烏龍犬's Profile

食物質素就跟唐記好一點，性價比一般。環境多人嘈雜，坐得唔舒服。二人入座會焗你坐唔舒服既位置，這是香港特色就不說了。食物等待時間長，質素沒甚麼特別。沒有特別優缺點，就係啲椅坐得唔舒服就咪要人等咁耐，又唔係特別好食，真心唔建議食。但如果話佢好差，佢又未算，最少表面環境還算乾淨，可能因為開左無幾耐。價錢唔算特別貴，但你又會諗點解唔唐記結論：帶老人家，人數3-4人，唔知食乜可以試下，好過垃圾稻香先。但如果得1-2人。 真係要諗下係咪好想食堂食唐記。附近有更多更好選擇。服務方面，起碼有人執枱，一般吧。…Read More

生日孤獨過，晚餐想食好少少但選擇好少，壽司郎又有排等，最後見momoku有位同特價扒餐就入左去。入到去無好似上次隔離同集團間RUD咁見你一個就一定要你坐門口面壁思過咁衰。叫左個98蚊西冷扒特價餐，做實驗咁加左個平時肯定唔會加既人參湯娃娃菜。先講食物，加果個娃娃菜都有兩棵左右，個湯飲完包唔口喝，我好肯定無味精，因為根本無味，你當佢係1：99既花旗參茶，應該溝完同佢個湯差不多味。呢個故事教訓大家唔好江門痕癢去加呢啲野。講番個扒，呢個價位質素算唔錯，但又又又又再一次印證左香港既都巿傳說：無3舊一位落樓既餐廳，無論你揀幾成熟，出到黎都係得8成熟或以上。既然係咁，就唔好比人揀好過啦。本來應該可以比好評，但最後都係臨尾香，因為：薯條係凍的！薯條是凍的！環境：以一般同類餐廳來講屬中上。服務：沒遇到不愉快事件會否再光顧：間中會，因為近。但那個娃娃菜不了。…Read More

今天想找個好啲既下午茶食，見到呢間有個好似幾好食既下午茶鐵板，$78包野飲，以下午茶黎講稍微偏貴。入到去，間野唔大，約坐滿1半，店員見我一條友就指我坐一個溫度偏高既位（本人怕熱，要在該位吃鐵板實在捱不住，就只能轉身走了。那店員沒有不禮貌，我只是因覺得該位置不舒適，也沒說半句沒黑面，轉身就走了。由於位少加上又不像RUD燒肉那種全鋪大量吉位也要你坐門口的那種，所以這不能怪食店。冬天再去光顧吧。為甚麼香港的食店愈來愈少客，大家都北上／外遊消費，其中一原因應該就是食客花錢花得不爽，已經沒有價錢上優勢，連坐的地方也不舒服，很難讓人想出街食，這亦是大家都情願兩餸飯的主因。評分由於還沒吃，所以全部給中間。…Read More