kellylincy's Profile

11點嚟到荃灣，路過見到呢間餃子店無乜人，於是入去試咗8隻帆立貝蟲草花鮮蝦餃子，落完單10分鐘後就已經有得食8隻餃子都係大大粒，外皮偏薄，隱約見到入面包住滿滿嘅內餡。每隻餃子都包含彈牙嘅蝦同埋帆立貝，另外仲有椰菜同埋紅蘿蔔粒，餡料豐富，每一啖都非常滿足～八隻已經夠晒我哋兩個人share。而味道方面，主角之一嘅帆立貝似乎只係提供軟糯口感，增鮮效果並唔明顯。至於湯底就係熱辣辣嘅豬骨淮山花膠湯，配有粟米同埋紅蘿蔔，仲有幾粒杞子，濃郁鮮甜，飲完一啖又一啖～有機會會過嚟試埋佢嘅煎餃…Read More

呢度自選兩款豬雜嘅兩餸麵只需要$38今次叫咗兩碗，分別係豬心大腸米粉，同埋豬心粉腸公仔麵，兩碗都揀咗胡椒湯底。豬心爽口，大腸軟綿，粉腸內裏粉糯無苦味。下次一定會encore粉腸，而大腸就略嫌欠缺豐富嘅口感，應該係因為佢無咩油脂，所以口感比較單一。而豬雜加埋附上嘅辣椒豉油就更加做到提鮮解膩效果。如果胡椒湯底可以更加濃、更加辣就更好了。中途追加咗一份涼拌鮮生腸，爽脆彈牙之餘，食落都入晒味，係絕佳嘅小食…Read More

今次叫咗香濃麻油雞米線、6DEE酸辣湯米線配螺旋藻同豚腩片，再加辣DEE雞中翼落完單好快就上咗雞翼，食落熱辣辣，外脆內嫩，非常惹味。$8兩隻真係必試跟住就上麻油雞米線，佢所講嘅材料包括蟲草花、紅棗、杞子、雲耳、圓肉、金菇、芫茜，全部都齊。但湯底真係唔算香濃，我會形容佢係清湯再加麻油… 冇濃郁嘅麻油香而啲雞肉亦都偏鞋，雖然份量好多。最緊要係圓肉變味，本身食咗一粒係正常味道，但之後連續咬咗兩粒都係有異味……至於6DEE酸辣湯底就幾正，可以encore，腩肉不過不失，螺旋藻份量都好多。而兩碗米線都係偏腍身，嗌返爽米會比較適合。…Read More

蒜蓉粉絲蒸鮮魷：一向最鍾意清蒸嘅方法食海鮮，今次呢個魷魚非常新鮮彈牙，切咗花刀嘅魷魚除咗增加口感之外，仲可以沾上更多蒜蓉汁，而墊底嘅粉絲同樣地都係吸滿晒啲蒜蓉汁同埋魷魚嘅鮮味。唯一要挑剔嘅位就係如果可以再多啲粉絲就好啦！椒鹽豬扒：份量非常多，大概都有十塊豬扒。每一塊都炸至金黃色，外酥內嫩，冇咩多餘油分。食得出有提前醃製過，非常惹味。加埋蒜粒、辣椒末同埋蔥花，送飯一流，可惜今次只有兩個人食，已經飽到食唔落飯啦～…Read More

第一次試，今次揀咗外賣自取，15分鐘攞得，之前試過喺荃灣另一間燉湯等咗半個鐘至攞得… 對比之下呢間真係非常之快壹盅湯（鮑魚花膠螺片燉雞）：材料非常豐富，有雞肉、瘦肉、鮑魚、花膠、螺片、桂圓、杞子，味道清甜，而且份量夠大，好抵飲，飲完亦都唔會覺得口渴陳皮燉雪梨：雪梨已經去皮同埋去芯，加埋冰糖就非常適合有兩聲咳嘅我～止咳潤肺，食埋個雪梨就夠晒滿足海鮮濃湯飯：一樣好多料，有肉碎、魚肉、蠔仔、冬菇粒、蝦仁… 但味道似乎冇想像中濃？紅燒乳鴿：皮脆肉嫩、唔會太油，好味！…Read More

因為朋友介紹而過嚟試呢間，外賣叫咗花雕蒸蟶子、興化炒米粉同埋豬肚蓮子湯。花雕蒸蟶子有驚喜，份量多，而且隻隻都肥嘟嘟，吸收晒啲汁～ 每一啖都好滿足至於炒米粉嘅材料就好豐富，有蝦仁、蛋、娃娃菜、紅蘿蔔、豬肉、娃娃菜、香菇…可惜米粉略嫌偏乾，即使米粉非常纖幼，似乎都唔太吸收到材料嘅味道，好似分開咗嚟食咁？而豬肚湯外賣攞上手熱辣辣，應該係啱啱燉好，但味道就偏清淡，感覺不過不失啦。期待下次再過嚟試紅菇海鮮滷麵～…Read More

今次係飲熱嘅台灣芋圓芋頭鮮奶，一攞上手係滾水咁熱嘅程度，即刻攞住個杯底，隔咗差唔多五分鐘先至開始飲，竟然都熱到辣親條脷，嗰下攞起條飲管一睇——— 嘩，出煙嘅！？！？！？！？覺得自己似飲緊塑化劑。重點我係三點半買嘅，但去到而家條脷都仲痛緊。就味道而言，呢間係不過不失，但無食到粒粒嘅芋頭肉，當然亦都無乜芋頭香味，芋圓偏軟，軟到似麻薯，數量亦都唔多。一諗起出煙嘅飲管同埋辣傷咗嘅脷，呢間我絕對唔會再返兜了……Read More

估唔到我第一次OpenRice嘅食評居然係畀萬波。飲過荃灣呢間不下十次，以前嘅我肯定會畀五星，但今晚呢杯真係搞唔掂。全部芋圓都係偏硬，有幾粒嘅中心位置甚至係呈硬粉狀，八點半買嘅我到而家十一點都依然感覺到隱約嘅牙骹攰。唔明點解可以犯咁低級嘅錯誤，呢杯話晒都係$44嘅飲品…？除此之外，今晚明顯感覺得到入面嘅芋頭少過以前好多，以前飲晒啲奶之後，杯底都仲有好多芋粒淨，今晚呢杯就只係得一堆極硬嘅芋圓加極少芋肉，飲到懷疑人生。單就今日嘅經驗絕對係要劣評，揀「一般」純粹係因為之前飲咁多次都正，但我大概短時間內都唔會再選擇呢間。…Read More