terry terry king's Profile

朗豪坊呢間店其實發生咩事？琴晚20:30喺舖頭門口等位，我前面有對情侶等緊，但係見完全冇人理佢哋同我，幾個waitress掛住喺度執嘢，之後終於得到恩賜入去，我落單時有個阿姐嘅態度令我即刻走，可能佢哋唔想入客阻住收工，我早幾年幫襯呢間店係幾ok，試過有次嗌杯沙冰係水狀嘅而另一杯係淡到接受唔到，我同個員工講，佢竟然係問我想點？好想知呢間店係咪請咗義工？定係佢哋係老闆？其實佢d伙計咁唔想做，咁咪畀佢哋求仁得仁囉！…Read More

今日同女友行完千色店，諗住去食雲貴川，去到又係排長龍😭，不過發現隔離新開咗一間日式串燒小店，所以改變主意入咗去試下🤔，因為本住試下嘅心態唔敢叫太多，只係㸃咗燒鱔、和牛、牛舌，點知食落又真係有驚喜喎，食物同製作都有質素，串燒有肉汁唔會乾曬有咬口😍，咁好味梗係繼續唔好俾佢停啦😂，再order咗個魷魚一夜干、鯛魚湯烏冬和牛露荀炒飯，個一夜干同炒飯都好正，不過個鯛魚湯烏冬仲正，湯好有魚味唔似買返嚟嘅現成湯底，我唔知食曬啲烏冬連個湯都俾我清埋😂，真係值得一試嘅隠世小店😋…Read More