MingCheung1991's Profile

由細到大住係大西北，想食放題都要出遠啲，宜家終於係附近食到御滿屋放題，今次揀咁A餐食兩個鐘，刺身、壽司、燒物、炸物、一品料理，真係好多選擇🤩岩哂鐘意新鮮感既朋友仔，另外如果係榴蓮控既話，更加唔可以錯過，因為宜家有免費升級馬來西亞榴蓮任食😋見到自助bar既位置，飲品同甜品既種類好多，鐘意飲酒既有熱清酒、生啤，紅酒任斟，甜品都超過十款，最鐘意oreo芝士餅同埋芒果爆珠布甸，蜜瓜都好甜，試咗既甜品既甜度都好適中，而且全部細細杯，可以試到好多種都吾會食唔哂海鮮刺身上碟擺位都靚仔，刺身厚度適中食落新鮮鮮味，特別鐘意帶子同赤蝦🦐壽司款式好多，最特別係有榴蓮芝士蝦卷同榴蓮玉子燒估唔到都有啲驚喜，壽司既大細適中，舊飯吾會好大🤣試多幾舊都未會填飽個肚燒物做得出色👍🏽鐘意佢既調味岩岩好唔會死鹹，叫咗啲最經典既燒物，好似牛舌、雞軟骨、鹽燒雞翼同燒鯖魚，仲有最愛既燒菠蘿🍍全部都係上碟熱辣辣同夠焦脆，足以令我encore咗幾次天婦羅同炸物都係放題必點，同燒物一樣都做到夠香脆熱辣辣，最推介既係榴蓮炸彈🤣外皮夠脆入面夠軟糯，一咬爆汁，又係encore項目呢度既款式選擇真係多，淨係自助bar都已經好多炸物、海鮮、壽司同熟食可以揀，值得一提係呢度既調味做得唔錯，而且重點係上碟夠熱，亦完全冇漏單情況，由落單到上菜時間合理，整體滿意👍🏽…Read More

荃灣美食多籮籮，今日去咗小店西餐vision 8，又有意外驚喜，店面裝修簡約，但店主都花心思放置小佈置，充滿聖誕節日氣氛✅龍蝦忌廉濃湯🦞&野菌忌廉湯配黑松露油龍蝦湯味道好濃郁，最欣賞係有龍蝦肉粒，咬落依然彈牙，湯滑得黎又有啲咬口👍🏾野菌忌廉湯更加推介，可能加咗黑松露油既關係，黑松露味好突出，而家湯夠creamy得黎唔會有膩感，絕對會想encore;餐湯附送有三款唔同種類既麵包配黑松露牛油，牛油香味濃郁，配埋煙煙韌韌既麵包好夾✅蕃茄水牛芝士配意大利香草醬呢個配搭開胃得黎完全唔覺得膩，有淡淡既芝士香，而蕃茄中和到芝士既膩，加埋濃郁既香草醬，成個感覺幾清新又開胃✅鮮菇蜆茄醬燴意大利麵欣賞餐廳既碟都係有暖暖既感覺，就算天氣凍試碟都保持到熱度，茄醬既酸甜度適中，而醬汁同意粉既比例都恰到好處，蜆肉既份量都算多，菇菌切既大細岩岩好，每一啖都可以食到哂所有配料👍🏾✅蘋果木燒西班牙黑毛豬鞍扒配黑椒汁上碟已經好夠份量，豬鞍扒夠腍身易切，食落更驚喜，有淡淡既煙燻味同時保留到juicy既口感，豬鞍扒既邊緣有一層薄薄油脂，夾埋肉既部分一齊食更加香😋啖啖回味，另外好欣賞配菜既薯蓉，佢有帶粒狀既薯蓉，咬落有咬口又香滑😍🌟好開心又係荃灣搵到一間高質西餐，廚師煮野有誠意，擺盤精緻，好值得一試…Read More

餐廳就係海之戀商場，不過位置就比較隱世，咁岩想周圍望下有咩野食，就發現呢間有田園風格既WM cafe,呢度西餐既選擇款式多，仲有自製甜品🍮✅巴馬芝士香煎珍寶帶子卡邦尼帶扁意粉卡邦尼同意粉呢個組合都吾會陌生，不過食意粉醬汁就好緊要，醬汁既比例適中而且掛到汁，扁意粉軟硬度岩岩好，加埋巴馬芝士夠香，帶子兩邊煎香而切開係岩岩熟既狀態，吾會令佢太乾太韌✅WM啖啖肉薄餅名副其實係咬落去啖啖吾同層次既肉，有一片片時辣肉腸、一絲絲既手撕豬、一粒粒既肉丸，咁岩係薄身pizza,食落既感覺係肉既比例多過pizza😂岩哂食肉獸朋友✅飲品：青檸幻影蝶豆花茶、凍朱古力呢杯蝶豆花茶賣相好靚，有兩層漸變色彩，飲落甜度岩岩好，有啖啖既花香味，岩哂鍾意打卡既朋友仔，凍朱古力味道香濃，甜度適中🌟呢個餐廳寧靜舒適，食物種類多，食飯聚會都可以考慮下，可以傾計chill一chill…Read More

放工想搵個地方chill下唔想食限時餐廳，就揀咗呢間樓上cafe✅黑松露軟殼蟹意大利飯🦀上碟既賣相唔錯，切開隻蟹都夠脆夠熱辣辣，漿粉適中，意大利飯食落每一啖都有黑松露香，飯粒飽滿✅美式豬仔骨配有皮薯角&沙律一望落份量好夠大，望返價錢就覺得好抵食咁，豬仔骨夠腍易切，食落亦保留到肉汁，醬汁調味適中，薯角夠香脆惹味，再加少少沙律，食完都唔會好膩✅餐飲：熱情果紅茶、薑茶薑茶一飲落就有好濃嘅薑味，見到有薑粒係底，岩哂冬天暖暖胃；熱情果紅茶甜味適中，茶味唔算好濃但都帶有淡淡果香🌟呢度好適合一大班朋友聚會，地點好方便，座位夠闊有大枱，10個人都可以圍埋一齊食又傾到計，食物份量大而上碟亦夠熱，性價比合理…Read More

放工想坐得舒服啲，就揀左呢間cityfresh bistro，環境舒適多卡位設計，價錢夠經濟，望落似西餐廳但又有中式小菜選擇，而今次就揀左精選二人套餐，包左餐湯、前菜、薄餅、主食加飲品，份量都好夠飽肚✅餐湯：忌廉蘑菇湯蘑菇湯飲落帶有香濃磨菇味，而且稠度適中冇粉粒，都算有少少驚喜✅前菜：三文魚凱撒沙律沙律份量都算大份，有兩大片既煙三文魚，略有少鹹，但夾埋沙律菜一齊食就岩岩好✅千島夏威夷薄餅薄餅既餅底係中等厚度，食落帶有微微奶香，材料都係經典既菠蘿同火腿，醬汁同芝士都鋪滿左成個pizza，食到尾都唔會覺得太乾✅原隻香草蜜糖燒春雞燒春雞既份量唔算大隻，但兩個人都好夠食，燒雞既外皮微脆，加埋甜蜜糖都幾夾，雞肉都算juicy而雞髀部分比較滑最好食🌟野食不過不失再配合價錢就覺得性價比合理，環境寧靜舒適，仲有甜品可以加配，不過食得太飽就唯有下次再試…Read More

黎到西九呢間有歐陸風情既西餐廳，餐廳用熊仔🐻主題，以木飾裝修為主，燈光偏暗，好岩朋友相聚，今次就揀左2人套餐再加左份薯條😋✅鐵板上的蝸牛個名夠特別，鐵板上既蝸牛面大大粒有嚼口，薯蓉夠綿滑又有牛油味，個人好鐘意✅海鹽瘋薯條薯條香脆又夠鹽，點埋檸檬沙律汁，唔會覺得油膩✅鐵板肉眼扒7成熟既肉眼扒上碟大過隻手掌🖐️切開微紅狀態，肉質嫩滑冇硬筋，燒汁亦夠味👍🏾✅露荀野菌意大利飯意大利飯煮得岩岩好，食落微微嚼口既感覺，cream sauce好香濃，掛滿左係意大利飯度，建議同人分享會比較好，如果唔係食完就好快會覺得飽🤪✅精選雪糕球&自家製心太軟呢個自家製心太軟值得一讚，朱古力味濃，即叫即熱，確保入面有流心既狀態，配埋cream同雪糕一熱一凍既質感，令人好滿足，下次黎到都會再食，只係加$19就食到啦😉🌟呢暗西餐選擇多，計埋份量同味道都覺得性價比幾高，去開西九既朋友仔可以去一試，氣氛寧靜，最岩邊食邊同朋友傾計啦👭👫…Read More

煲仔飯係我唸好多香港人一到冬天就會唸起既食物，夠哂熱辣辣，食完暖笠笠，係憶食尚臘味煲仔飯有個舒適寧靜既環境食煲仔飯😛✅香菇滑雞煲仔飯加臘腸煲仔飯一開蓋已經聞到香味，加埋甜甜既鼓油汁同蔥花，食落夠味，飯粒分明，面層舖滿雞同冬菇，雞肉嫩滑脂肪少；值得一讚既係呢度既臘腸👍🏾咬落去就有啲好香既油脂溢出黎😋送飯一流；食到最尾刮埋啲飯焦，夠脆卜卜又吾會過火，有焦香味✅甜蜜咕嚕肉除左煲仔飯，見到呢度都有好多小菜，點左平時屋企比較少整到既咕嚕肉，同樣有驚喜，醬汁既酸甜度岩岩好，肉質有咬口，唔會全部肥肉，面層有甜甜既蜜糖包住脆卜卜既外皮，仲有三色椒同菠蘿減低膩感，味道好好👍🏾值得一試✅上湯娃娃菜上湯用金華火腿調味夠哂濃郁，夾埋吸湯汁既娃娃菜更加脆甜，仲有埋蒜片同薑片，想清清地叫返個黎食都好唔錯…Read More

川菜既麻香，就算吾算食到好辣，偶爾都會想過下口癮，今日揀左銅鑼灣既川滿居😋✅金湯酸菜魚上碟份量大，賣相吸引，好多薄切魚片，湯入面有唔同既菇類、薯粉、酸菜、芽菜等，揀左微辣所以味道夠麻而唔會好辣😝湯底夠味而薯粉亦夠煙韌又吸哂湯汁，可以用黎送埋白飯👍🏾魚片啖啖肉仲保留嫩滑，酸菜味道吾會過酸✅孜然牛肉（配6片嬤嬤皮）孜然夠香夠濃，一上碟已經好大陣香味，牛肉夠冧冇筋，配埋炒香左既洋蔥好夾；配搭平時食片皮鴨既嬤嬤皮，多左層煙韌感，夠惹味又飽肚✅口水雞口水雞醃得入味，雞肉肉質夠實，最鐘意係雞皮下脂肪吾多，雞皮亦夠薄咁爽身，配埋少辣既口水汁夠開胃✅自家製酸梅湯推介呢度既酸梅湯，酸甜度岩岩好適中，個人好鐘意，配合食辣野，解渴解辣之選👍🏾🌟整體食物賣相都高質，而且整既食物味道夠入味，睇埋份量都覺得價錢好合理，想食川菜都可以一試…Read More

因為疫情關係，今日放工嚟咗旺角top商場既food court賣外賣返屋企食。見到有台灣嘢，一於揀呢間，揀左兩杯野飲加一個飯✅肉燥鹽酥雞飯鹽酥雞份量超多，外層好鬆脆，一啲都唔油淋淋，雞既質地都好juicy，值得一試👍🏾滷水味道都好適中，撈埋啲飯食一流，仲有佢份量都算多，性價比高。✅台式飲品另外叫左杯青蘋果綠茶🍏酸酸甜甜，幾解渴，但稍為偏甜咗少少；仲有杯黑糖珍珠奶茶，奶味都濃係黑糖稍為甜咗少少，建議嗌少糖就岩岩好😉…Read More

充滿玩味既mamaday cafe,餐廳周圍都擺滿得意擺設，連餐牌既名都夠哂過癮好邪惡既咸蛋牛油果蟹肉pizza配搭新奇，好少見到呢啲配料會夾埋一齊，但又出奇地新鮮，咸蛋黃同芝士放滿左係pizza，加埋每一個切件都有隻已經拆左半殼既蟹鉗肉，仲有啖啖牛油果同碎蟹肉，成個pizza夠哂咸香同埋有多層口感，個人幾鐘意👍🏾基本野：肉食者沙律真係有基本野既沙律，例牌既蕃茄仔、生菜，但特別野係個沙律有藍莓、紅桑莓做配搭，夠哂fresh,加埋肉食者岩既脆卜卜炸雞，fresh得黎又有香口野咬下，真係幾岩肉食者明太子薯條🍟薯條份量多，亦夠熱脆卜卜，有成個小碟既明太子醬可以點點，明太子夠咸香，啖啖都可以食到明太子，岩哂明太子愛好者🌟餐廳好有好多特色飲品同手工啤可以揀，今日仲揀左隻Si L Dan啤酒，聞落有果味好香，飲落唔會太苦，女仔都好岩飲👍🏾…Read More

難得放假嚟到荃灣諗住行下，點知預著黑雨，所以就嚟到荃灣千色行，點知有意外驚喜，搵到間創意壽司鋪✅龍捲風沙律沙律材料超豐富超大份，好多沙律菜同蟹柳，仲有啲中華沙律同脆片，幾開胃👍🏻👍🏻✅蜘蛛外型似蜘蛛，但其實係軟殼蟹嚟，軟殼蟹脆卜卜加埋啲配料✅金龍卷即係炸蝦卷，炸粉做得好好，蝦都算新鮮，三文魚再加埋沙律醬，味道好夾✅煙花辣味吞拿魚加三文魚再加芝士，成舊放落口，有多重口感，個人最鐘意呢個✅雜錦天婦羅🍤呢間啲炸物做得唔錯，炸漿做到薄得黎鬆脆，炸得乾身吾會覺得油膩，有海老，日本甜薯，仲有比較特別既係蝦肉既秋葵，價錢都算抵食👍🏻…Read More

黎到元朗見到呢間新開既麻辣doi, 主打麻辣野，但原來都有提供唔同既辣度選擇，唔算好嗜辣既我今次就揀左酸菜魚✅大盆水煮酸菜魚無骨魚片啖啖肉，值得一讚係魚肉滑嘟嘟，完全唔擔心有魚骨，酸菜湯底味道香濃調味惹味，鹹度適中，而且成盆有好多配料，例如豆卜、雲耳，仲有薯粉底，薯粉煙韌，吸哂湯汁好入味👍🏾另外仲可以自選加唔同既配料，今次揀左肥牛同娃娃菜，肥牛肥瘦適中夠新鮮，娃娃菜又係吸哂湯汁😋🌟呢間麻辣doi岩哂鐘意川菜既朋友仔，除左大盆水煮，仲有麻辣乾鍋同原條烤魚🤩…Read More

行經九龍城，發現好多唔同類型既小店，肚餓快快手揀左間龍泉冰室，都有啲特式食物✅招牌軟殼蟹菠蘿包呢個配搭第一次見，賣相十分靚仔，脆皮菠蘿包夾住原隻既軟殼蟹，上碟夠熱，食到脆卜卜既口感，加埋蕃茄同紫椰菜絲，咬落爽脆，難怪係招牌食物✅喇沙貢丸肥牛米線一間小店蘊藏住多種吾同菜式，呢度既喇沙都幾香而辣度相對比普通高，值得一讚既係米線煮得好滑，貢丸同肥牛既用料都吾錯，貢丸爽彈而肥牛比較瘦既，仲有豆卜同雞蛋，份量充足✅干炒肥牛意粉干炒要做得好食吾容易，呢度整既味道個人幾鐘意，濕乾度岩岩好，加左少少黑椒調味，意粉煙韌吾會笠口，肥牛就同個喇沙一樣啦😉如果熱少少就更好啦🌟呢間冰室既食物選擇多，鐘意唔同湯粉飯麵，有好多唔同類型比你揀，而且調味做得幾好，食物熱啲會更好，值得支持下…Read More

去到葵廣都係掃街多，今日行到攰攰地就試下有得坐既小店—百味川，店面細細主打川式粉麵，亦有小食選擇⁡✅鮮茄酸辣魚米線夏天就係食酸酸辣辣最開胃，加$2就可以轉配鮮茄酸辣湯底，呢個湯底真係好岩夏天食，唔會覺得膩，魚肉冇骨啖啖肉，食到茄香帶少少既辣味，就算平時唔食慣辣都會食得到😋⁡✅沙嗲湯底牛肚豬耳墨丸米線呢度既湯底選擇多，今次想試特別啲既，揀左沙嗲湯底，食第一啖就覺得似食車仔麵個種沙嗲汁，夠哂惹味，配料可以自選，麻辣豬耳整得好爽脆，牛肚燜得夠冧，墨丸彈牙唔粉口，選擇仲好多⁡✅麻辣手撕雞辣度冇得揀但唔會太辣，真係做到麻辣風味，加埋少少爽脆既青瓜絲減低膩感⁡✅炸韭菜餃一份3隻，岩哂胃食又驚食吾哂既朋友仔，就算一個人黎都可以ko到，呢度既餃子皮係偏厚個種，配埋酸甜醬減低膩感，香口又飽肚⁡✅樽仔奶茶估唔到呢度可以轉配無冰既樽仔奶茶，飲落有驚喜，茶味香濃，甜度適中，值得推介👍🏾⁡🌟鐘意多款選擇既朋友仔可以試下呢間餐廳，有多款配料同特式湯底選擇，今次試左既鮮茄酸辣同沙嗲湯底都唔錯😆⁡…Read More

間唔中都會想食下中式點心，但平日要返工冇咁多時間，就要係晚餐先食到，今日黎到一盅點心，見到呢度主打燒賣，有多款唔同燒賣同都算多款點心✅荀尖蝦餃蝦餃皮厚度適中亦夠煙韌，蝦肉結實冇雪味，食得出都算新鮮🤩✅春風得意腸軟軟腸粉皮包住脆卜卜既米紙卷皮，有唔同既蔬菜同切碎既蝦肉做餡料，仲有蟹籽做點綴，有多重口感，其中比較特別係春卷餡料入面有紫椰菜，食落爽脆幾特別✅鵪鶉蛋燒賣呢度主打燒賣一定就要叫返一個試下，燒賣咬落彈牙結實，唔會散哂而且冇筋👍🏾做得唔錯✅蒜蓉鮮蝦春卷呢個春卷既餡料同春風得意腸既好似，但蝦肉相對比較完整同大粒，咬落更有口感，加埋鐘意佢揀左一啲爽脆既食材做餡料，加埋脆卜卜既外皮就好夾✅花膠鮮竹卷呢款鮮竹卷比平時食蠔皇個種比較清新，用上湯浸住，塊腐皮吸哂啲汁，而且真係有細塊花膠係湯入面，調味吾會太濃👍🏾✅古法陳皮牛肉球牛肉球既份量都算幾大粒，賣相好吸引，雖然陳皮味吾算好出，但牛肉既質感都算唔錯，大大粒都夠飽肚🌟整體黎講欣賞呢間點心小店都係即叫即蒸，上碟全部都保持到熱度，炸物亦仲係脆卜卜既狀態，比較欣賞係佢用係春卷既餡料同有好多款唔同既燒賣，覺得都值得一試，而且價錢合理…Read More