Sandyleesandylee的个人专页

出得嚟深水埗食餅，目標一定係抵食又高質嘅街坊老店。嚟到錦記食打冷，有最愛辣椒炒蜆同蠔餅之外，仲多咗份老闆娘嘅人情味。蜆肉做到粒粒無沙，大粒飽滿。炒嘅時候特別加咗肉碎，令油脂香氣大大昇華，超好味。跟住蠔餅上枱巨大一份！外面炸得超酥鬆，內裏軟綿，加埋豆瓣醬同蔥香，滿分。當然仲叫咗好多其他野食：蠔仔肉碎粥、豉油王草蝦 、腐乳通菜都有大排檔水準，碟碟份量之足係好似驚你唔夠飽咁，一大班人去食就啱晒。…查看更多

九龍城食肆高手雲集，有一間係我咁多年都會幫襯嘅老字號，味道一直都保持到水準。信我，先嚟個無味精足料老火湯：今日係粉葛豬骨湯，落咗章魚、陳皮、眉豆、粟米、蜜棗，上枱熱湯翻騰，叫夠一大煲慢慢嘆先夠喉。梅菜扣肉同山楂醬排骨真係可以送兩碗飯。梅菜扣肉濃郁入味，入口化開；排骨炸得完美，薄薄嘅焦糖脆皮加山楂嘅酸甜真係正，唔怪之得係招牌之一。仲有炒魚腩金香酥脆，啖啖魚肉。最後叫嘅豬油炒飯鹹鹹香香，不過之後發現其實咁餸叫白飯都已經好夠…查看更多

嚟數碼港過慢活嘅一天，看看海同夕陽後，就要搵餐好嘅作結。最後揀選咗呢間坐得舒服，抵食兼好味嘅「奧壽司」，真係相當唔錯所有人都要叫呢個壽司盛合（特上）！各類壽司好似omakase咁搭配咗一種和諧嘅味道：黑松露配帶子、生薑配池魚、明太子配赤蝦、鹽配三文魚 等等，我大愛，覺得完全唔使蘸醬油都好好食！海膽同魚籽亦夠鮮甜刺身盛合（小）宮廷式華麗擺盤，靚到我哋都暗地嘩咗一聲。刺身厚切又新鮮，特別鍾意佢哋調配嘅醋，胃口大開，呢個都要點明太子青瓜係一份考驗刀工嘅小吃，用薄切青瓜捲着辣明太子，鹹辣交織，唔知點解會越食越上癮有人為食仲叫咗一隻燒餃子雞翼，包肉餡，燒得入味，推！雲丹蟹粥大大一隻蟹放左入去煲，鮮甜粥入面仲會見到少量蟹膏和牛 拼 三品樣 （牛舌、牛肩脊、牛胸腩）前菜嘅凍蕃茄清爽味甜，配燒肉岩岩好。肉類輕易燒出漂亮嘅坑紋，跟餐仲有味噌湯…查看更多

土瓜環美食雲集，但估唔到呢間有著小酒館感覺嘅餐廳，主打地中海家鄉菜，每一道都令我驚嘆主廚嘅手藝同用心。呢度嘅食物用咗很多特別的香草，仲有來自自家農場嘅橄欖油。味道之天然同豐富，敢話係其他餐廳未食過嘅。🤍百里香芝麻flat bread 百里香同芝麻油嘅香氣喺口中大爆發，咬下白芝麻係脆卜卜嘅口感。素食者都有好美味嘅選擇。我最最鍾意嘅係呢度🤍鷹嘴豆泥伴羊肉，鷹嘴豆泥打得超級幼滑，同橄欖油、松子仁、羊肉一齊夾入flat bread，調味香口，啖啖滿足！如果鍾意食羊肉，另一道🤍香煎西班牙羊肉香腸佐零酒精紅酒一定會鍾意，羊肉腸紮實多汁，配上蕃茄紅酒醬好開胃。🤍白芝麻醬焗鱸魚伴薯仔塊爐魚皮煎脆，有焦香味又可以鎖住肉汁。特別用咗白芝麻醬好特別，creamy 又有微微堅果香。難得嚟到，真係要試埋呢個經典中東甜品KANAFEH！係經典中東甜品，外層係鬆脆嘅麵絲，入面包著半溶甜芝士，最後灑上大量開心果醉，口感外酥內軟、甜而不膩。…查看更多

夜晚肚餓，係銅鑼灣想平平地食個宵夜再啤一啤，呢間串燒真係諗得過。串燒啖啖肉，唔會叫極都食唔飽，我地兩個人叫到成枱野都係400有找。串燒種類超級多，調味有得揀辣同唔辣，個人覺得蒜茸茄子要叫，爆多蒜好入味。鹽燒白鱔、雞全翼、牛舌心、免治雞肉都有驚喜。去到仲要做緊生啤買一送一，抵！…查看更多

兒時屋企人會帶我地嚟重慶食正宗印度菜，諗起都令人垂涎。今次係云云餐館中，揀咗呢間老字號印度餐廳。🤍Masala咖喱羊咖喱用多種香料混合烹煮而成，味道濃郁，用包住半溶芝士嘅Naan沾上咖喱汁，係我最鍾意嘅食法。另一個要食嘅一定係🤍Tandoori 印度燒雞，特別嘅烤製方法令雞肉份外嫩滑，充滿香料同煙熏味。🤍Momo 餃子 餃子皮煙靭，蒸煮嘅Momo可以保留肉汁，微辣嘅雞肉內涵會越食越開胃。…查看更多

叫咗超值嘅「黑毛和牛二人燒肉套餐 皇盛」，事關我地今次嘅目標就係要食到🤍黑毛和牛大判燒，又心大心細咁想咩都點啲，呢個二人餐無論係選肉嘅質素抑或份量真係啱晒 。 🤍野菜沙律🤍前菜盛 （泡菜、漬物、大豆芽）🤍大判燒！黑毛和牛西冷要尖叫！見唔見到呢個油花，分佈均勻細緻，燒完嘅牛肉沾上日本生雞蛋，入口軟滑即溶，和牛香氣同油份充滿口腔，而家諗起都好想好想再食呀🤍黑毛和牛精選1款唔好以為和牛就咁完咗，其實呢個餐仲有一款黑毛和牛，同樣油香滿溢，超高質🤍鰻魚 記住一定要慢慢燒到金黃色，脆脆地先再上鰻魚汁，就會獲得肥美超好吃嘅鰻魚🤍塩味上牛舌鐘意厚切牛舌夠曬爽口🤍黑毛豚脛肉食落以為係豬頸肉，肥瘦比例完美🤍若鷄雞脛柳雞脛柳肉質緊實有彈性，我哋燒耐咗都唔驚🤍封門柳牛味濃郁🤍白飯 x2 🤍甜品: 雪米糍+杏仁豆腐鍾意杏仁的話，呢塊豆腐嘅香濃滑嫩會比到驚喜你。…查看更多

要食番韓國味道嘅炸雞一定係要去韓國人主理嘅炸雞店，而今次去嘅呢間仲係老字號-香港第一間開嘅韓式炸雞店。連店員都係oppa 嚟㗎！點咗半半炸雞-蜂蜜蒜蓉 + 青辣椒蛋黃醬雙拼，滿足我貪心嘅胃。蜂蜜蒜蓉係必點經典口味，香脆雞皮裹上甜中帶蒜香的濃郁醬汁，仲有原粒炸蒜；青辣椒蛋黃醬口味估唔到咁好味，食多咗稍膩，建議搭配醃蘿蔔解膩。 大牛排骨湯湯底清澈，牛骨髓的精華融入湯中，隨湯附贈白飯，可以變做湯飯，牛排骨超大一條，喝起來好滿足！ …查看更多

上環呢間小店，有著令我念念不忘嘅魚湯同丼飯，可以媲美好多高級日式餐廳。唔知食乜好，店員仲會好親切咁樣介紹，唔怪之得見到都有唔少熟客仔幫襯叫丼飯會贈送汽水，不過我大大力推薦一定要加$16轉魚湯，呢個魚湯真材實料零味精仲要勁濃郁，啖啖魚香一啲都唔腥，鐘意飲湯嘅我超愛！七色魚生丼：難得七款都做到新鮮好食，魚生厚切有光澤，仲有鮮甜海膽，相當有誠意。至於拖羅蓉海膽丼係我至愛combo，入口綿密脂香，瞬間清碗。其實呢度嘅串燒都唔差，我哋叫嘅串燒盛每款肉類嘅調味都唔一樣，襯返食材，食得出佢哋嘅用心。特別鍾意超厚玉子燒，口感豐厚好正！…查看更多

招牌🤍芋見幸福作為排行榜嘅第一位果然冇令我失望。芋圓Q彈，珍珠軟糯，仲有紅豆同我最鍾意嘅芋泥球，綿密口感中會咬到粒粒芋頭粒。整體甜度適中，加上綿綿冰同奶超級好吃。大滿足！🤍 草莓芋圓牛奶冰係清新之選，mix埋草莓醬酸酸甜甜，好岩夏天飲。唔夠喉最後加左個🤍Tiramisu 雪花冰，滿滿嘅雪山入面有曲奇碎同手指餅，再淋上咖啡同奶油，賣相吸引。最驚艷我嘅係額外加嘅雲呢拿味雪糕球，雲呢拿味超濃郁！…查看更多

中環扶手電梯旁有好多特色嘅餐廳，呢間充滿加州墨西哥風情嘅餐廳充滿特色，真係超級想念係墨西哥日日食Taco嘅日子呀。最鍾意Taco入面包炸魚🤍BAJA Fish Taco，香脆口感十足，醬汁微辣開胃，我可以一個人食曬兩個。Ceviche 都係墨西哥必叫嘅名物，一般都係會用醃製生魚片，呢度就用咗熟蝦，同酸酸味味嘅醬汁配搭上嚟好清新。CARNE ASADA（grass-fed striploin）一碟有齊黑豆、蕃茄粒、西冷牛粒、可以搭配飯或者夾餅食，夠晒正宗。…查看更多

將軍澳海濱附近嘅餐廳我都真係食過唔少，唯一一間西餐我覺得坐得舒服、環境靚之餘，食物質素仲有水準嘅，就得呢間The Hunter。最加分嘅原因係呢度嘅牛扒，媲美好多酒店級嘅質素。熟成度岩岩好，外面焦香，內裏肉質粉嫩多汁（median rare)，唔會有根。牛扒已經預先切開咗，岩曬我呢啲懶人。Casarecce Pasta 都好好味，每條意粉都沾滿醬汁，菇味濃郁夠曬creamy。Cocktails 推Hunters Pisco Punch, 終於飲到啲唔似藥水味嘅莓味cocktails, 甜甜地又有菠蘿嘅清新香味…查看更多

店小二可以話係北角人嘅私心食堂，好食程度係我覺得就算盲點都會冇問題。大排檔嘅鑊氣、大碟抵食、小菜嘅惹味、即叫即整都做到曬。好彩今次夜晚有book 位咁就唔使等。避風塘茄子茄子新鮮炸起至金黃，咬落就係外脆內軟嘅口感！微辣的避風塘同濃郁蒜粒超惹味。糟鹵蒸馬友魚糟鹵即係用酒釀汁，完美去腥。馬友魚肉質細膩滑嫩，出街食就係要食呢啲。萬字醬油雞用咗三種醬油醃製（日本萬字醬油、台灣醬油膏、李錦記甜豉油），甘甜入味又不死鹹。一定要連Q彈嘅雞皮一齊食呀！胡椒蝦煲底層鋪滿胡椒粒，而煲底用火慢慢燒，一路食胡椒就一路釋放香氣，滲透入蝦肉中，香辣過癮。…查看更多

好耐冇試過比一間餐廳嘅設計同環境深深吸引 ，每個角度都如藝術品，散發住高貴嘅感覺。餐巾上面嘅金扣、設計成華麗大門可以打開嘅餐牌、擺盤精美嘅每一道佳餚、落地玻璃外嘅維港。儀式感滿滿嘅用餐體驗，慶祝約會一流。是日點餐：🤍印度炸脆球傳統嘅食法，將微酸辣汁倒入脆球入面，一口一球，口感豐富🤍招牌烤雞塊無法抗拒嘅香氣！烤雞用鐵板呈上，保持熱度同風味，胃口大開🤍咖喱羊肉配Garlic naan 印度餐必點，鐘意呢種唔會太重印度香料味嘅咖喱，creamy又濃郁 …查看更多

終於搵到一間滿意嘅work-friendly cafe喇！⭐️有wifi ⭐️有梳化⭐️環境靚⭐️食物飲品都正⭐️唔會趕人走 唯冷氣有啲大，記住要帶件衫去特別推薦Crème brulee Latte，飲落有驚喜，岩曬我啲本身唔鐘意咖啡苦澀味又唔鍾意太甜嘅麻煩友。果度仲有好多特別咖啡我全部都想試。Pistachios chills 係奶昔，似開心果巧克力嘅味道，飽肚又好飲。 Sandwich 有hamburger 嘅感覺，我意思係呢個絕對係一個讚賞。呢度仲有沙律蛋糕可以選擇。…查看更多