hople 's Profile

今日嚟到銅鑼灣區食放題，揀咗位於銅鑼灣廣場嘅極尚大喜屋，始終大喜屋集團嘅質素比較有保證！自助區有凍盤，有蝦、蜆、青口。熟食有瑞士雞翼、咖喱，仲見到有蛇羹，啱晒依家入冬。甜品同飲品區好多選擇，甜品有木糠布甸、豆腐花等等，飲品基本上乜都有，就連羅漢果水都有，清酒梅酒亦係任飲！放題方面採用Q R自動落單，環保又方便刺身方面嗌咗三文魚、八爪魚、北寄貝等等，好新鮮冇雪味。手工壽司選擇多，特別推介: 海膽帶子壽司、鰻魚玉子燒！熟食方面，最欣賞係炸物，一上枱熱辣辣，芝麻雞翼、炸紫芋丸食咗幾轉。仲有蒲燒鰻魚，又厚又大件！呢度嘅鍋物，除咗平時常見嘅蟹粥、肥牛鍋，仲有花膠雞鍋！總括來講，食物質素不錯，性價比都好高，兩個人埋單都只不過五百蚊多啲，值得一試！…Read More

餐廳雖然唔算大，大概有十幾張枱，但坐得舒服，枱同枱之間嘅距離好足夠黑松露白汁焗雜菌飯一上枱已經聞到陣陣黑松露味，面頭仲有好多焗芝士。全部撈匀一齊食，味道相當夾，如果可以再多啲蘑菇就好喇😂😂煙燻手撕豬肉 墨西哥薄餅極度推介！曾經喺其他餐廳食過手撕豬肉，又鞋又霉，但呢度嘅手撕豬肉相當嫩，好入味，而且薄餅嘅份量非常多，$65 set lunch嚟講，性價比好高！特別一提，on top嘅牛油果醬好濃好香🤩墨式香烤豬手一上枱嚇親，豬手真係有兩隻拳頭咁大，相比一般嘅豬手嘅肉質更厚實更滑，調味啱啱好，唔會死咸。由於佢係用烤嘅方式嚟煮，連埋豬皮一齊食都唔會太熱氣。伴碟仲有沙律菜、粟米同薯條。…Read More

旺角區咁多放題選擇，梗係要揀返間最新裝修坐得舒服嘅。之前都食過大瀛喜，覺得嘢食質素都OK，依家仲要新裝修埋，環境闊落咗好多。出面自助區有凍盤，有蝦、蜆、青口。熟食亦都唔少，有羊腩煲、瑞士雞翼、咖喱，仲見到有燉燕窩。甜品區同飲品區都好多選擇，如果帶小朋友嚟都啱食，因為有得夾埋糖👍🏻👍🏻👍🏻放題方面佢哋採用Q R自動落單，環保之餘仲好方便，好清晰俾大家睇吓自己食咗幾多嘢😂😂刺身方面分別嗌咗三文魚、八爪魚、北寄貝、吞拿魚等等，全部都好新鮮冇雪藏味，而且order幾多真係嚟幾多件！特別一提，大瀛喜嘅壽司非常出色，一啖一件，尤其係海苔鵝肝壽司、醬燒青口壽司，味道相當好👍🏻熟食方面，最欣賞係燒三文魚同豉汁蒸鱔，一上枱熱辣辣。串燒就叫咗幾轉燒牛舌，牛舌夠厚有口感。炸物最鍾意係炸紫芋丸，特別一提呢度仲有炸鮮奶！食到差唔多夠鐘，店員會走來提示，兼且問需唔需要嗌埋雪糕。總括來講，食物質素好之餘性價比都好高，兩個人埋單都只不過五百幾蚊，可以食足兩個鐘！…Read More

之前已經去過普慶坊分店食過，得知附近仲有間新分店，今日放假就去試下。距離地鐵站幾分鐘路程，位置方便易揾。法式油封鴨髀👍🏻有兩隻大鴨髀，慢煮方式緊緊鎖住肉汁，肉質比較實淨，但唔會鞋口，反而好滑，絕對係教功夫！另外仲點多份牛油卡真蝦仁串，非常爽口！炸蕃薯條好食到停唔到，配埋黑松露蛋黃醬食更加好食，炸得香脆但唔油膩，我哋足足點咗2份😂慢煮法式豬鞍架已經係第二次點豬鞍，一如既往嘅高水準。厚厚嘅豬鞍充滿肉汁，份量亦好大，只係落小小簡單調味已經好足夠！絕對係我愛慢煮嘅必點菜式！整體食物都能夠食到食材嘅原汁原味，兩間分店水準都keep得好好，會繼續有下一次！…Read More

Book左枱去Sky726，貪佢係旺角夠方便，而且知道餐廳可以睇到夜景，就決定黎試一試。果然好好彩，入座時都安排到坐窗邊位置，可以望到成個旺角鬧市景。焦糖低溫鵝肝份量唔算大，不過味道非常特別，因為面頭有一層焦糖，甜甜地脆脆地，同鵝肝好夾之餘，仲令鵝肝入口冇咁油，必點！黑松露野菌意大利飯一上檯就聞到好香黑松露味，好足料，好多野菌，汁醬恰到好處，而意大利飯亦煮得好有咬口，所以配搭都好夾！慢煮16小時辣豬肋骨平時食豬肋骨嘅肉質都係比較實淨，但呢度用慢煮黎炮製豬肋骨，所以食落口好軟滑，份量亦好大件，性價比高。咸蛋黃油烤雞卷店員提到呢個菜式需要等耐小小，就已經好大期望，因為通常等得耐嘅都係好野😂 果然比想像中更好，外層嘅雞皮香脆，但包住嘅雞肉好嫩，重點係中間嘅咸蛋黃，好香口好邪惡啊！鍾意食黃金嘅必點，食完呢碟就會好飽好飽😂…Read More

眾所周知九龍城一向多好嘢食，今日就嚟左牛精皇打邊爐。牛精皇位於福佬村道，好多老店都係同一條街，鋪面大大個招牌一定會見到。一入到去店員安排位置之後就同我地介紹湯底同埋新嘅$88任選三款海鮮，最後我哋都揀咗佢推介嘅湯底「豆腐鮮魚湯」。另外，點菜紙嘅選擇非常多，尤其有好多牛嘅刁鑽部位都有得嗌。🔅豆腐鮮魚湯🍲成煲白雪雪嘅豆腐鮮魚湯勁香，最估唔到係之後佢竟然成條魚擺上台，店員全程會幫手，湯滾之後幫我地落埋魚，再計時8分鐘後飲得湯，15分鐘後食得魚，非常貼心。魚嘅肉質好滑而且都幾大條，我哋淨係飲呢個湯都飲左差唔多一大半先至開始打邊爐食嘢，推介！🔅$88任選三款海鮮🍤我哋揀咗鮑魚 貴妃蚌同廣島蠔，趁魚湯仲滾緊就即刻放海鮮，海鮮配魚湯真係最夾，完全無落任何調味就食得出鮮味，廣島蠔最驚喜，大隻又多汁！🔅頂級手切安格斯牛肉（大）🥩嗌得自己做牛精皇，牛肉質素當然唔會差，牛肉雪花紋路好靚，肉同脂肪比例剛剛好，我鍾意佢切得比較厚，食落肉質夠實在！🔅牛白肉（半份）🐂驚喜之一！牛白肉即係牛胸油，成隻牛得好細件牛白肉，呢度竟然有得嗌。碌幾秒就食得，好爽脆，好大陣牛油香味，好快食晒半份又走去追加！🔅脆脘魚片🐟大大塊厚切，好乾淨又少骨，個人偏好厚切，所以牛精皇真係好岩我🔅 手打芝士墨丸牛丸🧀每款嗌半份，大大粒，碌完之後已經見到有少少芝士流出嚟，牛丸好juicy，墨丸爽口鮮甜，粒粒墨魚粒，我投墨丸一票！🔅即炸紫菜響鈴第一次試紫菜響鈴，好特別，仲要係即炸好脆口！就咁當零食食都食唔停口。🔅脆炸午餐肉呢個係見其他食評介紹必食所以就嗌，果然無介紹錯，就咁食又得，外脆內軟，浸一浸湯先食又得！…Read More

之前係雜誌同網上都見到有人介紹燒賣王子，用得呢個名做生招牌，佢哋嘅燒賣一定好有信心，所以過黎試下。柴灣店嘅舖位附近都有好多餐廳/小食，唯獨燒賣王子有5,6個人排隊，如果以柴灣呢個位置做街坊生意黎講，確係少見。有三位店員，一位負責收銀，一位負責蒸/炸，一位負責廚房(包燒賣)。手工製嘅燒賣係由店員即場包，一籠籠新鮮蒸好，由於未食過，所以嗌黑白燒賣，即係手工魚肉燒賣+墨汁燒賣。 黑白燒賣賣相的確冇機造燒賣咁工整，不過手工燒賣買小見小，最緊要好食！手工魚肉燒賣好香魚肉味，唔會成口粉，而墨汁燒賣就好出色，裡面有一粒粒墨魚粒，口感豐富，跟魚肉燒賣一樣只係製作過程加左墨汁，更香更鮮，我俾滿分，下次會淨係嗌墨汁燒賣😂…Read More

行行下街望上去見到裡面有好多b duck嘅裝飾，八卦上去望下有咩玩，原來係主題點心店，反正未食晚餐，一場黎到就試下。每一個地方都融入左b duck嘅元素，無論擺設、餐具都有b duck圖案，港女們黎到實影相影到唔走🐤鮮蝦蝦餃🍤叫得做主題餐廳一定有b duck完素啦！蝦餃好得意啊，除左睇得影得，仲要食得，皮薄蝦肉又多夠爽口。豉汁鳳爪👣雖然豉汁鳳爪係好普通嘅點心，但呢度又做得好出色，味唔會太濃，汁水好靚，同埋鳳爪唔會淋晒，好食過連鎖酒樓嘅出品！流心奶黃包🥚外形就滿分㗎啦，裡面流心效果都幾誇張，一咬開就滴到周圍係，各位食嘅時候真係要小心，真係好流心😂甜酸咕嚕肉🍍份量好多，食得出咕嚕肉係即炸，而且好有鑊氣，做到外脆內軟，食唔停口！主題點心店嘅小菜都不能輕視👍🏻鬼馬墨魚餅🍢油炸鬼釀墨魚肉，口感好豐富，香口野配泰式甜酸醬更加加分！蘋果沙律蝦多士🍞同鬼馬墨魚餅好似一套咁，兩款都係港式到不得了嘅小食，一口蝦多士配蘋果沙律一齊食感覺好清新，少左炸野嘅油膩…Read More

今晚屋企開飯斬料加餸，平時都莫過於叉燒油雞，不過今日想特別啲食燒鵝，就上openrice揾最近嘅燒鵝專門店，結果就揀中阿爺，以後港島人想食靚燒鵝唔洗走到深井喇！阿爺店面紅噹噹，而且位置好易揾。既然用得燒鵝做生招牌，就決定外賣燒鵝下庄 + $40燒腩仔。燒鵝下庄🔅煙薰味好香！份量好足料，甚至比想象中多😂 一咬落去皮脆肉嫩，鵝油即刻標哂出黎，好惹味。而且燒鵝嘅調味恰到好處，唔會太濃味。燒腩仔🔅返到屋企用煎pan輕輕爆一爆，呢份燒腩仔真係無得輸，我個人喜歡食7分瘦3分肥，完全岩哂我心水，而且個皮仲係好脆！好食又抵食！…Read More

Time park lounge位置唔算難揾，非常接近K11，而且附近都有好多著名餐廳，人流幾旺。餐廳位於地庫，空間好大，而且所有裝修同裝飾都好用心，打造到好神秘，每一個角落都好有外國味。職員好快就遞上ipad menu，仲會同我地介紹一下特色飲品，誠意可嘉！👍🏻Set dinner for 1蘑菇忌廉湯 + 沙律蘑菇蓉好香，配脆多士好夾！Set dinner for 1自家製蟹肉脆燒賣春卷皮包住蟹肉，好足料，蟹肉好鮮，呢種煮法完全顛覆左傳統燒賣，好創新好成功！Set dinner for 1鮮蝦海膽三文魚籽扁意粉扁意粉嘅質感係我喜歡的，配埋個汁好match，三文魚籽冇腥味，仲有3隻大蝦，如果以set dinner黎講呢個價錢食到呢個質素真係好抵食。我地另外都嗌左兩款主菜燒美國頂級肉眼扒 🥩🥩🥩好濃牛味，脂肪同肉嘅分佈比例剛剛好，伴碟嘅薯仔只係簡單用香草調味，仲有點橄欖香，我係食哂全部薯仔嘅😂😂😂西班牙燒乳豬配啤梨蘋果醬🍽如果二人食就嗌1/4就夠，都有10件8件，份量比想象中多。燒乳豬皮脆肉滑，而且無骨，名符其實嘅啖啖肉。順帶一提啤梨蘋果醬可以中和返，唔會因爲食太多肉而好漏。…Read More

前日去完修頓睇比賽，就上網睇睇附近有咩地方食個下午茶醫肚，揾到呢間新開張嘅冰室，而且地鐵站過去都係五分鐘左右，就拉大隊過去。沿住玩具街行到盡見到右邊嘅酒店，就會見到冰室嘅燈牌，雖然位置唔太起眼，但燈牌同藍色牆身就非常起眼！冰室行懷舊香港風，好多舊式擺設，甚至連天花板都吊住包牛仔片😂 2:30下午茶就開始，同時都可以嗌午市餐牌嘅食物。紅豆奶茶🥤好大杯，甜度同冰量岩岩好，對上一次飲紅豆奶茶嘅餐廳索價$45，十一冰室只需要下午茶餐+$12就可以享用，我敢講質素拍得住出面其他餐廳！特餐 雞扒炒蛋一丁麵🥚🍜雞扒絕對係重量級！大大件碎上，而且好好味。炒蛋炒得好香好滑，有蛋汁！+$4轉左出前一丁。厚切午餐肉+$10就有咁大塊咁厚嘅午餐肉，半煎炸又熱辣辣，建議大家怕唔夠飽可以加料！香酥雞翼即炸雞翼！外層炸得好香脆，裡面嘅肉好滑，如果可以整做香辣雞翼就正！…Read More

天后多好野食就係人都知，知道最近開左間人氣拉麵，去完銅鑼灣行街就直落天后揾食！原來金鶴拉麵唔止一間分店，相信肯定有返咁上下實力先可以愈開愈多。店舖內燈光比較暗，裝修除左日式擺設、音樂等，開放式廚房讓客人可以見到師傅即製湯拉麵，十足十去左日本拉麵店！人氣NO.1嘅極濃雞湯拉麵👍🏻湯底呈奶白色，好濃稠，係比較結身嘅湯底，飲落好滑，雞味真係特別濃，飲得出係濃縮左好多雞嘅精華，果然係非一般嘅極濃雞湯！由於湯底比較結，所以拉麵可以完全掛湯，啖啖雞味。旁邊嘅雞胸肉煮得好嫩，一啲都唔鞋口，仲有一塊薄薄嘅叉燒，如果叉燒厚身啲就好😎流心蛋蛋黃好甜，所以食厭左豬骨湯拉麵嘅朋友就可以試下雞湯拉麵，別有一番滋味！…Read More

收工後尋找居酒屋醫肚，路過見到喜膳燒，醒起之前有雜誌介紹過，就入去試一試。由門外到店內全木裝修，好有日本風。餐牌選擇多，串燒種類有海鮮、肉類、蔬菜類等等仲有主食甜品同酒，價錢大眾化。焗黑松露芝士pizza🍕熱辣辣上枱，好香黑松露味，裡面芝士份量多，做到拉絲效果，5分鐘就清哂！燒芝士響鈴🧀 + 蜜糖墨魚丸🍢第一次食芝士響鈴，好特別，燒到外面好脆，但一咬落去裡面嘅芝士就流哂出黎，芝士控必點！蜜糖墨魚丸聽落普通，但呢款丸口感比較爽口，唔係成口粉。燒大扇貝 + 多春魚 + 安格斯肉眼串大扇貝同蒜蓉粉絲係最夾嘅！好香，同埋扇貝真係好大隻！平時屋企都會煎多春魚食，知道好難煎得好燒得好，但呢度嘅串燒得好靚，多春魚燒完都好完整。安格斯肉眼串好厚肉好juice，唯一要挑剔嘅就係份量略嫌太少。泰式燒原隻鮮魷魚🦑食得出係新鮮貨，熟嘅程度剛剛好，好鮮甜，一定要點個汁，會加分！…Read More

倫哥火鍋咁出名，今日放假決定book枱黎試一試！$338一位，有數唔盡嘅野食，仲包任飲！最估唔到，任食火鍋嘅海鮮竟然有龍𧄌肉同多款貝類！嚐鮮十二式，第一式！店員遞上一盤刺身，有三文魚腩、赤蝦、帶子、北寄貝、八爪魚🐙質素唔錯喎，幾鮮，好過放題店！蒜蓉蒸北寄貝好香好香，倫哥嘅海鮮質素好高，對於重質又重量嘅食客黎講，好滿意！花膠鮑魚鮑魚好大隻又厚肉，花膠爽口！食完開胃菜之後無耐雞煲就送到，二人份量嘅雞煲份量好洽當，雞肉嫩滑，香料濃郁惹味，不過略嫌多油左少少，有飯撈汁食就岩喇。👍🏻👍🏻👍🏻食飽雞煲之後就可以叫店員換上火鍋底，今次就叫左期間限定嘅蕃茄湯底。蕃茄湯好濃！比平時見到清湯加蕃茄肉嘅濃好多！即刻心心眼😍會揀蕃茄湯因爲無論蔬菜定肉類都會夾到，又唔會食到好油。🍅頭一Round靚海鮮拼盤🍤🐟有某啲比較靚嘅海鮮淨係頭一round先有，不過份量一啲都無手軟！鮑魚、象拔蚌等等，全部大件夾新鮮，比較少見嘅係龍躉肉仲可以無限添食，我地都叫左三四round 。火鍋配菜選擇多，當中想推薦嘅係佢地嘅低鹽炸魚皮同手打蝦膠墨魚膠。炸魚皮最緊要脆，哩款魚皮特別大塊，亦唔油膩，低鹽可以好放心食！手打蝦膠墨魚膠真係超級足料，咬開有成係墨魚so係中間，仲要好彈牙，好好味！👅👅👅打完幾round火鍋料後已經飽到不得了，店員就上埋糖水，是日糖水係椰汁雪燕。清清甜甜一解火鍋嘅熱氣，好完滿！…Read More

放工後想搵一個地方可以食dinner又可以同三五知己chill下，所以就黎到位於金巴利街嘅DK Bar。雖然係尖沙咀好隨意都可以搵到間bar restaurant ，不過呢度嘅好處就係環境比較悠閒，唔會有好嘈嘅音樂，反而係岩幾個朋友飲野傾下計咁，好自在。唔算太肚餓，所以主要就點左幾個小食同cocktail。DK Bar有任食蝦片，脆卜卜又大塊，店員都主動fill到好滿，我地一晚差唔多食左三四兜...🙈粗直炸薯條（加黑松露醬$10 ）🍟炸薯條新鮮熱辣辣，外皮好脆仲見到有啲番薯皮痴住，醬汁分別有黑松露醬同茄汁，個人覺得黑松露醬雖然好香濃，不過都係點返傳統茄汁襯啲。水牛雞翼🍖水牛雞翼賣相好靚，面頭再加左啲燒汁，炸粉唔會好厚，旁邊嘅醬無點過，因為雞翼本身已經好夠味。滷水鴨舌(原味)👅要數到伴酒嘅小食一定會諗到滷水鴨舌。滷水好入味，份量都多，最緊要方便食，傾下飲下酒好快就清晒碟鴨舌。飲品方面就嗌左一杯cocktail 同 一杯shooter ， 佢地嘅signature cocktail都好多選擇。餐廳happy hour去到9點，隨即都會有live show聽，以後放工叉叉電又多一個選擇。…Read More