你唔好再呃我's Profile

由於好耐已經冇得去旅行，所以食完法國菜日本菜又轉食韓國菜，有一日去完Mikiki係附近周圍行，見到有間餐廳門口有人等位，引起左我嘅注意，所以就揀咗呢間餐廳食飯。我叫咗個石鍋飯，熱辣辣好香，但係我本身唔食牛，如果日後有豬肉揀就更好！飯本身份量唔係好多，如果一個好大隻男人就一定唔夠食，但可能因為個飯唔多所以先燒得好透，每粒飯都係彈牙但係有香脆個底有飯焦，我自己鍾意落辣醬，撈撈撈辣椒醬，自己鍾意落幾多就幾多！因為個石鍋非常熱，一路撈飯一路聽到咋咋聲！另外叫咗炒豬肉，我撈埋落去石鍋飯一齊食，保持食物夠熱，真係好香好好味！價錢算平價，但要泊車喺MiKiki，再行過去！餐廳新淨光猛，我已經幫襯過幾次！飲過人蔘湯，都算正宗因為落單嘅姨姨都係韓國人！下次有機會會食燒肉…Read More

餐廳嘅相片同foodpanda嘅相片都係月石鍋裝住啲飯，我就係睇到呢啲相片就俾佢吸引咗先去落單，去到餐廳落單，然後等攞餐，喺佢嗰度加$10有一罐汽水，但係同一個地方加$7就有啦，貴咗$3都唔緊要，但罐汽水係唔夠凍嘅，唔夠凍嘅汽水係超難飲！最重點係，圖片中嘅石鍋飯喺呢間餐廳現實中係冇出現過！！我收到個餐居然只係一個紙兜裝住一啲唔熱嘅飯，連一隻生雞蛋都整唔熟，可以想像一下啲飯有幾凍，何來石鍋飯呢？我問職員可唔可以唔要呢個餐，餐廳職員話冇寫過係石鍋飯，態度唔好咁話： 睇清楚先啦！咁點解唔用真實圖片呢？食物係凍嘅難食到不堪！！炸雞好厚好厚粉，仲要唔係脆嘅，醬料又唔夠，接近$150食一餐飯換來係好受氣！我係比佢張相片吸引佢落單嘅，雖然佢文字冇寫係石鍋飯但係既然你冇石鍋點解你要用石鍋嘅圖片呢？…Read More

尋晚冇地方食飯，揸車經過見到呢間，附近有位泊車，就落去買咗車仔麵上車食，四個餸$60，湯底好味，雞翼有超級滷水味，炆得又好林，唔錯嘅發現！魚蛋好味，芝心丸真係流出嚟嘅！👍🏻👍🏻雞尖魚蛋都好好食，本身我要米粉，但佢俾咗油麵我，但麵底彈牙好食！可惜距離屋企遠，未能夠買一碗返屋企煲住劇嘆！…Read More

包裝靚，但打開同存放都比較麻煩。打開敲碎朱古力，內裏果仁粒隨即週圍跌，如果家中有小狗要小心一點，細細力敲開都跌到一地果仁。食唔晒要包起一樣麻煩，建議一大班朋友一次過享用。朱古力唔滑唔香，望落好似存放很久，最佳食用日期到2018-08-12，好明顯唔係力sell新鮮朱古力。果仁帶點油益味，試過唔會再試！…Read More

8點食飯唔需要等位覺得好好彩！食落就天知點解，橙色汁雞煲又杰又咸，呀姐唔肯加湯，杰到食唔到，要辣又唔辣，加辣收$10我比無所謂。伙記唔應人，叫生菜45分鐘都未有得食，食物唔掂！酸梅湯變壞但伙記話酸梅湯酸係正常，暈！唯一推薦是大檸檬茶！只此一次，無下次！…Read More