平時都好少寫食評， 但係今次真係忍唔住，要寫一寫出嚟，等之後佢嘅人 ，可以有一個參考。星期日，冇嘢做，唔想同人逼，咁咪去西環行下， 順手睇下有啲乜嘢抵食好食嘅嘢，食下好西先（ 妄想）。係網上見到呢一間有優惠 ，又有咁多好評，試下。咁我哋叫咗龍蝦湯流心牛角包， 蟹肉流心蛋龍蝦汁燴意粉， 三文魚冬陰燴飯， 瑪莎曼咖哩和牛 面頰，另外三杯嘢飲龍蝦湯流心牛角包 係用普通常溫牛角包開一個窿 仔放啲疑似罐頭室溫龍蝦湯落去。（三文魚冬陰燴飯 ，三文魚鞋嘅，個飯我支持唔住，同店員講（你個飯未加熱呀），之後佢地應該係用微波爐加熱返，原碟比返我，個冬陰飯係無味嘅。瑪莎曼咖哩和牛面頰 ， 佢直頭令到我對和牛嘅幻想完全冇曬， 真係唔使多講😔，瑪莎曼咖哩唔係應該甜甜地跟住有啲咖哩香味， 點解會係一個咖哩顏色嘅無味汁。另外一個飯我冇食到， 所以唔多作介紹啦，嘢飲可以係唯一比較正常嘅嘢。 總括嚟講，284個好評， 諗咗成晚， 唯一解釋係佢個廚房班底換咗， 或者因為訂座有優惠所以食物質素唔同。 員工嘅服務係可接受， 食物質素係0分…Read More
