GG Cheng's Profile

輕輕鬆鬆星期五，又到假期開始，咁就要食個靚飯開心吓！今日放工後就同左老公去左九龍城食泰國菜sweet吓這餐廳之前都來過1次，覺得幾好又太貴，加上門外又可泊車，老公都覺得OK，所以又再黎食過，店舖仍舊幾乾淨同光猛，感覺良好係門外見到今日特價既$1菜式係蝦餅，當場要叫！個樣不負所望，係炸得幾靚仔，咬落香口又有好濃蝦味，好食！一諗到係$ 1就梗好食！我俾佢120分！老公話要食咖哩蟹，但我就唔想食到成手係咖哩汁，於是最終就叫左泰式咖哩炒大蝦，咁就用口食就攪掂，隻手就可以乾乾淨淨咖哩唔辣仲有少少甜，同埋有雞蛋係入面，用黎送白飯同薄餅都好好味！蝦都好大隻，肉質好彈牙又爽口，食得出好新鮮，老公又叫白飯又叫薄餅送來食，食到我地都好飽飽~食到咁上下仲叫左2杯龍眼冰黎飲，都算大杯同夠凍，同都有好多粒龍眼肉，味道唔會太甜，好清涼潤喉今餐係滿意，食到鍾意食既，老公都話OK，得閒可以再黎過…Read More

做咗成日嘢，晚餐唔理點都要食好啲，係傻婆同事帶領下就來到這間餐廳由出面睇可以見到間餐廳好乾淨，內裡設計亦都好簡潔舒適點菜後，侍應就拎左我地叫既湯來，羅宋湯酸酸甜甜，解喝又開胃，忌廉湯好滑，而且味道濃郁煙三文魚芒果莎莎入面除咗有三文魚同芒果，仲有其他水果同薯仔粒响入面，食落口感豐富，唔會有違和感前菜之一嘅煙三文魚凱撒沙律份量適中，食完都唔會頂胃， 沙律嘅菜都又甜又爽口，仲有麵包粒，都幾match㗎塊豬扒唔會煎到過哂龍，所以唔會韌，上面嘅菠蘿同埋豬扒一齊食會有清新嘅感覺，更加唔會覺得自己食咗啲好膩嘅嘢碟飯嘅汁唔會爆多，比例平均，海鮮種類都好多，飯粒水分仍很充足，口感軟香，醬汁亦唔會過咸，好飽肚…Read More

成日晏晝個陣都見到有好多學生食呢間傷心酸辣粉，因為我想知道係咪真係咁好食，所以就搵日夜晚去左食雖然店鋪面積有啲細，但係勝在易搵，又近民居，而且佢嘅顏色好鮮艷，一眼就認得出坐低後發覺有好多唔同嘅菜式，淨係啲小菜都成板咁多！叫得多會食唔哂，所以淨係叫咗幾樣~碟皮蛋中間嘅蛋黃係流心嘅，口感非常豐富，而且佢嘅份量都唔少，淨係食佢都已經有啲飽香噴噴嘅小辣蒜泥白肉好開胃，肉質好嫩滑，份量適中，好夠味半隻口水雞都好大碟下！味道又香又辣又開胃，雞肉仲好嫩滑，會想食完一件再一件而豬骨湯都好濃郁，肉片亦都好淋好入味，入口即化，雲耳就爽脆可口，麵質亦都軟硬適中另我男人仲叫左晶瑩剔透嘅酸辣粉，淨係小辣已經好好食，而且麵質彈牙，加埋花生一齊食好有口感…Read More

每次同親朋友食飯都好頭痕，唔知食咩好，最簡單就係搵間火鍋店，跟住大家叫啲自己鍾意嘅嘢嚟食啦~出面嘅招牌都show咗好多唔同款式嘅菜，睇見都覺得吸引~佢有好多唔同嘅湯底任君選擇，例如鴛鴦鍋同豬骨湯底，切合番唔同人士嘅需要同口味。呢度既火鍋好得意，唔同平時，係個竹籃上放張紙再係上面加湯打邊爐，很是有趣，真係好想知點解會過到電講返個醉雞湯底先，雞肉好嫩滑，而且有酒香唔會太濃，唔會好攻鼻，我個人就幾鍾意啲藥材味，所以個雞鍋好啱我胃口~打得邊爐一定要食牛！呢碟安格斯牛嘅雪花分佈平均，切得夠薄所以旅响水度一陣就熟，而且食落仲好滑好鮮香酷愛海鮮既我今晚就叫咗花甲，好鮮甜，夠大隻，最正就係入面無沙，可以放心咁食而墨魚滑亦好彈牙，但係如果唔想啲蟹子散哂嘅話，可以試下用啲墨魚滑包住佢，咁就唔會散啦~總評係好食同環境都好舒適可以再嚟過…Read More

早前同朋友出街食飯，朋友想食麵，行行吓又見到呢間餐廳，所以就入咗呢間醫肚，雖然第一次食呢間，但係都無令我失望～海蜇好爽滑，而且上面仲落咗好多芝麻，令啲海蜇更加香同有口感。本人十分鍾意食辣嘢，所以呢個重慶麻辣雞煲對我嚟講好好味，裏面仲有半隻雞㗎，雞件嫩滑入晒味，碎骨唔算多，廚師刀功係幾好！芫荽仲令個雞煲更加香，係好食既！！雞扒飯嘅雞好嫩滑，而且份量都幾多使，又唔會太肥，仲好香口添那些年涼麵有唔小配菜，例如青瓜絲、雲耳絲同蘿蔔絲，令碗涼麵食起上嚟好清爽…Read More

探住响沙田嘅老人家之前想搵間餐廳醫下肚先，行行吓就行咗去呢間嘢到可能肚餓得制，諗都無諗就衝咗入去室內燈光柔和，但係都足夠，仲有室外同室內嘅座位比啲客人揀餐湯嘅意大利雜菜湯酸度啱啱好，食嘢之前飲可以開吓胃精選自家沙律除咗有最基本嘅生菜，仲有魚生同蟹籽，甚有日式風味日本菜方面嘅上級壽司盛合非常豐富，有海膽同帶子配黑松露，每一件都好鮮甜美味，好好食呀~再送上枱嚟就係呢碟，芝士完全融咗响啲肉醬上面，可以用薯角點嚟食，亦都可以點芥末酸忌廉，一次過有兩種唔同口味嘅食法~最啱花臣多多嘅我臭妹就叫咗個意粉，溫泉蛋半生熟，黑松露好香，同啲忌廉係最夾嘅，口感好rich，而且結合咗日式同西式，好食大食嘅我哋仲叫埋呢碟，挪威三文魚煮完之後依然好滑，露筍加埋牛油一齊煮口感仲豐富。…Read More

同朋友去MegaBox行街睇戲，順便一齊去食飯，行行下見到有間好似玩具店咁嘅Cafe，又幾得意喎，就入咗去試吓入面嘅燈光好充足，啲牆紙好靚好多顏色~仲有一部部遊戲機，怕悶嘅話可以响等上菜個陣玩吓餐廳嘅菜式好多元化，有泰式同美式，揀咗一陣，最後嗌咗個泰式串燒雞拼吉列炸魚柳配雜菌飯同美式什扒配野菌飯個忌廉湯夠滑夠厚，重要幾濃郁~想好似我咁健康啲就叫個沙律食啦~個泰式串燒雞拼吉列炸魚柳配雜菌飯份量好足，一個人食係會好飽，串燒雞好惹味，加上件炸魚外脆內滑，真心推介~美式什扒配野菌飯！一樣好大份，最啱我哋呢啲食肉獸嘅寵幸！件扒唔會難咬開，加上啲醬汁夠香，食落好滿足！食啲咁大份量嘅餐，梗係要叫杯酸嘅飲品啦！所以叫咗杯凍檸檬茶同凍檸檬水，係隨餐送㗎~…Read More

韓國餐廳見唔少，呢間口碑一直都唔錯，而且好多人介紹我去食！試新嘢，最好就係同埋班朋友一齊食！間店嘅燈光好充足，乾淨又整齊，睇落好舒服，食嘢都食得開心啲！泡菜仲要任食，好得我歡心，好啱鍾意食泡菜嘅人，餐前食少少都ok㗎，開一開個胃睇完一大輪後就叫咗個弘大至熱選套餐，成個餐都好豐富，有忌廉、香辣炒年糕、卡邦尼炒年糕、甜辣炸雞、美國肩胛翼板牛肉～而且份量好足，絕對夠兩個人食，唔好唔記得仲有杯嘢飲！呢盤嘢入面有隻好可愛嘅熊，同麵包、薯條、沙律、泡菜炒飯、漢堡、芝士，差d唔捨得食~芝士泡菜炒飯好夾，塊漢堡好多肉汁，薯條亦都好脆~朋友P鍾意食豆腐，所以另外叫咗個豆腐沙律，豆腐加菜係好清淡嘅配搭，上面嘅醬睇落深色，但係唔會太咸，食落口感好清新~比較大食既我哋仲叫咗呢個雞蛋米紙卷，入面嘅蘿蔔好爽脆，有啲飯同菜嘅中和，所以唔會太酸，份量啱啱好，可以一次食一件由於太肚餓，所以仲追加咗鐵板牛仔骨飯，牛仔骨唔會韌，好易食，醬汁嘅味道都唔會太咸，整體夠入味，係好食嘅！我就擦咗呢杯西柚石榴沙冰+蘋果酒特飲，因為有齊我鍾意嘅生果，一次過滿足哂我三個願望！朋友小白就叫咗這杯白桃檸檬梳打，味道酸酸地，白桃味好香好突出，同檸檬味混合得宜。…Read More

聽屋企爺爺話舊時系潮州大概都生活咗幾年，至今依然對潮州菜好懷念，講到我地成班孫仔孫女都好像食潮州菜，擇日不如撞日，一於就今日去，跨快趣book位，即刻出發。去到見到面積都幾大下，而且侍應都好熱情咁招待我地。點心種類好多，蝦餃都同粵菜有區別，彈牙，而且味道方面更加入味啲，餡都有區別，芋泥都超級粉吖，細妹佢地都爭住食芋泥，好在分量都足夠喇，我鐘意芋泥搭配豉油，細個嘅都話我食野怪。杏仁白肺湯，好飲，調味好標準！茄子煲比較重口，不過真系好送飯，就一個茄子煲我就可以食成碗飯。蝦仁西蘭花，蝦仁好入味，不過西蘭花就唔咩味。…Read More

又係外出跑腿嘅一日，同同事來中環呢邊辦事，搞掂之後都中午了，累到成隻狗咁就乾脆係度食咗午飯先喇，然後就選咗一樂、、好喇，唔係火影裡邊嘅拉麵一樂，係燒鵝一樂喇。店裡邊真係窄到，可能係因為呢度成日都好多人來食，所以臺凳擺咗好多，好窄啊，同要同人孖臺。燒鵝飯，燒鵝都唔錯。係肥鵝來加，皮比較偏脆，皮下面一層費油，鄭係薄薄一層，唔會令人肥膩，肉就一般嘅燒鵝肉，唔覺得又乜出彩咯，唔知點解仲話系米其林一星。。。。同事嘅叉燒拼燒鵝，叉燒都幾好味，甜甜地，不過係瘦叉我唔係幾鐘意，不過都唔係我自己點嘅就無咁多要求喇，哈哈。作為一個工作午餐都還可以嘅。…Read More

之前來過一次，果次就唔使等位，不過今次就等咗五六分鐘，不過個個都係呢時候返工喇，食早餐肯定都係逼埋一齊喇，最後同個阿伯孖臺，我嘅紫菜八寶湯，我細妹嘅紫菜墨魚丸粉，兩樣都幾大份下，望住就有一種好飽嘅感覺。不過食果陣好唔舒服，因為個位太窄喇，成日都會碰到隔壁嘅人，不過好彩八寶湯嘅好味道安慰番我，湯好清甜，一D味精味都無，我最鐘意就係食麵果時飲D麵湯，不過有時飲完渴到要死，因為太多味精喇，呢個就唔會有呢D事發生。紫菜好好食，墨魚蛋好正！爽口彈牙，一D都唔覺得有乜麵粉，全部都係墨魚嘅味，其它幾樣嘢就一般喇，推薦紫菜墨魚丸。…Read More

話時話都感覺好耐好耐乜過來南丫島呢邊喇，記得以前得閒果陣就會過來行下，依家唔係做嘢忙就係懶得來呢邊，呢次又再來南丫島竟然係因為公事，真係人算不如天算吖。亞婆豆腐花仲係以前咁個樣，上面撐著一張帆布，下面幾張臺，再放D膠凳係度，廣告牌比以前仲爛咗，哈哈、同樣一碗滿滿嘅豆腐花，上面淋咗D薑糖水，一擺落臺就聞到一陣好濃嘅豆腥味，豆腐花豆漿特有嘅味吖，豆腐花好似水蒸蛋咁滑一滑嘅，薑糖水都係唔夠甜，我鐘意食好甜嘅嘢，特別是糖水甜品之類嘅，所以呢度嘅薑糖水肯定唔夠甜喇，不過正常來講已經夠曬甜喇、其實呢度嘅豆腐花味道都唔係話幾咁巴閉喇，不過就係慣咗經過呢度留入來食一碗喇。…Read More

如果你地問我食點心的店鋪邊間好的話，我覺得系會話添好運咯，我對佢嘅點心真係十分推崇而且保持著一種新鮮的好奇心。新鮮的辣椒炒肉，我覺得自己已經完全淪陷系辣椒的世界，尼道辣椒炒肉真係味道好正，其實不是狠辣的，辣椒也只是一般般辣，但係難得的青澀味道的辣椒完全同肉嘅鮮味混為一體，而且意外的夾，仲有就系好入味，不會太重口。我很喜歡的添好運的叉燒包，因為真真正正的系皮薄餡多，叉燒又系瘦中帶肥，肉同麵粉之間有一種奇妙的磁場，相互之間的滲透真係好正，其實我真係太容易滿足啦。價錢方面一直以來都係咁公道，好難的。…Read More

自從上一次食完之後，我的內心裡面就一直有一個想法，就係想要找一些新鮮的口感的火鍋，不過都係比較難找到吧，畢竟打邊爐的都大同小異。謙記的火鍋湯底味道都濃鬱十分，我仲專門飲咗小小試一下，認真味道鮮，而且白鱔、腐竹、肥牛這些食材放下去之後滾一滾就可以食的，可能系因為食材好新鮮的緣故吧，所以其實撈起來之後根本不用加太多的醬料就覺得味道好鮮美，果然要好食都系對食材的要求很高的。肥牛是我覺得系裡面口感最好的，無肥牛算咩打邊爐。價錢也不貴，而且這裡的辣椒之類的配料系我見過咁多裡面好齊全的，而且真係辣吖，眼淚鼻水一起流吖。…Read More

平時下午的時候我都喜歡自己休憩系一個好安靜、舒適的小角落度渡過屬於自己的下午茶時間，查理布朗系我好難得的發現的一間好令我滿意的咖啡店。下午三點左右去到，尼個時間人不多，照舊點了一杯查理咖啡同一個提拉米蘇。咖啡好快就上臺喇，一點都不拖拉。查理咖啡是屬於那種咖啡味道很濃鬱的咖啡，不知道是那種咖啡豆磨出來的，雖然總體上是捎帶甜味的，但係經過舌尖的觸角同品嘗之後，可以發現到其實仲有小小的苦澀味道，但係我覺得勝在間店的氣氛好棒，所以很令人安寧。提拉米蘇的話系飲完咖啡之後先會令人覺得更加的甜，蛋糕的內裡都係好認真的製作出來的，口感都好細膩的，完全沒有粗糙的觸感。…Read More