anguschan113's Profile

先前收工去左食黃大仙既和氣食堂🦿🦿🦿，黎到都8點多啲。出面又有人排緊隊，等左都唔算好耐，大約10分鐘左右就入到去。成個場都好旺，見到有啲figure放左係牆身，好多日系公仔模型。跟住叫左個海鮮四色丼、黑豚肩燒丼同埋照燒魷魚筒，連埋個芝士軟殼蟹手卷。野飲就叫左青蘋果奇異果梳打🍏🍏🥝🥝同埋藍柑白桃梳打🍑🍑🍑照燒魷魚唔錯呀，拎到上枱既時候個樣都經已好吸引，燒魷魚的香味湧入鼻窩，加上煙韌既口感，出色👅…Read More

同朋友過左黎大角咀呢邊搵野食：pp我自己本身都幾鐘意食秦國野，見到呢間個名咁趣致，叫泰嘟嘟。一於入去試試，入到去叫到佢有啲流動車既枱設計，我估係跟番泰國路邊既設計。跟住走唔甩一定係叫番碟泰式肉碎煎蛋飯黎食🤤有少少spicy ，跟住又幾好食worrr跟住再食埋佢既飛天通菜：pppp水準之上呀，通菜同肉碎煎蛋都係my favourite of thai cuisine.再加埋佢既炒粉同串燒，炒粉好快就俾我同朋友兩個食晒😋鐘意食泰國野既朋友可以黎試試，好食架😜😜…Read More

天氣開始轉熱了，所以襯仲凍凍地就拿拿臨去打個靚邊爐先。過多幾日直頭要著背心ga la，呢間邊爐係旺角，咁就係叫餸食飯既。上到去應該係23樓，入到去都靚靚仔仔，同埋比想像中多人。坐定定之後就簡左食個BB辣既雞煲，隔左大約15分鐘就有得食了：p我地叫既係半隻雞，兩個人食係岩岩好，如果兩個人以上，我會建議你地叫成隻黎食。雞煲同出面任食既有好明顯分別，一分錢就一分貨仔：p 利申番食開譚仔3小，呢個辣度就岩岩好。雞肉都好嫩身。之後呢就叫左佢地既雜錦丸同打邊爐必叫既雪花肥牛，肥牛就高質既，雪花再多d就最好：pp雜錦丸可以話就係合理發揮，食到一半，呢個湯底點都要再叫個公仔麵埋齋。完全無得輸：pp…Read More

先前回去柴灣，自從大學一年級後回到呢個我長大既地方既日子寥寥可數，突然想食海南雞飯，走過街頭見到呢個價廉物美既舖頭，連湯加汁加飯都係$45，食落雞肉尚算嫩口，湯水都還不錯。住附近既朋友不妨過黎試一試。一講起海南雞，我諗起大學既canteen。「海南雞飯吖唔該！」有時候有雞髀，有時候無，次次都會問佢可唔可以多薑蓉，姐姐望我一眼，就遞上一小個膠盒裝起來的薑蓉。然後，拎住個托盤去攞野飲，通常飲凍檸樂或者凍檸茶，更多嘅時候係會問隔離左右飲咩，之後就跟佢一樣。大學既生活好簡單隨意，重點從來都唔係個海南雞飯/杯凍檸樂，而係同身邊既老死諗緊陣間有咩攪，講下d八掛唔等使既事。當時海南雞飯既味道，實在唔知會唔會有機會再試到。…Read More

有個禮拜五收工，又再去大埔搵好野食。唔搵都唔知，原來大埔有咁多好野食ga。Happy Friday當然就要搵間chill chill餐廳，行左一陣見到呢間NOC NOC，氣氛都好唔錯，所以就入黎試試佢；pp叫左個牛扒同埋一杯啤酒就一定唔少得。果夜播既我都唔知咩聯賽，我諗都唔太需要知道，重要嘅係我竟然見證到入波，加埋周圍人既笑聲同background music 。酒精加上星期六既期待，令我特別放鬆。隔咗一陣，牛扒終於黎左啦，味道當然係水準之上，但係後來睇來當日影既相片，發現我實在唔太識得影相，有槐於當日既牛扒。講起就有d肚餓，即刻去搵塊扒食先。:))…Read More

呢輪成日都聽既龍門冰室，今日終於同朋友過去試下。入到黎當然就係人頭湧湧，坐滿晒人，好在都唔使等位，直接就有位坐。有人講過話呢度既職員態度唔太得，但係我今次黎又完全無問題bo，仲要好nice。我地叫左紅燒鮑魚湯麵/英式早餐/蔥油雞扒叉燒飯，好豐富，呢度野食既種類係茶記黎講都算幾多，所以黎到都唔怕無野食岩食：）除此之外，我地叫左椒鹽雞翼同埋薯蓉焗青口，椒鹽雞翼椒鹽味再多啲會更好食😋。下次過嚟一定會再支持：）…Read More

前一排同朋友去油麻地搵野食，最後黎左呢間Bellevue。餐廳係高層，望出去都好開揚，枱與枱之間有一定距離，同心儀對象上黎約會非常適合。大家可以靜靜地傾下計，飲支82年既紅酒。如果女朋友生日/特別時候慶祝，呢度不失一個典雅而具格調既地方。環境同服務黎講，呢度都一定係好高分數，佢哋既野食都好唔錯。我同朋友叫左ribs 同risotto，另外加左黑松露薯條同最後既Bellevue Sweet Surprise。Main dish黎講ribs係好出色，肉質好嫩，調味岩岩好；作為本身risotto頭號愛好者，呢餐既risotto雖然色調有d意想不到但食落都係水準之上。薯條方面就不過不失，鐘意黑松露既朋友可以一試；最後既Bellevue Sweet Surprise真係有surprise ，比好多甜品鋪頭好食。…Read More

今日去左大埔食呢間泰國野，木船（wooden boat)，一定會再番黎食🥳🥳雖然叫大埔，但係其實係近太和站多d。由地鐵站行過嚟大約7-10分鐘，入到去地方都好寬敞，氣氛好舒服。我首先叫左個青木瓜沙律，泰式沙津入面會有炸過既腰果同提子，夾埋青木瓜，又fresh又唔會難食。之後再叫左個泰皇單骨雞翼：ppp炸到好香口...最緊要係單骨食得好方便😚😚然後想食炒飯，於是叫埋個串燒雞柳泰炒飯，食過咁多間泰國餐廳既炒飯，呢間係數一數二！！！串燒既汁係世界級，諗起都想再番去食🤤🤤飲品方面我叫左脆爆芒果園，呢杯野好邪惡，鐘意芒果既一定要試！呢間野絕對水平之上，價錢都唔算貴，下次經過太和，一定會番黎再食！…Read More

尋晚食間一鳴拉麵真係唔差😍今晚特登過嚟呢頭食隔離個孖生兄弟‘一鳴丼食堂’，結果都無令小弟失望：pp入到黎，經典壽司鋪頭裝潢，同埋d夥記都好熱情:)首先整左杯熱茶飲，茶味唔會好濃，水又唔會太熱，好似薛之謙首歌一樣《剛剛好》😈我叫左火炙三文魚脂壽司、海膽😍😍同埋一鳴鮮魚湯烏冬。火炙三文魚脂壽司係超級好食！！！表面層魚脂燒完之後好香，海膽口感好豐滿🤪🤪烏冬既湯底聽員工講係由三文魚骨熬製，唔會好濃，但係有魚香味，好高質🥳🥳🥳一個人實在食唔到咁多野，有機會一定再過黎😚😚😚…Read More

<郭仔記粥店>星期六過到黎大埔呢頭，聽講呢間郭仔記粥店幾出名，咁啱腸胃麻麻，唔想食面/飯，於是過黎試下。呢間粥店其實車仔面應該都係主打黎，距離地鐵站行大約8-10分鐘，唔太遠。黎到大約兩點左右，好多人，夥計都幾忙。我首先就叫左碗皮蛋廋肉粥，粥底幾滑，好足料同幾甜🥳我食過咁多間粥店，講真好食既唔多，呢間咁出名係有佢既原因😋😋之後叫左杯豆漿，偏甜飲一小杯都無咩問題，再加埋燒賣同腸粉，腸粉配埋甜醬一定無得輸😍😍最重要係價錢真係好抵：ppppp如果下次我再過黎，我會叫埋佢既辣魚蛋，同埋試下其他粥🤨🤨🤨如果住得近我應該日日都會去食😚😚😚…Read More

今日同舊同學黎到尖東，佢本身係食素既😏😏，於是周圍搵睇下有咩好食既素食餐廳。睇睇下居然俾我發現左呢間素食印度菜，講真咁大個仔都係第一次食素既印度菜haha🤣🤣入到黎估唔到個環境咁企理乾淨，應該話好靚仔。雖然就係3樓既樓上鋪，但係都幾多人。侍應姐姐用充滿地道印度口音幫我哋點菜👹👹，本身應該聽唔明🙇🏻‍♂️🙇🏻‍♂️，但係最後指手劃腳都溝通到。😼😼我地叫左sweet corn soup ，個湯口味適中，粟米好甜😆之後仲有咖喱角，點落咖喱汁上面好出色。再食埋個炒飯，餐廳好細心叫我地叫小辣，最後出到黎都好香口又辣辣哋。當中我覺得薄餅with cheese係最好味既...味道咸香，下次過嚟我會再叫黎食😍😍😍…Read More

今日再過黎大埔，左搵右搵想整個拉麵食下，入左呢間一鳴拉麵。睇到個店名，即刻諗起火影忍者入面既渦卷鳴門去一樂食拉麵既畫面😍😍小學睇到大個，始終未睇晒，可能等到退休再睇...唔知到時終卷未...言歸正傳，入到黎舖頭唔算大，好多人幫襯。環境黎講同普遍既拉麵舖都差唔多，都幾唔錯。睇左兩睇份menu就叫左個‘焰鳴’，姐係地獄醬豬骨湯底拉麵😂。我唔知大家鐘意麵底硬度如何，我自己食意大利粉定拉麵都係要硬身既，如果唔夠硬，成碗即刻扣一百分..終於黎啦碗麵，賣相好唔錯😛食落去麵質我都好滿意，叉燒同隻流心蛋都係水凖以上，如果麵量可以再多就好🤤另外叫多個炸雞，呢個炸雞真係喜出望外，肉超滑...外皮又炸到好脆，鐘意炸雞既朋友一定要試下！！一個人食晒實在太邪惡了😈😈…Read More

朋友見我咁苦惱有咩好食，叫我過黎大圍呢頭搵食。過到黎又真係十幾萬間野食咁滯，行左一大圈，簡左呢間風車餐廳。呢間半bar半餐廳，入到黎個氣氛好舒服，播住Taylor Swift, One Republic ,Ed Sheeran 等等的流行歐美音樂。微暗既燈光修飾你的輪廓，配合一杯whiskey sour /Draught Asahi 就係最適合同女伴共進晚餐的地方。可惜今晚我只係一隻單身狗，汪汪。言歸正傳，頭盤叫左香煎阿拉斯加蟹肉，多士配合蟹肉，即使唔係天衣無縫都經已無懈可擊。多士夠薄夠脆。之後叫左隻西班牙乳豬，呢隻可能係我出世到而家食過最好食既乳豬。你難以想像佢可以咁脆之餘仲可以咁嫩口，回味無窮。本身想叫杯啤酒，但係諗諗下自己好似無點試過mocktail ，叫左杯strawberry colada，都係水準之上。…Read More

今日收工緊係又去搵間好野食：p，沙田圍花園城呢頭，雖然就唔算好近地鐵站，地方唔係特別大。但係有好多唔同野食，由茶仔到越南/泰國/日本都應有盡有。搬咗過嚟呢頭住都真係一個唔錯嘅選擇今晚左簡右簡，最後去左食台灣飯店九份十份。入到黎，我發現我好鐘意個裝修。唔係好識形容呢度，你地自己睇相haha，總之成個燈光setting都高質。之後仲播住台灣歌星d歌，都係我細個聽開果班😂好有親切感。我問呢度d員工有咩介紹，佢哋推介《醉小三》作為開胃菜。另外我再叫左杯曲奇沙冰同埋《綜合滷味肉燥飯》，我對肉燥飯有種莫名既喜好。呢個醉小三真係好食😍😍醉雞既肉好滑，加上少少酒味；鴨舌同豬手都好有口感，又唔會好重酒味，剛剛好😋最後食個肉燥飯完全無失望，咸度撈飯食好正：ppp杯Oreo係對於我呢個Oreo lover黎講就係錦上添花。今餐好滿意！…Read More

夜晚想搵間日本餐廳食下壽司，咁咪去樓下周圍搵下，見到呢間和氣食堂。平時見佢地好多人排隊，所以都好少食。今日難得人又唔太多，一於入去試下。我叫左個左口魚邊牛油果🥑沙律開下胃先。成日出街食飯，有時真係唔太健康，最好就整個沙律清下腸胃，唔好日日都大魚大肉。d菜係好新鮮加埋d左口魚邊同牛油果，口感係好rich同fresh😂當然黎到既目的係壽司，唔可以唔提下佢。我都估唔到呢間d sushi都好出色：p鵝肝同埋海膽都出色到不得了，加埋塊帆立貝，我都幾肯定下次會再過嚟呢度食。d 海膽實在認真唔錯，咁我再叫埋個黃金海膽炒飯做結尾，食到真係好滿足...另外，呢度既職員都好nice，應該係我呢輪食過最高質既一間餐廳..…Read More