devil6669394's Profile

長假期同屋企人+朋友一班人去左長洲行咗個圈，主要係畀班小朋友玩下見下面，順便支持下香港經濟。我哋諗住早啲食早啲返去市區，我哋差唔多16個人，諗住搵間大啲嘅餐廳坐埋一齊，行行下入咗呢間店，有張大枱夠我哋16個人一齊坐。大約六點幾左右, 當時都冇乜人，一開始個侍應好熱情招呼我哋，極力推介兩個海鮮套餐，一個三千幾，一個二千幾，佢話好抵食，叫齊兩個啱啱好。我哋有六個小朋友所以冇叫海鮮，全部散嗌。叫咗九樣嘢，埋單$1545，同樓面介紹套餐嘅價錢相差最少幾千，當侍應知我哋散叫，冇叫海鮮，佢哋啲態度馬上360度轉，馬上黑面，之後全程都黑面完全唔理我哋，叫又唔理，扮望唔到我哋，碟碟都出現問題，除咗碟雞正常少少，擺到明玩嘢，最過份係埋單嗰陣時唔收信用卡。我勸有緣睇到我食評嘅朋友千萬唔好去呢間餐廳，總結就係服務九流，垃圾食物，仲要價錢唔係特別平，地下仲要好多跳蝨搞到我要噴蚊怕水! 難怪咁多香港人北上消費，下個長假期我哋都諗住返大陸玩，原因系香港太多呢d垃圾餐廳，迫我地走。…Read More

上星期日同屋企人跟朋友一齊去食lunch。星期日都坐滿曬人不過唔使排隊。海南雞飯，木瓜沙律同喇沙就冇乜特別, 正正常常，一般，不過就好過連鎖快餐店好多。巴東牛肉就好正，牛肉夠淋，唔會黐牙，夠入味，巴東味道好濃，撈埋一齊食一流。豬頸肉即叫即整，雖然等耐少少但係都值得，食落好爽，唔似出面好多食地方閹得太過份會太淋唔爽口，味道剛剛好。肉骨茶我平時都好少食所以畀唔到乜嘢意見，不過我見到好多蒜頭，試咗少少個湯都覺得ok。馬來拉茶都夠香，不過個杯就細左少少🥲所有嘢食份量都唔會太少，賣相都幾好。有機會會再嚟食…Read More

餐廳自從轉了餐牌後, 生意好了很多，餐牌跟對面的牛奶冰室也很相似。這星期已幫襯左幾次，因為價錢合理，嘢食一般，但係坐得舒服過對面牛奶冰室。今日同屋企人落去食下午茶，叫咗個雞扒飯多飯多汁，點知類似經理企喺收銀位置嘅大嬸話下午茶冇得多飯，我話一個星期嚟咁多次，加少少飯唔使蝕餐廳好多錢呀？ 佢話下午茶要加多$10先可以多飯，你唔食就算。真係小小人情味都冇…Read More