lowai2的個人專頁

突然想食海南雞，記起同事推介的這間餐廳，剛好在附近就來了。 由於這是early dinner／ late tea時間， 餐廳內只有2台客人，十分寬敞。海南雞飯餐第一啖入口，感覺就是淡，淡雞味而且味道亦很清淡。湯也相對清淡，但加了椰菜絲在內，淡之餘也有點清甜。油飯則呈鬆散狀，粒粒分明。三款醬唯一特別及好食的是中間的蔥油，這裡的蔥油跟外邊的不同，不是蔥粒而是蔥蓉。再叫一個沙嗲串燒，豬牛雞各2串。沙嗲醬很香花生味，串燒肉則稍淋。原來同事跟我的口味都幾唔同，下次去返常去的那間好了。雖然這店比較淡口，但其實都不錯的，可能只是不太適合我而已。…查看更多

約左2個朋友去食飯又想坐下傾耐d，所以上O.R.搵間油尖旺既cafe。 見到呢間第三站都幾多good comment而且又有5折小食coupon，所以就決定黎食。入座時門口接待職員有特別交代帶位待應我們3位5折的。餐廳以白色為主要顏色，感覺都幾舒服。見到餐牌後，發現底下有貼紙說明是1月22日至2月5日的。其實訂位時我們已預先參考別人幾日前的餐牌，我們手上的餐牌dinner set內容基本一樣但價錢有點不同，平均每款貴了20蚊吧，相信是為了我們這些客人特別準備的🤭既然都坐下了，就點餐吧我們點了一個煙三文魚野菌忌廉燴闊條麵餐及黑松露帶子鮮菌燴意大利飯餐（麵及飯忘了影相😅）餐配一個沙律跟飲品，另外再點了一個半價既特式小食拼盤及一杯飲品。特色拼盤- ok香蕉朱古力榛子朱古力節制（ 西柚加菠蘿汁）藍莓芝士蛋糕 -硬特濃朱古力蛋糕- ok, 有少少酒味食物不過不失，2個忌廉飯麵稍嫌有點膩。待應有禮貌有笑容，但冇咩服務....除了落單外，基本都係踢一下郁一下... 3個人share 2個餐及拼盤小食，要問先比碟；食甜品都冇打算換碟，我們都費事再問換碟同拎公叉了；當然水都欠奉。不過最令人不快的當然是特製餐牌了，雖然都只係相差4x蚊，不過感覺自己是被5折釣來的就有點了走時乖乖牌朋友說覺得這座建築有點品流複雜，感覺不太舒服，下次不會再來😑 雖然我覺得佢講得太誇張而且我都唔覺得有咩雜，但服務麻麻都幾難吸引我回頭了。…查看更多

食完個豐富下午茶又行左陣街，梗係要坐低抖抖食個糖水先啦叫左一碗桑寄生紅棗蓮子蛋茶及桑寄生紅棗蓮子茶落單後阿姐大叫全要同桑棗蓮（㩒緊手機冇留心聽， 初頭以為叫咩安祖蓮娜）飲完個人好舒服，入面既蓮子又軟又綿，甜度又適中，有衝動想叫多碗嘅，不過最後都係試其他。糖水ok，但服務就見人見智啦隔離枱落單後，阿姐覆單係用鋪頭簡稱，客人唔明問多句阿姐就唔係幾好老脾啦 選多碗凍香芋椰汁西米露share， 西米ok，芋頭冇咩味.....下次都係叫多碗桑寄生蓮子茶算數，或者等下次星期六日黎試下推介既腰果糊…查看更多

壽司郎算是平民價錢但cp值頗ok的一間店，知道壽司郎開了居酒屋後，便心思思想一試。雖然已開業差不多半年， 但仍然很難book位，最後決定book下午茶時段！3點半前到達，環境不錯，牆上有不少插畫，座位也寬敞，令人感到舒適; 而且人不多，只有幾枱客人。一入座，店員就推介了師傅手工菜 - 油甘魚伴醬漬白蘿蔔及打咭專屬 -杉玉薯仔沙律。油甘魚伴醬漬白蘿蔔蘿蔔入味但有少少澀，煮油甘魚也沒啥特別杉玉薯仔沙律恕我不太懂欣賞打咭位在那？為什麼要影扭蛋殼內的綠球？打開膠殼移走竹筒後，將裡面的薯仔沙律跟流心蛋、海苔粉等混合就可以享用，味道清新，有一點點酸酸甜甜的，還算可以。炙燒伊比利豬 - ok吞拿魚漁船盛拖羅刺身很肥美值得一試，但配搭上堅瘦既赤身及2款漬吞拿魚粒及吞拿魚蓉，當堂失色不少..... 228一個漁船盛不太值，建議單點拖羅刺身炙燒海膽牛油鮟康魚肝壽司 - ok嚴選二貫 （赤蝦赤貝）- ok鮮甜海上鮮島今餐Cp值最高的一款鮮甜好吃魷魚筒飯配魷魚鬚天婦羅尚可..... 下單時要記得加點天婦羅汁話說偷聽到旁邊客人叫了一份池魚骨脆餅，但嫌太乾要求店員提供沙律醬，竟然只有茄醬... 最後客人要了鰻魚醬 想不到居酒屋竟然沒蛋黃醬~店內用的灰色圓碟超厚也很重用杯也有點奇怪，叫2款梳打酒，其中1款竟然用茶杯上的；清酒杯也用來盛載食物...茶 -- 柚子梳打酒 -- 特選檸檬梳打酒 -- 裝魚粒的起碼叫做試過一次, 但應該吸引唔到我嚟第二次啦我去返壽司郎算啦，食吞拿魚就去返Donxx。…查看更多

服務勁差，大部分職員都係好似譚仔姐姐咁操唔咸唔淡既廣東話，但態度同禮貌方面差人地成條街.....門口沒人留守，入座安排極度混亂！不停先讓2人位入座，但最後都要求我們3人分2邊坐！咁點解唔一早安排我地入座？入座後見到有4人枱又話唔可以轉，要留比下一位客人（下位客人原來係2人）！！食物上桌,上第3份時職員反問我地點解分開左坐！！食物唔熱，暖only心情差更加覺得d野食難食！！响city super食過n次野，未食過一次係咁差既！好少比劣評，但今次唔比唔得！…查看更多

今晚大小二豹前往清清地獵場途中，經過珍姐門外被海鮮雞煲抓住了目光，在馬路兩邊猶疑徘徊一番後，一顆胃藥解決了大豹的問題，然後二豹決定轉場！！這獵場環境不大, 只能放得下5，6張枱，但食物款式頗多，牆上貼滿各種菜單。先叫一個招牌海鮮雞煲及酸辣炒土豆絲。海鮮雞煲來了，看起來小煲也很大鍋呢，應該可以放得下小豹的2張臉呢 幸好鍋的深度很淺的，沒有想像中那麼誇張。雞煲內除了有半隻嫰滑的雞外，還有蝦、蟹、蜆及附送的一碟生菜。 雖然蟹的個頭比較小隻，但跟蝦及蜆一樣鮮甜美味酸辣炒土豆絲也不錯，挺清爽的~其實吃罷2款也差不多飽了，但見別人桌上有的又引不住叫了一碟牛。厚切安格斯肥牛賣相相當吸引，份量十足。入口更覺超值，肥牛油花均勻，肉味濃郁，很美味而且128真的很抵。食完又有點太飽了，但絕對慶幸有多叫這碟之前更新後一堆修改中的食評稿件消失了，令本小豹失去了寫食評的動力，但吃罷這餐又燃起了小豹想推介美食的了。下次我還要來試啤酒雞煲呢…查看更多

見到稻坊做2017火鍋牛肉節prompt，諗住上星期五去食啦，點矱爆場白行，拿拿臨bk左今日再黎。又叫到成枱都係野食啦～雖然冇加錢要靚牛，但係美國肥牛d質素都唔錯，油花均勻又有牛味未試過去打邊爐有生劏龍躉件食，都幾鮮味，墨魚仔都唔錯。蓮藕片就厚切左少少，但都好甜。白鱔片同鮮蝦牛脷芯正呀，又嫩又濃牛味，必點之一我叫1隻花膠仔佢地比成盆我都唔錯但1個人食哂太多啦。仲有1樣必食： 沙白蜆 超鮮甜原先諗住今次火鍋宵夜先138，質素都係普普通通咁，但比預期好勁多牛肉質素ok, 但海鮮既質素仲正 你地都快d去增肥啦…查看更多

九龍灣人多工廈多，上下班時間多人到爆（間中會見到少來的人會好驚訝地在天橋上拍人潮照），中午更加是搵食艱難，所以我在此返工n年但外出吃飯的次數加起來不夠十次… 但難得有朋友來找我吃lunch當然要去啦。我通常很少在starbucks等地方吃正餐，因為覺得只吃三文治等不太滿足，但今次之後可以改觀了。 今天見到有新款食品:冷麵沙律。我們選了芝麻醬蕎麥麵燒雞沙律，除了望上去顏色繽紛外， 材料也很豐富:有沙律菜，秋葵，雞蛋，小蕃茄，燒雞扒，蕎麥麵。營養均衡之餘，味道亦很不錯而且能飽肚（很重要）再來一個芝腿牛角酥，加薯蓉批share完d食物再飲杯紅西柚蜜蜂紅茶（經典糖漿少一泵）及抹茶latte, 剛剛好滿足我估不到starbuck 午飯時間居然不用等位，下次我也可以主動出來享受一下這悠閒座午餐了…查看更多

一行十幾人7點開始就陸續黎嘆呢個WED Lady Set, 2位起每位388，有海鮮頭盤、前菜、主菜、甜品已經好扺，但最吸引既當然係無限添飲既mocktails 同cocktails啦岩岩落完單我地已經急不及待叫野飲啦，呢度提供mocktail同cocktail各3款。但對我呢個小酒鬼黎講，响同樣價錢下，我絕對唔會選冇酒精既飲品囉Sour LizzySweet PunchTopical Freeze幾款Mocktail既成份其實同cocktail嗰d差唔多，只係冇酒精only。所以飲唔飲酒既朋友仔都可以join埋一齊黎吃飯慢慢吹下水。 待應捧著一堆唔同既餐包過來，我地每款都試了一點，各有各口味但都很不錯頭盤有各種不同的海鮮：魚子醬、蝦、鮑魚、帶子、螺及刺身等，超鮮美，就算多來幾盤我都吃得下前菜可以選煙三文魚凱撒沙律或周打海鮮湯，2樣都很不錯。有4款主菜選擇但我們大部份人都叫了這個澳洲牛柳配焗薯。味道還不錯，肉挺嫰的。而且有多款醬汁可以配搭，但小鮮肉待應被同色的醬汁搞混了 最後我倒了幾款在碟上試試不同的口味。甜品來了，效果很美味道也很好，是生果、忌廉、雪芭等迷人組合可能因為這裡對飲品的需求量有點大，所以cocktail的酒量有一點點參差（我這個齋有牌既生手調酒師有點衝動想叫他讓我自己調呢） 但其實問題不大啦。就算幾款cocktail酒精濃度頗低，以酒店價錢來說試勻3款已經回本，何況我起碼還喝了5杯。有佳餚美酒，而且配上舒適的環境，我們一堆人在這裡足足坐了4個小時，才悠悠然地散band回家。原先來這裡的目標之一，是中央望上去頗舒服的大班椅，怎料飯局由4變8，8變1x人,只能坐長枱…… 下次我一定要搞小圈子過來多吃一次，大班椅你等我呀…查看更多

今晚跟朋友去演藝看世界巡迴演出的知名舞台劇《下雪了》。看之前當然要先填飽肚子啦，於是就到位於對面藝術中心上面的Assaggio吃飯啦。這間意大利餐廳據說頗不錯的，一踏出電梯門口就見到他們的招牌，同時亦見到很多張美食得獎的獎狀。裝飾調味櫃窗台旁邊的桌子，可以看到海邊及對面會展。 在柔和的燈光下邊吃飯邊看天空、海景及底下的林景應該令人心情頗愉快的（如果沒有海邊的地盤及打樁機等設施，相信會更優美）卡邦尼意粉雖說叫卡邦尼，但顏色不同之餘亦沒卡邦尼醬的味道…… 這只是一個黃色的芝士味意粉，內裡有煙肉碎，洋蔥粒及蘑菇粒等材料，味道還算可以。我問朋友怎麼這也叫卡邦尼意粉，他說沒啥奇怪的，以前曾吃過一個卡邦尼是紅色、番茄味的…… 但我始終覺得怪怪的，就像看著一隻叫小狗的小喵似的四色芝士pizza，芝士味濃郁，很美味。焗肉丸面頭鋪滿著番茄香，肉丸軟綿而且每一口都充滿著香草的味道叫了一杯cocktail Blue Lagoontia 還有咖啡及tiramisuTiramisu比較creamy, 感覺有一點點膩。雖然這裡的食物不算太合意，但勝在環境優美寧靜舒適，服務不錯，很有悠閒的感覺，十分適合三五知己談談心吃吃飯…查看更多

自助形式，先搵位再出櫃位買野食。半開放式餐廳，後面有個仿貨櫃既牆，配上吊燈及中間木造高枱，同外邊對比相對昏暗既燈光，入到黎感覺有點點wild安格斯牛肉漢堡拼薯皇，漢堡扒稍薄但算有點肉味，調味稍咸，但配上凍啤還算可以接受。薑汁燒豚五花珍珠飯餐，味道不錯，加上配菜，營養也算均衡水牛城辣雞翼一個字，咸…… 連鐘意食雞翼既重口味朋友都係食左一隻就掉低哂比我……唐揚炸雞都幾細粒，初時以為大版雞軟骨（開頭改左n次唔記得自己叫左乜）原來係炸雞。味道還算可以，稍乾。吉列炸蠔，ok,不過不失。南瓜可樂餅，南瓜夠軟綿甜香，不錯 醬燒魷魚鬚原先以為是大鬚幾條，怎知是一串乾蚊蚊的小鬚，失望原先見地方算挺好的又不太多人，叫了很多食物打算慢慢吃加聊聊天，怎知食物質素中下之餘還很熱…… 坐了大約半小時汗還是沒有停，扇子完全沒收起過（難道是因為坐在店子邊緣所以沒冷氣?）…… 最後匆匆忙忙吃完閃人轉場飲野…查看更多

朋友先到坐下，才免去了等位的時間。我晚上6時45分左右來到時已有十多個人在等位。這餐廳已開業n年，有上下2層，裝修簡潔有點懷舊feel, 顏色以紅色為主。先來一個餐牌上沒有的隱藏餐湯：牛尾湯。面頭洒了香草粒（粉），配上各種清甜的雜菜、豐富的湯料，突顯了牛尾湯的鮮美。喝完湯及餐包已飽了2，3成然後主菜來了，燒美國牛肋骨 份量絕對十足。我們對它的暱稱是巨骨。骨頭拆下來，跟我前臂的長度差不多不要看燒牛肋骨的表面頗黑的樣子，其實表皮吃上去有點焦脆很好吃，內裡也十分嫩滑呈現有點粉紅的狀態。肉味濃郁也很juicy, 是我吃過最好味的牛扒之一份量超級多，每次也要打包回家。 大胃王快來挑戰現場吃不打包吧只顧著吃牛扒，連朋友吃啥都完全沒印象推介芒果布甸。我不太吃芒果，而且自從n年前知道芒果布甸是用生蛋來造後，心裡隱隱有點抗拒，平常都不太會吃（最多1啖起2啖止）。但這個芒果布甸是真好吃，好滑好好味好芒果，試吃一啖後忍不住從朋友手中搶過來了（如果我手上不是提子jelly而是青檸jelly的話，我應該未必會搶劫）這裡的食物選擇很多而且質素令人十分滿意，但太多人有一點點吵，否則不失為一個浪漫晚餐的好去處呢。雖然如此，但為了巨骨我也會再來的…查看更多

還記得icon新開時超難book位，中途聚會取消後一直都沒再book過。今次聽聞朋友已bk位，臨時多加2位去做電燈泡💡有風乾火腿機，火腿味道挺不錯的，但如果生果區除了哈蜜瓜外還有蜜瓜就perfect了有十款八款冷盤, 還有幾款果汁:橙,西柚,葡萄用調味品柱作裝飾都算頗特別吧，柱上的應該算是香港常用的調味料吧~這個比較少見呢，意式生牛肉薄片。每片都很薄呢，口感比較“林”身，但捲著配搭的香草及凱撒沙律醬吃也很不錯有幾款海鮮: 龍蝦最鮮美又多膏, 凍蝦很鮮甜, 蟹腳, 螺,青口的質素都很好~反而刺身就普普通通, 有甜蝦, 三文魚, 赤貝,吞拿魚等左邊的是焗螺, 螺肉切成小粒配上其他材料釀回螺殼內再焗, 味道還可以但沒冷盤的螺好吃。燒牛肉是我至愛之一, 但這裡的令我很失望。一來不是即切的,是全切好放在枱上; 二來給人選剩肥肉部分的, 過了很久也沒REFILL.....  燒羊架還可以, 算是不過不失。這裡還有即燒的, 例如串燒魚, 魷魚等, 但很麻麻....最豐富的應該算是甜品, 滿滿一枱面不同款的甜品, 時令的榴槤甜品也有不少。因為朋友有員工優惠應該是8折吧, 埋單只不過是650左右。總括來說, 這裡自助餐的款式比較少, 海鮮質量很好(但沒有生蠔..), 甜品不錯而且有很多選擇, 但其他食品就普普通通.... 我覺不太值....…查看更多

早2個月食完, 今日突然又好想食。海南雞我地黎啦但放工時間超大雨, 擔左雨傘都濕左1/3....... 2隻落湯雞走黎食雞....可能今日真係太大雨, 除左我地完全冇人坐低食, 變相包場 。但不斷有人冒雨黎買外賣幫襯左咁多次其實都未試過坐响鋪頭食, 叫左個2人餐後就四圍望下。店內簡潔明亮, 一邊牆上貼左n張老細同到訪明星/名人既合照, 好有衝動想偷偷地撕幾張返去半隻招牌去骨海南雞+老火靚湯+油飯雞一如以往又嫩又滑又好味，呢度有足夠既醬，終於唔洗面臨比人搶醬冇得點既情況湯是南瓜（雞）湯，南瓜西湯就飲得多，但南瓜中湯就第一次。這個湯很清甜，是有淡淡南瓜味的雞湯。湯底頗清澈的，2種味道也很相配。相比之下我想我應該比較喜歡南瓜中湯呢油飯勁香入口又煙韌，好像跟出面的有少少不同, 原來飯入面加左木耳絲, 香蔥絲, 蒜絲等等，值得一試。滷水汁時菜, 唔多覺有加過汁, 但好彩d菜夠嫩, 加蠔油已經夠好食馳名香煎手刴咸魚蓉肉餅~肉餅壓成薄薄的一片, 煎得夠香脆, 難得還保留了一點點的肉汁, 不會太乾。啖淡肉香有o趙口之餘還帶有少少咸香 空口食或者配飯食再或者用黎送酒皆宜。原來除左雞外, 其他食物都有番咁上下既水準, 唔怪得知咁多明星黎幫襯啦 我諗下次除左黎買雞仲要加多個肉餅了…查看更多

今日假期遲左起身, 食完個early lunch後仲有少少餓, 終於下午就忍唔住要去食個TEA先~煎韭菜餃+豆漿+酸辣湯金黃飽滿的餃子表皮香脆, 內裡包著滿滿的韭菜豬內餡, 爽脆又鮮味配上少甜又有豆味的豆漿可算是一流酸辣湯的濃度剛好, 不會太稀或太杰, 酸度亦適中而且材料豐富, 淡淡有料簡簡單單幾樣野又令我滿足了, 快樂就係咁簡單…查看更多