4選1，另有其他可選擇)🍰Tiramisu🫐Blueberry cheesecake 兩款甜品都好精緻，有層次味道都好好👍🏻☕️飲品：2杯 (可選茶類或另外加錢選其他)總結：食物份量都幾多，我哋嘅胃口唔大，所以食到大半已經飽咗要投降！整體食物味道我俾8分，服務一流加埋環境舒服又可以打卡，我覺得都值得試吓呀❣️…Read More

近年因為疫情經常避入西貢，所以有機會睇住WM酒店🏨落成。一直都想去WM staycation，因為西貢環境好舒服，而且酒店又新，仲有間集娛樂及餐飲於一身嘅隱世餐廳同朋友試咗M Square嘅lunch set，每個set已包餐湯🍵或沙律及咖啡或茶是日沙律係煙三文魚沙律🥗沙律菜配上沙律醋，酸酸地好開胃主菜方面，由於我跟緊營養餐單，需要食大量高蛋白食物🐟🐔及少量菜，點咗香煎三文魚配刁草牛油汁，烤雜菜三文魚煎得好香好juicy，魚皮好脆，就算食完甜品先食返三文魚都仲好好食😋朋友就點咗安格斯牛肉，黑松露忌廉煮大啡蘑菇，洋蔥＆芝士漢堡伴薯條🍔Burger上枱已經好吸晴，薯條好好味，但因為先食甜品再食burger，雖然已經凍咗但牛肉都仲好好味，每啖都好Juice😋而且份量好大，一個女仔都食唔哂。另外見到Strawberry & Custard Waffle色彩繽紛好靚，所以都忍唔到叫埋。Waffle 🧇 上嘅水果🍓🫐好鮮甜，但Custard唔甜所以中和咗waffle味道加埋3球嘅Ice Cream Parfait🍨Mix 埋落waffle一齊食，為成餐飯畫上完美句號。之後發現原來餐廳有好多嘢玩，美式桌球🎱、足球機、波子機任玩，仲可以玩埋高爾夫球⛳️，下次要帶埋小朋友嚟玩先得！@msquarehongkong📍地址 : 西貢惠民路28號WM酒店地下低層A1號舖#wmhotel #msquare #hkrestaurant #hkfoodie #hkfood #hkfoodblog #hkfoodstagram #hkfoodlover #saikung…Read More

茶藝文化日漸普及，想不到頂級的中國茶配上高級的食材、中西合璧的烹調方法，可讓客人享受到極致的用餐體驗。原來創辦人經常接觸高級威士忌和葡萄酒，從而培養出良好的品鑒能力，對味道有極致的追求，將累積了的用餐經驗概念及構思，配上廚師熟練的技術，把頂級茶和美食完美地配搭一起，讓我們可以品嘗之餘也可感受到那份對茶藝的認真。頂級中國茶層次豐富、味道複雜，用以配餐可以提升食物的鮮味、香味和平衡。由於茶有回甘收儉的特質，喝茶後味蕾會變得更敏感，食物的味道會越放越大，讓我們吃得更加滋味。上菜前均會奉上不同品種的茶，配合加入了中、港、法、日等多國元素的菜式，透過味道、香氣、烹調技巧及創意擺盤，呈現港式極致的概念。當晚我和妹妹品嘗的是8道菜晚餐，每一道菜式無論色、香、味均俱全，看到這麼精緻的菜式，能讓我感受到廚師的用心。菜式份量相當足夠，還未吃到主菜已經感覺很滿足，但面對美味可口的食物，及廚師的用心，又怎能浪費食物呢！最令我難忘的環節便是魚子醬品鑒體驗，原來魚子醬不配美酒，配茶的體驗也很不錯，每粒魚子都晶瑩通透，鹹香味撲鼻，但不會帶有腥味。如果可以配上多士一起吃就更加錦上添花！另一體驗便是可以親至嘗試倒白瓷「掛杯」動作。坦白說我的手指不太靈活，嘗試了幾遍才可以做到！用餐時有一些玩樂感，這是意料之外的事，但讓用餐過程中帶點樂趣。環境方面清靜舒適，裝潢風格帶有中國風及現代色彩。由於當晚座無虛席，所以我也不好意思拍照了。餐具及茶具均是精挑細選，看得出創辦人的用心。服務態度很好，由餐廳理念到每一道茶及菜式均會逐一介紹，讓食客們有更愉快的用餐體驗。總括而言，雖然價錢不菲，但無論茶葉及食材的質素，烹調的技巧，環境及服務態度水準都相當高，而且讓我對茶藝加深了認識。如果慶祝生日或紀念日絕對是很不錯的選擇！…Read More