Harriet Shum's Profile

第一次光顧馬鞍山大自然素食，銅鑼灣的分店以往常常幫襯，只能說正常味道，沒有什麼驚喜；今次因為轉了工作地點加上坐同事架車去這間素食店試一試午餐，有幾個特選午餐可供選擇，均贈送一盅例湯（夠2人份量），好清甜的素湯，不錯！我們4人叫了2個午餐送2例湯，另加一客叉燒配4件包子及一客素小籠包（1籠8個）。齋叉燒夠熱又不會太甜，包子夠熱辣；另小籠包皮不算厚，價值58元我覺得算是非常合理；另我們還叫了一盅腰果露（4人分來試試），雖然顏色看落較淡，但食落夠稠不太甜，下次可以再光顧，希望水準能維持啦！…Read More

小妹住北角多年，近日發現開了海家 酸菜魚，本人欲試但苦無機會又唔知好唔好食，今天終‘的’ 起心肝去試外賣，買了微辣酸菜魚（2－3人份），但好大份量，4個人都夠食；另有涼拌萵笋絲（麻辣味 普通）；最出色都是酸菜魚；東區之友有興趣都可以一試，實在幾好味！好味到相都唔記得影，下次補番！…Read More

幾年前幫襯過，當時仍未轉名；近期再幫襯已改名川粵樓，待應們及大廚自己出資開，裝修無咩大改，但味道更勝從前，今次已是一星期內第二次幫襯，可知有幾好味！本人都不是麻辣控但真心覺得四川味道做得正宗又好味，川粵樓是其中一間值得推介，最重要價錢公道，味道正宗！下次仍會和不同朋友再幫襯的。…Read More

三個人的浪漫~今次已是第2次幫襯，水準保持，環境好，又可以慢慢食，不用趕交枱! 今次坐2/F, 推介菜式 - 乳豬皮脆肉嫩， 雞肉沙律好新鮮， 粟米片配肉碎，另叫了一支白酒! 總之好味道，推介大家來試!…Read More

我已是第二次光顧雪園飯店，並沒有第一次那麼多人，很奇怪一間幾好味的飯店居然在中秋假期後出現小貓三幾隻既情況，所以要來到寫食評撐一撐佢.今次一共9男女，所有朋友堅持要遲到的我去點菜，於是叫了前菜3拼~ 素鵝，雞絲粉皮，鎮江肴肉～行貨但好味！乾扁四季豆～普通雞菘肉未＋叉子燒餅～好味，必食！山煎包~ 好味，但朋友話小南國好食d!小籠包~ 水準之作!芝麻葱油餅~好好味，必食!樟茶鴨半隻～好好味，必食！炸子雞半隻～普通！小圓蹄～好味！上海炒年糕～普通！上湯津白～ｏｋ！鍋貼~幾好!甜品叫左一鍋合桃露＆高力豆沙！埋單citibank 九折, 喪叫之下每人都係$170蚊因為顧住吹水，所以沒有影相! 但仍極力推介給大家一試! 以雪園既服務, 格局, 食物質素及價錢絶對物超所值!!…Read More