大大食妹's Profile

講起 noc 必然令我想起食 yogurt，每次用餐必點，加埋1，都差不多100蚊，確實有點貴。水果新鮮，又甜，加埋雀栗，感覺以為健康食品。每次食1份就會好飽肚，雀栗又有咬口，跟乳酪一齊食，整體正。其實唔係好明點解堂食要加一？又要自己排隊叫餐比錢，跟住好似連鎖快餐比個號碼牌你，等送餐:(…Read More

生日入海洋公園，獲贈coupon，其中一張就是贈送一道菜。玩完都已經6點，距離睇煙花表演還有一小時，決定去呢間餐廳食。整間餐廳前後只有4至5枱客人，由於太靜關系，有小朋友大叫或大人傾計時，就會感覺好嘈。服務員會自覺前來查看水壺有沒有水，細心加分。贈送，幾好味嘉美雞，沒什麼特別帶子有鮮味，配上菇菌很夾進餐同時，視覺也享受…Read More

小店一間, 由印度人主理。店內有2檯印度客, 1檯港客, 心諗有同鄉幫襯一定有返咁上下。食了一份2人餐再加takki chicken, 味道一流, 所有菜式唔油膩, 包括抄飯。炸魚同鐵板雞, 唔係炸到乾柴, juice嘅。相比起多間印度餐廳(重慶, 九龍城 ...), 份量好足夠, 性價比好高。印度茶必試。…Read More

此店由一對夫婦經營, 有冷藏食物, 又有醬油, 拉麵, 乜都有。新張期間, 部分貨品有8折。最正係可以即場買扒, 魚, 冷凍食材, 幫你加工即食, 重會教埋你點煮, 老闆真係好有心。老闆娘親切推介食材, 老闆得閒又會跟食客傾計交流。我點了一現喇沙, 湯低非常好食, 食後唔會口喝, 好香, 味濃度剛好, 拉麵麵質皆。性價比高。老闆推介胡椒豬肚豬手, 買左一盒抽真空返屋企一試, 足料, 好好食, 可惜老闆話唔會再造, 賣晒就無。…Read More

舖頭唔多位, 都坐得舒服。無book位就唔好去, 又排等, 唔多檯比walkin。樓面得3個, 有2個服務態度差, 黑面神, 唔休做咁, 得1個高瘦男仔最好。至於好多評友提及火焰鐵板芝士飯就你試到, 因為每碟菜既份量好大, 味道好岩食。醬油炸雞必食。蛋卷面有菜絲加沙律醬及茄汁好開胃。海鮮菲菜煎餅就一般。…Read More

位置唔就腳, 不過因為想試就專登去。一定要book位, 舖細坐位少, 排walk in會好灰。一如其他品評, 男經理態度愛理不理咁樣, 另一樓面阿姐都好一般, 全舖樓面得2個人, 做到無停手, 你叫加茶, 都係應左你, 轉頭無左件事。講返食, 每個set都好吸引, 通常d人揀飯(可以任食), 我就揀烏冬, 相比飯係好味既, 日本米。而天婦羅係即炸, 落左order都要等20分鐘左右, 上菜熱辣辣, 又唔會油膩, 唔會成口粉將, 聞說唔同食材用唔同油溫炸, 值得試。…Read More

每檯都有壺熱既茶葉茶, 唔錯。叫左2餸炸醬腩肉米線, 湯面送一隻小小昆蟲, 另外匙羹都有一pat麵線痴係上面, 衛生真係唔多得。至於湯麵味道係幾好, 食完唔會口喝, 另外腩肉都爽冧。…Read More

開左好耐, 第1次食, 環境衛生好。食最貴牛扒set lunch, 好冧, 又香, 好好味。前菜, 🐙, 一般, 又5會話韌。整個set份量對女士就岩岩好, 男士就稍微差少少。🤭…Read More

一入去, 服務員係韓國人, 亦多韓國人食。我平日去食, 都算多人。點了2個set lunch, 再加個海鮮煱。set lunch性價比高, 回食指數高。海鮮煱就麻麻地, 蝦係新鮮。…Read More

近年屏山越來越多食市，就連飲食雜誌及免費報紙都有介紹，盡是美食。到過屏山數次，今次試搵麵，比想像中好食，麵質彈牙，叉燒又香，小食鮮淮山都好好食，但雞翼就唔及譚仔土匪雞翼好食喇。服務態度麻麻。…Read More

服務真係一般般，環境都舒服既，枱都算大，但餐具更大，叫多幾樣都放唔晒，但份量少，比較油膩。最後甜品都係要出去第2間食。一次無返頭。大家食完都係覺得麻麻，試過就算數。…Read More

第一次食，全場滿坐，話8點半交場，堅自動幫你埋單，好有效率。環境舒服既，但價錢比較貴，唔係好值:(以家食韓國菜，閒閒地2百幾呢間都可再試，服務唔錯，D菜好快上枱，味道唔錯。…Read More

食Ocean，一定要預早book位，尤其食節日。每次有喜慶例必到Ocean慶祝，今次週年紀念又黎喇。撐枱腳好地方，以呢個價錢食到高質素食物，物有所值。我book埋倒數日食大餐喇 …Read More

食過多次午餐，今次試晚餐 同樣值得推介 今次晚餐由餐廳發板，所以有點期待，神秘的晚餐無失望，食到打洋。無諗過觀塘區會有間咁好味既餐廳，食完會再令你回頭幫襯既一間餐廳…Read More