人生8的個人專頁

鍾意串燒嘅我都有一段時間無食串燒了，過完忙碌嘅八月，終於偷得小小空閒，約埋三五知己一齊出黎覓食👨‍👩‍👧‍👦，朋友推薦黃大仙串燒放題，大愛燒雞翼🍗燒得堪稱完美無瑕，肉質鮮嫩，皮脆多汁～少少膿皮脆肉嫩熱辣辣。蒜燒生蠔，好肥美，鮮味十足，超級Juicy，而且燒得剛好，鮮甜多汁，超級推薦😍！一路食串燒一路飲下酒一路傾下計🍻，悠閒地聊天食串燒都覺的好寫意的。…查看更多

今日得自己一個人，屋企人返晒工，訓到下午先起身，就落街行下搵野食。嚟到炮台山嘅椰粉湯紅，入到鋪頭，位置都寬敞，坐得好舒適，而且環境都算好衛生，燉湯套餐好大碗，好抵食，份量十足，味道濃郁，大滿足😋😋吾怪得之咁多人排隊。鍾意燉湯既朋友，可以去試下，佢算高質素。…查看更多

好彩係平日，去到只係等一陣就有位，我地一行4個人，嚟到食火鍋，當然主打食海鮮啦，有鮑魚，龍蝦，聖子王，帶子，全部都好新鮮，洗得好乾淨，真係物超所值，這個季節的蠔，已經算是十分大隻。蜆肉非常鮮甜，已經吐完沙，在落蜆時還有一隻蜆緊緊夾實我的筷子，相當生猛。服務非常好，員工又主動，一班朋友坐埋一圍又方便傾計，整體都非常滿意。…查看更多

未有機會去旅行飛去日本前,唯有在香港食日本菜。最近喜歡去尖沙咀棉登徑新開的日本餐廳食日本嘢，因為佢啲食物有水準，價錢合理，又會用日本食材。今次試了海量牛肉丼，牛肉勁多，鋪滿成碗，絶不孤寒 ，自己再加七味粉，又香又惹味。配上很多葱，勁鮮味，食完好滿足！…查看更多

過時過節，一家人一係喺屋企打邊爐，一係去酒樓食飯。今年就試下新款式，叫盤菜。問過幾個朋友，因為我想試下D正宗既，朋友就介紹左呢間農場盆菜之家既盤菜俾我。嘩個盆菜一拎上手就知勁 佢話6-8人食 我們覺得10個大人都夠 🤔返到屋企 煲返熱 就食得 好方便農場盆菜 盤面既腩肉肥瘦軟林啱啱好，燒鴨切雞都唔錯。鮑魚蠔豉食到lamlam脷。盤底D料仲正。豆卜，冬菇，豬皮同蘿蔔，芋頭 都好入味，係盤底吸晒D味超好食。最估唔到係魚蛋夠晒彈牙。朋友真係冇介紹錯，總括而言，值得再幫襯。…查看更多