stef13131313's Profile

紅茶員工態度差劣都好出名, 只係大圍8:30pm, 想食個茶仔, 近地鐵站無咩選擇。所以間中都入黎受氣。職員態度算啦，唔講啦職員要求多多，個袋放斜咗10度，或者過咗1cm等等。落單，如果你叫 XXX飯，佢叫你講number。如果你講number，佢會問即係咩飯呀。 好頂癮架!…Read More

迫, 真係好迫, 一入去少少位都無, 行都唔行到, 6人枱坐8個人, 4人枱坐6個人連𨋢口都要放枱, 坐個枱嘅都好慘, 啲人出出入入, 開門關門撞口撞面, 記得, 呢度係勁迫.迫到你企都無位企. (好似話新鋪大咗?)我地Total 7位, 5位準時到, 咁就叫職員先上雞煲. 雞煲份量好少 , 而且係凍, 個爐勁慢, 大概煮15-20分鐘.  嘩, 屈機, 我地已經feel 到唔會夠時間食.因為每人只有分到兩件雞, 有朋友唔夠喉, 叫佢再加雞煲, 即係我又要煮15-20分鐘.我地都知唔夠時間, 叫職員先上海鮮, 但事實上我地食完第二次雞煲, 都要等好耐 (唔記得幾耐, 20分鐘?)先到(圖) 跟住我地好快手食完海鮮, 佢再上個爐轉打邊爐 (果然湯底又係凍嘅), 又要等佢個無力嘅爐慢慢煲, 呢個時候, 佢就話要任食牛, 要like 佢社交媒體網站, 但呢樣事前無講, 宣傳一路都話任食. 算啦, 我地都like咗, 之後佢再俾張單我地, 同埋已經最後30分鐘! 呢個時候, 我地每人只係食咗4件雞, 每款海鮮一隻. 到個湯滾起, 大家只係淥2轉嘢食就要走了.最尾我人生第一次食完任食去食宵夜!!!…Read More

Openrice 俾定錢買, 到場再俾正價加一, 埋單大約$600尾/2位, 120分鐘任食澳牛、安格斯、牛小排，預訂送A4 和牛x2同香湘蟹x2。A4 和牛同香湘蟹非常好食，任食嘅牛小排都好好食，呢個價錢無得輸。同其他任食邊爐比，呢度熟食同飲品都算好同啱食啱飲，其中個烏梅茶好好飲，酸酸地又開胃。但唔肯定有無罐裝酒，我見QR code落單有另外收費嘅啤酒，不過我本身唔飲酒。最弱就一定係菜，菜唔係好靚，黃黃地咁，而且非常少選擇。但係成本放去牛肉度，菜的確唔太靚都合理。甜品有台式芋圓個啲，movenpick 竟然有咖啡味，正!…Read More

呢間職員態度奇怪，話佢無禮貌又唔算，佢無好粗魯。佢地只係唔理你，能夠唔講嘢就唔講嘢個種。以前間鋪響The-one 個時已經係咁。而家用QR code 落單，同佢講落唔到，佢叫我再試下。OK! 收得皮!呢度卷蛋好出名，好食。而家有set 有埋茶+主菜+卷蛋，抵。但基於店員服務，唔會再幫襯。…Read More

今次食farmhouse lunch buffet首先環境非常好, 酒店又新淨; 樓底高, 唔會好嘈特別要讚係酒店職員服務好好, 有禮貌得, 令人好舒服個種以5星酒店講, 海鮮算係麻麻, 得青口,蜆,蝦,螺, 仲要素質都麻麻沙律正常, 有幾盤溝好曬嘅, 亦有啲菜可以自溝魚生新鮮, 三文魚最好; 吞拿魚正常自助餐水準, 即係無味唔難食唔好食, 可以唔食熟食方面, Grill Station有燒牛肉同火腿, 唔錯. 其他中式熟食, 西式牛尾, 魚都唔錯嘅, 印度咖哩羊好正嘅粉麵, 飯同點心我就無試.甜品正常, 雪糕係自家製, 唔會好甜, 奶味重, 唔錯.嘢飲方面有檸茶, 茶包, 咖啡機, 汽水任飲. 紅白酒要另外加錢.整體我會覺得平日lunch$300多啲啲, 嘢食唔算話好多好, 亦唔算特別好食主要加分位係環境同服務.…Read More

本來book咗尖沙咀, 排waiting list鋪頭打電話黎話尖沙咀無位, 叫我地去新開嘅旺角店當日去到, 地方係幾企理跟住由叫嘢食開始, 成餐一肚火,首先我地叫咗焗蠔+雞煲(而家焗蠔改咗做焗龍蝦)等40分鐘左右..............等嘅期間, 我地想叫定之後邊爐湯底同料, 呵呵, 點知職員好有禮貌咁叫我地食完第一部先頂.....咁你又唔上第一部, 又唔肯俾我地叫定邊爐, 即係點最後第一部上個刻, 我地立即叫邊爐.邊爐大概等30分鐘, 跟埋個海鮮上嘅. 海鮮無問題, 新鮮嘅.好啦, 咁我地都醒水當刻又立即狂點邊爐料, 即係牛肉, 菜個啲啦. 我地6個人, 大概樣樣都點4-6份不等點知上呢啲咁簡單嘅嘢都要拖拖拉拉, 大約響90分鐘內, 分好多次咁上各1-3份不等..............................6個人食3碟牛,犀利期間我地已經不停催, 不停再落單, 佢地好有禮貌咁話會跟, 但繼續無嘢食40+30+90, 無錯, 即係已經坐咗2個半鐘, 由7點坐到9:30.............................最尾我地頂唔順, 有啲唔客氣同燥燥地咁嘈,佢地終於跟返我地第一輪點嘅嘢上. 食完我地都幾無癮我好似係第一次任食會食唔飽咁走.後來埋單,仲話一定要俾現金, 又話咩試業又盛, 吓...如果你未得唔該唔好做生意啦.味火鍋? 得, 以後唔好預我. Thanks…Read More

第一次食C 海鮮餐, 而今次食最基本A餐, 無海鮮Openrice 有預付優惠, 現場原價加一, 總之A餐埋單大約$160左右一位 (6-8pm) [正價好似貴$20]佢個鹵水湯底係唔錯, 少少甜, 唔會太咸, 食完唔覺得好口乾個隻.嘢食唔算好多選擇, 但好幾樣潮式嘢例如潮式牛丸同潮式伊麵係好好食.熟食而家選擇少咗, 但就多咗個我唔食嘅台式芋圓corner.總結呢間以$160/位 食6-8pm , 矛得輸…Read More

非常高質同好食菠蘿炒飯:好香, 夠料生菜包:夠香夠調味夠辣串燒: 非常juicy, 好少食到豬同牛都唔鞋海鮮冬陰功河: 個湯好飲, 蝦又新鮮, 非常抵食青咖哩牛腩: 牛腩一般, 咖哩好食, 但幾油膩, 跟咖哩配埋法包, 非常飽肚馬拉盞炒通菜: 個味本身正常, 但D菜非常老, 好多渣, 成餐唯一最唔好食嘅菜環境唔錯, 商場同餐廳都乾淨以前坐得好迫, 疫情之後餐廳坐返鬆動少少職員服務好好, 有禮貌, 成餐飯食得開心…Read More

點咗一份帶子+m8和牛, 一份雞豬羊兩份都唔好食, D肉又鞋又瘦又細份+$10要兩隻生蠔如是自助區沙律唔錯, 湯非常好飲, 白飯亦好食.餐具都幾污糟.  所有碗有水跡事小, 筷子有乾咗飯粒刀又有條菜喂呀, 唔好同我加餸啦間鋪油煙好勁, 抽風明顯唔得, 我坐最出都還可以, 入面就幾難頂講完環境同嘢食, 要講返一開始部自助點餐,呢個偉大發明係只接受現金! 係喎, 自助點餐只接受現金!即係你要點完餐搵職員收錢 嘩,  太陽能電筒? 我笑咗咁最後職員好有禮貌問我想用八達通定現金, 唔該佢嘅~總結未食過午餐都仲可以食吓, 不過我就唔會返頭再食晚市$200+/位就免了…Read More

10幾年前陳漢記的確好食, 當時我心目中大埔宵夜首選近年我都好少再去食,一來d野差左,二來真係好多人唔記得4月定5月天口有d涼, 一心去陳漢記食煲仔飯.7:20pm, 等到8:00pm入得3個人點左3個煲仔飯(排骨鳳爪, 黃膳仲有一個唔記得啦), 炒條菜, 加碟炸兩炒菜正常, 炸兩水準仍然唔錯, 舊油炸鬼夠脆身, 好味.煲仔飯呢, 出事啦!! 上得慢就唔使講, 唔坐返半個鐘你都唔使催單, 入先過你個位都未食得.好啦, 差不多40分鐘煲仔飯終於到啦我食個係排骨鳳爪煲仔飯, 打開個煲仔飯同無特別, 賣相ok.一啖食入口, 我完全唔覺得有幾香, 唔覺有幾好食, 食左一半見到底, 連少少飯焦都無, 我唔知其他人啦, 我覺得無飯焦唔合格.呢個煲仔飯食落同單點 點心排骨+點心鳳爪+一碗白飯 無分別咁普通使乜食你煲仔飯咩老老實實, 大家樂個煲仔飯仲好食d總之呢, 我就俾個喊啦…Read More

食得出呢間快餐有心機做我點hero sandwich combo個包身熱熱地, 外邊有d脆, 入面都軟,你可以話成個包都好普通, 都係一塊肉, 有塊芝士,有菜, 加d 醬(好似係幾種醬溝埋), 食得出食材新鮮其實我唔知有咩好解釋, 不過openrice audit 話我要詳細解釋食品內容, 我係笑左出黎, 我都係想share 下好野jer, 我又唔知個片芝士咩產地,咩年份, 邊隻牛d奶總之我覺得成個熱狗都好好食薯條就普普通通, 好過食老mc, 不至於差, 但呢個價錢就可以好d 咁lor.呢間餐廳無咩人,可能位置實在唔就腳 (南昌/太子/深水步地鐵站都要行一段)講開又講, 而家的確好多做呢d sandwich/burger 都有質素, 但好多出左名就差左, 事實上hero 亦無以前(3年前) 好食, 但我覺得呢間d 出品都係好好, 起碼吸引到我行過去食先lor…Read More