miumiuchau's Profile

完全感受唔到係台灣菜，環境似夜店多啲。雖然有膿味醬汁、鹽酥油炸，但豬肉、雞肉內嘅雪藏味冇去除過，感覺上仲雪咗好耐嘅肉咁。與其話，台灣菜，倒不如港式台灣風味茶記菜式。員工服務態度係唔錯，唯一值得加分嘅地方。應該冇下次。…Read More

實在太差，不得不發表首禞。一行三人，自行搵位。叫咗鰻魚飯，及二人餐，白酒青口、pizza同羊扒。我哋算幸運，等咗半小時先有pizza同青口，眼見其他三丶四枱不斷追單⋯鳗魚普通，同超市冇分別。個二人餐青口，得八隻小青口，個pizza搵個五六歲自製好過佢，少餡料又唔實。最恐怖係羊扒，三件，本身好材料，但醃料太咸，咸到苦。所謂二人餐只有三種食物，但份量少得驚人，一個人都唔夠。當然冇任何餐湯，麵包，沙律。仲要收兩舊，一百都畀多咗。最後女兒都提我杯檸茶，清淡冇任何味道。…Read More