chrisli9423's Profile

今次去咗一間老牌＂旺角海鮮菜館＂，無論食物品質，服務態度都非常有驚喜，食得非常之開心！我哋叫咗二人至尊避風塘蟹套餐，包括：⭐️⭐️⭐️⭐️⭐️菜蛋白肺湯／豬肚湯～湯口濃郁，一試愛上😍⭐️⭐️⭐️⭐️⭐️粉絲蒸日本元貝～粉絲多到滿瀉，元貝非常鮮甜大隻⭐️⭐️⭐️⭐️⭐️豉汁蒸大連鮑魚～火喉控制得剛剛好，鮑魚軟腍，完全冇過火，加上豉汁香，回味無窮！⭐️⭐️⭐️⭐️翡翠金沙蝦球（位上）～蝦球大隻新鮮，配上金沙咸蛋黃味，正！⭐️⭐️⭐️⭐️⭐️避風塘炒蟹～隻蟹非常大隻，又多肉，微辣，實在太好味！⭐️⭐️⭐️⭐️豉汁炒蜆小吃～白灼魷魚、白灼韭菜花這一餐吃得非常滿足，二人份量的套餐，飽到捧着肚子走😂樓面姐姐送了糖水，又會問客人菜式啱唔啱口味，非常nice，我們下次會再來😁😁😁…Read More

⭐️⭐️⭐️⭐️⭐️安格斯手切牛⭐️⭐️⭐️⭐️手打三寶丸⭐️⭐️⭐️⭐️竹串蝦⭐️⭐️⭐️⭐️脆鯇片⭐️⭐️⭐️⭐️韭菜餃⭐️⭐️⭐️⭐️⭐️炸響鈴我哋叫咗豬骨湯底，食物非常新鮮，味道不錯，服務也很好，值得推薦給大家！地址📍：佐敦廟街259 A號怡齡閣地下D號舖…Read More

叫咗兩個套餐→牛魔王燒肉套餐：有澳洲M8和牛牛空腹＋美國牛小排＋美國牛頸脊＋美國牛板腱、麵豉湯、紫菜飯、雪糕呢個套餐非常豐富，不同部位的牛，大大滿足了對於無牛不歡的我倆😋😋😋→澳洲安格斯肉眼扒套餐：～除咗肉眼扒仲有紫菜飯，日本枝豆和雪糕，牛肉好嫰，牛味濃，真的冇得輸！另外追加了大虎蝦、燒鰻魚串、燒鮑魚串、日本鹿兒島豚五花，食物品質好好，服務也不錯，下次會再來！…Read More

⭐️⭐️⭐️⭐️⭐️避風塘炒香辣蟹⭐️⭐️⭐️⭐️椒鹽鮮魷⭐️⭐️⭐️⭐️⭐️蒜蓉粉絲蒸桂妃蚌⭐️⭐️⭐️⭐️⭐️甜酸咕嚕肉⭐️⭐️⭐️上湯菜心苗地址：鯉魚門海傍道西20號地舖龍門海鮮酒家就係海鮮酒家旁有一家＂一樂也海鮮檔＂，價錢公道，海鮮平靚正，買好海鮮，入酒家等食就得啦😋每道菜都好出色，侍應姐姐亦非常殷勤，絕對推薦俾大家！#鯉魚門#海鮮美食#龍門海鮮酒家#秀吉…Read More

每次經過荔枝角AEON樓下新開張的Bingle Bingle空中列車烤肉，都非常多人排隊，今晚特地和太太晚點過來，幸運地好快已經可以安排入座！餐廳座位闊落，我哋被安排入座有路軌卡位，一坐底已經好期待列車路軌送餐的一刻，亦是此餐廳最大的賣點和打卡位！餐廳採用手機掃碼點餐，一人一爐快捷又方便，我哋點了：➡️1++ 韓牛日韓極上套餐(300g) 包括有牛前腿肉、宮崎A 5和牛肉眼蓋、宮崎A 4和牛三角腩三款，$288 就可以吃到日韓牛最高級別，而且份量頗多！我最喜歡和牛肉眼蓋，油脂分佈非常平均，牛味濃，入口即化，而太太就喜歡牛前腿肉，肉質軑稔，各有好味！➡️美國牛五花拼美國牛小排套餐(100g)這款美國牛肉也不錯，肉質較薄，燒大概30秒就可以，牛肉嫩滑，配上不同味道的烤肉燒汁，非常正！以上兩個套餐萌附有白飯、牛肉雜菜湯和韓式涼菜，加$15就可以轉配溫泉蛋紫菜飯！總體來說，餐廳食物性價比高，服務也不錯，下次會再來！…Read More

今日又去咗老婆最愛的扒房～金鳯大餐廳，平常門口都排滿人要等位，可能今日較夜入座，8:10pm到餐廳，幸運地即刻安排入座！太太點了是日晚餐：鐵板西冷牛扒拼大頭蝦 蝦頭煎得好香脆，蝦肉大隻又彈牙，主角西冷牛扒七成熟，牛扒煎到好軟稔，牛味濃，配上黑椒汁，非常惹味！另外配菜，薯格都好香脆，份量又足夠，非常滿足！而我就點了美國牛小排餐，同樣七成熟，配蒜蓉汁！牛小排完全冇根，肉汁juicy，加上鐵板的餘溫 ，熟度剛剛好，非常滿意！兩個餐都有餐湯和餐包，金鳳的餐包永遠都是有熱度，簡單配上牛油已經好好味，忌廉湯都香濃，不會水稀稀，值得稱讚！仲有好耐冇飲過的黑牛、雪糕紅豆冰，這些懷舊的飲品，充滿童年回憶和人情味！另外職員都普遍細心有禮，是值得推薦的餐廳，下次會再來光顧！…Read More

今日同朋友出左尖沙咀行街買嘢，行到累了，朋友就提議去厚福街晩餐，最後我哋揀左位於H 8 大廈12樓的大樹燒烤，我哋都係第一次食，估唔到幾有驚喜！首先餐廳闊落，佔左12樓全層，有卡位有梳化位，坐得舒服！每張枱都有一個小型烤爐，廚房烤好食物後，放上爐上，以保持食物溫度，非常暖心！而串燒食物種類非常多，大致有肉類、海鮮類、丸類、蔬菜類、鍋鍋燒物、小食等！我哋叫左：⭐️⭐️⭐️即開即燒生蠔$ 3 5 @生蠔非常新鮮又大隻，而且勁多蒜蓉拌著蠔汁，大愛😋！入口juicy 鮮甜，同朋友食完之後要即刻encore再叫，推介👍🏻👍🏻👍🏻⭐️⭐️⭐️新鮮魷魚鬚$38 @每份有三串，魷魚鬚爽口彈牙，非常香口，唔會燒到好乾，除咗喺串燒店，好難食到這種風味！⭐️⭐️⭐️薄切照燒牛舌$38牛舌味濃，但完全冇臊味，火候控制得非常好！⭐️⭐️燒雞中翼保持到肉汁，外脆內軟，不錯！⭐️⭐️⭐️大扇貝$35 @同樣係我最愛蒜蓉汁拌燒，基本上冇得輸，新鮮、鮮甜、爽滑，又香又惹味，又係必吃之一！⭐️⭐️⭐️燒活蝦$38一份有三隻，新鮮蝦燒到外殼又脆又香，但蝦肉依然保持到爽滑彈牙，好味呀！我哋仲叫左燒大茄子、鮮烤牛肋肉、墨魚丸、燒冬菇丶燒蒜心等等，真心每樣食物都美味，和朋友一邊飲着啤酒，一邊無所不談，再配上七味雞泡魚幹，非常滿足的晚上！…Read More

昨天和太太到花墟買花，路過太子一間粉麵店，門面乾淨企理，就和太太入去試吓，估唔到有驚喜！餐廳兩邊牆上掛滿香港今昔對照圖片，好有懷舊情懷！餐牌款式頗多，我和太太選了兩款招牌套餐，分別是：包羅萬有套餐 $63 + 凍檸茶$10～話明包羅萬有，當然每樣都有，原來有12款咁多，包括牛腩、鯪魚球、牛丸、紫菜、雲吞、牛筋、墨魚丸、貢丸、魚片頭、魚蛋、魚皮餃和豬肉丸！我叫咗米線底，份量非常之多，仲有紫菜，湯底非常濃郁，好香大地魚味！丸類都好爽滑彈牙，尤其鯪魚球，有蔥花香又新鮮爽囗，另外牛腩也不錯，牛味濃，肉質鮮嫩！如果自己食一碗，份量係飽到頂上心口！太太叫咗一個黑松露雲吞套餐$61除咗黑松露河粉，仲有油菜一碟、豆漿！第一次食黑松露雲吞，冇諗過黑松露和雲吞的配搭如此美味！雲吞非常大隻，一咬落去，除咗飽滿的蝦肉，還有陣陣黑松露香味，非常美味而新穎的配搭，太太超喜歡，大家一定要試吓！油菜加上腩汁，菜心好翠綠而味美👍🏻另外低糖豆漿又香又滑，成個套餐好豐富，價錢也超值！整體而言，餐廳食物非常美味，簡簡單單的粉麵也有驚喜，服務員也細心，值得大家支持的小店，下次會再來幫襯！…Read More

上海萬家村小館 ，小小的餐館，但係味道十分驚喜！今天我們行完黃金商場後，太太提議食上海菜。於是，我們來到了位於附近的「上海萬家村小館」享用晚餐。這家餐廳以其正宗的上海菜聞名，絕對值得推薦給大家！首先，我們點了一份香煎鮮肉鍋貼～這些鍋貼的底皮煎得香脆，而肉汁則保持了豐富多汁的口感，令人回味無窮。脆皮春卷～這些春卷新鮮即炸，外皮酥脆，內餡香氣四溢，材料豐富！至尊炒飯～這道炒飯的材料非常豐富，有蝦、蔬菜粒、帶子粒、蟹柳和蛋等等。食材新鮮，炒飯粒粒分明，好有口感！什菌燴菜心～菜心色澤翠綠，口感爽脆，配以各種什菌，營養豐富且味道鮮美。銀芽炒鱔糊～這是一道正宗的上海菜，足料又好味，鱔糊的質感綿密，配上銀芽的清爽口感，令人回味無窮。餐廳還送上了兩杯豆漿，不會太甜，好味又有營養！總體而言，我們在「上海萬家村小館」度過了一個愉快的晚上，如果你也想品嚐正宗的上海菜，「上海萬家村小館」絕對是一個值得推薦的選擇！…Read More

今天同朋友去了「御滿屋日本料理」，餐廳提供的刺身選擇令我們非常滿意，尤其是海膽、Toro、三文魚、甜蝦和帶子。這些刺身的材料都非常新鮮，尤其海瞻，好鮮甜！除了刺身，他們的熟食也相當出色。燒雞翼、燒菠蘿、燒牛肉、燒生蠔、燒烤、榴槤炸蛋、碗仔翅等等，種類繁多，每一樣都好好味！飲品有綠茶、汽水、果汁、清酒和梅酒等飲品，而且全部都是免費任飲的！總的來說，「御滿屋日本料理」絕對是一家值得一試的餐廳。他們的刺身新鮮美味，熟食豐富多樣，飲品種類齊全，下次會再來幫襯！…Read More

「橋 職人料理」是一家位於小巷的小店，環境旺中帶靜。這裡的食物種類多樣，總有幾款啱你！我和太太叫左三文魚刺身，新鮮的三文魚肉質鮮美，入口即化。另外還有芒果吉列蝦卷，蝦肉卷裹著新鮮芒果和蟹籽，口感爽脆，味道鮮甜，非常清新！如果你喜歡燒烤類的食物，他們的燒雞翼和烤鰻魚絕對不容錯過。燒雞翼外皮香脆，內裡多汁，吃起來非常美味。而烤鰻魚則焦香微脆，肉質鮮嫩，十分可口！最驚喜的是他們的燒牛扒飯，牛肉份量十分豐盛，肉質嫩滑多汁，每一口都讓人回味無窮。如果你想一次品嚐多種壽司，可以選擇他們的壽司定食B餐。B套餐包含火焰芝士三文魚、芝士蟹棒、Ceci屬下、燒左口魚、蒲燒鰻魚、醬燒帶子，搭配迷你豬骨湯烏冬。各種壽司口味豐富多樣，每一口都帶來不同的驚喜。另外，湯烏冬好爽滑，湯頭好濃味！「橋 職人料理」提供的食物口味獨特，料理精緻。無論是刺身還是燒烤，都十分出色！如果你想品嚐美味的日式料理，這裡絕對是一個值得一試的好地方，而且好味的小店絕對值得大家支持！…Read More

今日同太太又去咗樂天茶餐廳食下午茶，我哋點左：香煎豬扒湯鳥冬（常餐） 配火腿煎蛋丶牛角包 這個常餐份量非常大份，豬扒煎到微香微脆，湯底好濃，牛角包熱辣辣，吃得非常滿足！芝士安格斯牛肉漢堡拼薯條～漢堡包材料除咗芝士、牛肉，仲有番茄和生菜，牛肉味好濃，配上蔬菜配料，好fresh! 另外，新鮮即炸的薯條都好好味，完全滿分！能夠成為我和太太最喜愛的茶餐廳，茶底香是最大的功勞，最愛飲凍奶茶！另外，紅豆冰也是我們的最愛😋！…Read More

今日陪太太到荔枝角D2 Place 購物，行到攰就喺附近睇吓有咩小店覓食，最後入咗長沙灣道一間Pizza 店！午市有lunch set，我和太太揀左一個pizza set 和一個意份set，每個set都有餐湯和飲品😀招牌至尊薄餅套餐～薄餅有好多款選擇，樣樣都想試，最後揀咗侍應推薦的招牌至尊！大概等咗10分鐘，即焗熱辣辣的薄餅就上枱了，Pizza 材料豐富，有橄欖丶大蒜、煙肉、蘑菇、芝士等等，pizza餅底煙靭，邊皮焗到少少脆，是我喜歡的口感😋！雖然是薄批，但9吋大的pizza 足夠兩人份量，如果自己一個人應該會食唔晒🫣🫣！黑松露大蝦超粗意粉～意粉末上枱，已經聞到陣陣黑松露香氣！大蝦和黑松露配搭非常美味，大蝦好爽滑彈牙，意粉軟硬適中，太太非常滿意！另外，我哋加咗$28 追加蒜香巴馬臣雞翼（4隻），雞翼焗到微微焦香，配上芝士蒜香、牛油，超好味，必須推薦給大家！飲品：凍士多啤梨鮮（+ $18）凍朱古力奶（+ $18）～兩杯味道都唔會太甜，健康又美味總體來說，這間特色的Pizza店，味道非常不錯，選擇又多，套餐都好大份，性價比高，我和太太都特別喜愛這類的特色小店，下次必會再來光顧！…Read More

今日同老婆喺黃金商場行完街，又去咗古早牛肉麵食晚餐！ 我哋叫咗二人餐，有以下食物：🐂古早紅燒牛肉 滷肉乾伴麵～牛肉好軟淋，牛味濃，而且碗內好多滷肉碎，伴著軟韌適中嘅麵條，好滋味👍🏻👍🏻還有青瓜、酸蘿蔔片和酸薑做配菜，非常豐富！🐓鹽酥大雞扒 滷肉飯～雞扒外皮炸到非常酥脆，雞肉好嫩滑，每口都有點點鹽花的味道，但一點也不咸，雞扒是即炸的，入口還有一點點燙口，非常新鮮！小食：肉澡燙青菜～雖然是小食，但份量也不少！宜蘭蔥肉咸餅～這款個人特別喜愛，蔥油味好香濃，又係新鮮即炸，勾起不少台灣夜市的味道👍🏻👍🏻巧克力珍珠奶茶～珍珠控最愛，珍珠份量好多，而且好煙煙韌韌，非常有咬口！仙草奶茶～茶味濃，而且不太甜，而且外賣杯裝，飲唔晒可以帶走邊行邊飲☺️二人餐都係$188 ，性價比非常高，味道好，我和太太都好滿意，下次會再來幫襯！😋😋…Read More

今日同老婆喺荔枝角D2 Place睇完戲，就去咗附近嘅Pizza Hut晚餐，叫咗千島海鮮厚批，一盒卡邦尼意粉，仲有一份雞翼丶芝士腸小食，整體味道不錯！這家的卡邦尼意粉係我食過最好味的卡邦尼味道，意粉軟硬適中，非常有口感，我和太太都非常滿意！…Read More