Tracy_pppp's Profile

多得同事介紹，原來公司樓下有一間高質cafe，收工心思思去試吓，果然好介紹😁餐廳環境舒服，係小清新文青風，好適合休閑聚會，氛圍好放鬆。特別一提係，啲嘢食真係好好食，好難得cafe有咁高質出品，之後多啲介紹其他朋友過嚟😁😁最入面嘅area，係一個gaming corner，成個感覺係好chill😄牛油果、煙三文魚、藜麥沙律，伴蜜糖芥末醬沙律係好大份，有啲喜出望外😂蜜糖芥末醬同牛油果係出奇咁夾，加埋煙三文魚，鹹鹹甜甜咁好夾好開胃😋大澳虎蝦乾配北海道帆立貝龍蝦汁意大利飯一睇個名覺得好新奇😂將鹹鮮嘅虎蝦乾加入意大利飯中嫩滑嘅帶子又唔會太熟，配以濃香龍蝦汁浸濕嘅意大利飯，滿口都係海洋嘅味道😂😌燒烤醬手撕豬肉漢堡好食，真心推薦！漢堡惹味juicy ，好多餡，口感豐富。而且因為手撕豬肉，好易分切，好適合同人分享。蘋果啤梨鮮打綠茶🍎🍐好好飲！蘋果同啤梨原來咁夾，而且係新鮮嘅水果混合綠茶，清新得嚟又唔會太甜，真係好適合夏天，係出面嘅茶飲店都未見過哩個配搭，好驚艷呢❤️London Fog (Earl Grey Latte)好靚嘅名☺️…Read More

臨近月尾，係應該要食一餐好嘅，慰藉下忙碌的自己。我食過嘅OMAKASE唔多，今次亦係一個非常滿意嘅用餐經驗。主要係因為食材新鮮高質，師傅同店員嘅親切招待，而且CP值可以話好高，推薦一試。餐廳裝修係簡約日式風格，內裏好明亮，如果係夜晚嚟，可以盡覽尖沙咀夜景，而一邊係有海景，應該氣氛仲好添。先上前菜左邊係茶碗蒸，好鮮甜，因為碗底係有好大件蟹肉🤤右邊係沖繩水雲，我係第一次見。店員細心介紹，質地類似髮菜，係一種藻類，仲係好有營養。食落好有驚喜，爽口又酸咪咪咁，非常開胃。上刺身！只睇造型已經食指大動😍🐟中間嘅係 鱸魚，淋上酸汁啫喱，係好特別嘅食法右邊嘅赤貝，非常新鮮同清甜！😝最左邊嘅——太刀魚，輕微燒下表面，有少少焦香味，配上柚子胡椒，3種味道都好突出，又好夾，好特別嘅味道😛大拖羅！要留到最後食！入口即溶，滿口油香，正！🤤配兩粒旁邊嘅紫蘇花一齊食，會更清爽。我最愛嘅牡丹蝦，上面點綴嘅係蝦膏，成舊放入口一嚼，真係滿滿嘅幸福感☺️右口魚壽司，飯底輕微燒焦，魚嘅甘香同飯嘅焦香混合，味道好濃三文魚子軍艦，係一啲都唔腥，味道鮮甜海膽軍艦——呢個唔使講，是日最佳！口感奶滑濃郁，鮮甜甘香🤤甜品嘅造型非常精緻、可愛呢個甜品師傅命名為——琥珀係用cream做嘅甜品，而表面配上紅豆蓉，再點綴金箔。口感Q彈，又有矜貴感覺。為呢餐飯畫上完美句號。☺️…Read More

Lucky u係一間酒吧餐廳，除咗可以食嘢，有酒飲，仲有飛鏢玩，有波睇，仲有一啲遊戲機可以玩，係一間好chill嘅餐廳，適合放工同朋友放鬆下北海道明太子魷魚蝦仁意粉🍝意粉幾惹味，用咗他他汁，有少少酸酸嘅味，好開胃又清新，十分推薦！法式香草煎焗羊架（蘇保雲）四枝骨外層焗得酥酥脆脆，內裏係好有肉汁，羊味好濃，正😋西班牙辣肉腸pizza薄薄嘅pizza好味又唔會覺得漏，而且餅邊烤到脆脆咁幾香🍕其他小食，比如雞翼、紫菜薯條都炸得好香口乾身😋加上係酒吧，飲品全部都好好飲！🍹🍸…Read More

趁限聚令尚俾兩人，好難得咁可以出銅鑼灣，梗係久違咁食下最愛嘅日本嘢。哩間餐廳嘅裝修，就好似日本嘅居酒屋咁，好有風味。就算去唔到日本，都可以想像下。而且出品好唔錯好新鮮，食完覺得好滿足，係疫情下嘅小確幸。清酒蛤蜊，上枱嘅時候仲係滾熱辣蛤蜊好鮮味，係非常乾淨嘅。而湯亦都可以飲下，係好鮮甜，菜都吸晒鮮味。蟹肉香芒蟹籽沙律份量其實好多，芒果係好甜嘅，加上青瓜絲好清新香芒鵝肝手卷  &  牛油果軟殼蟹手卷軟殼蟹手卷係我最鍾意食嘅手卷，炸到香脆嘅軟殼蟹，夾住沙律醬同牛油果，一軟一脆又好味芝士雞卷呢個真係好正好邪惡！雞肉夾住芝士一齊炸，中間有蘿蔔同青瓜，中和翻飽膩嘅感覺，加上表面淋嘅酸甜沙律醬，完全唔會覺得膩，而係好香口，好想食多件。而且份量好足，食完感覺飽肚好多。單點壽司我最鍾意蟹肉蟹膏軍艦，蟹膏香味充滿成個口腔同鼻腔，真係好幸福，我係蟹嘅超級粉絲😆火炙三文魚壽司都非常香口鵝肝壽司，呢個唔使講，食完齒頰留香非常可愛嘅芥辣波波，餐廳真係好有心思置身日本居酒屋一樣，輕輕鬆鬆食餐好嘅，有幾多煩惱都暫時唔理啦…Read More

呢個時勢，約到食飯都已經好唔容易，所以要搵間有格調嘅餐廳，食得好啲。餐廳氣氛好chill好舒服，而且啲出品好高質，正式係嘢好食，位好坐，係一間高質嘅西餐廳。 一坐低就已經奉上一碟墨西哥脆片，感覺好貼心。而且餐具係用皮套入住，呢啲小心思，感覺好有格調。香烤牛舌配番茄沙沙牛舌烤得乾身但唔會韌，咬起來真係好香，配上番茄沙沙馬上又有清新嘅感覺，口感係好豐富，呢個配搭真係好出色。炭燒美國頂級西冷牛扒  配  黃金芝士炸薯條一上枱個賣相就好靚，而且坑紋真係燒得好靚，見到個樣就知好食。我哋點左七成熟，切開勁厚勁興奮，肉汁好多，而肉質係好嫩滑，牛味好濃，令人覺得幸福感滿滿。非常推薦點哩個牛扒，份量又夠大，可以一齊share。至於薯條，係冇咩可以挑剔嘅，粗薯條配芝士肯定好食啦。 Cinderella我好鍾意飲，其實係類似雜果賓治，酸酸甜甜又冇酒精，唔飲酒嘅女士係好啱嘅。 Ginger ale朋友點左呢杯，味道清清哋，都係冇酒精嘅…Read More

住喺藍田嘅我，平時叫Deliveroo都會叫哈豆，今次嚟堂食朝聖，我同阿妹都有啲期待。原來餐廳裝修都好用心，四圍都係打卡位，而且壁畫真係好靚，好濃嘅文青風。食物依舊好有台灣風味，而且性價比真係好高，非常抵食。真係好掛住台灣，超想去呢。台灣五寶肉燥飯材料真係好豐富，啱晒貪心嘅我，咩都有啲，有我最鐘意嘅台灣腸，仲有貢丸、花枝丸、雞翼、豆腐。而且滷肉味道啱啱好，因為我好怕太鹹嘅，呢個就剛好，好味小碗豬腳肉燥麵（套餐配鹽酥雞、蝦仁卷）超抵食！因為係下午茶只係$42咋但出品都好好食架，鹽酥雞酥脆香口，蝦仁卷真係幾好味，都推薦清境和牛薯餅呢個係必點，薯餅係非常鬆軟，食到薯蓉係起沙嘅，有口感，而且表皮炸到好脆哈豆紅醋將瓜非常開胃，而且酸酸甜甜好啱食炸物之間中和一下鮮榨檸檬多多 & 鮮奶綠茶檸檬多多真係有鮮榨檸檬汁，酸酸咁好清新阿妹就點左鮮奶綠茶，呢個係佢一直飲開嘅四處都係打卡位…Read More

放假去西營盤影網紅壁畫相，半路都要醫飽肚先。經過比呢間川菜吸引，試咗覺得味道好惹味，真係有驚喜。整體來講，食品出品幾好，非常惹味，而且乾淨企理，店員親切有禮，性價比都適宜，係一個愉快嘅用餐體驗。川菜館配上可愛插圖，馬上添上文青風我哋點左麻辣香鍋二人套餐，滿足晒我哋嘅胃口，細路先要選擇，大人全都要🤣🤣用料好豐富，有鮮蝦、肥腸、牛肉、蓮藕、午餐肉、土豆片，好似尋寶咁鮮蝦唔會太過分乾身，肉質都係彈牙嘅我發現香鍋嘅食材，應該都係先炸過，然後再放落香鍋同香料混合，所以都零舍香口。可惜我哋唔飲酒，如果唔係應該好啱配酒肥腸！因為炸過，所以唔覺得肥膩感，真係非常好食！另外牛肉係好軟屬，我最鍾意牛肉土豆竟然係粗薯條！呢個係驚喜嚟，開心桂花冰粉，呢個係二人餐包嘅，桂花味好香，淡淡清甜味，剛好解辣。雖然我哋只係揀咗BB辣，但冰粉係剛好潤喉，好適合跟餐…Read More

一直知觀塘多好嘢食，今日朋友帶我嚟食呢間日本餐廳，果然冇介紹錯。食物出品唔錯，食材都好新鮮，而且店員親切有禮，晚飯氛圍幾好。我見佢啲lunch set好抵食，如果我喺附近返工就好了。去唔到日本，食日本嘢補償番都開心😛魚刺身甜蝦海膽卷呢個前菜真係不得了，有晒我鍾意食嘅海膽同甜蝦，而且賣相好繽紛又靚，一啖一個，滿口都係鮮甜味，真係好滿足清蒸茶壺海鮮湯（一人前）賣相咁得意，啱晒打卡原來入面都好足料，有帶子、蝦、青口、蜆，熬成一小壺，貴精不貴多，不過兩個每人都倒到兩三杯仔。入口係另一種鮮甜但不會腥，好味海之幸丼飯嘅用料都好豐富，大大件刺身鋪喺面，見到就食指大動了。我覺得餐廳嘅用料幾新鮮，所以啲海鮮同刺身都好味😋明太子醬燒玉子超好食！面層嘅明太子醬燒到少少燶，上枱嘅時候聞到真係好香。我第一次食呢個配搭，覺得真係好夾，推薦一口豚肉豚肉燒得唔會太乾，肥瘦肥瘦啱啱好，好食日式炸豆腐豆腐好滑溜，豆味好重好香…Read More

行過見到到突然口痕，而且好耐冇掃街，忍唔住買咗。即點即炸，熱辣辣咁，非常有誠意。雖然係小食，但出品一D都唔差，好食！加上又好抵食，性價比好高👍🏻👍🏻椒鹽墨魚咀哩個真係好推薦！真係好香口同好味，同時又不減鮮味😋一口甜紫薯軟軟熱熱嘅紫薯，甜甜糯糯咁，好味！一口西多我揀咗糖漿，哩個大推！西多炸到金黃色，睇上去已經好吸引，咬開中間係有花生醬！雖然真係邪惡，但真係好好食！而且一口一件，食得好乾淨又方便…Read More

過開紅磡哩頭，見到間新開嘅米線，就想試吓。整體嚟講，用料真係明顯有用心，而且好足料有驚喜。小清新裝修又乾淨好坐，值得一試。海鮮龍蝦湯真係非常之足料，除咗見到有蝦、元貝、蜆，仲有魷魚，總之食完麵仲有剩餸😂蟲草花膠雞湯未食先呷一啖湯，好清甜，雞味濃郁，感覺好滋補。兩大舊花膠，食完大滿足！雞肉都滑，成碗麵都好出色！咁啱老闆係度，介紹佢哋嘅米線，用米比例多。唔怪得食落真係零舍爽滑，同埋彈牙，而且食落放耐咗都唔會淋。黃金雞翼咸蛋黃整嘅嘢真係冇抵抗力，蛋黃漿淋上熱辣辣嘅雞翼，好好味🤤🤤🤤舖頭d腌蘿蔔、辣椒油同菜脯係自家製嘅，菜脯最為出色。洛神花茶 & 藍莓乳酸爆珠洛神花茶酸酸甜甜，真係好消暑，適合夏天而藍莓乳酸都幾好飲…Read More

第一次食Omakase，本住期待嘅心情，食完之後真係喜出望外，簡直一試愛上食物出品係非常高質同精緻，師傅有條不紊咁端上美食，加上一邊觀賞製作，一邊聽師傅介紹，係一個好愉快嘅用餐體驗👍🏻👍🏻北海道新鮮帶子！超新鮮！又大粒！第一次見到帶子竟然係郁緊既，加咗少少青檸汁，好甜！而且比較爽口，肉質冇一絲絲既感覺，唔似平時食開果d，口感好唔同師傅教，點少少蒙古岩鹽，會鹹一D，接近海水味道生蠔！令和之怪物 超肥美，我一個口係放唔曬整個，係分咗兩啖嘅XD，感覺好幸福朋友話今年未去到日本，食哩個補償翻心靈空虛😂師傅介紹係日本大船灣出品，有名有姓，同埋係好乾淨嘅鱆紅魚刺身撒上海膽粉，紫蘇花同柚子鹽，味道好豐富同複雜，但又配合到，係第一次食到嘅味道呢大拖羅，超肥美超甘香，入口即溶嘅感覺食完之後，師傅俾咗一細塊生番茄我哋食，過下口嘅殘餘味道。原來番茄都係有來頭，係熊本番茄，難怪好多汁又甜銀鱈魚師傅介紹係自己醃製，需要3日，食落甜中帶鹹，鹹中帶甜，好特別，而且吃完後齒頰留香，好有餘韻赤貝壽司，好食又好玩師傅最後用手拍一下，即放係我們面前，赤貝嘅肉慢慢彈起來，師傅講笑話，快D食，一陣佢會偷走😂一啖咬落去，非常爽身同清甜，鮮味十足金目鯛，輕輕燒表面，微焦，更可以帶出魚嘅油香海膽！見到師傅拎成版出嚟，馬上心心眼師傅叫我哋伸出手，然後接住一件舖滿海膽嘅軍艦一啖咬落，口感奶滑又濃郁，而且入口即溶，非常鮮甜，滿口都係海膽香味！師傅介紹5-9月海膽最靚，咁我哋剛好遇到時令😆紫菜好脆，一咬係有清脆嘅聲南瓜𩶘魚湯，要慢煮4小時，好清甜，而且係冇南瓜蓉，師傅解釋係因為有隔渣，可以話非常細心了！！最後食咗柚子雪葩同紅豆雪葩做餐後甜品，為呢一餐做一個完美嘅作結一個炸蟹仔嘅小食，擺盤非常可愛，好似兩隻蟹仔打鬧咁白神山地水，煮飯嘅水係由日本直送，真係做到一絲不苟，好有日本嘅匠精神，佩服…Read More

係附近做嘢，行經哩間餐廳，裝修好小清新，依家外出用餐最緊要乾淨企理，晚餐就揀哩間^^食完覺得出品都唔錯，係菜式上有改良，係幾好味既。而且店員親切有禮，性價比又好高，值得一試。雞絲扎肉湯金邊雞絲幾好味同幾滑，食晚粉啱曬依家既天氣，清清哋扎肉同一般既扎肉係唔同，當中係有馬蹄粒、胡椒粒等，唔單止味道更好味，口感都好得意蒜香牛油雞翼雞翼外脆內嫩，牛油味同蒜香配搭得幾好，食落幾香春卷炸得好脆好香口，入面既餡係有馬蹄！所以口感好清新爽口，適合夏天，我覺得哩個搭配都幾好越式凍檸茶  & 青檸梳打兩款都係非常消暑，好鐘意哩個凍檸茶，無港式既咁甜，清清哋而青檸梳打就酸酸咁，好醒神開胃…Read More

約朋友太古見面，行開誠品，因為之前試過希慎分店，覺得幾好，就再翻兜香酥雞翼便當台灣夜市香腸，真係好懷念既味道，好食，好想去台灣燒雞翼~我鐘意食~香酥雞翼便當比之前食既滷肉便當，賣相更靚。雞翼固然炸得幾乾身香口，而且醃得幾入味，入面既雞肉都幾滑。但我最鐘意既反而係配搭既粉絲，真係好好味，而且口感又Q彈，算係喜出望外台灣牛肉麵之前係另一間分店已經試過，今次都唔錯。湯底好香濃，牛肉味好重，而且牛肉分量都多。牛展好Q彈有咬口。去唔到台灣，食個台灣牛肉麵，滿足下個胃口先黑糖紅豆鮮奶 & 粒粒紅豆豆乳我飲黑糖紅豆鮮奶，覺得佢哋既飲品係好出色，特別係鮮奶類哩個搭配，飲落好有古早味感覺，黑糖同紅豆既味道好夾。而且紅豆都粒粒分明，係有水準…Read More

一向對台灣麵既刻板印象就係紅燒牛肉麵，哩間麵鋪俾我見識到原來台灣麵有好多種，簡直選擇困難整體來講，食物出品係幾出色，而且好有台灣風味，食完更掛住台灣了。店面整潔又好坐，店員招待有禮，我自己就好鐘意啦金華火腿干貝花雕雞湯麵 （幼麵）朋友分咗D俾我試，最出色既係啖湯底，食得出係老火熬製，同埋係落重料，個湯底真係好味同埋係有驚艷到，好特別花雕雞係幾有酒香既，同埋幾入味，而且分量都唔少川味紅燒三寶牛肉麵（幼麵）由於太鐘意食牛，都係食翻傳統既牛肉麵湯底好香濃，味道都好豐富，飲得出係放咗好多唔同既香料調味。牛腱、牛肚、牛筋都好入味，質感唔錯幾彈牙。我覺得哩個辣度唔係好辣，食小辣既人都可以試，係唔會辣到要伸脷吹氣果種滷鴨舌滷得入味好香，而且咬落係Q彈，幾有好食台灣香腸係我既台食必點食物，配住蒜頭粒食，地道風味百香國寶茶 & 仙草凍奶茶我覺得佢哋既飲品都好唔錯仙草凍奶茶-->我加咗珍珠既，口感層次更加豐富，我覺得茶味好香好濃，唔怕太甜；同埋好靚呀，係有層次架百香國寶茶-->朋友加咗珍珠，本身係無既。佢表示好清新，好適合夏天…Read More

行經旺角，見到新開麵店，就想食個快靚正既麵，試下新嘢。應該係新開張，裝修都好新淨，同一間店入面有麵館同貢茶。依家有優惠，買一杯貢茶，麵底有半價，咁真係好抵食！咁就食佢啦係疫情之下，確保衛生真係首要，店內既餐具都獨立包裝，令人食得安心👍🏻👍🏻正宗四川擔擔麵+生菜 （左）擔擔麵好濃既花生香味，好香；墨魚丸都幾爽口彈牙，係好食既土雞絲擔擔麵+韭菜餃雞絲撈好味道鋪係麵上面，睇上去賣相唔錯。湯都係有花生香味既，比頭先個麵辣少少，更香添，最後我都飲咗幾啖湯韭菜餃一份有兩粒，都幾好味既奶蓋黑糖烏龍出色！奶蓋好creamy 同奶香好重，混合埋都好好飲呀荔枝烏龍甜甜的，幾消暑 …Read More