macyooo's Profile

今晚到訪Parkside Nina，首試夏威夷薄餅，餅底係手工製造，香脆又煙韌，菠蘿酸甜與火腿鹹香平衡得宜，熱辣辣上桌有加分！原隻烤豬手外皮有啲硬，肉質軟嫩膠質豐，無搭配酸菜，取而代之係酸酸甜甜嘅肉汁，將豬手沾上醬汁既解膩又令到外皮無咁硬。可選配薯條、薯蓉或焗薯，我地揀左焗薯，巨好味，必點！薑蔥紅酒糟虎蝦捲意粉，蝦肉彈牙鮮甜，紅酒糟醬汁濃郁帶微醺香氣，意粉捲成小束吸附醬汁，中西合璧創意十足。整體份量慷慨，環境悠閒得黎又浪漫，適合情侶到訪。…Read More

落order時已經聞到陣陣豆香，原來佢地嘅豆品真係用石磨製造，仲係每日鮮製🌿Jollibean源自新加坡30年老字號，創辦人將老字號品牌年輕化，並且自設本地廠房把關品質。當日order左田園慢煮雞扒吐司，拎到返屋企烘返熱仲好香脆，雞肉嫩滑仲有肉汁，烘吐司香脆，份量適中樽裝木瓜雪耳雪梨豆乳清甜潤喉，奶蓋芋泥小丸子軟糯綿密又滿滿芋泥，配料都切到細細粒，每啖都飲得到配料。黑白芝麻豆腐花好出色，滿口濃郁芝麻香，見得到粒粒磨到好碎嘅芝麻，豆腐花仲好軟滑，成件事入口係充滿堅果香。下次想試季節限定嘅鹹蛋黃碎蛋吐司、川貝枇杷膏豆腐花，有創意又養生！…Read More

再訪貴緣小鍋米線新店，撲鼻香氣依然吸引🤩。招牌酸辣湯底，揀五分濃度就可以飲埋湯都唔會太鹹，酸辣比例啱啱好，湯頭順喉又開胃。魚片頭彈牙，肥牛油花融入湯汁更添醇厚，榨菜片爽脆又酸甜，貢丸紮實又彈牙，款款味道都唔錯👍🏻酒煮醉香湯底驚豔，陣陣酒香嘅雞湯好好飲！鮮雞件嫩滑，豬軟骨炆得入味軟冧，膠質滿滿，配米線好正，食完暖笠笠。另加一碟娃娃菜share🤓✌🏻黑芝麻豆漿唔錯，微甜又濃郁，滿滿芝麻香同豆香。…Read More

一坐低就可以揀茶，有胎菊、普洱、鐵觀音，比較少見嘅有茉莉龍井同人蔘烏龍，每人一壺茶，所以可以揀唔同茶，啱晒唔同人嘅需要👍🏻前菜葱油海蜇既開胃又爽口，淡淡麻油香，調味恰到好處。$88 黎講呢個份量，雖然好食，但係貴左小小。反而紅油炒手 $38 又好抵食，有6隻，皮薄餡靚，啖啖肉，紅油撈埋蒜蓉又香又滑，推介！小籠包$42四隻，超多湯汁，肉餡又鮮甜，非常高質，大推！酸菜炒腩肉 $88 酸菜同腩肉片味道好夾，仲有少少露筍，酸中帶辣，又幾香口，餸飯一流！乾煸四季豆 $82 鑊氣ok! 四季豆爽脆入味，又一餸飯小菜。最後以高力豆沙作結，唔係好甜，ok喎！下次想試酒釀丸子☺️❤️…Read More

呢間位於荃灣廣場後面嘅小店已經屹立多年，係一間融合泰國同越南菜式嘅小店，今次再嚟食佢嘅二人套餐，$228 就可以自選3個item我地揀左曼谷街頭虎蝦燜粉絲煲、泰式燒豬頸肉、泰式飛天通菜。款款都份量十足，叫餸食飯啱曬！特別欣賞虎蝦燜粉絲煲，爆膏大頭蝦好新鮮，蝦肉結實彈牙，沾上秘製醬汁味道更濃郁，粉絲又夠入味😋 豬頸肉燒得又香又軟腍，當做小食都係一流👍🏻 通菜火喉十足，即炒即上桌🔥 套餐另加飲品只需$9，我哋叫咗鹹檸檬七喜同青檸梳打，爽！呢間小店只得一個樓面一個廚房，所以上菜比較慢，但員工都好有禮貌，同埋好野是值得等待的😀 而家小店難做，一定要多多支持！…Read More

九龍灣打工仔放lunch無乜選擇，黎黎去去都係茶餐廳/兩餸飯/粉麵米線，今日想食好西，決定同同事一齊試試佢！午餐選擇幾多，百零蚊左右包一杯野飲，有時食飯想飲咖啡，呢間都唔錯👍🏻煙三文魚藜麥沙律 $86賣相好得，色彩繽紛，沙律菜好fresh, 撈勻隻温泉蛋食又幾夾😋 感覺好健康😬烤美國豬鞍配芥末汁 $168望落似普通豬扒，但好大塊，肉質軟嫩得黎又有咬口，唔沾芥末汁都好食👍🏻配有薯條同黑醋汁沙律菜。明太子三文魚籽貓耳朵粉 $108平時好少餐廳有貓耳朵，一見到呢度餐牌有就決定要點！三文魚籽好飽滿，撈埋貓耳朵口感豐富，粒粒三文魚籽喺口入面爆開，加上貓耳朵煙韌嘅口感，令人不自覺地一啖接一啖，好快就食曬😋仲有幾粒帶子😻焦糖布甸咖啡 $42有一層焦糖喺面，仲有3粒脆脆的咖啡豆，好特別嘅咖啡，值得一試🥳有汽檸檬咖啡 $42用梳打水沖檸啡，竟然飲到西柚味，口感特別清新，幾解膩🌿…Read More

向來打卡味極濃嘅香江花月，晚市出左個超抵2人餐，$288經典滋味火鍋套餐有9個item，包括2碟精選牛肉、中山脆骨腩、台灣鴨血、蟹籽墨魚丸、午餐肉粟米餃、芝士腸、日本烏冬、時令蔬菜，鴛鴦鍋都唔洗加錢😋 今次揀左皮蛋芫茜湯同秘製沙嗲湯底，用沙嗲湯底淥牛肉最正，配料比較出色嘅有蟹籽墨魚丸同中山脆骨腩，蟹籽墨魚丸有香濃墨魚味，加埋蟹籽更鮮甜彈牙😙 中山脆骨腩好新鮮，較啱時間唔好淥咁耐就最正啦！雖然無igable嘅火鍋圈，但兩個人食啱啱好～ …Read More

辛辣蝦湯拉麵🍜陣陣蝦香撲鼻，湯底濃郁，鹹香加上辣味好正。慢煮豚肉切得好薄，味道有啲似火腿，不過粉嫩嘅肉質軟林林，而且無火腿咁鹹，配搭如此濃味嘅湯底啱啱好。拉麵夾起沾滿櫻花蝦，更有口感拉麵本身已有半邊溏心蛋，仲可以加一隻，兩人share啱啱好🥳柚子鹽湯蜆肉拉麵🍜無論係叉燒定蜆肉都好似煮得恰到好處，飽滿蜆肉加粉嫩豚肉十分吸引😚但見清徹嘅湯底都忍唔住飲一啖先！估唔到顏色清到咁嘅湯底都做到咁鮮甜，係滿滿嘅蜆味，正～湯頭好味到可以飲🥰日式南蠻炸雞（3件）頗有日式小店味道，香脆外皮包住肉汁滿滿嘅厚切雞塊，食一舊都幾有飽足感，建議share~推介二人餐，每人一碗拉麵+小食+野飲…Read More

要講左D24  榴槤忌廉蛋糕先，因為真係太有驚喜！入口好香濃，底層仲有啖啖榴槤果肉，配忌廉口感幼滑細膩，相當高質。濕濕地又creamy 又香，好似榴槤味嘅tiramisu 呀！外型都模仿榴槤，確係幾有心思。見到隔離個牌先知原來有得就咁買一個蛋糕，$388🥸 如果用嚟慶生都可以考慮。估唔到自助餐食到如此高質嘅榴槤蛋糕，認真大方。其實甜品區有好多款式，多到一個counter 都擺唔曬，要每樣拎一件的話，要兩隻大碟先夠裝呀😍推介心太軟、麵包布甸、紫薯撻、綠茶類嘅糕點都好出色！刺身，蟹腳，麵檔同即切燒牛肉都唔錯👍🏻幾有誠意。呢度嘅staff都好friendly ，收碟都好有效率，坐得又舒服，環境寛敞開揚。甜品控表示會再返黎食！🥳…Read More

位於觀塘的泰象，融合了現代風格與傳統泰國菜餚的獨特風味，從香煎泰式盲醋魚伴甜酸汁，到彩虹千層糕，每一道菜都盡顯心思。香煎泰式盲醋魚伴甜酸汁的味道十分豐富，脆香的魚皮包裹著嫩滑的魚肉，而甜酸汁的酸甜滋味則為這道菜增添了更多風味。香蒜甜酸汁蝦肉餅 炸得恰到好處，外皮酥脆，蝦肉彈牙。配以香蒜甜酸汁，讓人吃掉一塊又一塊。另一道主菜青咖哩雞配薄餅，辛辣與雞肉完美結合，沾上酥香的薄餅或是直接吃咖哩都好吃，除了雞肉還有泰式茄子，鮮甜爽口。飲料方面，香茅熱情 Big Big混合了香茅與熱情果的味道，清新又開胃，為炎夏帶來了一絲清涼。份量好夠，二人share 由開頭飲到尾🥳甜點方面，手工椰汁彩虹糕賣相十分吸引，口感煙韌，每層手工制作盡顯心思。芒果蝶豆西米飯亦很出色，芒果的酸甜結合糯米飯的口感，再淋上帶點鹹味的椰汁，讓人回味無窮，大滿足。…Read More

自從無喺葵興返工已經無再踏足KCC🙃 今日黎到大公雞🐓一定要食返佢嘅 士林半筋半腩麵 ，係我見過最足料嘅牛肉麵，不得不說牛腩同牛筋都非常出色，牛腩軟腍又入味，煮得啱啱好，唔會過熟。牛筋好似啫喱質地，非常滑溜。麵條就煮得淋左少少。西門町鹽酥雞扒小腸飯 賣相一般，味道方面，鹽酥雞稍為遜色少少🤏肉鬆手抓餅（兩件）熱辣辣嘅手抓餅上面加左肉鬆同沙律醬，估唔到入口更香，配上鹹香嘅肉鬆都幾夾！肉燥西生菜🥬 爽脆清甜嘅生菜淋上肉燥汁特別惹味！飲品方面都有唔少選擇，今次試左金桔檸檬🍋 酸酸甜甜啱曬夏天珍珠奶茶🧋都係咁大杯😍…Read More

出消費券果日唔小心去左屯市，差啲迫死🫣PHI coffee 喺戲院對面，條隊短啲，所以排左一陣就有位🫶🏻 我地喺度食左好滿足嘅lunch💕辣蕃茄蟹肉扁意粉 🍝 蕃茄同蟹肉perfect match，帶點辣勁更開胃，搭配的扁意粉口感唔錯，值得一提係蟹肉份量非常大方，食到啖啖意粉都有蟹肉🦀巴馬火腿吐司🍞 吐司烤得酥脆，可以夾著香濃的巴馬火腿，或塗上牛油果醬 🥑，又或沾上甜甜的蜜糖，口感同味道都好豐富，絕對係鹹吐司嘅不二之選。士多啤梨梳乎厘 賣相同香味滿分，仲彈下彈下😍 士多啤梨嘅鮮甜同梳乎厘嘅軟熟口感相得益彰，每啖都充滿水果香味，大滿足🥰Dirty 濃度正好，充滿咖啡香同奶香，又不失濃郁口感。石榴檸檬梳打 非常清涼解渴，原來石榴同檸檬🍋味道咁夾，酸酸甜甜啱曬夏天！最後值得一讚嘅係上菜次序，我地一口氣叫曬鹹甜點飲品，職員喺咁忙嘅時間都做到先鹹後甜，仲問我地上得pancake 未，洗唔洗加野飲，appreciate 🫡…Read More

餐廳提供好多刁鑽部位，好似頸脊、肉眼邊、腩頭、挽手、腩心、金錢𦟌、牛坑爪、牛白肉、牛心頂等等。有啲連個名都係第一次見，好在有職員耐心講解下，如果唔係真係無從入手🫣牛頸脊位於背脊近頭嘅位置，帶少少肥膏，軟嫩又不失牛味。牛挽手係胸小肌，即係前腿連心口位置，肉味油香十足又帶有嚼勁，非常值得一試！牛心頂係連住牛心嘅血管，雪白顏色好特別，口感超級爽脆，第一次食感覺幾得意😎 鮮牛脷切成一口size, 夾住放落去淥10秒左右就食得。當然唔少得自製牛肉烏冬啦🫶🏻食到差唔多嘅時候，職員喺青紅蘿蔔牛蹄鍋入面撈起牛蹄，剪曬啲牛筋出黎，原來有成碟咁多😯好似啫喱嘅牛筋好滑好冧好入味！除左牛之外，手打四寶丸都好出色，包括牛丸、墨丸、蝦丸同鯪魚丸。幾中意佢嘅墨丸同蝦丸，特別彈牙同有鮮味，果然手打係與別不同💕 炸魚皮都好大片，就咁食或者浸一秒湯都好好味🤤 最後飲埋茅根水，消暑解渴。 …Read More

金牌米線 好好餸🍜有鱈魚豆腐、蟹籽丸各2件，仲有牛腩、時菜、炸醬，款款同米線都好夾，蕃茄湯唔係好濃，鹹鹹的幾啱配米線。本店馳名過橋套餐（大大碗），超多配料，有牛肉、豬肉、腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬。碗都大過人，啱曬大食人士🤭除左米線仲有好多款小食，雞軟骨串燒（椒鹽）作為小食一流，又脆又香口豬頸肉串燒（麻辣），麻辣好惹味，豬頸肉燒得啱啱好，彈牙得黎又幾有風味👍🏻呢度啲姐姐好親切，會同客人傾吓閒偈，仲有分店喺旺角同紅磡。米線控又多一個選擇🫶🏻…Read More

之前食過喜來稀肉都係有免費韓式配菜同無限追加生菜，今次再訪已經變左自助區，任拎好似仲開心啲添🥳 有幾款泡菜、青瓜、蘿蔔、芽菜同生菜🥬青瓜同喜來稀肉泡菜都好爽脆開胃👌爐邊蛋都係一如既往無限添加，只需掃QR code按加蛋便可，好方便雪花牛肉每邊燒一陣就已經好好味，加啲爐邊蒜再用生菜包住食更香口，又唔會太膩，呢個配搭啱每口味😙💕仲叫左護心肉同魷魚🦑燒魷魚時要小心，因為魷魚有醬汁醃過，擺上鐵板好易燶，最好換塊板先燒。護心肉係喜來稀肉嘅招牌肉，比較有咬口，油分唔多但爽滑彈牙，就咁食唔加配菜更加品嚐到濃濃肉味。同泡菜一齊食更加爽脆呢！每碟肉都有附上幾片蔬菜，所以唔會只得肉肉，有雞脾菇同翠肉瓜食下，當然唔少得爐邊蛋！熱辣辣嘅爐邊蛋，又香又滑，食完仲可以無限添加😆…Read More