Clarisselhw's Profile

今天與朋友一起到尖沙咀食韓國菜，這次用餐的餐廳環境好像讓人置身於韓國街頭小食店中，讓我們感受到濃濃的韓國風情。首先，一坐下餐廳便送上兩小碟韓式小食。我們品嚐了餐廳的招牌菜之一，部隊鍋。這道菜的主要配菜有公仔麵、香腸、午餐肉、茄汁豆等等，混合了各種不同口感和風味的食材，讓人吃起來非常過癮。在熱騰騰的鍋子中煮熟的公仔麵Q彈有嚼勁，搭配著豐富的湯頭和其他配料，讓人直呼過癮。接下來，我們嚐了醬油蟹配脆脆紫菜。這道菜的蟹肉鮮嫩多汁，而且蟹膏甘香，醬汁入味，搭配著脆脆的紫菜，口感豐富。這道菜不僅好吃，還具有非常高的觀賞性。除了主菜外，我們還品嚐了炸流心芝士豬扒。這道菜的豬扒炸得非常酥脆，口感十分出色。而豬扒內部的流心芝士更是讓人驚喜，讓整道菜的口感更加豐富。最後，我們享用了荔枝梳打這道飲品。這款飲品清爽怡人，帶有淡淡的荔枝香氣，非常適合與辣味較重的韓國菜搭配飲用。總體而言，我們在這家韓國餐廳度過了一頓美味的用餐體驗。餐廳的環境讓人感到非常舒適，服務也十分周到。如果您想要嚐嚐地道的韓國美食，這家餐廳絕對是個不錯的選擇。…Read More

最近我去了「巴璧老火鍋」，品嘗了他們的川渝重口味湯和黃金板栗雞湯，以及各種豐富的火鍋配料。整體來說，這是一次非常美味的用餐體驗。首先，讓我來談談川渝重口味湯和黃金板栗雞湯。川渝重口味湯分為大、中、和小辣湯底三種口味，我點了小辣湯底。湯底的味道非常濃郁，而且微辣的口感非常適中，讓人吃得非常過癮。黃金板栗雞湯則是非常清甜，而且帶有濃郁的雞肉味道，非常適合配搭各種食材。接下來，讓我談談火鍋配料。這家餐廳的配料非常豐富，我點了鮮鴨血、巴壁九宮格、鮮毛肚、桂花蚌、鵝腸和鴨腸等等。其中，我特別推薦他們的鮮鴨血和桂花蚌，鮮鴨血口感柔軟，而且非常入味，而桂花蚌則是非常鮮美，肉質鮮嫩，非常適合放進火鍋中一起煮。另外，他們的巴壁九宮格也非常豐富，有大隻海蝦、滷味牛肉、黑魚片、馬駮魚丸、鮮腐竹等等，每一種配料都非常新鮮，而且一小碗的可以品嚐到不同配料，即是兩個人食都可以很多選擇。最後，讓我來談談他們的鮮切吊龍牛肉。這種牛肉非常嫩，而且切得非常薄，非常容易熟，而且口感非常鮮美，是我這次用餐中最喜歡的配料之一。另外，還試了一杯很大杯的鴨屎香水果茶，淡淡的香味配上清新嘅水果，非常解膩！而且甜度適中。…Read More

今次我哋嚟咗呢間度食雞煲打邊爐，佢總共有三個選擇，有海鮮餐，有牛魔王同埋小龍蝦🦞佢雞煲同埋打邊爐個湯底係另外再叫嘅，首先我講吓個雞煲先，一打開個蓋，就聞到好惹味嘅味道，食落去肉質鬆軟唔「鞋」口，我哋叫左小辣，唔算太辣可以接受，最緊要就係個雞煲可以再添食。好喇食完個雞煲喇，總共有六個湯底你選擇，最終我地嗌咗個新鮮蟹鍋花甲湯底入邊有蟹、有花甲，我就咁飲落去好鮮甜嘅感覺。我哋四個人去送左個海鮮盤係個套餐包嘅，佢隻蝦真係超大隻！仲有鮑魚、聖子、生蠔、脆骨腩片！之後我哋再揀下火鍋配料，總共有40幾款你選擇，咁多款選擇實有你啱食嘅，絕對唔係揸流攤！我哋個套餐仲有啲牛頸脊，肥膏濃郁好均勻，肉質鬆化而有咬口。講返隻蝦先，真係好大隻，成隻手指公咁大隻，佢仲要係好新鮮好彈牙好好食，一般出邊嘅真係食唔到呢個質素出邊仲有啲少少熟食，有魚蛋啊豬皮啊豬紅啊，同埋鳳爪。之後我哋點左啲火鍋配料，脆骨腩啊同埋龍躉肉，竟然有龍躉肉啊，個肉質真係好鮮甜同埋好新鮮，肉類仲有豚肉，仲有小籠包，個小籠包係調落去打邊爐煮熟嚟食，食落去好特別，好鮮甜因為個湯底有海鮮。總括嚟講呢間海鮮雞煲火鍋邊爐，我覺得可以encore因為佢係主打海鮮，佢哋嘅海鮮真係好新鮮，好鮮甜！…Read More

嗰日朋友介紹咗佢屋企樓下個間雞煲串燒和牛火鍋放題都食晚餐，真的唔錯。一開始我哋就叫咗幾款串燒，雞軟骨，羊架，生蠔，扇貝，雞泡魚，海蝦，雞中翼，安格斯牛柳粒，菠蘿，食完簡直想再叫，好好味👍🏻食完串燒，都主菜啦，雞煲🤣我哋叫咗小辣，d雞好入味，一個字正👍🏻 我哋好快就食完個雞煲因為真係太好食，食完雞煲，又可以打邊爐，佢哋有幾款湯底俾我哋揀，有花膠雞濃湯，胡椒豬肚湯，醉雞湯，四川麻辣同埋沙嗲濃湯，我哋最後揀咗我哋嘅至愛醉雞湯。真係要講吓個醉雞湯，個湯底一到，好重嘅藥材同埋酒味，忍唔住馬上飲咗一碗湯👍🏻你哋有好多款火鍋配料俾我哋叫，最緊要係有好多款唔同嘅牛肉，火鍋必備👍🏻我哋不斷食完啲牛又再叫因為d牛好鮮嫩，有重牛味既有唔重既。除咗牛，我哋都有叫其他配料例如鴨血，芝士丸，龍蝦丸，牛柏葉，海蝦。 真心講，呢度既配料非常新鮮。呢度嘅服務員禮貌有禮，好關心照顧客人嘅需要，值得一讚。下一次會繼續同朋友嚟食。…Read More

今日放工同老公、朋友去試網民推介位於觀塘：為食火鍋公司。呢間店舖裝修日系感覺，好舒適。重點裏面是哥基作為主題，我好鐘意呀 ^.^ 十分可愛 店內的用具都有哥基的圖案，寶在未食先興奮🥰我地選擇左$318的套餐，雞煲放上枱面，店員告訴我們要等一陣，之後炒下，然後再落牛柏葉、魷魚，咁樣係最惹味！套餐包左五色刺身和菜膽扣鮮鮑魚。先講刺身，兩個字：新鮮，刺身嘅質素比我想像中的高，特別帶子刺身非常鮮甜。至於菜膽扣鮮鮑魚，炆得好入味，個精髓起鮑魚汁度，用嚟點其實野食都好好味。店員為我地送上靚靚的海鮮拼盤廣島蠔，海鮮清醒的非常乾淨。蜆送上黎的時候仲識郁。我最鐘意都係呢碟手切牛肩頸，入口好香牛肉味，而且好嫩滑。五寶丸中我最欣賞就係黑松露肉丸。外面有一粒粒類似芝麻的物體，吃落去有濃郁的黑松露味，正！至於炸物方面都非常月脆卜卜，特別係響鈴裏面係包住紫菜，同平時食的不一樣。雖然鮑魚、刺身、海鮮、牛肉都不能任食，但其他配菜和飲品都可以不停refill. 不過，我哋四個人食咗第一輪都已經好飽，唔需要再添加。推介！…Read More

個日同女朋友去旺角試左間幾靚既西式餐廳. 間餐廳可以選擇坐indoor或outdoor. 最後我地都係選了indoor因為天氣太熱. 一坐低，服務員就拿左兩塊麵包加橄欖油放左係檯面，食落口好好食，唔係一般既麵包. 看完餐牌，我地決定叫：-好正好特意既特飲叫Emerald Love. 服務員會整個大波波系個杯野上面，味道唔差，表層青檸味，下層係清新嘅薄荷味。-生蠔 好大隻，好鮮甜，配埋兩個醬汁就更能夠突出鮮味-鵪鶉腿細細隻幾得意，個味道好特別，有煙熏味，好香口，未食過一定要試.-鵝肝加牛扒個鵝肝真係不得了，又大塊，又香濃～塊牛扒好嫩，一啲都唔老，好入味. -意大利粉味道一流，濃濃蕃茄醬汁，撈埋芝士碎片一齊食，好滋味-甜品 檸檬雪糕呢個一定要試，出邊一定食唔到. 好重檸檬味加上雪糕上面有一粒粒嘅脆脆.好特意好好味.服務態度一流. 會自動自覺換碟，有禮貌👍🏻 下次一定會再去食.…Read More

難得約齊人緊系要聚一聚啦，作為元朗地膽既我緊系簡番系元朗食啦！元朗多雞煲就系人都知架啦，但講到好食既雞煲...個人感受既話其實三隻手指數得哂！見依間餐廳新開業就黎試試佢先啦！ 一坐低點都要整番d小食食下啦！依到好多款吾同既小食提供，連我做為一個男人都覺得心大心細咩都想試下甘囉。 男人既浪漫，必然點 椒鹽鴨舌 ！！！鴨舌上面襯托好惹味既炸蒜，鹹鹹地又辣辣地味道適中呀，用黎送啤酒無得頂呀！ 之後店員推介必點 椒鹽粟米 ，嘿嘿.....果然冇推介錯呀！同鴨舌一樣有惹味既炸蒜，鹹鹹地又辣辣地，食落仲增加左一種清甜的風味！ 兄弟話想試下依個蜜椒薯仔牛柳粒，本身我就麻麻地用蜜糖整既野食既，但食落估佢吾到又同椒鹽甘鬼夾喎，牛柳粒又多汁入口即溶，依到d小食整得吾系求求其其架，廚師真系落足心機去煮，依樣野非常感受到用心製作既！ 黎到主角啦！依到既招牌雞煲仲可以自選加入鮑魚等其他鮮味材料，食雞煲仲有鮑魚食，緊系正啦！雞煲入味，第一食每件雞都吾會食到冰鮮味，第二就系吾似系出面食既雞煲甘入吾到d味落隻雞入面，依到既雞煲好入味喎，成班男人系甘夾..系甘食，仲一味嗌好味喎、好入味喎！提提你地呀！仲有呀！依到d雞件系滑架！吾系鞋口架！講起平時出面食既雞煲就嗌開中辣既，因為出面食既中辣就濕濕碎啦，食落似bb辣既，所以今次都系嗌左中辣，但依到系做足料架喎，中辣真系夠辣呀，所以如果你地食吾到辣既話就嗌bb辣或者小辣好啦！總之！就跟番你地食到既辣度去嗌就得架啦！！！其他打邊爐配料就嗌左以下依幾款，～手切本地牛～安格斯封門柳～豆卜、冰魷～羊肉卷～精選雜丸拼盤，有五款，每款兩粒～冬瓜、萵旬、手打墨魚滑～醉雞子 特別你地鐘意食雞子既話一定要嗌下依款醉雞子，我地成班男人就非常滿意啦！依間餐廳可以令我同班兄弟長期黎幫襯啦！！！…Read More

近排海港城做緊優惠購物，同女朋友買完野梗係想食埋晚餐先返屋企。經過了間泰國餐廳，望入去裝修擺設都好有特色，加上我同我女朋友都好鍾意食泰國嘢所以就揀咗依間為我哋嘅晚餐。見到個餐牌真係樣樣都想食- 泰式生蝦夠凍，夠新鮮！正！同埋呢度一疊入邊有10隻，出邊好少會有咁多隻，值得一讚。- 冬陰功湯夠酸夠辣已經冇得頂！佢有埋過火係底不停煮緊，所以飲緊第二第三碗仲係熱，保留到真正冬陰功嘅味道！- 咖喱炒大蝦 + 薄餅大蝦夠大隻，啲肉唔會黐住個殼所以係好新鮮，加上配埋啲咖喱汁，鮮蝦味㗎咖喱味一齊入口，簡直一流！薄餅都一定要講，又熱又脆，連埋啲咖喱汁一齊食，成碟咖喱汁都比我食晒！- 泰式炒通菜最緊要夠辣同埋啲菜夠入味，呢兩樣都做到，唔錯。- 椰子湯煮蜆蜆我食得多但用椰子湯煮就真係第一次食，因為好少地方有得食，味道原來係咁好味。必食！呢度邊食嘢邊睇住海景，唔係間間餐廳都有。好正！服務員親切有禮，下次會再帶朋友去食。…Read More

喺奧海城見到間好靚嘅餐廳，俾佢浪漫嘅環境吸引咗，就入咗去試下。而且餐廳環境好闊落，梳化座位又好舒服。同埋呢間餐廳仲有露天座位，望住個海景同日落食飯真係好浪漫。成個感覺好好！前菜我哋order左半打生蠔，生蠔超級fresh同鮮甜！我地仲叫左兩杯白酒，白酒襯埋個法國生蠔簡直係絕配。杯白酒更加帶出生蠔嘅鮮味！呢間餐廳亦都非常正宗，原來廚師係來自意大利，對食物都非常之講究。絕對係用心製作。雖然上餐時間耐左小小，但店員非常之友善，仲送左個水牛城豬仔髀我地食，真係好窩心。香港人平時生活節奏太急速啦，其實都可以藉呢一次機會比我同朋友談心。環境真係好chill，好似真係去咗歐洲食飯咁！另外我自己都好鍾意呢間既steak，我同朋友都唔鐘意食太熟。我地叫左5成熟，廚師將個火候控制得好好👍🏻！肉質都好juicy。而龍蝦汁海鮮risotto更加非常有驚喜，龍蝦汁非常濃郁，同個飯好match！最後我哋仲嗌左個士多啤梨雪糕窩夫。女士們一定要嗌呢個甜品，因為個賣相實在太靚啦！而且個窩夫都好鬆軟！真係一試難忘，下次一定要坐露天位！…Read More

作為都市繁忙既九龍人，經常都會周圍去搵d好野食慰藉下個肚，近依幾年發現新蒲崗多左好多吾同既新餐廳，就以Mikiki商場來講，最近年新加入吾同既多國菜餐廳，但鐘情西班牙菜既我，想系香港搵到一間正宗同好食黎講確實系好小，而朋友知道我系西班牙菜既粉絲，就預早book定位帶我去Mikiki商場既Tapas Brew食生日飯啦鐘意食生蠔既朋友有口福啦，依到竟然有即開生蠔食呀，第一道菜系生蠔，海水味不能缺少，加上滑溜既肉身，配上鮮甜爽口既口感，吾經吾覺兩分鐘內已經食哂，同朋友都大讚呀。第二道菜系八爪魚小食，酸酸甜甜甘，好開胃呀。第三道菜系西班牙燴蜆伴檸檬橄欖油，每一口蜆食落去吸收哂檸檬汁，好清香既味道，而d蜆系煮到岩岩好，冇過生亦冇過熟（因為食過有d蜆過熟好難食架）第四道菜系炭燒烤羊架，羊架烤得好食，生熟5：5比例，配上沙律同薯條，岩哂吾同口味選擇既朋友，依樣野做得非常貼心呀。第五道菜系西班牙海鮮飯，食得出系正宗既西班牙味道...讚呀，配上多種時令海鮮，飯索哂d海鮮味，好正呀，好好食呀。第六道菜系燒比目魚配原隻大蝦，比目魚燒到皮系脆卜卜，入面d魚肉仲系保持滑溜既，咬落去有肉汁bi出黎，配埋原隻大蝦啖啖肉好正。第七道菜系特色烤乳豬，認真講我系香港土生土長從未食過甘有水準既烤乳豬架，簡直系一試難忘呀，超級推介，皮脆肉軟，真系好好味。第八道菜系烤德國鹹豬手，淋面沙律醬惹味可口，仲有三款吾同味道既醬汁點，但我同朋友最鐘意食既就系原汁原味（即系乜都吾點囉..哈哈）。第九道菜系烤腩肉，半肥瘦剛剛好，又吾會太瘦會鞋口，更加又吾會太肥食到好溜，醬汁調得好夾，忍吾住令人一啖接一啖。做為西班牙菜既忠實粉絲，依間餐廳非常適合我呀，好滿意呀，我一定會一星期再黎食一餐晚飯，愛了愛了！！…Read More

趁第二日唔洗番工，即刻同朋友book番間放題開心下，今次就book左係旺角有最多放題嘅兆萬喇，一出𨋢就感受到濃厚嘅日本風情喇最先上嘅係一個小火鍋，我就揀左壽喜燒湯底，如果個鍋啲配料唔夠嘅話可以另外再加，肥牛，響鈴，金菇，娃娃菜，烏冬都有架！係鍋到原本個兩塊肥牛唔好唔記得佢哋呀，我今次就失手淥得太耐 食落有少少老 哈哈食放題其中一樣開心嘅野就緊係一次過可以試唔同種類嘅野，壽司都唔例外，我都自制左個壽司set 有蟹子軍艦，蟹子食落口好脆身 可以一粒粒咁咬開佢，仲有牛油果軟殼蟹卷，平時都好少可以就咁叫一件食之後就到火炙類喇，分別有火炙岩鹽燒三文魚腩壽司，火炙帝王蟹棒壽司同火炙芝士醬大蝦壽司一上就已經好香，忍唔住一口氣食曬3舊意式忌廉蟹肉海鮮湯海鮮湯除左有蟹肉，仲有唔少蜆肉同雜豆，同忌廉湯底相輔相成呀胡麻冷豆腐啲豆腐好滑好紮實，芝麻醬都好夠，撈起上嚟食好滿足雪花牛肉手打烏冬口痕嘅我當然想試下主食，一上嘅時候好香麻油味，手打烏冬好彈牙，冇一般嘅咁淋身，份量唔算好多，加埋幾塊牛肉岩岩好最後梗係唔少得有甜品環節，呢度有齊韓國最新最受歡迎嘅雪糕雪條！左邊係波子汽水味嘅吱吱冰，好少牌子會出架，值得一試！右邊係平時食朱古力百力支變成雪條嘅味道佢哋做緊好多優惠，呢個只係其中一個！…Read More

今晚約到fd去尖沙咀食泰國菜😆😆依間泰國菜吾止環境靚..好多坐位座..一d都吾逼呀...而且依d野有賣相之外仲好有驚喜😋😋下次一定再約埋班fd黎食呀😍😍 疫情之後冇得去泰國真系好掛住冬陰功湯既味道呀...所以黎到食泰菜，首先要叫個冬陰功湯🥣先呀...依個湯系好正宗既味道呀😍愛了愛了😍 之後必點泰式生蝦❤生蝦口感爽脆鮮甜好新鮮呀...點埋個生蝦醬真系好好味呀😋😋😋 再黎個麵包焗咖喱軟殼蟹❤軟殼蟹size適中，麵包加埋泰式咖喱估吾到甘好食😋😋😋 馬拉盞通菜❤好夠味...食泰菜一定要搭配依款菜呀...好惹味😋😋😋 拼盤❤一次過食哂甘多款炸野，仲要配埋個生菜包，超正😋😋😋 馬拉肉骨茶❤排骨好多...吾系骨黎肉都好多😍好耐冇飲啦...同冬陰功湯一樣...必點推介😋😋😋 鹽焗烏頭❤魚肉好滑...d青檸汁滲透哂成條魚到...吾點汁都好好食😋😋😋 燒西冷牛扒❤牛扒燒得岩岩好..入口即溶..好有驚喜😍😍😍 菠蘿沙冰❤鐘意菠蘿既你地一定要嗌依杯野飲呀😋😋😋 泰式甜品小拼盤❤最後依個真系驚喜萬分呀...超好食...千層糕同芋頭糕仲暖暖地...煙煙un un甘..食過甘多間泰菜..都未食過甘好食架😚😚😚…Read More

不嬲都有喺荃灣大鴻輝食開一鍋堂，住得近葵涌知道新開咗系新都會廣場就即刻同屋企人過嚟試吓！屋企比較多人，我哋最後其實有10位，成個等位嘅時間大概兩個鐘左右，因為呢間分店仲未有網上取號排隊，所以我哋真係企足咁耐😩最嬲嘅係，店員叫咗我哋個號碼之後叫我再等一陣，期間不停叫A、B票既人入去，B即3-4人枱。其實疫情期間我哋係咪要分枱，我就問店員係咪要等A、B入晒我哋先可以入？佢當然話唔係，話我哋太多人所以一次過有三張枱比較難！其實我哋係咪都唔可以一齊坐…究竟問題出係邊度？而且都冇問過我哋係咪一定要坐喺附近，其實真係想盡快坐底食野！搞咗一大輪終於可以坐低，然後我就同平時一樣用佢比我嘅QR code Online點餐，等咗好耐好耐都未有嘢食，我就走去問人，原來佢哋部機壞咗要用點餐紙點餐即係我一直喺度白等！好彩佢出面有一d熟食同埋火鍋配料可以拎…好感動最後有野食！極唔推薦呢一間分店！佢哋旗艦店環境好大，仲係新開根本好多嘢未準備好，連去洗手間都要去下一層（問店員）😩寧願遠啲去返荃灣好過……Read More

疫情稍為好轉即刻約朋友出嚟撐枱腳，見網上面好多人都推薦呢間性價比高。因為入到去見到一片落地窗，因為位於22樓高層，飽覽彌敦道街景仲有一片無際嘅藍天白雲。辣酒花螺雞煲（小辣）雞煲一上枱就食得，香氣撲鼻，味道非常惹味，煮到啱啱好，肉質仲好嫩滑！十全大寶丸分別有五種唔同口味嘅手打墨魚丸、蝦丸同埋牛丸。特別推介芝心牛丸，建議唔好煮太耐，一咬開，芝士慢慢咇出嚟，牛丸都好爽口彈牙。仲有個生拆蟹粉墨魚丸，慢慢細味就會品嚐到蟹肉嘅鮮甜。新鮮肥鵝腸平時我係唔會食，朋友極力推介叫我試吓，佢話咁肥嘅新鮮鵝腸而家好難搵，咁矜貴一於就試下。超級驚喜，食落去完全唔會覺得好肥膩，反而咬落好爽口，第一次覺得肥膏係香嘅。手切本地牛頸脊係全場最貴嘅一種牛肉，朋友話一係唔食，食就要食最好🤣果然不負所望，牛肉超級鮮嫩，有牛味而且脂肪分布平均。除咗食肉之外，我哋仲叫咗一啲蔬菜例如萵筍、娃娃菜、冬瓜。個湯底咁好味唔叫豆腐卜真係浪費左個湯底，豆腐卜完全索晒湯汁，一咬落去啲湯仲咇出嚟！好正！！！建議萵筍、冬瓜都煮耐啲，湯底滲晒入去。…Read More

好開心終於可以同朋友食到平昌!!之後好多朋友都話好好食但係好多人book 所以今次有朋友book好哂比我地四個人一齊去食就真係方便好多!一去到都好多人排隊, 好彩朋友Book左位就等左5分鐘就可以入去食啦~ (爽講下佢個環境先, 平昌個環境真係好似我去韓國D燒烤店咁, 個裝修做得幾好, 而且可能因為係疫情關係, 位與位之間個距離都做到好足, 唔洗怕會同人好近, 而且有比多左一張台我地去放食物~熟食種類比我想像多，我哋即刻叫左醫肚先。原味炸雞&炸雞翼好香口，咬落下好juicy, 唔會話太乾，不過個人覺得可以少d炸粉會更好。脆炸芝士蝦球細細粒容易入口之餘，食落又唔會太‘漏’，非常好！韓式年糕同醬油蝦同起韓國食冇分別，必食推介！另外，燒烤的類別種類十分廣泛，有雞腎、雞軟骨、各種牛肉部位、雞翼等。海鮮方面有生蠔、帶子、蝦、青口、蜆，總之食物種類好豐富，呢個價錢簡直係超抵呀！難怪咁多人嚟食。…Read More