woodlee28's Profile

同朋友行過銅鑼灣，突然間記得時代廣場12樓有間唔錯嘅日本餐廳，心動不如行動。原來逢星期三做緊<清酒女士任飲>，作為一個酒鬼嘅我哋，當然係非常開心喇(^_^) 個優惠原來推咗好耐，我哋太耐無嚟喇我哋一坐低，職員就好有禮貌咁問我哋飲唔飲酒，然後就同我哋介紹食物，秋刀魚、鮟鱇魚肝⋯⋯呢餐食得好開心，環境又舒服，職員又好主動咁不停幫我哋fill 酒，真係清酒放題(*^^*) 一定會再嚟，希望個優惠繼續有，哈哈。…Read More

係社交平台見到有間龍蝦沾麵係寫字樓附近見佢拍得幾吸引就決定去試試咁佢招牌係龍蝦湯底就梗係試呢個啦因為佢哋話係新鮮熬製，都幾期待重加左幾款小食拎到手見到佢熱辣辣，聞落幾香但入口就唔係果回事可能我期待過高湯底偏淡同埋冇乜蝦味感覺有啲失望至於其他小食不過不失…Read More

上星期朋友約食飯佢約咗我去呢間叫穴既居酒屋食晏食飯時間，門口排晒長龍🥲🥲🥲因為冇訂位，Reception叫我撳飛等嗌位排咗大概20分鐘左右終於入到去啦😅坐低覺得間餐廳裝修都幾舒服枱同枱之間，距離都幾闊落同時發現佢哋都有好多唔同主題嘅餐廳睇落都好吸引🫣🤤由於排隊時，見到門口$108自選刺身丼毫不猶豫咁嗌咗一個刺身飯🤤點餐時唔知原來要揀埋飯😂不過好在佢哋啲職員好有禮貌咁問返我要邊一種飯朋友就嗌咗一個泡菜豬肉飯（佢話早幾日先食過個刺身飯）😆佢哋前菜沙律上得好快刺身丼我嗌咗自己好鍾意食嘅：火炙左口魚、三文魚、八爪魚、章紅魚&同埋三文魚子雖然三文魚子要加錢但係我覺得性價比超高因為原來除咗碗入面有之外，會另外跟多一細兜俾我自己倒❤️❤️❤️😝😝😝本身好鍾意食日本嘢食得出佢哋啲刺身好新鮮左口魚燒完啲油份出晒嚟，勁甘香可口八爪魚又唔會過熟咬唔開、啱啱好我覺得呢個刺身飯有驚喜至於朋友嗰個泡菜飯，一上台我話‘嘩’出嚟因為好大兜呀啲料鋪滿晒個面完全見唔到飯之後朋友話最正係，呢個飯係食到有飯焦㗎而佢啲飯焦唔係超級燶而係啱啱好，又脆卜卜跟住我哋就全程一路食飯，一路傾偈期間，佢啲職員都會主動行埋嚟幫我哋加茶（呢樣嘢要加分，因為好多時啲餐廳飲到無哂水都冇人加😞）而且佢地唔會企哂喺度傾偈，唔理人我哋食完嘅碗碟，佢哋亦都會好有禮貌咁問我哋收唔收得（有禮拜又值得加分）成餐飯，我哋食得開心坐得舒服又傾得開心大🈵足…Read More