TFNG1015's Profile

沙龍係好有心機對待每樣食材嘅小店🤍日間cafe 晚間居酒屋佢哋會好清楚話你知每樣食材嘅處理同烹調方式▫️八女抹茶提拉米蘇必試❗️估下佢用咗咩酒整呢個tiramisu答案係：Sake!太有feel了 除咗有好香嘅Sake清香酒味 成個presentation好似櫻花樹咁 好靚!!!八女抹茶唔會滰粉 夠濃夠滑 我會再嚟食！希望menu可以長期有 QAQ▫️牛肉他他必試❗️同我想像中嘅牛肉他他有啲出入🤣但係個日式醬汁好好食 同埋生牛肉好夾!!▫️牛舌芯必試❗️靚！爽！口感perfect!▫️清酒煮花甲花甲夠肥夠新鮮 好多隻(⁎⁍̴̛ᴗ⁍̴̛⁎)不過食到底個湯太鹹 可能配酒飲會比較好▫️生蠔味道口感還好 👵🏻略嫌調味太多 但係都好新鮮▫️風乾白鱔必試❗️好癲呀 勁肥美 個皮燒到勁爆脆 好厚肉 不過會冇咁juicy 所以爭少少 建議食普通燒白鱔！▫️魷魚筒點柚子醬係好正 整體正常 一班人食可以嗌 兩個人食會好辛苦😂▫️月見豚肉棒有啲失望因為有個位燶到有啲苦:< 但係肉入面嘅質感好好▫️雞橫膈膜幾有趣爽口彈牙 不過都係冇乜肉汁 鍾意Juicy嘅雞肉多啲好鍾意有storytelling嘅小店 睇到佢哋好俾心機買靚嘅食材同serve full-house出餐會比較慢 繼續加油！！…Read More

▫️終極之廣島牡蠣濃湯拉麵 [$138]之前去台北食過蠔拉麵覺得有啲太稠呢個我覺得啱啱好 仲要有超級大隻蠔+好多蠔碎成個湯夠濃而且有蠔嘅鮮味 叉燒係粉紅靚叉燒 雖然好薄 不過呢個價錢有咁多隻蠔係好開心嘅!!▫️終極之多重貝汁湯拉麵 [$139]又有靚帶子又有鮑魚好開心(⁎⁍̴̛ᴗ⁍̴̛⁎) 蠔湯吸引啲但係鍾意食海鮮嘅都可以嗌呢個▫️炸雞皮餃子 [$28]Must嗌 大愛😂😂😂好脆好juicy的雞皮 食到合埋眼( ´▽｀)最後好欣賞拉麵店用心製作 同埋會問客人攞意見feedback🍜…Read More

▫️ Coffeelin Griso Coffee Tiramisu [$68]係無酒味的tiramisu 但個custard cream好綿！口感好香滑 顏色超靚 整理又唔會太甜 推～▫️ Spaghetti with Mushroom, French Bean, Sundried Tomatoes & Truffle Cream 意粉質感普通 唔會太重松露味 加埋乾蕃茄可以解吓膩▫️The Milano [$108]Ciabatta有用牛油烘香 好脆！！平時好憎火箭菜不過有雞肉蘑菇配埋一齊都不錯 整體比意粉出色▫️Dirty [$42]要讚～用嘅豆同奶好夾 帶到牛奶嘅甜 整體比例唔錯(⁎⁍̴̛ᴗ⁍̴̛⁎)店內環境幾chill唔嘈吵 幾啱weekend嚟嘆杯啡:3…Read More

黃埔終於又開新糖水舖 fusion甜品夠signature同好食(⁎⁍̴̛ᴗ⁍̴̛⁎)推介法式紫米露同薑汁甜品!!😍▫️法式紫米露 [$42]好特別+好好食 有椰奶紫米香 燉蛋唔甜 味道真心夾 會encore!!!▫️紫薯芋茸蓮子西米露 （凍）[$35]雖然望落有啲半透明😂都幾香 食到粒粒紫薯茸同芋頭香 可能熱會再香啲▫️薑汁芝麻湯丸+芋圓 [$32+12]呢個好驚喜 因為 好 薑 好 辣 我好鍾意呀!!!!!🥰🥰🥰竟然俾我喺出面食到咁薑茶feel嘅薑汁 唔好甜嘅me覺得好正湯丸正常發揮 但因為個薑汁我會加好多分芋圓偏細粒 唔多肉 但夠q彈…Read More

真心唔覺有差到( ´▽｀)包都係咁大舊 配料好新鮮 都係啖啖肉 都係咁抵食!!!▫️BBQ菠蘿雞扒堡 [$42]問完發現原來菠蘿雞扒堡係尖沙咀店限定!!!真係超鍾意佢哋用成塊菠蘿 咬落口爆曬汁 清新口感✅ 雞扒炸得超大塊 雖然唔係爆曬汁但都係好厚肉同唔鞋▫️大啡菇芝士牛堡 [$59]大大塊大啡菇 個慢煮patty同菇都好juicy!!! 舊芝士溶得啱啱好🥹唔難怪咁多人嗌呢個( ´▽｀)▫️炸燒賣 [+$18]+$18 Set Price就有汽水同小食炸燒賣真係 好 邪 惡 但 好 好 食好脆 入面魚肉味又夠香 加埋佢啲粉真係好鬼正🥹💛…Read More

成日覺得新蒲崗無乜好野食 今次食呢間廣場入面嘅cafe幾驚喜 舖位好唔起眼但係pasta同咖啡都有心思:3▫️蕃茄奶油汁雞肉燉意大利飯 [$92]呢個有驚喜!! 雞肉好嫩 係慢煮雞胸肉咁！意大利飯係用咗risoni!!! 好似米粒形狀嘅意粉 好好嚼🥹蕃茄奶油汁唔會太膩 夠輕盈 食得開心(((o(*ﾟ▽ﾟ*)o)))▫️厚椰奶咖啡拿鐵 [$45]欣賞cafe會俾人揀咖啡豆:3 如果有特調通常我都會揀nutty豆 呢個blend得幾好 咖啡豆味仲係夠香 真椰奶無香精味▫️開心果咖啡拿鐵 [$48]見到佢開心果醬係夠 不過同咖啡無想像咁夾有機會會試開心果特調無咖啡版▫️開心果巴斯克蛋糕 [$48]家姐想食 me對芝士蛋糕都係冇興趣 佢覺得好重芝士味🤣…Read More

▫️NZ Grain-fed Rib Eye Steak 12oz 幾大份 夠juicy 切開有啲多筋 但食落唔韌 一班人嗌係幾抵食▫️US Baby Back Ribs half [$178]好多肉!!! 醬唔會太鹹 啲肉又易拆 懶人至愛😍嗌半份已經好多肉食▫️Italian Meatball [$128]我會形容佢為巨大版牛肉球走茜🤣🤣好啖啖肉 加埋茄醬係幾正▫️Homemade Apple Crumble [$78]好多粒烤蘋果🍎如果消化餅冇咁碎同甜 同雪糕一齊食就正!!! …Read More

平時打邊爐特登揀兩個鐘就係唔想咁趕點知成餐飯都係俾人摧。。。一坐低嘅時候 有個四眼哥哥已經極力推薦我哋食波士套餐話啲牛好特別 鍾意食嘅一定要食 最後食完雞煲加埋啲小食 等咗半個鐘啲牛肉都仲未到▫️波士套餐 [$338]餐前小食係炸午餐肉炸燒賣同埋炸雞 啲炸燒賣好硬。。。炸雞仍冇乜特別雞煲有豬皮係ok 但份量對於五個人嚟講真係太少最嬲嘅位就係 個雞煲只係食咗5分鐘 都未食完 侍應姐姐話唔想耽誤時間 直接將雞煲啲雞倒晒落我哋個碗就上邊爐 嗰下已經覺得今次用餐體驗係極差沙嗲湯底係幾正幾濃 但係個service實在太差 牛肉太耐都算 侍應不斷催鐘 係咁話夠鐘交枱 但係啲嘢又上得好慢 正餐都未食過甜品就話要擺喺枱面 最後冇位 放咗落餐車最低嗰格 即刻唔會再想食了…Read More

又嚟到大家成日打卡嘅Muta😂今次食到佢個蠔risotto 相當有驚喜!!!🖤🖤▫️紫菜海螺牡蠣燉飯 [$178]唔expect有3粒中大size嘅蠔 甜的!!! Risotto唔會超膩得嚟夠creamy 啲海螺片無overcooked 食得出係煮得啱啱好 真心好食!!▫️培根蛋黃奶油貓耳麵 [$138]以為會有粒蛋黃添🥹比risotto膩同乾身啲 好重parmesan芝士味 不過貓耳麵al dante!!😚同埋係我鍾意嘅肥肥bacon豬肉( ´▽｀)▫️Baileys Coffee [$52]一嚟到聞到好香朱古力甜酒味 飲落啡味好重 偏苦 不過等咗一陣啲酒味再出啲 整體唔太甜 幾鍾意！▫️烤蘋果·蜂蜜蛋糕·甜蕃薯雪糕 [$88]好正 真係成粒蘋果嚟🤣🤣平時好鍾意食apple crumble啲蘋果肉 所以呢個絕對係我的菜!!! 成個都係apple crumble嘅果肉!! 蕃薯雪糕幾香 加埋蛋糕好味( ´▽｀)…Read More

食完青花 喺The Forest發現新馬來西亞餐廳 真心 好睇又好食 環境好靚 wif my fav contrast colors xdd 會encore!!▫️鹹蛋黃肉鬆薯條 [$68]好好好大碗😂😂 竟然係我比較鍾意嘅deep fried fries!!!皮好脆 好多肉鬆 有啲蛋黃醬同鹹蛋碎 主要係肉鬆味重啲 ▫️星加坡辣椒蟹肉 配4件饅頭 [$168]‼️必試痴線 好鍾意呢個🥹先係好香嘅炸饅頭 仲要係爆多嘅蟹肉🥹🥹拆晒肉 只需要撑開饅頭 係咁舀啲蟹肉再食就好 又惹味又啖啖肉 饅頭又好香(((o(*ﾟ▽ﾟ*)o)))crazy!!! 店員好好 特登介紹俾我哋知唔同嘅材料 叻沙葉食落好香!!▫️星加坡叻沙蝦麵 [$118]My fav油麵:3 My fav egg:3 My fav 豆卜:3 夠香的叻沙 蝦都大大隻 足料desu!!▫️美祿咖央烤吐司 [$78]🤎🤎哇 真係好變態🤣🤣🤣好邪惡啲美碌好似唔駛錢咁 滿到瀉 不過塊多士依然脆口 美碌醬會cover咗啲咖央嘅椰香味 但塊牛油嘅香味都係揮不去🤤💛偏甜 睇你口味 佢哋都有就咁咖央牛油多士嗌😚▫️馬來白咖啡 [$36]馬來白咖啡就不嬲出名甜 雖然我都唔鍾意飲甜嘢但係覺得白咖啡好香 都係忍唔住嗌嚟飲🤣🤣…Read More

Long time no 牛大人!! 好開心有HEROS靚手工啤飲( ´▽｀)本身都鍾意呢個牌子🍺「芭樂鹽小麥」好易入口 有麥香同fruity嘅甜味 真心推💛💛以下係本人食咗n次牛大人之推介：🐮封門柳- 最稔最厚肉之選 一定要澳洲極上和牛個餐!!🐮沙白- 放題嚟講 可以食咁大隻咁甜嘅沙白 真係無野講 每次都好好高質(´･ω･`)🐮澳洲和牛M5牛肩卷- 好稔好香 質素就係同lower tier唔同😂🐮牛胸爽- 肥肥之選 好爽口 啲牛油爆晒出嚟😍🐮台灣腸- 最愛台灣腸：3🐮鴨血- 雖然鴨血真係好高質好好食 不過都係建議食麻辣鍋先嗌 養生湯就咁飲就正 但同鴨血食會唔夠爽🤪🐮冬粉- BEST 麵底 EVER!!! Q彈 索湯🥹ps. 落咗~20隻蝦整咗個濃蝦湯飲 神級癲 不過食到最後唔知自己食緊蝦味嘅牛湯定牛味嘅蝦湯🤣…Read More

上一次食青花係疫情期間 今次再食已經轉晒menu 有新野飲正！▫️ 楊枝甘露奶蓋 [$48]仲以為喺餐廳入邊嘅奶蓋一定甜耶耶 點知相當有驚喜 奶蓋唔算好鹹 幾稠身 好多芒果同啫喱 仲有啲金柚肉撈埋一齊 好足料 食泰國嘢飲呢個好解渴!!!▫️ 大蝦冬蔭公(小) [$96]真心好大隻蝦 而且好厚肉 好多料食 不過真係幾酸 唔算好辣 :0 ▫️ 馬沙文奶油咖喱雞 [$118]偏甜嘅咖喱 而且好多雞 肉係嫩的！仲要撈左啲腰果入去 好好食( ´▽｀)好彩嗌佢個手抓薄餅一齊食 加埋好香好好食🥹▫️ 油酥手抓薄餅（3片）[$52]好酥脆!!!勁大塊搣開 慢慢點咖喱食 無食佢嘅蒜蓉包 但係呢個薄餅真係好正 嗌得咖喱就一定要嗌埋呢個!!▫️ 炭燒牛豬雙拼串燒沙嗲 [$86]總共六串 唔算好熱但係過吓口癮都ok 都係啖啖肉…Read More

見呢間鐵板燒喺紅磡長期屹立不倒 搵日夜晚終於去咗試 平時見到滿晒座 嗰日一個客都無LOL 然後發覺呢個價錢食到咁飽係好驚喜:0▫️ 大蝦自選一人餐 [$168+1]成個鐵板餐有- 三文魚刺身- 和風沙律- 麵豉湯- 老虎大蝦- 2個main，我揀咗日本帶子同牛肉薄燒- 炒什菜- 炒飯- 紅豆雪糕杯上菜次序好random😂佢上咗炒飯先。。之後先再上三文魚刺身and so on 但係呢個價錢食鐵板燒好抵 三文魚刺身正常夠厚肉 牛肉薄燒好香好多蒜😍飯好大碗🤣但都炒得香嘅日本帶子佢切開咗一半 賣相即刻爭啲但都不過不失了 呢個價錢要求都唔會太高😂如果住紅磡 得閒落樓下想食好啲 佢都係一個好嘅選擇(((o(*ﾟ▽ﾟ*)o)))…Read More

成和道要坐電車嚟最方便 但原來條街好旺 好多野食😂😂呢間新開嘅居酒屋 服務好好 仲會落竹簾隔開客人嘅枱 好有心思 即刻再chill咗(´･ω･`)▫️ 右口魚邊 中吞拿魚腩 壽司 [$88, $88]‼️推OMG!! 係右！口！魚！冇打錯 係右口魚邊！爆晒油香 好爽口😭好厚肉 火炙咗真係一試難忘 中拖同樣啖啖肉 好出色!! 佢啲壽司真心正🥹▫️ 鵝肝多士 [$65]‼️推好脆口嘅多士 個汁味道剛好 無整濕個多士 鵝肝夠大塊:3▫️ 日本生蠔 [$68]唔係重海水味嘅蠔但夠fresh 調味also剛好~▫️ 白鱔 [$68]好厚肉！食開汁燒 呢個會無咁重口味～▫️ 牛小排伴蘿白蓉醋 [$78]好香牛香 點佢配嘅汁好好食！好鍾意食牛肉本身個肉味;3▫️雞軟骨 [$28]$28一串幾好！脆口！冇野挑剔xd…Read More

( ´▽｀)小胖係我覺得one of the最大份足料嘅便當 啲肉係大塊到不行 最近仲要有埋刈包食!!!! 外賣店有自助點餐機so cute so convenient;3▫️ 虎咬雞刈包 [$38]耶 好掛住好似饅頭皮嘅刈包( ´▽｀)塊雞扒好juicy 塊皮好香口 加埋啲酸菜好正！要快啲食 因為太juicy 個包會容易濕～▫️ 士林鹽酥大雞腿便當 [$75]勁大大塊炸雞髀 大到要切開兩大舊 外賣會分開裝俾你 保持香脆同啖啖肉 又有煎蛋 又有粉絲 又有菜 JENGSHIT▫️ 麻辣鴨血肉燥寬粉 [$73]好鬼多舊爽鴨血！個麻辣湯好香 寬粉會分開上不過係偏稔啲 成碗野食到停唔到 鴨血世一❤️▫️ 鹽蒜雞腿菇 [+$14]大大粒雞髀菇 唔乾身+唔過油 做小食同朋友share一流!! …Read More