chingwork2311's Profile

好耐無岀過文了！是時候要上一上水吧～今次介紹嘅餐廳係位於屯門區。眾所周知，屯門紅橋一直都好多唔同嘅特色美食。而其中一間就係我幾鐘意嘅道拉面。但大家一定要預早少少去排隊等候，因為每一碗都係即叫即整！先介紹環境，餐廳只設吧枱，每一個位都可以望住師傅即場製作。衛生方面，地方十分整潔，燈光亦很明亮，整體感覺舒適。而服務方面，店員的服務質素很好，很詳盡地為我介紹每項食物，態度亦很有善。今次試左招牌拉麵-濃醬油雞清湯拉麵($118)同埋一份唐揚炸雞($48)。拉麵湯底第一口覺得幾特別，醬油底混合雞清湯之鮮味，岀面嘅拉麵鋪唔係咁食得到。拉麵麵質彈牙。配料嘅雞叉燒都做得唔錯，十分嫩滑重雞味。糖心蛋亦做得適中，不俗！炸雞一上枱，第一個反應係每一件炸雞都好大件。而雞肉炸後，裏面水份充足，不會炸得很乾，食落很嫩滑，外層的皮都唔會太厚，油膩感唔係好重。總結，值得一試！但要記得預早少少嚟排隊。…Read More

今次去左尖沙咀嘅金色不如歸！尼間日本過江龍曾經係東京拎過米芝蓮一星嘅餐廳，喺香港都開左一段時間，我今次終於得閒過尼試下。一入到去，餐廳環境幾有格調，坐位空間寬敞，坐得幾舒服，衛生都做得好好。今次叫左餐廳推薦嘅貝汁醬油拉麵($128)再另加一隻溏心蛋($15)。先講左碗拉麵，一上到尼，就聞到幾香嘅松露同肝菌香。湯底做得好濃厚，以蜆、魚同豬骨湯共同熬製，飲落去個蜆味幾岀，好鮮甜。而配料上有京蔥、牛肝菌醬/油同白松露醬，同個湯幾配合。嗰兩塊叉燒同三層肉肥瘦岩岩好。麵條就正常發揮，軟硬適中。隻蛋生熟程度做得幾好，流心，味道都幾不錯。總結，幾值得過尼一試！…Read More

好耐無岀過了！今次去左間新開嘅拉面店，係鬼金棒嘅姊妹店：⿁⾦棒牛骨湯拉麵。同平時食開嘅辣麻味噌湯底唔同，今次尼間係主打牛骨白湯，同本店嘅路線各有不同。先講環境同服務，一入到去間餐廳，感覺係好整潔條理，燈光都幾明亮。店員嘅服務態度都好好，非常有禮親切。店裏嘅空間都好闊落，入面都有好多位。今次叫左增量牛骨拉面($135)配味玉($15)同粟米筍($15)，辣度係小麻小辣。湯底清甜，好重牛味，配合辣麻更加惹味。而麵條方面，今次係用上幼面，但個人認為麵條嘅彈性未夠理想，也未完全能配合湯頭，略感可惜。配料方面，牛叉燒表現唔錯，雖然口感有少少嚡，但勝在牛味濃郁。而牛筋十分軟腍，充滿骨膠原口感，表現岀色，最緊要係好少喺拉麵見到尼樣配菜。洋蔥粒、粟米筍和味玉的表現也不過不失，沒有太大問題。總括而言，個人認為尼碗拉面有其可取之處，其定位都有特色，但仍有進步空間。…Read More

今次去左試尼間大叔拉麵。一入到去個環境已經幾令我眼前一亮！好少見到有拉麵鋪嘅裝修咁有日本風格。全店嘅裝修佈置都好有昭和年代嘅感覺。店鋪衞生都做得唔錯，整潔乾淨。今次試左佢地鋪頭推薦嘅和牛骨湯，點左一碗炙燒西班牙黑豚肉和牛骨湯拉麵($98)，湯底偏清淡但好重牛骨香味，而拉麵都彈牙，口感唔錯，同埋都掛湯，適合配合清淡湯底。塊黑豚肉經過炙燒之後，油香十足，又唔會做到好乾。配菜嘅木耳，蔥同糖心蛋都做得不俗，蛋嘅熟度適中。今次我仲加錢跟餐，有一份大阪燒餃子同一壺茶。跟餐餃子有3隻，皮底香脆，入口充滿肉汁，餃子外嘅大阪燒汁同木魚花都好夾。總結，係一間幾有特色嘅拉麵店，我認為可以值得一試！…Read More

今日去左一間係旺角開左好耐嘅拉麵店。見佢岀左新湯底，即刻去左試下。嗰日9點去食，排左一陣隊就可以入到去坐低。先講環境，店舖面積唔算好大，入到去坐低都係少少擠迫，但整體狀況都乾淨舒服。落單後都好快就有嘢食。我叫左雞白湯拉麵($95)，整碗面比我嘅感覺很好。湯底嘅雞白湯濃厚而唔油膩，仲飲到淡淡嘅雞香味。拉麵本身固定配以幼麵，亦與湯底十分配合。配料嘅叉燒同雞肉都做到很肉質嫩滑而唔嚡口。糖心蛋嘅熟度都做得啱啱好，仲要係成隻上。配合埋旁邊嘅洋蔥碎同埋蔥粒，進食時嘅層次感有所不同。…Read More

今日落左尼大埔揾嘢食，有朋友推介我去食呢間和拉麵，作為鍾意食拉麵嘅我，當然忍唔住去試一試。一入到餐廳，都唔算好多位，但嗰日唔洗等位就有得坐。位同位中間嘅間距都有少少窄，但環境佈置都幾有心機。衛生方面都做得唔錯，乾淨整潔。嗰日食左佢地期間限定嘅醬油清湯拉麵($108)。湯底清而不油膩，麵質彈牙且掛湯，配合清湯底感覺不錯。配料都唔錯，燒過嘅薄叉燒充滿肉味和焦香味，木耳絲和荀絲都好爽口。佢枱面仲有一罐辣芽菜，配合拉麵一齊食幾有驚喜。美中不足嘅係隻糖心蛋熟咗少少。但整體而言都幾好食！…Read More

係銅鑼灣行到攰，見到三田製麵所而家岀緊期間限定嘅海老系列。我就毫不猶豫，行左入去試下。估唔到我叫嘅呢一碗沾面好有驚喜。點左濃厚海老沾面($98)，面嘅份量有小、中同大三種選擇，亦都可以加錢叫特大份量。我今次叫左大嘅份量，都已經好夠飽。而亦都可以選擇冷麵劃熱麵。我今次選擇左冷麵。整碗麵比我的印象是很濃厚，沾面汁的蝦味很重，上面的櫻花蝦更提升沾面的風味。而麵質也十分彈牙，配合沾面汁，很好食。叉燒的肉質亦很嫩，糖心蛋的熟度也掌握得很好。…Read More

尼排喺拉麵群組見到奇蹟拉麵重開，所以就落去試下，睇下同以前嘅味一唔一樣。新店位於旺角通菜街，嗰日去到都要排左一個鐘頭先入到去食，大排長龍。新店環境比以往更大，有二十多個座位，座位寬敞，感覺舒適。衛生環境也比以往整潔，整體感覺良好。叫左一碗原味濃拉麵($86)，湯底十分濃稠和濃郁，但又不會過份油膩。麵條亦都有嚼勁，亦都不會過分掛湯，令整體口感十分平均，感覺適中。食到後期再加一點醋，更令整碗拉面的風味更加提升。…Read More

咁岩肚餓落樓下食飯，經過永利，行咁多次都未食過，就入去試下。餐廳為於石排站附近的工廠區，過馬路行1分鐘就到，都幾方便。一入到去睇餐牌，原來唔係剩係得車仔麵食，種類都幾豐富！今次叫左板燒牛柳配薯菜($72)跟餐加多杯紅豆冰($8)一上菜，見到塊扒幾厚幾大塊，點左配黑椒汁，一食落口都幾鮮嫩，幾好食！塊鐵板一上嚟都仲係熱嘅。仲要有跟湯同埋餐包，抵食之選。而杯紅豆冰都好飲，紅豆大大粒，都幾消暑。環境方面，餐廳嘅座位舒適寬敞，衛生方面都可以接受，冷氣都好夠。總體嚟講都幾好食，如果下次經過的話，都會去再食！…Read More