阿暖暖~.~'s Profile

平安夜同屋企人0係度食聖誕大餐,原本以為聖誕前食飯會好難搵位,但中吉士當晚就坐唔滿,可能平安夜少人食中菜啦~人唔多, 食得仲開心~當晚我地叫0左酸辣湯,辣子雞明蝦段,上海醉鴿,外婆紅燒肉,蟹粉小籠包,銀絲卷,合桃小丸子同南瓜年糕.最貴係個明蝦段,差不多成200蚊一碟,但整體上唔算好貴,以佢地食物水準,環境地段,我地食咁多0野收600左右好抵食~先講酸辣湯,個湯好好飲,好夠辣,辣中帶勁,而且d豆腐絲好軟滑,雖然辣但都飲到停唔到~辣子雞明蝦段好好食,d雞係最辣,因為醃得好入味,炸得又脆,隻蝦好大隻,雖然得2隻但2隻蝦頭加2條蝦尾,已經夠3個人食,加多一隻明蝦要70蚊.但隻蝦又係好好食...想連個殼都食埋...上海醉鴿最先上桌,好開胃,d鴿好入味,而且嫩漓,媽咪食到停唔到~外婆紅燒肉好好味,但好大鍋,食唔哂要打包~d紅燒汁入哂味,肉皮香甜而不算好肥膩,肉質好lum,唔韌,一定係落過功夫煮到咁.蟹粉小籠包又係好好食,蟹粉好香,小籠包汁多肉甜,皮又好食,真的唔錯!銀絲卷點外婆紅燒肉汁一絕!合桃小丸子都唔錯,丸子煙韌有咬口,又唔會太甜.反而個南瓜年糕,初時以為係煎0既南瓜餅,但原來都係糖水,係南瓜蓉糖水入面有上海年糕.呢款同合桃小丸子差不多,不過合桃好味d~成晚侍應生服務都好好,好有禮貌,照顧又周到,我同屋企人都好滿意呢~…Read More

前几晚同屋企人0係度食,食完之後,覺得魚一丁0既服務並非如好多人所講0既咁差,會唔會係佢地改善緊呢?家係我撞0岩遇到班有禮貌0既人?anyway,今晚佢地0既服務,我同屋企人已覺好滿意.未坐底,侍應生已問我同媽咪洗唔洗用消毒液洗洗手先,之後又好禮貌咁served我地,有求必應有問必答,而家好多餐廳都未必做到.我地食0左一丁拉麵,吉列炸蠔,特式芝士豆腐扒,咖哩拉麵,三文魚卷.個一丁拉麵係每次必食0既,好好味,次次都要麻醬,食落口,麵煙韌,味道清新,係一個開胃前菜~吉列炸蠔都好食,蠔新鮮,炸得脆又唔會太油,加少少檸汁就唔覺膩~特式芝士豆腐扒係第一次叫,感覺新鮮,雖然要60蚊碟,但耐唔耐試下無乜所謂丫~豆腐滑,芝士香,d肉醬夠味,一上台熱辣辣即刻食最好味!咖哩拉麵都好食,好大鍋,不過料好似少咗d.而個三文魚卷都好好食~75蚊但好多件,入面粒芝士好香口,配埋三文魚個味好夾~好鐘意食呀!當晚6點半食,佢地叫我8點前要交台,我地食到甘不多8點,佢地都冇催我地,齊體上都好有禮貌,食得開心又好味,一定要記低佢~…Read More

之前同屋企人0係度食過,覺得ok啦,冇咩特別,價錢又唔係好貴,但試過一次就夠.我地叫0左冷奴,酸汁牛肉伴蘿蔔,蝦籽軍艦,針魚壽司,三文魚壽司,粉紅碟同三文魚刺身,加埋一都係$175左右,真係唔貴,但就冇咩驚喜.最好味係個牛肉,都几生,我鐘意.其他食品只算可以.環境方面,位好窄,舖頭陰陰暗暗,人多又逼,食得唔太舒服,真係試過就算.…Read More

琴晚同媽媽0係度食晚餐\,我叫大蝦牛柳,媽咪就要白汁比目魚餐\,2個人食完埋單270蚊左右,唔算平但食得開心又好味~大蝦牛柳隻蝦真係好大...雖然只係半邊,但已經食到我連水都差d飲唔落..隻半邊蝦大概有半隻碟咁大,仲有好多膏,正呀~蝦又好有蝦味,肉夠爽口,真係太美味喇~牛柳同樣好食,牛味好重,肉質滑,口感好,雖然成156蚊一個set dinner,但我之後會keep住食~佢\個姐湯好味就天不在話下呢~媽媽個餐\都唔錯,佢\個係普通晚餐\,88蚊一個,有沙律有湯,主菜同飲品,條比目魚係魚塊,上面淋0左白汁,有薯菜拌碟,媽咪話d魚唔腥,好食,又唔會肥.不過個白湯就爭少少.呢間老字號,服務好,食品好,裝修完之後更有個人風格,帶點中式0既設計加上俄式美食,好得呀!我希望佢\長做長旺~…Read More

之前朋友請客,0係度食晚餐,4個人都食0左几多食品,每一碟都做得好精緻,睇得出同食得出師父係有用心煮食的.佢呢度0既sake最出名,好多款外面冇得賣0既佢地都有,几十蚊至几百蚊都有,好多款式選擇~呢間舖雖然細細,但坐位算舒適,當晚食飯,都見到好多日本上班一族放工後0係度食晚餐,傾計飲酒,生意都唔錯呢~我地食0左都几多0野,本人覺得佢地0既烏冬係非常極之好味!!好韌好有咬口,湯煮又好,炒又好都極好食,sushi都好新鮮都夠哂份量,另外有d小吃都做得唔錯~當晚價錢係几多就唔知,但大家都食得開心,傾得開心~正!…Read More

試過同同事0係度食晏,覺得佢d豬什米好好食呀.d 豬什洗得乾淨,豬心又煮得好爽口,唔會韌,豬腸夠香糯,湯都ok好飲,15蚊一碗,有咁0既水準,環境又光猛企理,我覺得抵食加好食呢~…Read More

呢度0既粥好好食呀,火喉夠,亦食得出師父係有俾心機煮粥0架!d粥好min,煮得好靚,豬膶都好好食,唔會太老又唔會太生.最鐘意叫豬膶粉腸粥,18蚊一碗又唔算貴.之前試埋佢個煎堆,雖然油0左d,但都算好食~唔錯呢.係環境差少少.…Read More

之前行過,俾門口貼0既介紹吸引,就0係度試0左碗雲吞麵.碗麵係雲吞放底麵放面.雲吞都有几多粒,但唔算大粒,味道唔算特別好食.只屬ok.麵都几爽口彈牙,我浸0左一陣慢慢咁食,都唔會好快淋哂.但係咪非常好食佢又唔算,而用支竹咁壓d麵,麵會唔會好食d我又唔知,因為我覺得羅富記0個d好似仲好食d~哈哈不過,23蚊碗就唔算平囉,比番價錢,我會覺得唔抵食. …Read More

星期日同屋企黎呢度食,食品ok,d帶子好新鮮,隻炸蝦好大隻爽口,個冷盤豬展肉非常好食~但個糖醋麵就差d,一d都唔似糖醋麵,仲要加d好"結"0既蟹肉汁上去,唔知似乜...但總的來說,無論環境氣氛<都一樣好呢~服務就ok啦,成日叫極都冇人睇到,可能黑得濟=p4個人食了800蚊,都唔算平...但...對住個維港靚景,再貴都係食得開心~…Read More

上次工作原因行過呢度,同事話d牛肉餅好好食就入去試下.但一點菜,老闆話牛肉餅賣哂,結果叫0左牛肉煎餃,另外叫0左咖哩羊肉同半隻滑雞.牛肉煎餃好食,但我諗牛肉餅會更好食,因為d餅更可以鎖住d肉汁...諗起都覺多汁好味...羊肉咖哩好好食,少少羶但咁先好食!而且煮到好入味,正!隻雞都好滑好嫩好新鮮,同事的確冇介紹錯呢~…Read More

0係度食過tea,一碗雞翼米,或者三絲炒麵,再加杯珍珠奶茶,都只係16-18蚊,真係抵到爛,水準又唔差,行街少少餓,呢個地方都會係一個好去處~…Read More

上個初一,我同媽媽黎呢度食齋,2個人,簡單叫0左3個菜,一個係羅漢齋煲,一個係餐肉絲炒烏冬,同埋蜜瓜炸鮮奶.我生平最鐘意食0既一種食品,其中一樣就係炸鮮奶,所以次次黎親我都叫,但次次都食唔哂~打包返屋企再整熱食又冇咁好食...但次次都忍唔住要叫...佢d炸鮮奶雖然油0左少少,但耐唔耐食一次,食時吸去少少油,一樣食得津津有味~d鮮奶好滑,蜜瓜味好重,個脆皮少少鹹味,點糖食就係oishi!羅涿齋係媽媽每次都叫的,膀在料多,個餐肉絲炒烏冬就几特別,d肉絲味道唔錯,質感真係好似食肉咁!d烏冬都炒得好味好咬口,唔錯呢~…Read More

上星期同屋企人經過,順便入去食甜品因為我未試過.一坐底唔知食咩,我見到有燉鮮奶好似ok就叫一碗,屋企人聽見人地話有燉蛋白又叫一碗,點知落單時,阿姐係極無禮貌咁同我地講燉鮮奶同燉蛋白係一樣,但佢0既態度係超差,差到想巴佢兩巴,唔想講咪唔好講囉,今時今日咁0既服務態度邊得0架.正當我仲嬲緊呢位阿嬸0既態度,d燉奶就到喇,但呢位阿姐兩手托住4碗0野,隨手就拋其中兩碗落我地張台,大佬呀,個碗係瓷0架,張台係玻璃,咁整會好嘈好易爛同好冇禮貌呀！我就激氣到爆,d甜品再好食都冇用啦,更何況都唔係咁好食,只係ok,但我以後就唔會再食佢一日d阿姐服務態度咁差,都唔洗諗我會叫朋友再去食,垃圾！仲有,環保衛生差,位又迫,我諗唔到咩理由佢地會發達囉.如果服務有0分我一定俾0分.…Read More

今晚同成班同事0係度食,一台15人,叫0左個餐,埋單$1600左右,除番每人大概110蚊,但個個都食到好飽~先上個乳鴿,共12隻,d鴿炸得好香口,唔會太鹹,個皮好香脆,正呀~之後好多菜式差不多一次上哂...有瑤柱粥,好綿,都几好食.有個魚塊炸麵,d麵好硬,呢個菜麻麻地.仲有西芹苦瓜炒帶子,呢個菜ok啦,冇咩特別.仲有炆鴨掌,d鴨挙唔韌,入面仲有花膠,唔錯呢~仲有荷葉飯,我几鐘意呢個飯,清清地,入面有少少瑤柱,食完d好油0既菜食呢個感覺几好~仲有個白灼蝦,d蝦細隻0左d.湯係個蟹肉翅湯,都ok啦,呢個價錢有d翅食都唔錯喇.成晚都食得唔錯,人客唔算多,我地食0左几個鐘都食得好舒服,但入去呢間酒店條路就几恐怖...下次去食都係要一大班人去先得~…Read More

上星期六同屋企人0係度食,3個人威0左460蚊,日本菜唔算好貴,但都唔平囉先叫一丁拉麵沙律,呢個麵好好食,好彈牙,個麻醬同雞絲又好夾,好味道!之後叫0左蒜香牛柳粒,呢個都几好食,但牛柳粒就少d<牛油味好香呀!個特上壽司拼盤最貴,180蚊,但最唔好食,咩魚同蝦都冇,"mao"丹蝦冇,變甜蝦,唔知咩魚又冇,變0左池魚.唔鐘意食0既鰻魚壽司又最大件...我地仲叫了土豆芝士焗炸雞,都几好食,d芝士好香,雞油0左少少,但土豆吸了汁,加埋芝士食好香口.我地仲叫了天婦羅烏冬,個湯好味,唔會好口渴,好清甜~烏冬韌韌地,好咬口,唔會lum哂~成晚都食得几好,係等位耐d,同waiter反應慢~其他服務都唔錯…Read More