siuchilong's Profile

你間餐廳真係開咗好耐啦，每次節假日行荷理活都見到幾多人等位，今次終於去食。啱啱打完風，夜晚7:30 ，餐廳唔使排隊。店員推介燒沙巴魚，好少見有西餐廳有成條魚咁食，所以就叫咗一份黎試。另外再叫咗一份漢堡。🔸香草鹽燒沙巴魚 配焦糖菠蘿（$258）跟餐會有一份燒薯仔藜麥沙律，餐湯同餐包。餐湯係蘑菇湯，會有蘑菇肉一粒粒，幾有咬口。呢個製作需要時間，食完個漢堡佢先至嚟，擺盤好豐滿，成條魚上好誇張。燒魚嚟講佢都算滑，當然梗係就冇清蒸咁鮮甜啦，但係咁樣食法真係幾特別，值得一試，伴菜有啲薯蓉好好食，因為燒菠蘿啲汁留咗落去個薯蓉度，甜甜地咁。🔸手制和牛漢堡伴薯條（$188）呢個跟餐可以選擇煙鴨胸沙律/蕃茄醬肉丸，我哋就揀咗肉丸嘅，另外都會跟餐湯同餐包，仲有甜品。蕃茄醬肉丸就一般，可能食慣ikea肉丸啦。和牛漢堡好有驚喜，和牛煎得好，而且好Juicy,竹炭麵包好香趣。另外跟餐加$30 可以轉奶蓋特飲，我叫咗芒果奶蓋沙冰。奶蓋好食，上面有啲芒果乾，好特別。總括嚟講，值得推介！…Read More

想打邊爐，見OpenRice訂座有優惠，就試吓啦！打邊爐有四個價錢，優惠就係可以用第三個價錢$368(M5M8和牛set)加$20 upgrade去第四個價錢（原本$468)(A4和牛set), 又或者用第三個價錢第二位就有半價。我哋揀咗前者，朋友話想試吓佢啲A4和牛。朋友唔食辣，所以揀咗胡椒豬肚湯。湯底胡椒味就唔算好出，反而好有豬肚味。而牛嘅款式真係好多，基本上試晒咁多款牛已經飽晒😂😂我哋叫咗10幾款（好似仲未點齊😂）推介胛肉眼，脂肪分布均勻，牛味唔算好出，但入口即溶，正👍🏼另外餐廳仲有提供幾款熟食小食，飲品任飲，甜品就最後會提供一杯雪糕或者一件蛋糕。三百零蚊食到咁多牛真係唔錯嘅選擇！…Read More

下午三點點幾，仲要等位，等左二十分鐘左右，叫左個afterwords tea set, 個tea set都幾多野食，味道唔錯，而且仲幾抵食，食到好飽，差啲食唔晒，值得推介…Read More

下午茶去食，即刻有位，叫左個西多士，同埋一個餐蛋麵，咁有一個樽裝奶茶。餐蛋麵個面煮得啱啱好唔會太淋，但係個西多士好普通，樽裝奶茶幾好飲。舖頭得兩個人，一個煮嘢食，一個服務客人同收錢，要啲耐性先至落到單。…Read More

夜晚差唔多7點去食，唔洗等位，點左black squid ink spaghetti with salted egg yolk and soft shell crab, 個炸軟殼蟹好食，但個意粉好硬…Read More

星期日下午茶時段入去，等左一陣已經有位，好快就點左餐，點了個帶子意粉，味道唔錯，份量就啱啱好，不過個餐包要提服務員幾次先上比我，飲埋湯，上埋個主菜都未有，成件事調轉晒次序…Read More

平時次次黎食都會叫燒豚丼，呢到係最出名呢個飯，同埋覺得係好食。今次的起心肝試吓其他款式，睇menu介紹圖有一款幾吸引到我眼球，我決定就揀佢。佢就食宮崎和牛芝士黑咖哩飯。黎到真係黑蚊蚊，個樣都好似好好。第一啖試左黑咖哩先，味道食同平時食嘅日式咖哩差唔多，再試牛肉，就有d失望。牛肉煮過龍，好鞋，好乾，同埋似牛腩。變咗成件事好似食緊日式咖喱牛腩飯咁，但d牛真係唔好食。好啦，下次冇乜野我都係食返豚肉丼啦😂😂…Read More

兩個人喺荃灣求其搵間餐廳醫肚，嚟到海之戀見到隔離間餐廳排晒長龍，而呢間就冇乜人，見到唔使等位就入咗去食。我哋叫咗一個煙三文魚班尼迪蛋，真心冇乜特別，配個醬好似係沙嗲，但真係唔夾，班尼迪蛋完全唔香口，呢碟真係好唔值呀。另外再叫咗一個chocolate-nut crepe, 好死甜，而且味道好單一，真係麻麻哋。本身諗住仲叫多個法國生牛肉他他，好彩最後冇叫到，如果唔係真係後悔呀，怪唔之得呢間餐廳冇乜人啦⋯⋯…Read More

次次嚟銅鑼灣都要嚟呢到買四串野，點解要四串，因為四串先有隻碗。通常會叫魚蛋，燒賣，齋，同牛丸。但其實呢啲都只係配角，主角係食佢嘅秘製辣醬，真係好辣好好食，最緊要係刺激到味蕾。佢嘅牛丸都好食嘅，幾有牛味。其他車仔麵嗰啲就真係冇興趣啦。…Read More

疫情過後，太太一直想食呢間天天海南雞，今次終於食到啦！一早book左位，放工黎到7:30，餐廳都已經9成full。餐牌幾有特色，好似雜誌咁。2個人食，叫左6樣野。⭐️天天海南雞(中份)$158好快上菜，擺盤都好靚，雞肉出奇地嫩滑，唔似出面嗰d海南雞，鞋口又乾爭爭，平時我都唔太好海南雞，今次真係對海南雞改觀。就算唔點汁，都已經有本身獨特既味道，當然點左就有另一番風味。⭐️雞油飯(1-2人份)$38食海南雞就緊係要食雞油飯啦，1-2人份量多到眼都突，抵到咁。個飯食落唔係油淋淋嗰d，但會食到雞油香味，超正！⭐️響螺燉雞湯$78呢個湯響螺夠出味，再加上雞燉出黎既精華，超級滋保。⭐️黑金叉燒$88除左海南雞，呢個叉燒真係必食，半肥半瘦非常平均，上檯後職員會即刻幫你再用火槍燒，香味瞬間撲鼻。叉燒肉質超級juicy，食完一舊又一舊🤣⭐️咖喱脆腩$128咖喱脆腩就冇海南雞同叉燒咁出色，但口感一流，外脆內軟，再配上咖喱汁，係一個新嘗試。⭐️原味小籠包$28小籠包即叫即蒸，要20分鐘左右。上檯熱辣辣，唧埋支醋入裡面，同小籠包既湯簡直絕配。最後飽到d雞油飯要外賣拎走😆😆…Read More

同朋友行旺中，一經過見到Nuttea又好想飲😂😂，朋友竟然話未飲過，咁正嘅野未飲過，緊係要捉埋佢一齊飲啦...本身想飲返芒芒堅果奶蓋茶，點知係Menu搵極都唔見呢杯，咁就比個機會我試下其他啦，見到呢杯伯爵朱古力堅果奶蓋茶係攞奬，咁就試呢杯啦！而朋友就非常健康，佢話要飲熱飲，都好多選擇，其實大概係生果類冇得揀熱飲，其他都有。朋友最後揀左宇治抹茶堅果奶蓋茶，聽個名都覺得正。🔅伯爵朱古力堅果奶蓋茶（$47）試咗面頭啲奶蓋先，同平時奶蓋唔同，朱古力堅果奶蓋，朱古力味好香好濃郁，再飲啖嘅伯爵茶，又可以中和返朱古力嘅甜味，好夾呀。🔅宇治抹茶堅果奶蓋茶（$39）偷飲咗朋友一啖，口感濃郁，抹茶味回味無窮，甜度亦都啱啱好，下次我都會飲呢杯！…Read More

好味又抵食，差唔多個個星期都食一次，壽司飯好味，壽司魚生勁新鮮。芝士炸蝦反卷即叫即整，熱辣辣新鮮炸起好好食😋另外最愛三文魚，無論壽司、刺生、壽司飯都好美美🤤…Read More

呢間熱狗店都好多間，終於係九龍城開了！見佢出左chokchok 薯條，一定要試下，平時都好鐘意食M記既shake shake薯條。為左呢個Chok chok 薯條，叫左平時最鍾意食嘅澳洲風情熱狗，同薯條，今次試下芥末紫菜味。食物即叫即整，非常新鮮，熱辣辣。熱狗保持到水準，醬汁豐富好味。薯條新鮮炸起，脆口好食，唔會淋晒，加上個芥末紫菜粉，令薯條味多左好多變化！CHOKCHOK薯條仲有幾種口味，睇黎要食多幾次試埋佢地！…Read More

呢款刺身飯近期都食過幾間，比起以往刺身飯，多左不同既醬汁選擇。以往食開既刺身飯都係飯上面擺滿刺身，食既都係食材既質素。不過呢款刺身飯就好大分別，食法似撈刺身飯，可以揀自己喜歡既材料同醬汁，刺身同配菜都係切粒，方便一口食到多種食材，味道十分豐富！…Read More

夜晚8點半排20分鐘有得入坐了，點左豚骨魚介拉麵同豚骨魚介味玉沾麵，仲有一份炸雞。沾麵較拉麵好食，呢度用既麵較為粗身，食完都要啲時間去消化，一碗拉麵都好飽。炸雞有少少炸過龍。整體上，拉麵水準普通，可能粗麵唔啱我，個人口味問題，同行朋友覺得麵好食，但湯就有少少失色！…Read More