emchanmansze的個人專頁

試咗呢間喺 @k11musea 新開嘅歐陸小餐館👻裝修風格令我完全唔覺得自己身處一個繁忙嘅商場，坐喺bar table 睇住open kitchen 廚師準備食感覺好似食緊omakase😂前菜揀咗Charcuterie Platter ($208)，有唔同嘅Ham同Cheese，好豐富!仲叫咗Smoked Salmon Lazy Omelette ($78)，性價比好高😮蛋香同煙三文魚好夾，仲加咗少少Yoghurt令到個dish無咁膩👍🏼👍🏼主菜當然要食Mussels! 呢到有好幾款法國mussels堜，我哋點咗Japanese Style ($188)，忌廉加咗柚子胡椒，感覺好新鮮~ mussels夠新鮮，無腥味，不過如果size大隻啲就好! 一定要讚呢到嘅薯條，夠熱夠脆，食唔停👻當晚仲做緊promotion，點任何青口料理，就會獲贈 #西班牙有氣酒Cava 一杯($98)😍正!…查看更多

前排同 男朋友去咗銅鑼灣燒肉酒場食大餐🙌🏻坐得舒服，真係好似去咗日本咁🇯🇵除咗大路野，仲有好多燒肉店少見嘅羊肉料理例如當日試咗蒙古羊卷肉($78)、紐西蘭羊西冷($118)、羊湯茶漬飯($58)，都係好特別嘅料理羊湯茶漬飯湯頭濃郁，配上大量蔥花，好食！至於羊西冷肉質細嫩，唔會太羶，好易入口～其餘令我印象深刻嘅仲有壺漬牛肋條($98)同柚子雞腿肉($78)，性價比好高😯雞腿肉嫩滑厚肉，柚子醬汁好清新，食唔停!牛肋條大大條，唔會韌，醃得好入味～叫多兩杯桂花烏龍水果茶（$48）真係超滿足🥰🥰…查看更多

店舖打正旗號賣意粉，但絕對唔係普遍樓上cafe嘅頹貨，有驚喜!平日下午兩點到，人不多，店舖光猛，坐得舒服Lunch Set以銅鑼灣西餐嚟講唔算進取我叫咗忌廉黑松露野菌湯(+$10)，男朋友點咗龍蝦湯(+10)，欣賞佢有加酥皮嘅選擇(+10)兩款湯濃到都剛好，唔會太咸令人飲完口渴，好飲～意粉方面，我叫咗藍芝菜花螺絲粉（$128），我好鐘意blue cheese，所以覺得呢個螺絲粉超好食🙈不過未必人人頂得順blue cheese咁濃嘅芝士味螺絲粉無煮得過淋，麵包脆粒亦令口感豐富咗男朋友點carbonara ($128)，煙肉粒好香口，汁濃而不膩，唔需要額外加其他調味都好食！飲品就叫咗蜂蜜檸檬同烏龍奶茶，飲品相對失色啲，不過不失整體嚟講，意粉真心性價比高，如果lunch set有多啲意粉選擇就好!…查看更多

呢間餐廳位於奧海城三期地下，有埋户外位置，室內燈光暗暗地，兩個人嚟拍拖或幾個朋友嚟傾計都好啱前菜叫咗雜疏蘑菇配青蘋果泡沫汁沙津（$108），份量唔少，好多菇😂另外仲叫咗百香果泡沫燒帶子($148)，帶子無煮過龍，無雪藏味，大大啖肉，燒得好香，好味🤩主菜就再叫咗個西班牙地道紙包魚($188)，唔係好多地方有得食，幾特別焗完嘅魚唔好會太乾身，仲保留到魚嘅鮮味，配埋下面嘅薯條食都好飽肚😌甜品就叫咗Créme Brûlée($58)，面頭焦糖好脆，有雲厘拿香🙌🏻大角咀無咩西班牙菜，呢間係唔錯嘅選擇…查看更多

首先要提呢個超好食嘅carbonara （$158）🥺🥺無論係質地同味道都調教得好好，配埋煎香咗風乾豬面頰，好惹味!其他菜式都岀色~日本水果番茄冰菜沙津（$148)，第一次食用冰菜整嘅沙津，口感好爽🤤而且呢隻番茄真係超甜！！！食完番唔到轉頭💁🏻‍♀️主菜仲有香煎紅鯛魚墨汁南瓜risotto ($228)~ 條魚煎到皮脆肉滑，risotto夠creamy得嚟唔會膩，應該係因為南瓜汁同墨汁balance 很好好🙌🏻仲有一道和牛肋骨配薯蓉($258) 份量唔細，好肥美~ 薯蓉真係好幼滑，配胡椒蘑菇汁食好滿足!甜品Earl Grey Creme brûlée 配搭新穎，表面夠脆唔會硬，好食~另一道French toast 細細件，上碟時熱辣辣，配雪糕食無敵!😚😚喺到食完野，仲可以一條龍整埋指甲剪埋頭髮，地方好大好靚，hea一日都得🙌🏻…查看更多

對於自己宜家先第一次試呢間西餐黃小店，真係覺得有啲可惜🥲一直都以為呢到淨係食牛，嚟到先知食物選擇都唔少~平日下午嚟到，人唔多，坐得舒服，唯獨係音樂開得有啲太大聲，同朋友傾計有啲辛苦~餐牌唔複雜，主要供應全日套餐，價錢由$58至$168不等，baby back ribs配薯條多士都只係$68，真心平到癲 (唔洗加一、外賣自取85折)我叫咗滿蜆肉蝴蝶意粉（$88），見到網上圖片好吸引，仲有雙倍蜆選擇，$168上菜之後，已經發現$88 version嘅蜆已經多到癲，起碼有幾十隻仲要無雪藏味無沙配埋超香嘅香草牛油汁同掛汁嘅蝴蝶粉，滿足到不得了好味到我隔幾日又去encore~朋友食嘅慢煮安格斯牛扒三文治配薯餅/沙津/雞翼只係$68...牛扒唔算薄，亦唔會熟哂好韌，果然係拿手菜如果啲醬可以少啲就更好，唔會蓋過牛味呢到嘅性價比高到我不停推薦朋友嚟食😂大家真係可以試下…查看更多

話說我真係好中意食蟹，但宜家又無得去大板食蟹宴，終於都俾我喺香港搵到個食蟹好地方今次試咗蟹慶嘅特選會席套餐($2576+10% for 2)，有十道菜印象最深刻一定係清蒸新鮮毛蟹金黃色嘅膏好濃郁好鮮甜，而殼好薄好易剝，一梳梳嘅蟹肉鮮味十足浜燒鱈場蟹腳一上枱已經聞到好香，蟹腳好粗，珍寶size，厚肉到不得了，滿足!其他食物例如喜之次、黑魚子海膽蟹肉蒸蛋都係水準之上🤤刺身presentation 好靚，亦夠新鮮略嫌鴨肝多士太硬唔夠脆炒飯炒得好香，粒粒分明，不過蟹膏蟹肉嘅存在感真係頗低另外要讚甜品嘅牛奶布甸，非常非常滑，比cheesecake岀色餐牌上仲有好多其他蟹料理，要encore~ …查看更多

之前每次去日本都一定要食吉列牛，宜家喺香港都食到日本名店 @kyotokatsugyu.hk 喇🤤仲要開到嚟近我嘅將軍澳!!泊好車喺停車場，行兩分鐘就到餐廳，好正😹餐牌選擇比預期中多，唔單止有吉列牛，仲有豬同海鮮等，照顧埋一啲唔食牛嘅朋友～每份定食都跟麥飯、椰菜沙律同味噌湯～我哋當日點咗一客極上M9和牛後腰脊定食($285)同鮮嫩脆炸豬柳伴鰻魚套餐($148)前者係大路選擇，仲會配溫泉蛋，俾你撈飯或點牛肉牛肉上碟賣相靚仔，油脂平均，如果嫌太生仲可以問佢拎鐵板燒一燒熱入口唔韌，有肉汁，好味!呢個部位脂肪唔算好多，食哂成碟都唔算好膩至於另一位套餐配搭特別，尤其吉列鰻魚有驚喜🤩第一次食炸鰻魚，原來會有呢種外脆內軟口感，好難忘餐廳提供嘅醬汁亦好多樣化，唔洗怕味道單調～呢到仲有唔少賣相好靚嘅特飲，試咗芒果奇異果味有汽特飲($36)同白桃蒟蒻冰茶($32)，尤其鐘意後者，唔太甜之餘又有咬口☺️…查看更多

近排先知銅鑼灣廣場上面開咗間泰國菜，平日同男朋友嚟到，人唔少，好多上班族嚟食lunch~ 被安排坐係窗邊大卡位，好闊落，望到街景又有自然光🤩餐廳裝潢同其他泰菜餐館好唔同，以墨綠色為主調，年輕得嚟有格調，欣賞😬Lunch set選擇唔算好多，但就非常經濟實惠，都只係$58-$88，包埋野飲😍海南雞嫩滑無骨，啖啖肉，仲有冬瓜湯送！只係略嫌黑醬油咸咗啲，但辣醬就好唔錯🤤至於Pad Thai份量唔少，味道酸酸甜甜，好開胃😚…查看更多

一向都知灣仔QRE Plaza多餐廳食肆，試過其他餐廳，但呢間就係第一次食佢近排做緊一個$288per head嘅精選套餐，有麵豉湯有沙津有甜品最吸精就係呢個活鮮蟹鮑汁焗飯（2位起)，市面少見，隻蟹真係好大隻🦀😹啲飯粒粒分明，每粒都被鮑魚汁覆蓋，又唔會太咸，好味如果份量可以多啲就更好，似一人份量多啲🙆🏻‍♀️佢個set仲有前菜㗎新鮮南非磯煮鮑魚好入味，唔韌！仲有賣相好靚嘅刺身拼盤🦐🐟，新鮮無雪味🙌🏻唯有可惜係是日甜品原來只係雪米糍🥺期望過高了🙇🏻‍♀️…查看更多

上星期同男朋友去咗東涌呢間開咗無耐嘅西餐廳，食咗個light lunch~餐廳裝修行歐式古典style，啡色皮凳皮梳化配水晶燈好有氣氛Menu選擇多，lunch set仲好抵tim!我哋order咗一個lobster linguine ($228)同mussels pot with fries ($188)Lobster linguine賣相靚仔，有半隻波士頓龍蝦，肉厚仲有唔少膏番茄汁酸甜開胃，不過意粉唔係扁意粉，同我期望中有岀入Mussels pot好大盤，個汁煮得好好，牛油味酒味香草味配合得好，而且mussels新鮮，唔會有任何腥臭味🤤如果薯條更脆就更好飲品當中，我地尤其鐘意Virgin colada ($55)，椰子味好岀，好解渴😋仲有另一杯Lime Soda ($55)都好消暑好清新😆…查看更多

試過其他分店，質素一直都好穩定喺呢到當然要食豬🐖The salted pig一直以豬嘅菜式聞名，會選用豬嘅最好部位，以優質新鮮食材製作。我地就叫咗一份BBQ Pulled Pork Sandwich，酸種麵包烘得好脆，啖啖手撕豬配開胃醬汁，好味! 伴碟仲有好香好脆嘅curly fries🤤同時仲有蒜辣欖油大蜆意粉，用上咗飽滿厚肉嘅沙白，新鮮無沙，如果蒜香味再重啲就更好原來呢到仲有素食menu，試咗墨西哥新豬肉cheesy nachos好!大!份! 有齊omnipork, guacamole, tomato salsa，好足料!就連芝士都用上咗純素cheddar cheese 🧀 好細心😆最後以Apple Delight甜品作結，雲呢嗱雪糕配上蘋果肉同蜜糖脆脆，好消暑🙌🏻啱哂鐘意食甜嘅朋友🙌🏻見到lunch menu選擇唔少，亦幾抵，可以一試😋…查看更多

一早有聽過lab eat呢間餐廳，今次終於試到旺角TOP分店好光猛，平日下午同男朋友安排坐卡位，舒服闊落🙂Lunch menu有分兩道菜同三道菜，分別係$138同$168，以質素嘅講可以話係好抵🥰前菜各自試咗餐湯同沙津，當日係薯仔湯同龍蝦肉沙律，龍蝦肉唔少，但略嫌醬汁太搶，可以少番啲個湯唔錯，調味剛剛好，唔會太咸前菜叫咗欖油香煎新鮮魷魚及檸檬牛油汁，上枱已經聞到好香，魷魚唔細條，食落無雪味，亦唔會好韌🤗配埋個汁真係超惹味個炭燒美國安格斯西冷300g (另加$78)亦非常唔錯，賣相靚仔，食落有炭燒香牛味夠，火喉掌握好，呢個價錢係超值🥰甜品試咗北海道3.6牛奶布甸，奶味好重，幾似木糖布甸，口感豐富，好味！日式軟心芝士餅就普通咗啲，芝士味可以就濃啲…查看更多

大鴻輝一直有好多火鍋店，要突圍真係唔容易。但今次食完呢間低層嘅緣聚鮮鍋，認真有啲驚喜湯底選擇多，有成十款我同男朋友想食清啲，就叫咗芫荽皮蛋湯底一上枱，真係哇咗岀聲，超多芫荽，啱哂我呢個芫荽fans🤣🤣🤣肉類丸類係用電話掃QR code落單，種類唔少，唔同價錢嘅plan就可揀唔同等級嘅肉!丸類之中，令我最有印象嘅就係胡椒豬肚丸，好特別~ 胡椒味出之餘，口感非常爽彈，好食! 就連包餡芋圓都有，不過同芫荽湯底就真係唔係好夾😹自助區選擇極多，有熟食/菜/刺身壽司/麵食/甜品/飲品等，排得好整齊，部分食物亦有蓋好，夠衛生提供嘅食品亦幾有特色，例如主食唔係得烏冬同公仔麵，仲有日本素麵，生麵餅等我食咗素麵，有咬口，又掛湯，好味!就連菜嘅選擇都好多呢到仲有生蠔tim，有日本有法國，$10/隻，非常抵😍😍仲要讚嘅係有暖嘅飲品櫃，啱哂啲養生唔飲凍野嘅女仔，好細心整體嚟講，呢到真係好啱一班朋友嚟食，一定會搵到啱自己嘅野食😁😁…查看更多

好一陣子無食過西班牙菜，前幾日就同朋友去咗食呢間評價唔錯嘅Channel 3平日晚上都有唔少人🤭西班牙菜當然要叫Tapas ~ order 咗 Parma Ham with Melon ($24/件)，蜜瓜爽甜，配咸香火腿，一定好食~ 餐廳仲插咗枝特調糖漿，食落更特別另外就係鵝肝蟹肉燕麥餅配黑魚子醬（$58/件)，第一次食鵝肝同燕麥餅嘅組合，比平時食嘅多士更解膩~蟹肉存在感相對低，不過都有黑魚子醬嘅咸鮮增加層次:)主菜分別叫咗Seafood Paella$168)同啤酒慢煮牛面肉($198)Paella唔算大份，兩個人share剛剛好，配料有齊蝦/蜆/青口/八爪魚等，唔會煮得太韌，調味亦剛剛好!尤其鐘意碟牛面肉，炆得夠淋夠入面，配醬汁同薯蓉食好滿足!…查看更多