lamcheukhin's Profile

最近想食下泰國餐廳，係朋友介紹之下我黎到呢間泰國廚房。呢間餐廳位置唔算方便，但勝在夠曬泰國風味。餐廳環境佈置咗好多泰國特色擺設，地方亦都夠寬敞。由於泰國餐廳適合一大班人點餐，人數少點餐就比較困難。今次叫左菠蘿海鮮炒飯同馬拉盞炒通菜，服務員都好快手幫我地落單同斟水，值得一讚。等咗約10分鐘，菠蘿海鮮炒飯上枱香氣撲鼻，原個菠蘿加埋海鮮炒飯係泰國餐廳必食之選，然後到馬拉盞炒通菜，味道少少辣令人胃口大開。不過每碟既份量就比較少，胃口比較大既朋友就要叫多幾碟。…Read More

今次黎到大埔準備食大餐，上址餐廳係小食，刺身，雞煲，集於一身既家嫂。之前一直聽同事推介呢間餐廳，今次終於可以一嚐。店舖位於大埔中心附近，如果要黎太和站比較近。餐廳環境都寬落舒適，有12人枱亦有4人卡位。當入座時候，待應就將6款小食放上枱面，其中蝦多士我特別欣賞，夠曬香口又唔覺得油膩。食完小食就叫佢上刺身，海膽夠曬香甜，帶子夠大隻夠新鮮，其他都好好味。刺身過後就係食雞煲，雞煲就無比較普通無咩特別。最後再打邊爐，又有新海鮮可以打邊爐，特別係魚蝦蟹夠新鮮，打邊爐一流。可惜既係去到最尾都己經飽飽，唔係再叫多輪海鮮。餐廳刺身只會上一輪，唔可以再叫就比較可惜。…Read More

新開張了一段時間，但一直都見好多食光顧未能一嚐，今次專登提早去光顧。餐廳環境都頗有特色，衛生情況良好，而且待應都熱情同快手。難得見到餐廳有肉⻣茶當然要試試，於是叫咗個肉⻣茶拼油飯套餐，飲杯美祿恐龍，另外再叫一份咖喱薄餅。等咗五分鐘左右，待應就已經上餐，賣相唔錯，肉⻣茶係正常一人份量，湯底我嫌唔夠濃味，唔知點解仲會有油炸鬼作配搭，食落去油炸鬼唔夠脆，油飯味道一般，最後食薄餅咖哩味唔錯，唔會太辣又夠香，但得兩塊薄餅。總體黎講性價比較低。…Read More

最近食得太多肉，罪惡感太多，所以今次黎到粉嶺蓬瀛仙館食齋菜。不過食齋菜就當然約埋三五知己一齊食，多人叫齋菜先比較容易同豐富。蓬瀛仙館屬道教道館，環境優美清幽適合比一眾想平靜心身人士前黎。今次我地一眾叫咗4人套餐，另叫1個欖菜炒飯同1個五柳素葫蘆。餐廳下午4點30分就已經last call, 無做晚市，但可以食到下午5點30分，所以我地4點左右黎到，食客人數都比較少，上菜速度很快，套餐本身包括飯同粥比食客任食自取。齋菜味道只能說一般不是太特別，但白粥我比較欣賞，當場食了2大碗。價錢亦都相當實惠。…Read More

一早起身落街就諗住食間歐陸早餐chill 下，於是去咗呢餐廳，餐廳比較大位置比較多唔需要排隊，一入去就搵咗卡位坐，環境舒適。其後，點咗個男人浪漫沙嗲牛肉麵，火腿蛋加蒜蓉包，加杯熱利賓納。服務員服務友善，落單速度快。大概幾分鐘，已經開始上餐，火腿無特別，但隻蛋煎得太耐有啲燶，但個人覺得蒜蓉包係好味道，沙嗲牛肉麵食得出舊時回憶，份量亦都足夠，價錢合理，性價比高，但餐廳唔收支付寶同微信支付，只收八達通付款。…Read More

今次黎到旺角食下午茶，因為肚餓關係望咗兩眼餐牌就入咗去食，一入去餐廳就覺得餐廳環境好麻麻，餐枱與餐枱好近，而且待應得1個人。觀察周圍食客唔算多，無太多參考價值。於是我開始點餐，本身餐廳主打焗薯， 望一望下午茶餐牌見到有個鐵板牛仔骨焗薯餐配餐湯同餐飲。落單到出餐時間都快手，餐湯叫咗忌廉湯味道中規中矩，然後用蒜蓉包點忌廉湯味道都唔錯。其後主菜登場，賣相唔錯份量亦都合理，不過牛仔⻣食落去有筋導致口感一般味道偏咸，至於碎蛋沙律焗薯食落去味道唔錯，配搭幾好。最後，餐飲係朱古力，味道唔錯好有朱古力味。…Read More

夜媽媽唔想煮飯， 於是走去屋企附近 睇下有咩食。 見到呢一間韓國餐廳， 門面就比較一般， 但勝在經濟又實惠。 店內座位數量唔多， 不過呢個鐘數客人都唔多，所以坐落都比寬敞。 然後叫咗個燒牛肉配生菜， 另外加咗個湯同炸雞。過咗幾分鐘，服務員好快送餐過黎，佢牛肉嘅份量比較多，正常食量一定夠飽，燒牛肉本身夠曬嘢味，再配埋生菜好味之餘又唔會覺得太油膩，然後飲淡湯再食炸雞refresh ，簡直係一流享受。總體黎講，除左環境之外，其他都唔錯。…Read More

今日我嚟到高爾夫球場專屬餐廳， 由於餐廳有套票形式可以食飯加打高爾夫球，所以我當然唔輸蝕玩套票喇，價錢係超值。餐廳會提供一湯一主菜同甜品，主菜大約有8個選擇，飲品則咖啡同茶。今次湯係西洋菜湯，夠曬足料識合我平時少湯水既我。然後，主菜登場我叫咗一個菠蘿咕嚕肉同西蘭花魚柳，份量適中如果大食就應該唔夠，味道一流，配合高爾夫球場既環境簡值係5星享受。最後就係甜品，原先以為甜品都係得個cake之類，但估唔到佢有一碗豆腐花，2塊西瓜同思疑紅莓mousse，有驚喜味道都出符意料好食。總結，環境一流，服務一流，食物一流。…Read More

今日去灣仔酒店住宿， check in後去附近周圍覓食。 經過海港中心見到一直想食嘅餐廳， 今日終於同朋友入去一試。 餐廳近海， 我哋喺餐廳度一邊望住個海一邊食飯， 環境舒適心情開朗。 我同朋友各自點咗個lunch set， lunch set包括一個沙律主菜同一杯飲品或甜品。 我就點咗個煙鴨胸沙律同龍脷柳做主菜， 然後叫咗一杯凍檸茶。 煙鴨胸沙律唔會太肥， 沙律菜新鮮好食，份量適中。 至於個龍脷柳正常發揮， 但配菜比較燶， 份量都合理。 而我朋友嗌咗個肉眼扒做主菜， 叫咗五成熟， 不過塊扒有啲筋位咬唔開， 感覺一般唔算出色， 性價比低。…Read More

平凡既周六下午，經過餐廳見到人頭湧湧，於是入去試下。餐廳內環境狹窄，需要食客搭枱，佈置亦同茶餐廳無分別。然後叫咗個金菇肥牛豬頸肉小鍋米線小辣同一杯凍檸茶試下，價錢約$6x同其它同類餐廳差唔多。等咗5分鐘左右就上菜，湯底遍紅，但味道遍酸，我自己唔太食得辣，而小辣係完全無問題，如果中意食辣就要加辣。肥牛口感較韌難消化，而豬頸肉味道正常，但同湯底唔太配合，其他配料尚算充足，至於杯凍檸茶就正常無特別。整體黎講平平無奇，唔會再試。…Read More