stephnia.ty's Profile

️🇰🇷🇰🇷🇰🇷🇰🇷🇰🇷🇰🇷幫襯過數唔到咁多次，炸雞好出色，同埋有得揀半份，啱曬小鳥胃嘅女仔。最鐘意玫瑰炒年糕夠辣同香！飯卷就無咁特別，試過一次外賣嗌明太子唔記得落醬😌呢個價錢有呢個質素，食過會想再encore。可能因為地點唔近地鐵站，又喺屋苑入面比較隱閉，人流唔算多，所以強烈推薦俾鐘意食韓國小食嘅大家去支持下，希望小店可以繼續經營落去～🇰🇷🇰🇷🇰🇷🇰🇷🇰🇷🇰🇷…Read More

❗️非常之差嘅用餐體驗 A very horrible experience ❗️第一次俾差評，fine dining價錢但換來嘅係大排檔氣氛同一肚氣。首先餐廳環境比想像中狹窄，但唔緊要，因為之前去過啲家庭式經營嘅法國菜館都係格局雖小但五臟俱全，只要用心經營都可以有cozy嘅感覺。但可惜今晚去到環境之嘈雜係好似去咗街市/大排檔，有一枱食客大聲傾偈大聲笑，嘈到我聽唔到同行友人講緊咩。無誇張，隔離枱有位女士都感到非常不滿，同主廚反映後換嚟一句 「因為佢哋包咗corner位」。唔通因為咁，corner出面重有三枱客就奉旨要忍受呢種燥音？無論主廚定侍應都無打算幫忙叫果枱corner客細聲少少，令到成餐飯感覺十分之差。其次服務欠奉。一到步並無人接待，要等一陣先有人理。今晚全場有四枱客人，只見主廚有同其餘三枱客人稍作閒聊，詢問下用餐體驗，但唯獨無同過我呢枱講一句說話。講真有啲不解，莫非因為我同友人望落年輕，意見就唔重要唔需要聽納？先前提到隔離枱位女士對主廚反映咗對噪音嘅不滿，之後見主廚都有嘗試補下鑊，主動打燈幫該女士影生日合照。反觀我同友人同樣係慶祝生日，就完全無呢種待遇😂要問侍應先有幫手合照，至於主廚都係一句說話都無同我哋講過。本身選擇呢間餐廳為友人慶生，全因小店經營，見多間媒體報導主廚年紀輕輕創業，非常有心有力，我哋都想俾啲支持，同埋試下名物威靈頓牛柳。講真味道賣相都正常，係可以一試，但呢個環境呢個服務，呢個價錢係咪值得？我同友人都表示唔會再Encore。埋單連加一，$1700，有圖有單有真相。如果餐廳見到呢個評論，希望你哋可以真心反省改善，果枱corner客嘅無教養，唔應該係由其他花費同樣價錢時間嘅客人去承受。…Read More

收工途經皇后大道東，發現一間新開嘅泰式餐廳。環境望落幾舒適，決定入去同同事試下🙌🏻/一坐低員工就好熱心招呼，推薦咗幾款菜式俾我哋。價錢雖然唔算平，但係勝在地點方便，響正胡忠大廈對面，裝潢亦有別一般泰式餐廳，沿用原木色設計，小清新文青風格啱曬打卡🌴/試咗幾款菜式，最impressive係和牛炒飯，牛肉鮮嫩，炒飯有鑊味夠香，配埋個青辣椒汁份外惹味❣️🤩🤩其餘兩款main都唔錯，pad thai唔會過濕同甜，味道剛好，而香葉肉碎辣辣地送飯一流。我哋每人嗌咗一個椰青，非常清甜🥥/甜品方面，同事一致認為椰子雪糕有驚喜✨椰味好出，層次感好豐富，除咗有粟米同煙韌啫喱🌽個底重有糯米飯！！撈埋一齊食簡直一絕🥹😋另外見到menu有個幾得意嘅椰絲七色湯圓就嗌咗，嚟到真係見到七彩繽紛嘅湯圓🌈食落煙韌有啲似小丸子，食到好飽🤣望落好靚好igable，為呢餐飯做一個完美作結。/Overall餐廳環境舒適，坐得舒服。因為新開，暫時未見有得響外賣app叫住，如果有嘅話相信喺附近返工嘅打工仔都有口福😋💕…Read More