側民's Profile

最近去咗一間氣氛超正嘅omakase 仲係一間居酒屋 有單點食物🥰 師傅同餐廳氣氛都好出色 師傅招呼親切 餐廳嘅氣氛又夠chill 另外仲有唔少清酒選擇 係一個好地方去享受美食同放鬆😎Omakase 梅前菜三點由龍蝦沙律開始 沙律醬嘅調味啱啱好；第二樣係牛蒡 爽口清脆；最後係醃蘿蔔 估唔到佢用咗紫蘇葉醃製 所以味道幾清新🥰御造 - 季節の牡蠣來自岩手縣嘅蠔 海水味啱啱好 唔會太鹹🦪 蠔肉鮮甜又漲卜卜 厚肉好好味🤤 另外仲加左新鮮嘅三文魚籽 增添層次旬 - 刺身四點四款時令嘅刺身😛 第一款係深海池魚王 佢好肥美 魚味好香 另外師傅夾咗紫蘇葉同薑 平衡池魚嘅魚脂；第二款係燒目鯛魚 輕輕燒一燒再加麵豉醬 估唔到同魚肉幾夾；第三款係金目鯛 肉質爽口 肥美 配岩鹽食更加突出鮮味；第四款係長崎縣野生拖羅 顏色粉嫩 油脂豐富 好味💕和之物 - 海膽杯個日用上吞拿魚蓉配海膽同三文魚籽 簡直係將我嘅最愛放埋一齊😉 海膽鮮甜creamy 吞拿魚蓉都好香鮨 - 握の寿司五貫第一款係北寄貝 師傅特意𠝹開 令口感幾爽 而且貝味鮮甜 第二款係赤貝 赤貝好厚肉又彈牙 我好鍾意😊 第三款係燒左口魚 左口魚上𠝹上細紋 加上炙燒 魚油滲出 係口腔內爆發今日🤪 第四款係星鰻 厚肉 入口軟糯 最後一道係海膽手卷 師傅俾咗超多超多海膽 味道鮮甜 加上赤醋飯 不錯不錯👍🏻一品料理 - 煮物吸物 - 土瓶海鮮湯甘味 - 時令果物 （西瓜同大大粒嘅青提🍉）…Read More

啟德體育園2號零售館有間新式泰國餐廳🙆🏻‍♀️ 餐廳環境舒適 光猛通爽 都幾好坐🪑 餐廳用QR code落單 最近去仲見到有+$1優惠 都幾抵咖～ 烤雞扒馬來喇沙摻摻烤雞扒馬來喇沙摻摻好大份！雞扒烤得皮脆肉嫩 啖啖肉 亦都好香香芧味 幾惹味😍 至於喇沙摻摻 椰奶湯底幾香帶少少辣味 摻摻吸滿湯汁 再加上魚腐索晒d湯汁 更加好味🤤冬蔭功虎蝦海鮮撈麵 冬蔭功虎蝦海鮮撈麵 我揀咗泰國新鮮幼粉 麵條幼身帶點煙靭🍜 撈麵無湯底（另外配咗一碗高湯）冬蔭功醬汁酸辣 會掛係幼粉上去～ 配料有虎蝦、黑松露墨魚滑、青口、魚蛋 幾多料😝 不過佢哋本身可能冇特別調味 建議撈埋d冬蔭功醬一齊食！脆炸豆腐配魚露酸汁 脆炸豆腐配魚露酸汁係開胃之選😗 豆腐外層炸得金黃酥脆 入面軟嫩 魚露酸汁又酸又辣 啱啱好 同一定要趁熱食！泡沫奶茶泡沫奶茶估唔到係配上濃味嘅泰式奶茶 上面有個綿綿嘅甜奶蓋 平衡返奶茶味 飲落順滑☕️椰青滑冰天氣咁熱 我想飲返杯冰凍凍嘅沙冰～ 佢嘅椰青滑冰清新可口 啲冰較細 椰青味幾香 另外好似配咗啲乳酪 所以甜啲啲🍹…Read More

今次去嘅火鍋餐廳環境真系好有特色！入到去 徬佛返到70、80年代香港 牆上貼住啲舊海報 仲有啲懷舊嘅裝飾 最特別一定系舊式酒樓必有嘅龍鳳擺設 令人感覺好親切🥰餐廳仲會播啲經典金曲🎵 例如梅艷芳、張國榮嘅歌 聽住啲熟悉嘅旋律 真系好有氣氛～ 如果要慶祝生日 除咗有播「祝壽歌」 餐廳仲準備埋一啲生日裝飾打卡！🎂秘制黃蜆惹味辣雞煲佢有好多款雞煲 除咗黃蜆 仲有日本蠔、咸蛋黃味等 全部都幾吸引🤩 黃蜆雞煲 我哋叫咗BB辣 雞煲嘅調味比較似港式沙爹味 所以好惹味～ 雞肉嫩滑 仲有新鮮嘅蜆肉 都幾大粒咖 煲內仲有支竹添😛 再加上唔同嘅香料，令整個味道更加濃郁～龍鳳呈祥牛肉拼盤叫咗個細size嘅牛肉拼盤 有各款手切牛肉 幾香牛味🐮 最特別系有牛舌同牛胸尖 牛舌牛味濃又唔靭 淥一淥就食得👅 牛胸尖罕見 睇落白雪雪油膩咁 但入口出奇地幾爽口 幾得意回味五香肉丁餃餃子皮薄餡多 咬落去嗰陣汁流出 juicy😜 加上五香肉丁 味道更加升級 估唔到由罐頭-五香肉丁嚟包餃子打邊爐都幾夾😗海量芫茜墨魚丸自問鐘意食芫荽嘅我就必叫💚 平時多數都系芫荽餃子 好少見到有芫茜墨魚丸！墨魚丸口感彈牙 加埋啲香氣四溢嘅芫茜 對比濃味雞煲 清新味道就突出😆龍鳳呈祥雜菜拼盤唔好睇佢一個杯咁 其實勁大份 因為佢將所有蔬菜排得密密實實 所以份量好多🤭 啲菜好新鮮爽脆 仲有用竹籤簽好曬嘅蓮藕、蘿蔔等等自家制陳年咸檸七我哋揀咗咸檸七 咸求正正中和咗火鍋嘅油膩感🥤 當日呢仲做緊買三送一 正👍🏻…Read More

今次又係airside約朋友仔食飯 我哋決定食泰國嘢 🇹🇭 呢間餐廳採光幾好 亦可以俾狗仔入去食🫶🏻 店員服務態度都幾好 可以為客人介紹菜式醉鬼炒河配和牛雖然菜名叫做醉鬼炒河 但其實佢冇酒精成份 反而我覺得佢係一碟偏重味嘅炒河 加咗好多唔同嘅香料同醬油 好夠味🥰 河粉入邊有好多和牛片 每片都充滿濃香牛脂味 令炒河味道更豐富 啖啖蟹肉炒飯蟹肉炒飯一眼睇就見到好多一梳梳蟹肉🦀 炒飯秋雞蛋同胡椒簡單調味 唔會搶晒蟹肉味 相對冇醉鬼炒河咁重口味嘅～ 我鍾意佢嘅炒飯炒至乾身 粒粒分明 有鑊氣呀☺️老媽手打蝦餅蝦餅熱辣辣上菜 咬開嘅時候仲好熱😝咬開可以見到一粒粒蝦肉 食落好彈牙🦐 撈埋泰式酸辣醬 就更加好味泰式奶茶一杯正宗泰國奶茶 好濃味又夠凍新鮮椰青椰青好凊甜 配合比較濃味嘅泰國菜就岩岩好😝 而且椰青肉好嫩口 好滑🥥…Read More

最近約咗朋友去Airside嘅韓式燒肉店🇰🇷 呢間韓式燒肉嘅服務質素好好㗎 有需要店員仲可以幫手燒肉 咁你就唔使擔心話燒到燶晒或者燒得過火👍🏻 🫶🏻而且無論係燒緊嘅時候或者燒完 都唔會話太大陣油煙味 唔使怕啲衫臭曬🤩🫶🏻除咗有韓國菜必有嘅前菜之外 仲有泡菜蛋同芝士粟米 全部都可以任添芝士蛋糕配雪糕 $55🥰估唔到韓燒店都有咁高質嘅生日碟🥰 當初諗住叫份cheesecake當甜品 叫嘅時候店員話可以畫碟 畫咩都得 醒起朋友就快生日 當然要寫生日快樂 另外仲要求畫chiikawa 嘅兔哥💕 最後出嚟勁靚 影相慶生啱晒😘 芝士蛋糕芝士味都幾重 口感creamy豬皮 $88會特別安排平板俾你燒豬肉同豬皮🐷 豬皮本身已經醃好 所以食落去鹹鹹香香 因為豬皮本身熟咗 只需要將豬皮每邊燒15秒就可以啦 豬皮嘅口感特別 有彈性 就好似好多骨膠原嘅感覺😆濟州黑毛豬梅花肉 $268豬扒好Juicy😍 首先原塊煎香咗 之後再剪開一塊塊去燒香 豬扒有部分會多啲脂肪 將佢啲脂肪煎得香香脆脆 另外可以配埋韓式大醬同Wasabi 或者生菜食就唔會怕有太膩嘅感覺😗月見牛肩肉 $238牛肩肉採用一個比較日式嘅調味 有「月見」 即係蛋黃加壽喜燒汁🤓 將牛扒煎香 再沾上呢個蛋黃壽喜燒汁 令牛肉更加滑溜 有少少似Sukiyaki嘅感覺😗牛胸肉 $98牛胸肉一片片 比較上薄身啲 但油脂豐富 牛味都好香🐂 牛肉燒到香噴噴 再加啲鹽花 正👍🏻韓式炒粉絲 $82韓式炒粉絲非常大碟 啱晒同一班朋友share食 粉絲唔會話太過韌 有好多唔同嘅配料 豬肉、青椒、蔥、洋蔥等 味道幾好嘅😙焦糖布甸 $45布甸🍮彈下彈下 質感細滑 蛋味都幾重 再加上焦糖醬汁點綴 唔會太甜 不錯！…Read More

之前同朋友好想食串燒 所以呢就嚟咗呢一間喺旺角新開嘅串燒店🥰 餐廳分兩層 主打Sake清酒同串燒 有成80款清酒！老闆話佢哋係用備長炭去燒 同會推出一啲特別啲嘅雞內臟添～價錢唔貴 同朋友食多幾串都唔肉赤🤫梅子蕃茄 $28酸酸甜甜嘅蕃茄 係一個好好嘅開胃菜🥰蒲燒鰻魚玉子燒 $58必叫！估唔到串燒店嘅玉子燒都咁嫩滑咁好食🤤 玉子燒內心半熟 燒得啱啱好 加埋鰻魚 就更多層次！牛舌芯 $78我最鍾意嘅牛舌芯 加少少鹽調味 牛舌芯厚肉又軟嫩 一啲都唔韌👍🏻提燈 $78每日限量發售 提燈即係雞嘅卵巢同未孵化嘅蛋🙊 所以佢造型咁特別 咬開蛋黃 蛋汁落出～豚肉生菜卷 $68另一個必叫之選 唔好見佢個樣咁平凡 豚肉包住生菜絲 而每一啖都係充滿着菜同埋肉汁 好Juicy 㗎😍翠玉瓜 $28好有驚喜嘅翠玉瓜 我平時都好少叫翠玉瓜 但呢一個翠玉瓜燒完出嚟估唔到有好多汁 同埋個味道都幾清甜😝食落比平時肉類嘅串燒冇咁膩鹽燒手羽 $28幾乎係串燒必叫嘅雞翼！佢已經係拆骨雞翼 所以食落去都好方便 所有雞皮位都係脆卜卜 一邊亦都保留到肉汁 真係想食多隻🤪夢王蛋飯 $38估唔到佢哋嘅夢王蛋飯有咁多蔥 啱晒我呢啲鍾意食蔥嘅朋友😎入邊有一隻夢王蛋嘅蛋黃 特別濃郁 撈飯食真係十分滋味呀一車厘茄$28白鱔 $78雞皮 $28自家製月見雞肉棒 $48豚肉荔枝串 $38粟米 $28其實每款串燒水準都好高 燒得乾身又香脆 調味都好足又唔會冚過晒材料嘅原味 值得下次再約frd嚟試其他串燒😙🍶 大雪溪 係一款無濾過嘅生酒 入口時清爽少少甜 香氣濃郁👍🏻…Read More

好耐冇食過韓國嘢 所以帶咗朋友嚟銅鑼灣搵食！呢間係百德新街附近嘅高級韓式餐廳😍 好有氣氛又高雅 好適合同三五知己一齊食 慶祝生日也很好前菜海膽紫菜包飯🥹好吸引又奢華！係超吸引嘅海膽 鮮甜美味😋 海膽下面就係牛肉他他 牛肉配上麻油 好香好滑💕 底部係韓國經典紫菜包飯 唔會搶晒上面海膽他他嘅風頭👍🏻👍🏻煎餅拼盤啱晒選擇困難症嘅朋友 因為有兩隻唔同味道嘅煎餅 就可以一次過食晒泡菜煎餅同海鮮煎餅 兩個都好好味🤤泡菜煎餅入面有泡菜片 唔會太辣 調味好好😌 至於海鮮煎餅就超級多餸而且特別香脆！加入大量銀魚仔 令口感更豐富香口 又有魷魚個啲添🥰韓式蒜頭清燉雞鍋 + 泡菜炒飯超大鍋嘅雞鍋 特別適合三、四個人一齊食 仲可以加炒飯添😜 蒜頭雞鍋蒜頭份量足 超多蒜 每啖湯都充滿蒜味🧄 至於雞 雞件好多又大件 雞肉滑身又吸到蒜頭味 入面仲有年糕、薯仔等等其他配料 超級豐富 不錯～炸青陽辣椒釀豬肉呢道餸都好特別 青陽辣椒入面包住一粒粒肉碎😙 辣椒爽脆 仲辣辣地 少少刺激 配合韓式大醬同埋柚子沙律醬更夾 …Read More

沉浸於大館優雅風的意大利菜fine dining體驗🇮🇹 系大館入面有唔少餐廳 今次揀咗位於一樓嘅Cantina💫 Cantina以復古懷舊風設計 樓底高寬 配柔和燈光 天花掛上一大盞吊燈 浪漫又高雅💕我嗰日book咗枱食Dinner 有得揀2/3/4 course 好多配搭選擇🥰 我同朋友揀咗3-course 份量好夠 仲要好好味😍 餐廳店員好nice 服務好好 絕對系慶生、週年紀念之選！VITELLO TONNATO《意式吞拿魚醬小牛肉》一道意大利標準正宗頭盤 配鵪鶉蛋同吞拿魚醬 吞拿魚醬幼滑 唔會過咸過多 配搭上嚟會令牛肉片鮮味更出🥹 小牛肉滑身 加上鵪鶉蛋可以平衡一下咸香味 好食～BEEF CARPACCIO WITH HORSERADISH DRESSING, MUSHROOMS AND PARMESAN CHEESE《意式生牛肉片配辣根醬，蘑菇及巴馬臣芝士》生牛肉片帶有微微咸味 食落幾Juicy😋上面仲咗蘑菇同好多好多巴馬臣芝士🧀 蘑菇偏向乾身 同牛肉片幾Match 芝士又香又濃 一齊放入口真系幾衝擊味蕾🤩FRIED PRAWNS, SQUID AND BRONTE PISTACHIO BROCCOLINI WITH ROASTED《西西里紅蝦、奶酪和開心果意式燉飯》上枱時已聞到好香既蝦味同忌廉香味 橙紅色嘅紅蝦如半生熟般 大只厚肉又幾爽身🦐 燉飯如risotto 以紅蝦汁同蕃茄煮 煮得啱啱好 creamy得嚟飯粒帶煙韌 飯上面仲加咗最近大熱嘅開心果碎粒 暗暗帶咸香味 咬落仲有粒粒分明既感覺 所以食落更有層次😋HOMEMADE TORTELLINI FILLED WITH CARBONARA, PARMESAN SAUCE AND CRISPY GUANCIALE《卡邦尼巴馬臣芝士意大利雲吞伴酥脆豬頰肉》儀式感滿滿嘅菜式 店員會即場倒入熱滾滾嘅卡邦尼汁 卡邦尼汁配脆脆嘅豬頰肉粒 格外香口☺️ 到主角．意大利雲吞 雲吞皮煙韌 入面充滿巴馬臣芝士 啖啖都好滿足🧀TABLESIDE TIRAMISU （BRONTE PISTACHIO）系tableside嘅tiramisu! 店員即場整既Tiramisu 可以睇住店員慢慢將剛打好嘅芝士倒入啡咖手指餅 儀式感滿滿 用嚟打卡一流😋我地就嗌咗開心果味 開心果味濃郁 食落仲好Creamy 配埋充滿咖啡味既Tiramisu 好味！☕️SICILIAN CANNOLI CRISPY PASTRY WITH RICOTTA AND BRONTE PISTACHIO《西西里芝士開心果卷心脆餅》我哋亦都叫咗另一個人氣甜品· 開心果卷心脆餅！成餐飯都充滿開心果 開心果系列真系好開心😀卷心脆餅一切就「咔」一聲 脆卜卜 暖暖嘅脆餅配上又凍又甜嘅cream 加上開心果碎 口感豐富💚…Read More

將軍澳海濱出名多餐廳 今次去咗一間地中海菜餐廳 餐廳裝修好靚 主打藍色海洋風 好有海洋特色 打卡好靚 又坐得舒服 😌 上菜前會先有牛油餐包🌊Grilled Octopus Tentacle $188必叫！原條八爪魚鬚 配上由煙燻蕃茄、西班牙辣椒醬同茴香粉整嘅自家醬汁 酸酸鹹鹹 絕對係好好嘅前菜🐙 八爪魚鬚係以烤嘅方法煮 所以食落有少少焦香炭味🤤 八爪魚好軟熟 絕對唔韌RIB EYE 400G $490Rib Eye 牛味十足 仲好香添🤩肉眼食落好Juicy 而且仲唔會好硬 肉眼上仲有一塊厚厚地既牛油🧈配埋牛油一齊食牛既味道再次昇華 我地仲叫咗蘑菇醬 同肉眼非常夾😎Crab Chitarra $198呢個蟹肉意大利麵上菜時已經聞到好香既蕃茄味同蟹肉味🦀味道香濃又帶有微微既辣味 意粉聞落好香 而且咬落仲好煙韌 唔會好淋 配埋蕃茄醬一齊食都好夾😋Kraken Hunter $120餐廳主題嘅cocktail 🍹 以熱情果、椰子、西柚等熱帶水果，好有夏日海洋feel～ 整體酸酸甜甜 幾好入口 配合烤製嘅小食啱晒Red Wine Sangria $125將軍澳海濱出名多餐廳 今次去咗一間地中海菜餐廳 餐廳裝修好靚 主打藍色海洋風⚓️…Read More

前排收工送飯返屋企食 係北角電車路附近揀咗間滷水☺️ 佢除咗有淨滷水買 亦有得揀滷水雙餸飯 岩我唔想煮飯嘅人 欣賞佢啲包裝幾好 啲醬汁冇漏過🤤滷水雙餸飯 $50 （滷水鵝+$8）我揀咗滷水鵝拼鵝肝 多餸！鵝肉厚厚一大片 啖啖肉唔硬 肥瘦適中 滷水味唔會太鹹 可以帶起鵝肉香 仲有皮下個層脂肪😆 至於鵝肝 店舖好慷慨 起碼俾咗原隻大鵝肝 可能有2隻添鵝肝零腥味 口感粉粉的 撈埋滷水汁/ 酸汁 更正👍🏻 白飯上仲有兩件滷水豆腐 豆腐都滷得好入味 旁邊仲有啲酸菜添 成個飯食完好飽好滿足滷水墨魚 $60/ 4兩墨魚爽身切片 肉厚 滷水味同樣唔會過鹹 味道適中🦑 滷水鵝掌 $25鵝掌都好大隻 啲外表都滷得好上色 香香噴嘅🪿鍾意’輪’骨朋友一定啱 啲軟骨都好食餐牌…Read More

估唔到諾士佛台有壽喜燒 仲有和服體驗？👘呢間壽喜燒係用日本三大和牛嘅 「近江牛」 一年只出產6,000隻 產量小 所以特別矜貴🐮 餐廳會以傳統席前形式烹煮 配合關西風嘅糖烤壽喜燒煮法 係味覺同視覺嘅享受🥰「雷神すきやき 」 壽喜燒晚市套餐 套餐有前菜、茶碗蒸、和牛刺身、壽喜燒、和牛蛋飯、麵豉湯同埋甜品前菜有軟糯胡麻豆腐、鮮味螢光魷魚同高糖蕃茄 蕃茄好甜好香🍅 茶碗蒸香滑 再加上來自淡路島嘅洋蔥湯 特別暖身～ 之後仲有和牛刺身 係肉眼同西冷 刺身軟嫩 師傅建議配淡路島洋蔥一齊食 可以減一減膩添🧅到主角壽喜燒！壽喜燒嘅近江牛好靚 油脂分布平均 牛肉包括肉眼、西冷、牛肩 每一片牛肉都好幼嫩 有好順滑嘅口感 肉眼油脂最豐富 接近入口即化😍 因為係關西風 用糖開鑊 所以更有部分牛肉有焦糖香味！蔬菜同壽喜燒一齊煮 特別惹味～ 淡路島洋蔥煮得又冧又入味 令洋蒽嘅甜味更出👍🏻 套餐仲有和牛蛋炒飯 將所有精華吸晒 特別好甜😝餐廳仲有小遊戲玩 都唔易咖 贏咗真係會有禮物咖🫶🏻另外 餐廳有vip房 仲可以睇住靚景食飯 午餐或者晚餐時間都可以嚟食壽喜燒 😚…Read More

放假係旺角做完運動 決定要食啲蛋白質先🏋🏻 所以我就揀咗雞飯食 去咗呢間主打食雞嘅專門店😝 我下午茶時間去 唔會太多人 幾好坐溫泉雞脾套餐 $73佢嘅套餐有分雞胸柳、雞脾部分 我自己鍾意食滑雞 就一定揀雞脾餐🐥 所有溫泉雞已經去咗骨 啖啖肉～ 雞皮鮮黃幾爽身 雞肉滑身 仲略有啲雞油脂！溫泉雞仲配有辣醬黑豉油同埋蒜泥 我自己最鍾意黑豉油 可以更突出雞鮮味👍🏻套餐有雞、椰子雞湯、脆卜卜嘅醬油涼拌青瓜、飲品同一個主食 我自己就+$5揀咗蔥油乾撈面 佢用新鮮蔥同乾蔥撈 配上海粗麵 蔥味好濃郁 好好味👏🏻 朋友叫咗油飯 雞油味好香 中間仲有啲乾蔥頭 好惹味！咖央多士 +$18 (跟餐）多士必試！多士又薄又脆 厚厚牛油配咖央醬好好味😋 咖央醬填滿整塊多士 整體甜甜鹹鹹 好味👍🏻…Read More

前排媽媽生日 特登book咗呢間係中環嘅餐廳同佢fine dining🥰 呢間餐廳之前嘅semi buffet好出名 今次食dinner水準都好好呀我哋早一個星期訂枱 餐廳入面可以望到中環區同遠眺維港對岸風景 香港嘅夜景真係好靚😆 餐廳氛圍高雅浪漫 仲有個小露台影相添📷Carpaccio di Ricciola $228薄切油甘魚用咗橙汁去醃製 油甘魚魚脂香 食落去好滑身～ 橙味可以平衡到魚油嘅甘香 食落幾fresh🐟 係一個好嘅前菜Fegato Grasso $388香煎鵝肝同糖漬蘋果絕配 鵝肝上面再配上一啲松露碎 所以特別香～ 鵝肝入口即溶 同蘋果作出一個balance☺️Aragosta $208好有儀式感嘅龍蝦湯 龍蝦湯入邊配上甜蝦他他 幾得意🦞 店員會喺你面前倒入熱辣辣嘅龍蝦湯 聞到一陣陣嘅香味 龍蝦湯鮮味十足 又好濃郁🫶🏻 撈埋甜蝦他他一齊飲幾特別 一凍一熱 同埋可以增添成個湯嘅口感～I Fusilloni alla Carbonara di Quaglia $298比一般carbonara特別嘅係配上鵪鶉肉醬螺絲通心粉 我自己好鍾意螺絲通心粉 因為螺絲位置可以沾到更加多醬汁、芝士 每一啖充滿醬汁 夠creamy👍🏻 鵪鶉肉醬比較少有 第一、二啖會比較有肉臊味 但配埋醬汁一齊食就幾好味😝Costata Kagoshima A4 with Asparagus燒鹿兒島和牛肉眼扒 牛扒係按重量收費 所以店員問完你想幾多之後 攞切好嘅牛扒出嚟俾你睇一睇先至煮😗 我個塊約210g 5成熟 一拎出出嚟就聞到香噴噴嘅牛香味 牛扒上仲有靚靚壓紋🥩 一切開 就見到粉嫩嘅和牛 仲好juicy 食落牛脂味香濃 好軟嫩👍🏻 Tiramisu 最後 我哋決定以tiramisu 去完成我哋嘅意大利餐🍰 Tiramisu 好大個 兩個人食完都好飽🫢 tiramisu 質感滑身 但唔算太過流質個款 配上可可粉同底層嘅咖啡酒蛋糕 不錯👏🏻…Read More

Elements新開咗間拉麵店 仲要有鯛白湯拉麵🍜 作為拉麵lover就決定去試 餐廳比較開揚 位都算多 仲有卡位坐😗 濃厚鯛白湯拉麵 $138+35掛湯嘅麵搭配濃郁濃厚嘅鯛魚湯，魚味香濃，加上魚肉為濃湯增加左一層口感。煙低溫叉燒有微焦香，加上煙燻味，而慢煮豬肩叉燒有一份嫩滑。溏心蛋亦好出色，冇任何過熟嘅蛋黃，整體配搭係一流！最後朋友仲飲曬啲湯🥰 另外再加多份「低溫叉燒」😆A4和牛飯套餐（茶漬） $258估唔到拉麵嘅和牛飯餐都咁正😝 A4和牛每塊燒至粉嫰，咬落仲好juicy同帶有牛脂味，的確係靚牛👍🏻 牛肉肉汁配上日本珍珠米 仲可以按指示加入唔同嘅配料自製茶漬飯🍚 茶湯好香 我都飲晒😌炸蠔 $78新鮮炸好，每隻都炸得好香脆，蠔肉配上沙律醬真係好正😝西班牙豬肉餃子 $58西班牙豬肉嘅煎餃，有濃郁嘅豬肉香，外面比一層外皮薄脆嘅餃皮鎖住多汁嘅餡肉😗，…Read More

新年食乜好？食撈起！朋友新年要飛 所以我哋提早食個開年飯先🥰 去咗銅鑼灣利舞臺莆田 有好多圓形卡位同大枱 相對闊落幾好坐 啲店員都好有禮貌 仲要係米芝連餐廳🤫新春如意2人套餐 $998鴻運發財鮑魚撈起「撈起撈起，風生水起」 💕最正係店員會搵你一齊撈起 佢一邊撈 一邊講祝賀語 有氣氛又好意頭👍🏻👍🏻👍🏻 呢款撈起有好多配料 有鮑魚 柚子 蘿蔔絲等等 再配特製酸甜醬汁 酸酸甜甜 開胃又好食盤滿缽滿鮑魚大蝦盆菜估唔到2個人都可以食到盆菜 仲要咁高質🥺 盆菜足料 有鮑魚 大蝦 海參 髮菜 花菇 瑤柱 蟶乾 福州魚丸 仲有炸芋等 鮑魚海參炆得好腍同入味🫶🏻 魚丸幾得意 入邊有餡🤓 蟶乾就好有莆田特色 夠鮮又特別黑松露炒帶子黑松露味香同帶子好夾 帶子炒得啱啱好 唔會太老😆 另外仲有啲西蘭花作陪襯 西蘭花食落都好爽甜媽祖平安麵平安麵寓意平安健康長壽 麵條長長幼幼 咬落有少少煙韌 配上各種餸料 比如蝦、紫菜、炸豆腐條、花生、蟶乾 係傳統福建麵線😙蟲草花魚鏢蟹肉羹羹入面有好多魚鏢蟹肉 啖啖都食到餸🤩 可以略加少少醋 味道會更帶鮮味桂圓銀耳湯配莆田紅團未食甜品已經幾飽🤭 桂圓銀耳湯好好味 銀耳好滑 湯水夠甜又唔會過膩😍 莆田紅團 紅紅火火 代表團圓 入面包咗豆蓉 鹹鹹哋嘅*會員食新春套餐可以滿$1000減$100，如此類推👍🏻…Read More