sunnypcwlo's Profile

特意為家中長輩安排去呢度食生日飯。 並訂咗長輩要求嘅芝士蛋糕。 入座前服務員都好有心通知我會按人頭收切餅費。我覺得並無不妥， 更千叮萬囑蛋糕不可放冰箱以作解凍。到用膳完畢，大約晚上9時左右吩咐上生日蛋糕，等咗差不多20分鐘都未有上餅於是我去追問。 估不到蛋糕上咗去隔離枱 仲畀隔籬枱嘅年輕人連環拍照咗數分鐘，蠟燭燒掉一半都冇人覺得懷疑，難道佢地以為一間收50蚊人頭切餅費嘅餐廳會送蛋糕加送一支立體嘅"happy birthday" 蠟燭？我見事情已經到了失控的境地，餐廳竟然 提出送甜品咁荒謬嘅建議去敷衍了事。試問如果我一家4口食咗個cheese cake重邊有胃口食甜品？ 我怒不可遏當面怒斥並提出唔會為呢餐晚飯付上一仙。可幸餐廳經理最後道歉並免除當餐所有費用。對於另一台食客不負責任嘅行為我只感到無奈及可悲。總結：呢間餐廳，可免則免。報告完畢，不喜勿插，謝！…Read More

今日到紅十字會出差，貪方便去咗隔離嘅伊利沙伯醫院食堂開餐。叫咗個好少出事嘅午餐肉炒蛋飯。一味簡嘅炒飯，煮到好似芙蓉蛋飯一樣咁正實在驚喜！飯身軟硬適中，有飯香。個炒蛋有蛋味又爽口，午餐肉冇搶走蛋香。無得頂！小弟為人麻煩要多汁，老板更特意為我加添一碟蒸飯豉油，完全唔咸重帶少許甜味，非常精彩！…Read More

晏晝突然想食燒味，見到公司對面有間未試過嘅餐館，即入！睇埋餐牌，特色飯多選擇。我喜歡叉燒，於是點咗叉燒三兄弟飯，有傳統，梅子同咖哩三種。老板好在燒味汁任添，叉燒肉質鮮嫩，入味有口感，飯有米香又熱騰騰，灣仔區搵到38蚊一大碗特色飯好少有囉。但係針無兩頭利，飲品要額外加錢熱飲加六蚊凍飲加八蚊。抵唔抵就自已諗啦。總體嚟講，係值得推介嘅一間有heart嘅小店…Read More

原本打算幫友人考試前打氣，去佢喜歡嘅老字號東江雞。同枱有三班食客分別為我及友人，一對情侶及另一男食客。我最先入座點菜，點咗例牌東江雞，椒鹽骨及兩白飯 ，及後男食客點東江雞飯， 最後到情侶各點一碟鹽焗雞飯加油菜。我點菜後大約五分鐘男食客嘅雞飯上枱，再過大約5分鐘情侶點嘅飯菜都上枱。眼見人家遲來先上岸，我叫侍應跟單。再過大約五分鐘終於上咗椒鹽骨，我跟友人各試一件排骨，平心而論呢個餸幾精彩，夠鑊氣肉排又入味。但兩白飯未到，只好停筷。友人馬上叫侍應跟一跟白飯，再過超過10分鐘，雞跟飯都未上枱，我朋友再叫侍應跟單。 奈河白飯一直未送上，我見男食客之雞飯已經食完。一氣之下起身走人，友人拉住我，話在場職員示意要埋單。我忍無可忍當場與收銀對質，問佢係唔係咁嘅服務都重要收錢，收錢冇問題，我馬上埋單走人，但係佢唔埋我，於是我追問收銀收唔收錢，唔好浪費我時間。佢態度極之悔氣話唔收我錢打發我走。今時今日咁嘅服務態度點做生意。礙於老字號食物質量唔錯，所以我同友人決定一個月後於同樣時段再到呢間老字號幫襯，如果再出現同樣情況就以後都唔光顧。 並且會將如此不快經驗反應到到各大雜誌之食評。…Read More