S Ritzmann's Profile

呢區嘅小店過年後已執得七七八八，有兩個後生仔充滿熱誠衝勁地創業， 作為街坊真係要獎勵下佢哋。小店剛開張無耐，兩個小伙子一早一晚拍住上。朝早仲會行出店外同街坊打招呼，推介佢哋買面包。前兩日路過見佢好有passion, 所以就入去買少少，諗住當做支持小店。點知試完好大驚喜麻薯波波有三個味道，原味，菠蘿同Oreo. Oreo 味道坊間少見，咬落煙靭同埋淡淡的Oreo味。菠蘿味面有菠蘿酥皮，做到外脆內煙韌。另外太陽蛋多士，直頭係我私心推介，流心太陽蛋，蛋下面仲有塊火腿。多士脆口兼有咬口，加埋流心蛋，一啖有不同嘅口感混為一體。今朝再落去買包時， 街坊推介菠蘿包，話凍咗都好軟熟。買咗個試吓，真係絕對無花假👏👏仲有炒蛋包，請不要同坊間嘅腿蛋包混為一談。佢嘅蛋係牛奶公司嘅炒滑蛋，阿女食完後竟然變成佢嘅No. 1😜Conclusion價錢份量合理，質量味道可算係本區優質股。 希望得到街坊歡心、可以substainable👏👏。始終民生區小店皮費重，絕對要靠街坊支持先可繼續撐落去。希望佢哋長做長有，本區有高質小店亦是我哋街坊們嘅福祉…Read More

與友人相聚，推介呢間餐廳Work day lunch min $148 +10%, 對佢係有啲expectation 嘅去到坐低發現座位非常非常之迫， 感覺已經打八折。沙律上檯見有兩塊燒牛肉， 擺盤係唔錯嘅。沙律菜係新鮮，燒牛肉就普通貨式。之後pasta上檯， 蝦係彈牙但質量只算合格。說好的tiger prawn 只係普通白灼蝦大小，可接受但唔值呢個價位最後餐飲杯檸茶，只有色而無茶味，完全唔掂Conclusion - 一次便夠…Read More

我哋食60分鐘定量嘅，肉就每人一碟但份量都唔少其他嘢，沙律，漬物，小食、湯、關西煮，仲有啲自己燒嘅菇，魚餅，瓜果、牛角飯，咖哩、飲品同甜品仲有雪糕🍦全部任食。食物款式勁多，乾淨企理。肉類新鮮唔韌，老人家都食到呢個午餐日日都有，最遲5pm前要入座。淨係呢樣已抵讚👏👏👏👏👏日本啤酒🍻就加$33/head任飲。 因為老人家飲得唔多，只叫咗一杯就夠皮。埋單時侍應都有溫馨提示要唔要幫佢再refill多杯。我哋就話唔駛啦！ 唯一就係本身個場都有啲舊，所以係抽風比係其他牛角差。…Read More

好時應該已開咗超過三十年，基本中成個商場嘅人流主要係佢嘅食客，絕對係一間舖撐起成個場。一坐低menu都駛睇menu全家已自動發板：- 海南雞半隻- 串燒一打- 炒蘿蔔糕- 炒通菜- 加多加多海南雞如舊又淋又滑，佢嘅薑蔥蓉剁得好仔細好滑溜，令到本身唔食蔥嘅我都大愛，傳統嘅三色醬（黑豉油，薑蔥蓉同辣醬）係現時已賣少見少。串燒大大串，肉咬落去又淋又juicy, 加上佢塞滿花生碎嘅沙爹醬，絕對係不容錯過。蘿蔔糕炒得軟糯但唔糊口，加埋菜脯有返啲𡁻口，絕對有提味作用。通菜唔算好特別，但炒得香口唔太油，不俗👏👏加多加多材料好普通，但撈埋個沙爹醬確實又會令你停唔到口。六點前仲要飲品半價，可惜叫咗珍多冰太甜，青檸梳打好酸仲要有少少漂白水味，可能杯無洗乾淨，希望舖家留意吓…Read More

因家有喜事，專登出去食慶祝吓。竟然比我遇上一塊比我命還要硬嘅dry age。 $399 嘅dry age， request 六成熟，佢話唔得只可either 五成/七成。上到檯係唯一有熱度嘅食物。但一切落去就明顯唔係dry age。堅韌度同茶記鐵板扒絕對可以相提並論。作為steak house 呢樣已唔合格啦另外叫咗沙律， rib etc. 令我驚訝嘅係所有嘢食同沙律菜一樣，都係室溫嘅。感覺到如果我想食兩餸飯，應該點都唔駛食過千蚊。另外叫咗幾杯mocktail, over $70杯完全同糖水無異，血糖高者請避雷。…Read More

一向間唔中都會去幫襯下，鍾愛佢哋嘅古早味做法同穩定質素。今日去到，食物水準竟然急降！每樣餸都超咸！！炸大片雲吞 - 雲吞餡料少咗，少到唔覺佢存在。附上嘅半流質的甜酸汁完全唔達標準，相比以往嘅汁比較杰身，兼且酸甜味調較得剛好炸鯪魚球炸得夠乾身，唔油膩，色澤金黃。可惜中心位置仲未炸透。仲要未點蜆芥都好咸腐乳通菜 - 叫做比較對版嘅一樣，但係都係超咸！魚香茄子飯 - 茄子皮好韌，好難咬開，肉都同獻汁都好咸！沙薑雞半隻 - 半隻雞竟然變咗砂煲上，一上檯發現砂煲同煲內嘅沙薑汁好熱，但夾夠雞落口，竟然雞肉只係室溫，完全唔熱。呢煲雞絕對係最咸嘅MVP. 咸到無人想食。只好由我勉強完成。食完之後就明白點解變咗砂煲上，原因係根本無半隻雞。雞翼尖同雞翼得一半，雞鎚無咗，切咗件嘅雞髀應該只搵到3舊。其他部位都係唔齊數。Conclusion: 雖則不捨，但質素急量之下，唯有忍痛唔再專登坐車出去食…Read More

朋友推介屋企附近呢間Sawadee Chef, 話佢質量好，份量又足。 擒日家人早收工，特意去試吓以振興香港經濟。去到見佢拉banner 推介平日一至四有指定小菜優惠，有海南雞，椰子雞湯，冬蔭功湯，咖哩虎蝦拼薄餅。大概係menu價錢七折到。入座後用手機落單，見特價菜式要向侍應查詢，落單前查詢就advise每檯只可點一款， 都明嘅、gimmick嚟講都算make sense.終於二人叫咗半隻海南雞、蠔餅、咸蛋黃軟殼蟹。上菜海南雞（$118）份量正常、質量係唔錯嘅。即使雞胸都夠滑。但醬料無傳統豉油膏，換咗類似XO醬就有點畫蛇添足⋯⋯蠔餅($148)嘅蠔新鮮得嚟又算大粒，但廚師明顯無用心造，浪費咗食材。首先蠔餅炸過籠，成舊嘢炸到硬晒。另外上碟前無開大火迫返啲油出嚟，成塊蠔餅超過九成係粉，又硬又油淋淋，我哋食咗1/4件已經太油膩食唔到。咸蛋黃軟殼蟹($178)嘅敗筆同蠔餅一樣，上碟前無開大火迫油。由於軟殼蟹係急凍貨未炸前本身較濕身，炸唔到脆身。加上無大火迫油，同蠔餅一樣油淋淋。最終只食晒海南雞, 另兩樣都剩返超過一半，為免太浪費唯有打包拎走。 請侍應幫忙打包，佢話每個盒要收$2。 要收費當然無問題。之後佢竟然只放低兩個膠盒就走咗去。我心諗食開呢個價位嘅餐廳、從來無試過掉低膠盒叫客人自己打包。仲要講明要收外賣費但連外賣紙袋都唔提供。到之後埋單，伸手向侍應示意。對方竟然叫我哋自己行去門口等找數。Conclusion, 環境闊落好坐，硬件好。食材唔差但廚房手勢馬虎，侍應服務直程令你嘆為觀止，已經係手機落單，侍應只負責上菜，連埋單都叫你自己行出櫃檯等佢。仲要見張檯無晒位，旁邊張檯又係吉嘅，佢竟然叫你幫佢清空張檯，佢再將碟餸夾硬塞係你張檯就走咗去。經歷完全同茶餐廳無異。完美演繹當年我老爸嘅提醒⋯⋯星期三晚不應出街食埋單連飲品、油飯差不多$650，人均$3xx. 以中上價位餐廳價錢，提供茶記服務。 只可講句作為街坊都只可以到此為止。…Read More

荃灣出名係多米線舖，見米線關注組都關注佢，自然去開荃灣都要去試一試去到時間尚早未到黃金時間，入座好好招呼，專登比個鬆動啲嘅最佳位置。米線小店嚟講算坐得舒服，加上似家庭式經營，招呼真係特別細心有禮👍🏻👍🏻👍🏻。坐定定睇menu, 實在係選擇困難症發作嗌咗兩餸，粟米餃無貨，改咗牛柏葉。米線上檯，第一感觀係份量十足，難怪咁多地鐵車廠維修員都嚟食。大大碗實夠晒飽先試湯底，濃味但味精唔嚴重，唔錯粗薯粉煮得剛剛好、淋得嚟仲有𡁻頭。薯份夠粗有掛到湯，真係best choice!再試埋啲餸，牛柏葉夠爽唔韌。瘦腩肉就無味嘅，初初以為係鹵水，點知似白灼。仲要係唔熱，似係就咁一早灼熟擺係度有人叫就加落碗，確實有點失望😞Conclusion: 湯底好味無咩味精，份量足。但荃灣好多選擇，應該暫時短期內唔會再翻兜住…Read More

認識I’m Thai 係睇網上影片開始。當時見佢兩小口子拍住檔去經營外賣店已想去試吓。呢排見佢哋開咗間堂食，擒日專登一家大細去排隊攞位。入座後望下menu, 舖頭細細但菜式多多。事不宜遲，馬上落單等開餐。蠔仔炸蛋蠔仔係新鮮貨，蛋炸得香脆薄身，絕對係signature dish.烤豬頸肉豬頸肉外脆內軟，有肉汁唔乾身👍🏻👍🏻👍🏻蝦餅 $20一串三粒魚蛋大小。好彈牙，炸得好香口香葉肉碎煎蛋飯半炸蛋，勁燶邊。肉碎炒得乾身但唔死實。好味😋各式串燒煙肉露荀卷，班蘭面包，沙爹串燒，雞翼仲有雞脾菇樣樣都影唔切就被清碟仲有船面，好正宗地道，湯頭好味有黑椒香，味精唔覺連湯都清埋Conclusion: 未食晒成家已經盤算定幾時再嚟…Read More

何文田呢處民居，住落好多old money.佢哋經常品嘗各種各樣高質素餐飲，所以可以係個區持續插旗，絕對不是易事。住當區好友向我推介風流蝦，話食得過。所以先後幾次到訪，conclusion係絕對不是普通貨色，其質素仲可以keep住持續平穩。係香港嘅食店嚟講，控制質量穩定絕對係佢哋成皇敗陣之重要因素‼️先睇門面，完全營造到日本當地居酒屋嘅氛圍再睇menu,呢個價位真係拍住深圳良心價再睇埋菜式實物，以性價比同味道我敢講絕對打敗本地大部分居酒屋🏮。當日復活節假中午，全店都係得兩檯客。有啲小店用心經營，絕對值得我哋身體力行地支持⬆️…Read More

上次睇完大阪仔嘅omakase youtube, 蠢蠢欲意。剛好上星期有時間，lunch time排咗大半個鐘就可入座。原來lunch time 只serve set lunch, 叫咗兩個set, 海鮮同牛扒。沙律 夠fresh, dressing 較味較得唔錯。湯夠creamy, 收貨Seafood stew 夠實有點失望嘅。 海鮮好夠鮮味， 食得出係新鮮貨式。但係說好的青口只得個殼，其他海鮮就係眼見咁多，再加pretzel twist 只得短短一條， 話佢係starter都講大咗，何況佢聲稱係main course. 仲要加錢upgrade, 著實有點那過😞😞原本seafood stew話要等30 mins+先有嘅，點知遲來先上岸。反之個扒等咗差不多成個鐘都未上檯。 眼見樓面得三個落場，但檯全爆，唯有都要問下佢。 一問佢馬上問廚房，如我所料漏咗單。佢哋快快手手煎返塊上檯，雖然做唔到我哋要求嘅熟度，但塊扒入口額係驚嘆❗️完全去到steakhouse 嘅標準。甜品係令人驚艷嘅、 睇相就知。Conclusion, 食物質素無問題但portion實在太細，完全唔夠飽。招呼本身唔錯, 侍應已盡做但首要係唔夠員工serve。此餐絕對係我倆口子自費，絕對公平公正公開…Read More

擒日陪家中長者覆診，剛好差不多到十二點lunch time. 為免長者要排隊，嗱嗱聲搵咗間出名專食海南雞嘅小店，打算快快食完就送佢返屋企。入到去，明明十幾張檯但全店得三個客。阿姐初初叫我哋坐入面四人檯，然後又話坐門口傍我哋都算啦，打算行返出門口坐低之時，大聲吆喝叫我哋搭張同個食緊嘅阿伯嘅四人檯。個下就撻着咗我家長者，即刻話唔食，擰轉身就走。感覺就好似上咗架的士咁，一路比錢一路受氣。終於寧願行多幾個街口，行返去大丈夫食。佢哋招呼好，地方好坐，食物高質性價比又高。好啦入正題，講咩無謂，睇實物最實際。家人叫咗牛油果三文魚丼、牛油果同三文魚都切到大大粒，跟埋湯、蒸蛋同沙律🥗，飲品都唔駛$100、超抵我就叫咗軟殼蟹丼，好似都係一百蚊多少少。上檯係成隻軟殼蟹，炸粉薄身，蟹身乾身唔怕出晒水。墊底嘅金菇同隻蟹一樣脆口，絕對係即叫即整，呢啲咪誠意同對食物嘅執着囉加錢upgrade咗個跟餐沙律🥗做蟹子豆腐沙律，真係唔駛用文字嚟形容，A picture can tell everythingConclusion, 招呼好，地方好坐，食物高質性價比又高。 與其比六七十蚊仲要附加受氣食過速食海南雞飯，呢度絕對值得俾多幾十蚊，好好享受一頓美食…Read More

車仔麵關注組力推嘅海都，今日終於試咗兩個入口1. Cordis 酒店隔離小巴站扶手電梯上2. 經朗豪坊一樓天橋過舖面自助配料bar 有多青， 辣油，菜脯同炸蒜任𢳂菜式同麵款數量之多可算係全港五大酸齋自動自覺另上，夠細心$43包三餸一麵+熱飲，絕對係超值食物質素對比價錢，都算CP值高嘅但魷魚唔算好食，比起大角嘴鄰居質素好有距離酸齋有啲硬，個酸汁只留於表面，唔夠入味菜肉雲吞ok, 但唔會令你想返兜Conclusion, 呢個價錢，呢個份量絕無投訴都算食得過🤤…Read More

食飯絕對值得行遠少少 ，行咗15分鐘去到晏架街，舖面唔太顯眼，係郵局斜對面右邊，好易行過龍今日叫咗三餸酸辣紅薯粉$50、魷魚另加$4辣魷魚即叫即煮即撈，個汁好惹味，魷魚彈牙唔韌自家制油渣，香口乾身唔油膩豬腸 - 今次叫瘦腸，夠淋身鹵水入晒味座位有限，得幾個位、建議繁忙時間whatsapp外賣後記： 呢碗麵極度邪惡👿，三高者慎入我食完呢餐都要戒口幾日老闆好好人，非繁忙時間都會推介今日主打，食完會問吓你有咩意見，從善如流⋯⋯大角嘴近期人流少咗，作為附近街坊，絕對希望可以盡量保住有質素嘅小店。…Read More

今日有事要去啟德園區，行到去啟德零售館有啲肚餓，就搵地方落吓腳。路經敏華剛好下午茶時間，見無人等位個心有少少驚嘅，但見到收銀者笑容滿面話有位，仲有下午茶餐serve, 就入去試吓。始終食店新開，正常都要啲時間trial run。但入座後見地方乾淨企理，侍應爽手，已滿心歡喜。總算同內地食店可以比較一下。叫咗三個茶餐，上枱見擺盤唔錯。冬蔭公豬扒米豬扒咬落夠淋又唔會太乾，湯底夠香又惹味。米粉硬度剛剛好、又夠咬口。公司治 多士少少燶，咬入口做到外脆內軟，炒蛋算滑，生菜新鮮嫩綠，絕對可以收貨。西多士心型牛油配煉奶，再加花心醬夾心。 個牛奶蛋漿炸得剛剛好，蛋漿炸得鬆化起絲。咬落口雖然有少少油但絕對比坊間高質好多。希望此店可以繼續保持水準，必成啟德區搶灘成功🏆食店…Read More