住咗堅尼地城一年，都經常要買外賣食，試過平貴唔同餐廳，都有好多好食嘅舖頭，但係都未遇過話一間令你好驚艷嘅餐廳。成日都經過呢間舖頭，不過可能佢個外表唔吸引一路以嚟都冇試過，好彩老公勇於嘗試試新嘢，買咗兩個外賣個雞肉炒麵，真係驚為天人，有鑊氣又足料又雞肉雞蛋各樣蔬菜洋蔥，小小辣真係超好食！明明係一間尼泊爾餐廳，但係個炒麵勁好食，好驚佢做唔住會執笠，所以特登寫個食評希望多啲人知道，因為呢個炒麵，我相信呢間嘢會成為我哋嘅食堂。另外都試咗佢有一個咖喱，全素嘅有啲豆腐同豆同埋一啲煮溶咗嘅蔬菜，佢嘅調味都好好食，唔會好似其他咖喱咁香料味勁重少少味甜少少辣，佢可以選擇跟薄餅或者跟飯，我今次揀咗薄餅，個薄餅勁香麥味，薄得黎又軟熟即食熱辣辣配埋個咖喱好夾，我平時都鍾意嗰啲拉絲多芝士嘅薄餅，但係呢個薄餅簡簡單單配啲汁食已經好好食，當然佢冇炒麵咁出色啦，但係我覺得你揀多樣餸都係一個幾好嘅選擇。但係炒麵係必食！！！…Read More
