火柴人bb's Profile

悠長嘅農曆新年假期仲未結束，一個人四圍揾食揾食。元朗鳳群徑一帶有好多不同嘅餐廳選擇，由街頭行到街尾，遠處望到一間裝修優雅、鋪外頂部吊左一啲綠色植物嘅西餐廳吸引左眼球，感覺自然美好，上前睇睇餐牌，全部都好想食😋。餐廳喺室內/室外均設有雅座，室內燈光較柔和，有一種浪漫感，天氣涼涼地嘅話，其實坐室外都係一個不錯嘅選擇。當時已經係下午2點幾，又唔想食得咁heavy，所以叫左個薄餅餐。溫馨提示：午餐供應時間係11：30至16：30，配餐湯及飲品（不設下午茶餐牌），午市時段仲免收加一添👍是日餐湯～菠菜忌廉湯綠色嘅湯好靚，味道香濃帶有一啲薯仔微粒，既有口感又好滋味。主食～蜆肉蘆筍吞拿魚沙律醬薄餅配雜菜沙律約6吋嘅《薄餅》真的很薄嘅餅底，鋪滿蜆肉、蘆筍、吞拿魚、青椒、紅椒、芝士，滋味無窮，雜菜沙律置中嘅佈局，襯托出食物嘅色彩。我覺得烤焗嘅時間剛剛好，餅底唔會太硬太乾，而又焗到有脆邊嘅效果，好似餅乾一樣嘅口感，好啱我口味，一個人食晒都唔會過飽。下次要約埋朋友一齊去試下其他餐先。…Read More

朋友帶我去旺角金雞廣場樓上鋪食晚餐，原來有間咁舒適嘅cafe，餐廳佈置以白色為主，令人感覺好relax，我地1830上到去，仲未有客，到左1900後就已經全場滿座。餐廳好貼心，預備左一啲桌上遊戲例如大富翁、飛行棋。。。等遊戲供食客耍樂，既可以聯誼一下又可以消磨時間。我哋二人點左兩個晚餐（包一個主食加一杯價值$38嘅冷/熱飲品），跟餐可另加$38有一份沙律菜及蛋糕，我哋實在太為食，仲點左一個特式拼盤。Dinner set 意式芝士肉醬闊條麵 $102分量多就不在話下啦！勁多肉醬，芝士帶出肉醬濃沃嘅味道，闊條麵軟硬度適中，好味。跟餐：水蜜桃綠茶（涷）濃濃嘅水蜜桃配上冷凍綠茶，超清爽好飲。Dinner set 卡邦尼煙肉雜菌意粉 $106熱辣辣嘅卡邦尼意粉，好creamy，濃郁嘅芝士香，再加上煙肉同雜菌，簡直係perfect match， 麵質口感彈性帶點煙韌。跟餐：西柚紅茶（熱）西柚味唔會比紅茶蓋過，因為採用紅茶包，所以可自己調校茶嘅濃度，唔錯。田園沙律及藍莓芝士蛋糕 跟餐+$38🥗田園沙律，新鮮嘅蔬菜配上日式麻醬，係我最喜愛嘅味道。🍰藍莓芝士蛋糕，藍莓少少酸酸甜甜，芝士味濃，芝士味又唔會蓋過藍莓味，入口好嫩滑，餅底鬆脆，唔太甜！小食：特式拼盤 $128有洋蔥圈、芝士條、雞翼、日式餃子、咖哩角，雖然全部都係脆炸食物，邪惡到爆炸，但一啲油膩感都無。要推介下芝士條， 外層金黃香脆，內𥚃滿滿嘅芝士，仲有拉絲效果添，芝士控一定唔可以錯過。整體食物質素唔錯，份量多，價錢合理，職員有禮貌，座位寬闊，又有game玩。…Read More

一間以足球為主題嘅餐廳……有好多阿仙奴嘅珍藏品，阿仙奴球迷真係一定要嚟。之前同朋友試過旺角間分店，今晚去油麻地間分店試下先。坐低睇下個餐牌，就揀咗兩個晚餐1.低溫煎焗挪威三文魚柳蘑菇香檳汁$1882.波士頓活龍蝦半隻配美國 Creekstone 牛西冷$268每個晚餐都包沙律菜、南瓜湯、蒜蓉包、飲品頭盤先嚟咗個沙律菜，本身沙律菜已經好新鮮，再加埋濃濃嘅黑醋，食得好醒胃。跟住再嚟一個厚切蒜蓉包，口感外脆內軟，包面嘅蒜蓉焗到脆脆地，好好味。另外，金黃色嘅南瓜湯，濃濃嘅南瓜味，再加上有一小粒一小粒嘅南瓜蓉，令到整個湯好有口感。主菜🐟🍄低溫煎焗挪威三文魚柳，三文魚熟度好恰當，肉質鮮嫩，魚油甘香味美，配上香檳汁和菇，味道好夾呀。🦞🥩波士頓龍蝦配牛西冷，龍蝦用香濃嘅芝士焗，表面有少少焦香但內裏龍蝦肉好鮮甜，肉質Q彈，西冷牛扒五成熟剛剛好，肉味濃又juice。主菜以薯蓉 (粒粒口感既可口又飽肚)、羽衣甘藍 (味道微甘)、蕃茄作配菜，既健康又營養價值高。食完飲返杯即磨咖啡，呢間餐廳嘅咖啡好值得推薦，口感順滑香濃，而我朋友就叫咗杯熱檸水。我個人覺得整體食物有質素、環境清靜、服務員態度好。…Read More

一個人無無聊聊咁行下YOHO，發現原來有一區域有好幾間食肆，有日式餐廳、日式火鍋、西式餐廳、台式餐廳、多國菜餐廳（以泰國菜為主），最後揀左食泰菜。我不太喜歡食肥膩嘢，所以揀左三款清淡嘅菜 (頭盤、主菜、甜品)。我嘅頭盤係泰式柚子鮮蝦沙律 ........ um 好味道，柚子有少少苦澀味，但酸酸甜甜嘅汁平衡返啲苦澀味，拌入鮮蝦、花生、炸椰子絲、炸蒜絲、葱粒、紅葱頭，食起來好醒胃，味道好多層次，做頭盤一流。我嘅主菜係越式軟殼蟹米紙卷 ........ 透光輕薄嘅米紙卷包著咸香酥脆嘅軟殼蟹，配上牛油果、蟹子、沙律菜、甘筍條、青瓜條，唔洗點醬食都覺得好美味，因為啲材料好新鮮，所以食到食物本身嘅鮮甜既健康。我嘅甜品係椰絲班蘭丸子布甸 ........ 第一次食班蘭布甸，造型好特別，係一個暖食嘅甜品，不太甜，好啱我口味，一粒粒綠色嘅班蘭西米粒搓成一個大波波，口感煙煙靭靭，再以新鮮椰絲條包住，一口咬下滿滿嘅椰香，上面鋪滿一絲一絲嘅甘筍絲，非常吸晴。…Read More

同事無意中發現有一間沒有堂食，只有外賣嘅餐廳位於金鐘太古廣場三期，我地喺灣仔行過去都係10分鐘左右，所以提議一試。套餐價$80 (Wholesome rice bowl combo)，包一個主菜+雜穀飯+有營蔬菜+自家湯/飲品，每日都有8-9個菜式，有牛、豬、魚、即使唔食肉嘅人仕都有一款素肉可選擇，全部菜式都好健康，少油少鹽。我揀左飽魚冬菇炆雞～雞肉嫩，完全無雞骨，冬菇都好入味，炆得夠軟身，最驚喜就係有隻原隻飽魚仔，超足料，味道好。同事揀左茄汁豬扒～豬扒切到細細件，方便食，煮得又夠鬆，平時最挑剔嘅同事都讚好。仲要一提嘅就係粒魚蛋，唔係講笑，成粒乒乓波咁大，爽口彈牙，配上咖哩嘅辛辣，美味可口。雖然係外賣飯餐，但係食得好滿足。…Read More

最近經常聽到啲人講佐敦有間好超值嘅燒烤店，主打即夾即燒嘅大頭蝦，聽到都覺得好吸引，所以約埋個朋友一齊去試下。沿樓梯上到餐廳，首先見到一個好長好長嘅蝦缸，全部蝦都大大隻好生猛，未坐底就好心急咁繞一個圈睇下有咩好嘢食先。食物嘅擺位好整齊，劃分海鮮區、串燒區、熟食區，甜品及飲品區，全部都自助形式，鍾意邊件就自己夾。首先當然係食我至愛嘅海鮮啦～海鮮區有10多款海鮮選擇，有鮑魚、花螺、生蠔、扇貝，花甲、原隻魷魚等等。好鍾意食蝦嘅我燒左幾隻就轉移目標食生蠔、鮑魚同扇貝，蝦好彈牙加少少鹽提鮮，味道一流，其他海鮮都好新鮮。鍾意重口味嘅朋友可以加啲蒜蓉、蔥花、辣椒作調味，我就唔落任何調味，因為我鍾意食原汁原味嘅鮮味。燒左好幾轉，已經5成飽。食完海鮮後，就梗係食下其他啦～串燒款式有幾拾款，真係睇到都流口水，因為已經5成飽，所以無可能試晒所有食物，唯有揀一啲自己比較喜歡嘅食物。🍢串燒魷魚鬚，加少少孜然粉，惹味好多。🥩薄切牛仔骨，牛味濃，肉質滑，自己燒仲可以控制生熟程度。🍍推介燒菠蘿，無添加任何味料，超多汁，食完咁多燒物，食件燒菠蘿好解渴。真係太多款式，無辦法逐一形容其美味，大家睇住我食不如親身去食啦。記得早啲去呀，一到七點左右就好多人等位架啦。…Read More

都有一段時間無食，突然有些小掛住佢，就去揾下佢，佢就係super sandwiches，雖然要排隊，但係我都會等嘅。襯住排隊嘅時間，睇下食咩先，竟然有啲驚喜，就係轉左menu，真係 very good。我揀左個 ”海鮮龍蝦汁焗意粉”，啱啱焗起熱辣辣，好濃烈嘅芝士味，龍蝦汁好香濃惹味，滿滿嘅海鮮有青口、彈牙蝦蝦、魷魚、魚塊鋪滿表面，未食都已經有飽足感，味道相當唔錯，意粉不會焗得太乾。間中食下 super sandwiches 都係一件快樂事。…Read More

去到佐敦，好自然會想起金鶴拉麵，今次係第二次去食。記得上次個期間限定係“京都抹茶雞白湯拉麵”，今期個期間限定係“北海道極濃蟹湯拉麵”，當然要試下啦。拉麵一上枱就聞到香噴噴嘅味道，急不及待要試下啲湯底先，湯底熱辣辣，入口鮮甜好滑口。望住大大片嘅叉燒和滿滿嘅蟹肉，未食已經流晒口水，一啖拉麵一啖湯，十分滋味。上一次試過鰻魚串，就令我愛上，所以今次一定要點，表面燒至微焦脆脆的，鰻魚口感軟嫩，超滿足。我實在太為食啦，仲點了一份燒雞泡魚乾，看似燒焦，但一啲都不會韌，更是脆口，配上沙律醬味道真不錯。整體味道保持水準，服務員有禮貌，服務態度佳，店內環境乾淨舒適。…Read More

如果喜歡食牛肉嘅朋友，可以去旺角天下糧倉牛肉火鍋專門店，呢度可以食盡8款不同牛部位嘅牛肉，仲係放題火鍋添，平日晚市$233/位連茶芥加一，性價比高。坐低先揀湯底，之後店員會送上一盤牛肉比客人試，賣相相當吸引，每款牛肉上面都有個牌仔顯示牛的部位，非常細心，好讓客人品嚐到不同牛部位的味道，試完所有牛肉可以清楚知到自己喜歡吃哪個部位。我個人最喜愛吃美國黑毛和牛、安格斯牛肩胛和牛脷片，所以oder左好幾轉。黑毛和牛👉肉汁濃郁，嫩滑油花均勻口感，入口即化😋牛肩胛👉軟嫩的口感，牛肉味道豐富😋牛脷片👉獨一無二的質地，薄切爽爽的😋除了牛肉任食之外，還設有醬料區，其他火鍋配料，例如：麵類、丸類、菇類、蔬菜、山根與和響鈴等等，另飲品和雪糕都是任飲任食。…Read More

好耐都無出旺角行街街啦，重建後嘅波鞋街多左好多餐廳，好多餐廳都好吸引，但係我已鎖定目標，就係日式餐廳【申子】，呢間餐廳係朋友介紹我去的。我點左4樣嘢👉冷、熱、燒、炸。1️⃣冷……日式刺身沙律沙律菜刺身好新鮮，原隻甜蝦、三文魚、吞拿魚、劍魚楠切粒、大粒魚子，紅紅綠綠嘅色彩好豐富。2️⃣熱……海膽炒飯黃金炒飯粒粒分明，香氣滿瀉，再連同海膽刺身一齊食，滿口都係海洋嘅鮮味。3️⃣燒……鹽燒牛舌芯肉質厚實多汁，還帶有油脂超級香，Q彈咬勁，加少少檸檬汁已經好好味。4️⃣炸……三重芝士吉列千層豚肉外表似吉列豬扒，其實內裡係豚肉卷，做法新奇，吉列炸得好酥脆，多層豚肉炸後依然嫩滑，太驚人嘅芝士量，芝士拉絲好過癮，亦都好邪惡添，不過唔好理咁多，美食當前，梗係食左先算。…Read More

3.8婦女節相約朋友見下面，傾下計。朋友住將軍澳，佢話附近有間日式餐廳，想試下呢間餐廳嘅下午茶。當然好啦！下午茶我都食得多，日式下午茶就第一次食喇！下午茶有6款選擇，我地決定點一個最豐富嘅餐 $268 for 2。先來三款小食，有堅魚乾 (好鮮味)、炸雞 (熱辣辣，肉質嫩滑)、 豚肉露筍卷 (表面微微金黃嘅豚肉脆口又不乾身，露筍脆嫩)。再來一個兩層高盛有生果 (番茄、士多啤梨)、 波子壽司 (造型係一粒車厘子，好得意)、青瓜牛油果卷物 (中間有啲青瓜絲，夾雜一軟一脆的感覺，加上少許魚子醬，入口甘香)、玉子蛋、 芥末八爪魚、抹茶果凍、 和菓子 (鹹鹹地嘅和菓子都係第一次食，好特別)、紅豆小丸子嘅茶盤，非常精緻，咁靚嘅茶盤，當然手機先食。店員哥哥仲溫馨提示我地，先食上層然後再食下層。飲品：一壺花茶整體嘅環境、服務都好好，所有食材都好新鮮。…Read More

都有一段長時間無去過葵涌廣場，今日特意去逛一逛。行街前先去新都會廣場填飽個肚，行到二樓，見到一間餐廳，大大塊午市餐牌擺放在門口，走近望一望，唔.......啲午餐都幾吸引，價錢都合理，就入去試下。我點了大蝦松子仁醬意大利粉，有三隻大蝦，蝦肉爽口彈牙，意粉軟硬度恰當，我一向不太喜歡吃白汁煮的意粉，但今次就食得啖啖滋味，可能因為松子仁醬的關係。另外還點了巴黎牛油汁香茅雞扒配薯菜 (可選意粉)，特別之處在於雞扒中間插了一支好長的香茅，但雞扒味道就一般，無任何味道。整體服務員都好有禮貌，餐廳衞生/防疫都做得好好。…Read More

又到星期五喇！相約同事們一齊食晚飯輕鬆下。務求早食早歸家，就喺公司附近揾【食】揾【食】。同事揾左一間大家都未食過嘅西式餐廳👉老爹，整體用餐環境和服務都很優。4個人點了牛扒、羊架、三文魚併蝦、帶子天使麵、薯條......香煎三文魚拼大蝦＄148 💦三文魚煎的"恰恰"金黃香酥，視覺和口感都很好。💦開邊大蝦，大大隻，肉質鮮甜Q彈，意想不到的好味。燒羊架(6支骨)＄228💦羊肉7成熟，燒的鹹香多汁，沒有羊騷味，沒太多肥膏，不加醬汁，品嚐羊肉的原汁原味，呢個價錢「超抵食」。美國頂級安格斯肉眼扒＄328💦肉質緊實有彈性，富有嚼勁，醬汁和肉汁的結合，發揮得淋漓盡致，吃完一塊還想再來一塊！黑松露帶子天使麵＄128💦帶子煎的微焦，表面脆脆，天使麵軟硬適中，每一口天使麵都掛上好香的黑松露，配上野菌，味道非常濃郁。黑松露薯條＄48💦薯條上面灑上黑松露，上枱時熱呼呼的，口感很捧，份量都算大，啱晒一班薯條控。餐飲我點了西柚綠茶，喝一口，好解渴，有開胃的感覺。…Read More

天氣涼涼地，食咩好？梗係打邊爐啦！朋友話深水埗好多間火鍋店都食過，想揾一間未食過的，得知【老百姓】新開業一段時間，就去試一試。服務員哥哥好有心機介紹各款滋潤湯底，其中一款湯底好吸引👉《滋潤百姓湯》有花膠、螺頭、半邊哈蜜瓜、半隻雞、雞腳，豬骨，睇住張點菜紙都feel到好“滋補”，當然要點嚟試下啦！服務員哥哥溫馨提示我地先飲湯，後打邊爐，仲好貼心幫我地將雞分開一件件方便食。我未飲過用哈蜜瓜煲雞湯，估唔到原來咁夾，飲落去雞味好濃郁又唔會蓋過哈蜜瓜清甜，配上花膠同螺頭，湯嘅質感濃厚，好滋潤，不知不覺飲左四碗，超正!打邊爐正式開動。。。。🍲自家製四拼餃 (有招牌水餃皇、鮮蝦雲吞、特色黑松露餃 、韮菜餃)，一次過試晒四款唔同嘅餃子，我鍾意食特色黑松露餃，咬一口就聞到黑松露香味，另招牌水餃皇亦足料，食到啖啖蝦肉。🍲手打鮮蝦丸……大大粒，爽口彈牙。🍲滑牛肉……肉質既鮮又嫩滑，牛味亦相當濃郁。🍲蜂巢凍豆腐、鮮淮山和牛孖筋……本身呢幾款食材都屬於淡味，但係索左啲湯，變得好好味。🍲紅薯粉……煙韌順滑，食到停唔到口。🍲舞跳田雞……田雞好新鮮，話明係舞跳，爆肌田雞送到上枱仲係跳下跳下。🍲飲品方面，點咗洛神花茶，酸酸地唔太甜，好醒胃又可以減去打邊爐嘅肥膩感。整體全部食材都好新鮮，店內環境乾淨企理。…Read More

放題深受港人喜愛，我也喜愛，皆因一價就可以食盡刺身、日式前菜、沙律、天婦羅、和風小食、炸物、爐端燒、壽司、手卷、軍艦、火炙壽司、多國菜、火鍋……今次去了極上帝王水產放題 !中午時段＄209+10%服務費入座即送：鱈場松葉蟹海鮮鍋～滿滿蟹膏，加少許葱花和飛魚子，味道鮮甜甘香。日式和牛壽喜燒~一口和牛，口感細膩軟滑。接著刺身拼盤～生蠔口感滑溜、蟹棒鮮甜滋味、三文魚肉質堅挺、帶子肉厚味甜、希靈魚口感爽脆、北寄貝口感彈嫩、八爪魚口感柔韌、鮑魚片、象拔蚌……全部都好新鮮。還點了其他熟食：🔅榴槤炸彈～邪惡之物，外脆內軟，不失榴槤的香味。🔅炸牛奶～外表金黃，內裡潔白，咬一口，奶香味濃郁。🔅焦糖燒菠蘿～外面塗上焦糖輕輕燒香，菠蘿多汁又解膩。🔅鹽燒海蝦～鹽味鹹度恰當，蝦肉爽嫩彈牙。🔅日本支豆、香草燒羊架、黃金燒廣島蠔……整體都好吃。飲品和甜品設自助區，隨自己喜好選擇。…Read More