or#tm66743492's Profile

瑞士餐廳係一個好合適任何場合嚟食嘅餐廳！我哋今次一行5人慶生，食左芝士火鍋、青口、田螺、炸豬扒薯餅main dish、炒牛肉意粉。氣氛裝修好有西式復古風格，有feel招呼好好，好客均真，清楚咁預算我哋食到幾多份量，難得仲會keep住換碟、添麵包食物味道比我想像中好太多，因為比較少食芝士火鍋同呢個風格嘅食物，本身擔心芝士會唔會臭食唔慣，但完全唔會，田螺青口都好好食，連麵包都好食🤣大家一定要試吓！呢間餐廳有心做，值得更多客人！…Read More

因為慶祝生日，所以特別bk咗靚景配美食，但可惜令人失望。我哋散叫食物，6人人均約$400，埋單時通知原來揸電車有85折😹而家講講食物嘅評價：合桃好食上湯菜OK片皮鴨無論係刀工、配料、鴨本身嘅質素都麻麻。由樓面同事切，每片鴨好厚，把刀唔夠利，鴨肉唔夠嫩滑，冇油香，太太太瘦唔夠肥，配料剩係得青瓜、蜜瓜同大蔥，鴨醬加咗好輕微嘅花生醬，所有嘢包埋一齊食太平衡係冇咩味道，分開食先有味道，唔係一個好嘅配搭，切完鴨上菜嘅時候咩都冇任何指導就開始食，冇咩特別儀式感，亦唔夠精緻。唔似享受緊酒店高級中菜廳嘅美食。加咗一鴨二食生菜包，比較濃味但太乾身，食完片皮鴨再食冇乜特別黑蒜鮑魚雞煲，黑蒜好食，鮑魚好薄，味道OK，夠香，不過偏鹹櫻花蝦炒飯， OK，冇咩特別黑醋豬柳，即係類似生炒骨，豬柳太細舊所以炸完比較乾身，炸粉有啲硬，太濃味，Ok啦最後叫咗個白飯等左好耐好耐😂同事仔嘅培訓都要加強…Read More

星期日午市口痕痕想食燒肉，喺屯剔市廣場求其入咗間！點知真係好有驚喜啵！燒肉二人前套餐，有一底兩款牛、兩款豬、雞翼拆骨、兩隻帶子拼盤，望落去好似有啲少，但食落先知都真係幾多，好飽呀🤣！肉質全部都對得住個價錢👍🏻👍🏻試過屯市其他燒肉，呢間我會返轉頭！個二人前餐仲包多4件大炸雞，出奇地好食！Juicy唔乾，個醬都配得好好！坐得舒服唔迫，服務態度仲幾好，有禮貌😁$400連加一，每人$200午市燒肉！抵啦！…Read More