CatCat5298's Profile

短時間內，再來幫襯，上次已經想食，但未食到嘅，今次都試下！有好味嘅，都有直升機位先講好味嘅，係葯膳排骨湯配竹筒飯！味道係好味嘅，但精彩在竹筒飯，是加料的，有時候手機食先，是有好處的，問題能在放大相片中尋得叫職員幫我換個個，都好快就處理到，都見到是換過另一個新的另一個，我外賣帶走的，是餃子！他們的餃子很多款味道，顏色也不同，因為餐牌已規定左，唯有揀左兩款雙拼的淨餃子，如果唔規限定，係想試多幾款，結果點左麻辣豚肉和竹炭黑松露，即場試一試，我個人都有點黑炭了個皮好特別，是有厚度，好軟，好淋，台灣的餃子，可能係我食唔慣卦:(我朋友點了，鹽酥雞排骨飯，又ok.喎，正正常常，味道都！結論是………唔好點餃子，就可以了…Read More

在佐敦的這個新開的店，現在是試業中，從外面看很年青朝氣光鮮嘅感覺，裝飾簡潔有特色！比起上一手（同樣是食店），坐位都美觀舒適，就決定入去試下！因為我入坐時間，未到晚餐時段，客人唔多，清靜一啲，對我黎講係十分正侍應生遞上餐牌，睇下都好多選擇，呢間店是台式食店，食物和飲品都是台式！結果我揀左台南滷肉香腸飯，配指定熱飲，唔洗加錢！我就揀左杯熱華田！（有少少可惜:(杯野淡左少少，不過現在好多餐廳都一樣，淡華田）上餐速度都好快，一大碗熱辣辣送上，個碗都幾大，諗住份量唔會大啦！點知道原來下午茶嘅份量，都好十足架！（咁都要講清楚，每個人食嘅份量多少不同，我偏向細份的，所以食半碗已經飽啦）味道方面，都絕對係好食 , 用料新鮮，靚料，唔會用味精，亦都唔會太濃味！好值得一讚！另外，佢哋有七色餃子，我見格離枱有人食兩色！外型和顏色都和餐牌嘅一樣（通常餐牌嘅都比實物靚，呢間竟然出品和照片一樣咁係唔係影相嗰個……），賣相咁吸引！下次去一定要試下甜食方面，佢哋都有幾款芋圓，都好想試下等下次再去試埋其他食品，再上黎分享下啦…Read More

走進屯門碼頭一帶，在美樂花園的這間小店，在店外開幾張細枱，幾張櫈，就已經是堂食了！當然談不上什麼裝潢啦但有一種好強烈的街坊情懷隨隨便便就是最寫意如果不趕時間，可以慢慢坐下，因為廚房內得一位女廚師，即叫即做餃子是必食的，還推介酸辣粉，螺絲粉，煲仔飯，小食的茄子，腩肉都不能錯過飲品，有無糖涼茶，食得辣辣地，解下辣都是很好的價錢方面，經濟實惠！車仔麵每個餸都係幾蚊一款如果唔介意冇室內坐位，冇裝修，係好值得一試…Read More

星期五下午的五點半，帶著祈望走進這間栢檔海南雞飯（佐敦），細細的店內，客人不多，（因為還早，未到晚餐時段），揀了門口，窗邊對街的位置！餐牌很簡單，下午茶由兩點至六點，是迷李份量的！但我都是選擇了，一人套餐，62元，有湯或飲品，一個主菜，一碟菜，一碗油飯或白飯！主菜當然要試一試海南雞啦，配油飯和住家靚湯！點餐時候，店員有點不太願意，餐廳內得兩，三個客人，但要叫幾次先應你！有點奇怪！我話要一人餐，佢只問我飲咩？我答佢飲湯，佢就走左去了！主菜我都未講，油飯定白飯，我都未講！佢已經唔再想理了！已經返左去出單了！雖然店內只有幾種主菜，可能店員都好熟悉！但都要聽下客人點咩菜掛？講返個餐，都好快手，大約兩，三分鐘後已經有得食，講真觀感賣相，係一般！但個湯味道有驚喜係南瓜青紅蘿蔔湯！而且份量不少飲晒碗湯，已經有啲飽再試下個油飯，都係一樣啦，賣相唔得，但味道得之後到主菜，海南雞了，雞係凍既！肉都滑，凍食都唔夠好肥膩，好野三款醬料，甜豉油都係一般甜豉油啦，無特別！個蒽油幾香，唔咸最後係個酸辣醬，我就最鐘意啦！（因為本身自己鐘意酸辣）最後總結，如果唔帶著太高嘅祈望黎食，係ok嘅同埋個店面唔大，如果不小心，一下子就會走過龍，位置其實就在佐敦入元朗小巴站頭，便利店旁！…Read More

放假的日子，在屯門找到這間新開的泰國菜，到了中午食飯的時間，眼見舖內，食客不多，裝修都十分雅致，簡潔整齊，而且又有我最喜愛的卡位坐，就入去試一試佢！坐落望望四周，發現另一驚喜，四人卡坐位，牆邊設四個usb充電插頭，如果大家手機無電，都唔洗淨餐死，係好貼心的服務安排，值得一讚！除了環境外，餐廳最重要的，還是食物和招呼！我們點了，set lunch ，海南雞飯，紅咖哩菠蘿魚柳配白飯，另加錢試左蒜蓉包和印度薄餅，還加了一杯椰汁冰！上餐時間大約十分鐘，我覺得可以接受:)首先上的是海南雞，賣相不錯，但有點失望是配白飯食海南雞，就是想吃個油飯嘛！碟雞味道是ok的，唔差，是去⻣的淨雞肉，這個做法加分，但啲雞肉舊舊相連，冇完全切開，夾起來有點難處理而個醬汁都可以，正正常常啦另一個紅咖哩魚，味道有點偏甜，唔覺辣味，可能是新鮮菠蘿關係啦，有點甜和酸味，魚柳都好大塊，總括來說，份量係好足夠的，就算是做工程的工友們都絕對夠食另一推薦是蒜蓉包，上枱一刻已經香氣十足，色香味全印度薄餅就普通啦！服務方面，值得一讚的好有禮貌，我們見個飯份量太多，要求退回，轉小飯，都好樂意，立刻轉比我哋，完全係服務至上下次有機會再來，會再試試佢哋的晚餐小菜，離開時，看到門口的banner寫明，新張期內，晚餐有8折…Read More

星期五放工時間，六點幾，經過佐敦這間龍鳳祥餃子館的店，看似幾特色，就吸引左我去幫襯下店鋪不大，裝修簡單潔淨，清素樸實，客人不太多，粗木紋嘅枱櫈，都好有食餃子嘅情懷｜:)打開餐牌一睇，死火了，樣樣都想叫｜但一個人又點食到咁多食物，聽職員講，煎餃好味，但因怕熱氣，放棄左，好辛苦下，終於都係揀左最愛嘅酸辣湯麵，叫左碗肉三鮮酸辣湯粗麵，可能唔多客的關係，等左兩，三分鐘就上餐了，熱辣辣的一大碗，香味ok, 夠酸，夠辣，好多木耳，料夠多，粗麵但係一啲都唔粗，我估幼麵可能似angel hair 咁幼啦到主角餃子啦，我叫嗰款係有蝦，原隻蝦仁，鮮味，肉爽，值得讚賞｜餃子皮正正常常，唔會太厚:)埋單，50大元，正常價錢，綜合黎講，值得推介…Read More

星期日來到東涌，都是希望過一個清閒的假期，聽聞舊碼頭都有些風味食店，就來看看，隨意走進這間 “正記川粵菜館” ，感覺都是一般鄉郊菜館一樣，不會有富麗堂皇的裝潢，只有平實的簡樸，與大自然接近，這就是老遠走來，假期想要的遠離煩囂:)我們中午時間用餐，不用等位，直接入坐，點了海鮮什菜煲，泰醬柚子骨，香煎蠔仔蛋，豉油王炒麵，上菜時間也很快，先來的是炒麵，麵夠干身，也不會太硬，味道可以，炒麵是合格的再來第二個是煎蛋，蠔仔都好大粒，完全唔會腥，而且份量十足，可以推介柚子骨，味道是泰式雞醬加柚子醬的味道，但可惜的是，骨有點走油過度，肉質乾和鞋了，最後來是什菜煲，一大湯煲，份量十足，全隻大蝦仁，鮮尤，鳴門卷，蟹柳，湯底是白色的湯，味道唔錯，都可以推介埋單，三餸一炒麵，汽水加埋二百幾蚊，抵食啦…Read More

在香港地少人多，要搵個地方舒適的食餐飯都不是容易，很高興還有屯門這個康恩園內的樂融融餐廳，它們是社企，店內有部份員工是比較特別，但是不用害怕，一般的簡單工作是沒有問題的:)應多些包容和接納，去欣賞他們自力更新首先想講講的，是這裡的環境，店內盡量取用自然光線，落地大玻璃，外面是很開揚的明陣公園，是一個特點坐位不會放得太密，枱與枱之間有一定的距離，這點我很欣賞，坐椅是大梳化，有點像在咖啡室就是令人覺得放鬆的感覺講到食物，我們點了，午餐的燒汁豬扒炒一丁，葡汁椰香豬柳條焗飯，抄一丁很香，賣相吸引，附上麻油包，食前落，增加香味，麵質爽，不會冧，又唔硬，豬扒肉霖入味焗飯，芝士正豬柳可以用個嫰字黎形容，整體黎講，兩個餐，無味精，夠味，又唔會咸，食得出材料新鮮絕對是一間值得推介的好餐廳睇得出是間良心社企…Read More

第一次來這間嘉多莉餐廳，感覺是很老牌餐廳，聽朋友講，已經開業很多年了！他們的下午茶餐至到六點，我五點幾到，就點了下午茶，睇餐牌推介，梅菜扣肉飯，（雖然我都好怕肥腩肉，但都決定要試一次），凍檸檬茶，等候時間唔長，點餐後，幾分鐘已經送到，首先是香味十足，顏色也不錯，賣相ok ,都幾吸引食慾架，白飯係另外一個碗另上，都好大碗下，50蚊嘅價錢，我覺得係大件夾抵死嘅第一件事，試下個餸汁啦，我個人覺得偏咸左，再試下梅菜，有沙，咁就扣晒分啦，梅菜絕不能有沙，因為沙，令我有點失望，最後試埋扣肉，好老實整碟餸都唔會肥膩，呢點係要讚嘅，肉質都唔會話粗“鞋”，當然都唔係“淋”嗰種啦！整體黎講，普普通通啦！如果想大件又抵食，唔太講究味道，為不錯的選擇，有機會再去，都會試過第二個餸…Read More

星期六中午約埋幾個朋友去食飯，中午時段都幾爆場因為係第一次去，所以睇下其他食客點咩餐多，發覺食中餐多，其實都係食set lunch為主，分中菜同西餐，叫個待應問下咩好食，走來的是一位年長的長者，細心堆介，態度很好，話如果問佢咩好食，佢一定話係係中菜，而中菜當中，又再堆介幾款，小炒王，土尤蒸肉餅，虾仁炒蛋，咁我哋就叫晒呢幾樣，再加多個紅燒豆腐，餐廳內有個沙律吧和餐湯，湯又分中式和西式，如果叫西式午餐，係免費供應，但我們叫晒中餐，就要每人加38蚊，先有沙律和湯啦，咁我哋就無叫到上餐時間，唔萛快，（可能爆場要耐少少啦）不過星期六放假，都係打萛傾下計，慢慢食，所以無乜所謂，傾傾下，就上餸啦，但所有餸黎晒，反而白飯未有，結果白飯係等左更加長嘅時間先上到，食嘅時候，餸已經開始凍，呢樣就麻麻哋啦，中菜要熱食嘛，講返啲白飯先，唔知佢哋用咩米煲，粒粒獨立分明，而且都幾硬，但又熟架喎，絕對唔係生米架！幾個餸，味道都幾好，唯獨個肉餅差啲啲，但都叫收貨啦！結論係，如果要趕時間，就要諗下，如果想hea下，傾下計，一流，價錢和份量就正常啦…Read More

睇新聞介紹呢間 “茄子的店” ，講明用日本雞蛋，日本奶，日本材料，覺得幾吸引喎，就去試下啦，放工過去，無乜人，可能佢間店不在旺街啦，其實都唔難搵嘅，在德華公園傍邊，店鋪唔大，細細間，食物係即叫即做，咁當然要用幾分鐘時間啦，我叫左個菜莆雞蛋仔，炸蠔，同埋叫左杯梳打水，係等嘅時候，八八卦卦，周圍睇下，間野裝飾都好少女夢幻feel , 其實店內都是三位少女在主理，裝飾幾靚，可惜就無得坐囉，企喺度等幾分鐘都ok嘅講返食物先，菜莆雞蛋仔，味道幾好，咁新鮮即製即食，都係會好食啲，我自己覺得就可以多返少少菜莆就更好，總結黎講都幾好，炸蠔都係即炸，我揀左落燒汁食，表面炸得夠鬆脆，隻蠔又唔會有腥味，最怕係腥，但佢又無喎，價錢又唔貴，食得過呀！飲品就一般梳打啦，普普通通，但佢最特別係用膠袋裝，加枝飲管，（令我諗起在青島飲啤酒）枝飲管都用左心機，有隻紙天鵝裝飾，係幾靚嘅如果下次再行過，都會再幫襯，試下幾其小食…Read More

這裡處於鬧市中，在人多車多的荃灣，想搵個舒服的環境，簡直是夢想今天無意間發現這樓上cafe ,樓梯上一層，彷彿進入了另一個清幽之境，裝飾簡單，清雅，米白色整潔光亮為主，我自己就十分喜愛這份簡單再看看餐廳牌，價錢便宜適中，對於我這種慳家本色，很受樂入門口有一個小木柜內各類小遊戲和大電影，很貼心的服務:)真係一個好值得去嘅地方…Read More