trayy's Profile

1. 千四蚊四人餐，人頭三百幾有啲貴。（已加埋10%服務費）2. 舊式，小小西式/茶餐廳裝修。3. 枱與枱既距離近，係隔離位有幾聲咳就噴到既距離。4. 服務好。5. 擺盤靚。6. 食物介紹：頭盤係呢個無飯手卷，紫菜新鮮脆口既，可惜菜苗既草青味太大。飲品無特別的。素燉湯足料夠味。魚餅太硬身，明明好薄，但砌唔開。Pizza 係唔錯既。姑好味既。咖哩完全無咖哩味，只有椰汁味個餅煎得夠脆口。見人見智，同枱有人覺得太咸，有人覺得可以。…Read More

作為香港人都一定有幫襯過傳統燒味舖，燒味舖比我嘅印象就係行入去個地板同牆身永遠都油淋淋，就算食落口啲嘢幾好味，都總會令我想像到夜晚有幾多老鼠曱甴喺度經過。今次行經元朗發現有一間燒味舖，黃綠色嘅牆身配搭一系列王家衛電影海報，乜Wing Shya搞燒味店咩？藝術同燒味可以cross over 咩？一坐低就即刻有一碗例湯喺面前出現，真係好配合呢間嘢嘅招牌 - 香港，香港係乜野，係快！既然件事咁香港，間鋪又咁多電影poster, 我都叫返一樣近排香港最hit既食物，《飯氣攻心》入邊嘅主角-叉燒。不過個人鐘意食脂肪（因為我無），所以試左叉腩。個飯一到咗，我驚為天人！係擺盤，點解個叉燒飯可以擺得咁靚仔，上色又咁均衡，條新界菜點解可以咁綠？個視覺衝擊簡直可以媲美牆上邊嗰幅《春光乍洩》嘅海報。叉腩肥中有爽，仲燒到少少濃邊，甜鹹度控制亦非常到位，加埋杯野飲都只係$48蚊，真是very 的good! …Read More

好耐無去過九龍城，原來而家開左咁多coffee shop，但好多打卡cafe都大排長龍，排隊去chill真係一件好矛盾既事，咁就同Sofi coffee 結下左緣份。呢間sofi coffee 門口非常低調，就咁擺個menu係門前，完全望唔到入面啲座位，唔使怕俾街外人指指點點。一入店內，昏暗既燈光已經令人有種放鬆既感覺，店鋪唔細，入面仲有個枯山水庭園，（聽完呀jer 首歌就遇到枯山水)Order左咖啡同曲奇，唔會太甜，剛剛好配合到店內既氛圍非常適兩個人傾下計，又或者一個人去睇下書，安靜一下自己。…Read More

成日去啲大型公司管理既商場，food court 餐廳千篇一律，豪無新意，8間商場8間food court 都食緊同一集團。西九龍中心food court 就好在多小資經營，百花齊放，乜都有得食。今日食到呢間素食店，試左個叉燒炒意粉，即叫即炒，素叉燒同意炒都炒到有輕微既燶邊，非常夠鑊氣又香口，仲好食過出面啲真叉燒少意。好少食到咁有鑊氣既素食，味道亦夠濃郁，補救到素叉燒同真差燒既差距，好味又健康，真係值得一試再試。…Read More

仲以為自己樣衰俾收銀大哥寸，睇番啲comment原來我不是孤獨一人，有前人都係度受過氣，真正M底專用餐廳。成餐飯都好地地，食物黎講其實無乜問題，就係正常台灣野，堂食服務都無乜問題，點知埋單就出事。其實間餐廳啲付款系統壞晒，都唔使咁惡既，機器故障，又無人怪你，真係無必要惡左先既。望到餐廳隻碗寫住「生活很難，為你加油」都有小暖心，殊不知連餐廳門口一關都咁難過食完餐飯食完雖然感受唔到幸福，不過一定一肚氣咁飽…Read More