我是一隻小小小小新's Profile

襯住天氣未開始好熱，約左朋友去大埔海濱公園，玩左一日，就慢慢行返出去市中心，不過個時間咁吊腳，又唔想搵地方hea住等晚餐，朋友就話早啲食。不如大埔唔熟真係唔知食乜好，wtsapp左個fd佢話不如食放題喇，然之後佢都join埋我哋3個一齊食，哈哈。心諗喺大埔區食放題應該都冇咩期望，點知佢帶我地行到間舖寫住漁屋日本料理，心諗咁熟嘅個名，原來同我上個月食過果間放題係差唔多名，見個勢似係同一個集團，咁我都安心啲，因為我印象中啲嘢食係唔錯，不過唔知呢間點。6點半前入座，收費就238再加一，唔係算好平，但食物質素係好嘅。食物紙同另一間一樣咁濟，呢間舖面積再大好多，所以walkin好好彩有位，刺身好夠新鮮，肥美厚切嘅三文魚就必點，但最正係帶子同赤貝，超鮮，講起又口痕，墨魚同北寄貝都有叫左啲，平時就少食呢兩款，但都係好鬼正。我覺得淨係不停order刺身都好夠皮!!!!我地好鐘意食海產類，所以蜆都叫左兩碟，有一款清酒煮蜆同地獄炒蜆，雖然啲蜆細細隻，但成碗裝到滿一滿，有好多蜆肉，辣果隻正好多，惹味(但堅辣)，好彩好多嘢可以飲。生蠔就有兩種整法:有芝士焗蠔同炸廣島蠔，兩款都正，廣島蠔熱氣啲但炸粉唔會好厚，如果第時如果有生蠔供應真係無敵。講開嘢飲呢度有日本啤酒飲堅正，係任飲唔駛加錢，叫埋啲串燒羊架，燒海蝦，送酒吹水正。推介埋河豚魚乾，咸咸地有啲似煨魷魚咁，出面好少見。如果要比較兩間，我覺得整體質素呢間店嘅嘢食仲正啲，不過佢哋啲分店唔算響旺區，試過大埔同將軍澳，荃灣應該再熱鬧啲，搵日可以去插埋旗。…Read More

母親節當日，同老母2個人撐枱腳，位唔駛book喇就去士倫敦廣場搵下嘢食，因為之前要去對面redeem center換嘢。成幢嘢咁多間一定搵到嘅!最後就搵到呢間，當晚就做緊178蚊位加一，未夠6點前入座，可以食到7點半，佢地告示都寫明就算平時2人入座都係限時1.5hr，食韓燒就唔係好夠囉。呢間店周圍都有，其實食物都係果啲，晚市有三文魚刺身，都食得落口嘅，唔算靚囉。燒肉食材方面，最正係牛仔骨同辣豬肉，辣豬肉醃得好正，記得拎埋生菜包住食仲好。嘢飲有甘蔗紙包飲品都幾好，可以清下熱，仲有好多款汽水。當日冷氣都幾大下，而且人多太嘈喇，出面夾嘢食都逼，大時大節又貴又剩真係咪搞。…Read More

因為豬豬響將軍澳考試，嚟接咗佢之後再五點幾，行咗陣之後話想食嘢，但係五點幾咋喎，本身我見入面都未有咁多人，想行多陣先食喇，但佢話攰，咁唯有入去喇，不過真係好彩早入咋(下面再講)佢哋以入座時間計食2個鐘，5點半前入座就208蚊加一，一大疊食物紙任剔，刺身都有13種，三文魚就必叫喇，厚切又夠肥，玻璃蝦，好大隻，肉厚夠肥甜，但我本身麻麻哋生蝦。我就最最最BUY赤貝同帶子，赤貝肉好爽又唔un，帶子肥美又滑，呢兩樣嘢同三文魚都叫咗兩round，食到超飽，最緊要係回本推介。熱食方面都多款式，但因為好早唔餓所以試唔到好多。最正一定係金菇牛肉卷。竟然?係呀!因為佢哋牛肉唔係用啲又鞋又un嘅肉，肉嘅質素好好，有少少入口即溶嘅感覺，真係好有驚喜，值得一試。另外有啲出面比較少見嘅菜式，好似溫泉蛋、有足料嘅蟹皇翅，都好值得推薦。炸物方面天婦羅都有好多款，海蝦、鰻魚、野菜等等，比較欣賞佢哋整炸漿唔會得個死死實實，厚度啱啱好，唔會漿住個口好似食粉咁。食到6點幾，間舖已經座無虛席，出面都有人等位喇，所以好彩係早入嚟又平啲。呢餐食得好滿足，下次會再嚟encore呀。…Read More

老老實實，依家香港真係冇乜邊度有狗仔粉食，咁響冇乜選擇之下，呢間打正旗號賣狗仔粉嘅，難怪咁受歡迎。十八座狗仔粉見過有好幾間分店，深水埗，佐敦都見過，今次試元朗呢間，響又新街附近，交通都方便，座位算多，等左一陣就入得，不過阿姐好似好忙，叫左兩次都唔應機。不過事實上，佢哋嘅狗仔1粉又真係整得好食嘅，味道較得啱啱好，最鐘意就係就肥豬油渣，咬落去好香口，不過得兩粒仔就少左啲。次次都係食細碗，因為可以貪加埋佢啲小食，有款大雜會係唔錯，可揀豬皮，豬腸，豬肚，蘿白，配埋佢嘅千味汁，堅係好食。(雙拼13，四拼23，大四拼33)。可能因為太夜去，原本想試埋佢哋嘅火鴨翅，但已經賣晒，賣點係0分鐘即叫即滾，睇相賣相係唔錯，23蚊都唔算貴，下次真係要試吓!…Read More

雞蛋仔真係唔簡單當香港可以食到各國菜式世界各地嘅美食時香港嘅傳統小食都會被人遺忘往往同外國朋友遊香港時，都會令我可以用另一個角度再次體會香港。要帶朋友食最具香港特色的食物，除咗魚蛋，第二就係雞蛋仔。利強記響香港有勁多分店，但問過朋友最推介就係灣仔呢間，確實呢間雞蛋仔真係唔錯。有一貫蛋香，啱啱出爐熱辣辣，食落軟綿綿，qq彈彈咁，真係夢想中的dream雞仔，最岩凍凍地嘅天氣食，最緊要係唔貴呀麻。好彩唔駛點排隊，不過阿姐做到無晒表情惡惡地…Read More