StephanieAHAHA's Profile

平日午餐時間過尼，唔算多人。我1:27叫左份午餐，等到1:53佢先上，仲要上錯餐🫠 我等到2點都冇啱嘅餐送番過尼，我lunch hour都過埋咖喇，唯有叫佢同我轉外賣。等到2:05佢終於拎袋外賣過尼。我即刻去俾錢，同佢講俾Visa，佢仲要覆番我話俾Visa，我一拍個電話落去，丫佢charge左我八達通喎🙃 講真，又唔係即叫即煮，點解要搞咁耐呢？仲要頻頻出錯😅 喺得銅鑼灣呢啲區做午餐最忌出菜慢，大家都要趕住番去做嘢咖…Read More

上社交媒體網站見到介紹所以去試下，去到見到價錢好平而且好多人排隊。叫左個多芒楊枝甘露。三十九蚊，份量都幾足，夠兩個人輕食。個樣係好靚嘅，包裝用嘅盒都非常有心思。但食左一啖之後真係唔想再食第二啖。1. 唔夠凍2. 芒果切得太大粒3. 西米太多太大粒，搞到好穊4. 芒果底冇芒果味，又稀，得個甜字5. 唔夠碌柚成碗嘢個味冇乜層次，應有嘅味又冇，真係得甜味。雖然都見到佢入而有幾個人喺度即時切芒果同打芒果汁嘅，至少知道係真芒果先。…Read More

首先就係肉類嘅質素麻麻地…… 味道真係完全唔及之前食過嘅所有其他巴西燒肉。有啲就過咸，有啲就冇味。啲server又論論盡盡咁，每次經過都要撞到我地張枱同櫈😅 但啲位其實唔逼咖喎。當晚係情人節，好多人都拎住公仔呀花呀嗰啲。server話幫我地keep住手上面袋嘢，點知之後又叠其他客人嘅嘢上去，壓住我地嗰袋。最嬲係我地坐低之後佢地話幫我地keep住件褸，到我地走嗰陣問佢地攞番啦，佢地指一指出面叫我地自己攞。行到出去周圍望左陣先見佢只係將件褸放左喺門口一個角落。唔講以為係失物…… 感覺有啲唔好。…Read More

一坐低，店員遞左一份好confusing嘅餐牌俾我地，猛叫我地用微信scan餐牌上面個QR code，話可以平廿蚊又有一堆優惠券咁。語氣就麻麻咖喇，但咁見佢咁努力就scan啦。我scan左先，已經填緊資料嘅時候佢又遞左另一個code過尼叫我朋友scan嗰個。點知我填晒資料又唔見有優惠券，同個店員講啦，丫佢話因為我太心急scan左餐牌嗰個所以冇喎，要scan佢之後俾我朋友嗰個code先得。即係唔係貪你嗰堆優惠券，但個感覺真心差，我仲要講埋出口話「下，咁都得咖咩？你叫我scan咖喎，我心有不甘咖喎咁」當時有個疑似係店長嘅人都在場，一句表示都冇。識撈少少嘅都應該會offer番啲優惠俾我丫，完全冇之餘仲要怪係我自己太心急？之後我另一個朋友尼到，個店員又拎張嘢過尼叫佢做會員啦。咁我朋友就慢慢一邊整一邊同我地傾計，個店員就不停過尼摧佢問佢做左會員未。到最後我朋友電話網絡唔好，連埋上佢地wifi都load唔到佢個會員page，個店員仲要質疑佢明明俾埋wifi佢點會整唔到。大佬，上唔到就上唔到咖啦，你頭先睇住佢整咖喎。跟住佢就用啲好悔氣嘅語氣話「咁佢地有折你冇囉」lol ok fine 我地真係好想要你嗰廿蚊discount點算🙃食物整體係ok嘅，但成個體驗有啲差。其實做唔做到會員拎唔拎到堆優惠券都冇所謂，因為根本唔會再尼。香港蒸煱又好食服務又好嘅餐廳多的是，唔洗喺度聽佢悔氣sell會員。…Read More