gotoeattogether's Profile

兩年無去，但好食拉麵愈來愈少，再試返一蘭，感覺湯無變（本身夠熱但再可以更加熱因為配料另上，放咗入去之後唔係好夠熱），個湯真係好好，比較簡單，因為出面好多都太重口味太厚身，一蘭個湯比較清純啲（唔似即食包果啲好味精好咸），但係叉燒真係唔得，有陣微臭豬味（急凍常有），但個湯好好，加咗多一份蔥更加錦上添花！雞蛋溏心但雪凍，放入湯唔係咁好。覺得除咗個湯同面，肉唔ok, 紫菜唔夠脆，所以食完之後覺得買一盒返屋企自己煮得嘞，咁自己整配餸可能仲好食。…Read More

第一次試呢間，叫咗個麻辣烤魚，小辣（食開3小辣嘅我覺得小辣啱啱好，會愈煲愈辣），好多配菜超足料，有芽菜、土豆、豆卜、萵苣、個辣味做得幾好，仲叫咗個豬紅，豬紅好好食，放整埋入去煲之後仲好食！但建議再打埋邊爐要早啲加湯，否則蒸發啲湯之後有啲太油膩。因為過咗9點無咗「任食」，如果「任食」2人仲會抵食好多！但疑似老闆嘅送咗碟生菜，好人一生平安。🌈兩個人食埋單370幾，飲埋啤酒，整體性價比高，啱一班朋友飲啤酒食雞煲feel😎 會再幫襯試雞煲。補充啲店員好有禮貌，難得❤️…Read More

排隊半個鐘，最後食咗碗翻熱日本包裝即食拉麵！等於超市買果啲！好無誠意仲要賣90幾蚊！日式拉麵最緊要係個湯，新鮮整係會想連湯都飲埋，但係我覺得呢間係全味精開出黎，偏濃味可惜只有好唔天然嘅味精味，係過份味精果隻！食咗頭幾啖已經頂唔順好喊好口渴，食唔到落去，叉燒有陣雪藏味，似煲完湯嘅瘦肉，乾瘦，感覺未經處理好似淨咁煲熱佢，係有兩大塊但難食！個麵同即食拉麵一樣，仲有啲鹼水味，全部嘢都係翻熱好失望，一定唔會再幫襯！…Read More

因為收得夜，無咩選擇，見小店收23:00，就第一次試食，叫咗第一round壽司，喜出望外覺得幾好，推介玉子壽司（自家製），有濃濃蛋味，劍魚腩同油甘魚都唔錯，壽司整體新鮮有口感，精緻，係食得出用心整嘅。壽司以外，其他熱食都ok，鰻魚炒飯香、炒得乾身，中意佢唔係好咸。個人覺得值得支持嘅小店，夜咗返屯門都有日本嘢食係一種温暖。但小店仍有進步空間，可以整啲更加招牌嘅菜式，例如啲日本蛋咁好食咪整個蛋嘅菜色，希望用心製作嘅小店可以留得住，屯門好食嘅餐廳買少見少了。…Read More

星期五晚去都好多人，最好book定位，我唔係素食者，係陪個素食者朋友食素，我覺得幾好食，個素鵝好香脆，唔油膩，仲有好多伴菜。啲食物整得幾好，但間店樓底太矮，好嘈好應聲，同朋友講嘢要好大聲。而且人多坐得有啲迫，但因為食物質素好，所以平均…Read More

第一次食呢間，因為朋友介紹，覺得唔錯，今時今日有小店做好質素唔容易，好多經營成本付擔，呢間小店都算幾好，刺身整體新鮮，角切剌身沙津好好食，酸酸地個汁幾開胃，叫咗個$380嘅壽司拼盤，有12件，件件都用心製作嘅，有傳統嘅手握壽司嘅味道。另外食咗燒牛舌都整得好好。我覺得個賣點係用心製作嘅味道。我都試咗個「甲羅燒蟹枊泡飯」味道okay, 唔係好咸，兩個人share 好啲否則可能覺得太單調。推介燒雞泡魚，有啲淡淡嘅唔知係煙燻味定炭橈香味，好食！呢個真係好推介。…Read More

之前食過浜燒，今次是鐵板燒，兩樣都咁好食，今次9個人包場高私隱度，服務好好，食材極新鮮！如果坐房入面嘅鐵板燒位置，廚師即燒即serve, 可以一道一道菜慢慢食，梅子梳打好飲，另外推介梅酒，梅酒同鐵板燒係絕介配搭。…Read More

新開張朋友介紹過來試下，起初以為食鐵板燒但來係叫"浜燒"，主要係燒海產，食得出好新鮮，一道一道菜上，節奏好好，一班人慢慢食飲啤酒，好啱聚會傾計。特別要推介Tuna Sashimi ，非常juicy肥厚，滑身有咬感，媲美喺日本高質魚生既級數!!! 食一件已經好滿足!!! 係晚餐既亮點!!!!另一喜出望外既係啲Side dish 都整得好有heart, 連個蕃茄仔都用梅酒浸過, very good taste. ;)))) …Read More

第二次黎呢間，地方比較優雅，二人傾計食飯好地點，嘢食好好，河粉湯熱，仲有個蝦餅唔係一般嘅炸蝦餅，係好似腐皮卷嘅脆巨皮包住蝦餅，好好食！另外推介軟殼蟹柚子沙拉！好少食到有蟹味嘅軟殻蟹。…Read More

呢間拉麵我食過幾次，絕對會食完再食，拉麵係個老師傅親手拉嘅，特別彈牙，佢最值得讚嘅係食店選擇唔多，但每一樣嘢都好食物，牛丸爽口、串燒肉外脆肉滑、火鴨絲絕對唔係平時茶記食果啲味噌火鴨絲，係好似係自己用鴨肉類僟似手撕雞咁手絲出黎，湯底夠熱仲食唔出味噌嘅味道，所以唔想出街食味噌的話，我多數會黎呢間食。老闆娘比較寡言，但係「人情味道」在於用心制作嘅食物裡，推介必試「薏米豆腐花」，好特別，有腐竹雞蛋糖水嘅口味但配香滑豆腐花。我有只見到一個九龍人朋友，竟然黎咗屯門呢間小店，原來一個屯門朋友介紹，覺得佢make a good choice, 因為屯門無咩好食，呢間小店雖然然地方小小，未必係一大班朋友黎嘅首選，但3、4個一齊食都係個good choice @ 屯門。…Read More

叫咗個二人餐「虎蝦牛柳」，牛柳order 5成熟但黎到根本10成熟，食入口就一陣「雪藏血水」味，呢間店係食「鐵板燒」嘅但我食果舊牛唔似食緊鐵板燒，個情況就係好似落超市買$30冰鮮牛柳，唔調味就咁放入煎pan，熟咗就食，冰鮮味，好韌。唔會再幫襯！overall 都唔似鐵板燒，食材唔得！…Read More

係一個好失望嘅經歷，我同友人食晚餐，友人叫咗咖啡牛肉蛋包飯，除咗個飯係熱嘅，牛肉、咖哩汁同個蛋都係微暖（直頭係同室温一樣），即使味道正常已經大打折扣。另外我叫嘅「味噌牛肉拉麵」+$48要多個迷你海鮮魚生丼，足足等咗30分中先送到，個拉麵勁咸而且又係唔熱架，我接受唔到拉麵都竟唔熱，結果我叫waitress幫我用微波爐叮熱，但太咸好難食，最後極之失望嘅係個海鮮魚生丼，非常刻薄地大部分係青瓜同碎玉子（蛋），魚生唔新鮮，個飯係硬嘅。我多年前幫親過尖沙咀海港城果間分店，覺得甜品好食，果時無食過正餐，估唔到咁難食，今次無試甜品，所以no comment. 小插曲：我隔離張枱有對情侶食緊二人餐，女士一邊食一邊講「啲嘢食好差，得甜品係ok」…Read More

星期六下午食屯門呢間和民無lunch set , 於是散叫，叫咗個黑椒牛肉石鍋飯同一個和民拉麵（即日本牛肉）。環境好本來想食個悠閒的午飯，點知真係好失望，個石鍋飯好多油同好咸，正確啲係只有喊味，單調。以前食開和民嘅泡菜石鍋飯好好食，唔知點解屯門呢間特別難食。到牛肉麵個日本牛肉似煲湯瘦肉，乾身，拉麵係好一般嘅湯底，我一直有食開和民，分別係荃灣同中環果兩間，都覺得唔錯，但屯門呢間食物質素有待改善。…Read More

餐廳馳明黑椒牛枊但試過後覺得佢太淋，似係用粉「嗱」得太勁。朋友叫咗個T骨，唔係menu套餐果度，要另外叫。個T骨喜出望外，有牛鮮味同埋唔似牛枊咁淋。最後奶茶好飲，環境一般，要搭枱，坐得唔舒服因為梳化扁哂已經。…Read More

入到cafe, 飄來陣陣蛋糕香，非常吸引，佈置好似屋企咁、感覺好relax，係銅鑼灣基本上好難揾到個咁舒適嘅地方，我同朋友一坐就二個鍾，先食咗個club sandwich, 都唔錯，用料新鮮。跟住食咗個番茄海鮮意份，味道淡少少，但鮮味好足，蕃茄味濃。個人非常推介夢屋，係個下午茶約埋三五知己輕食傾計好地方。…Read More