kklyw's Profile

星期五放工，想放縱下，第一時間諗起Jollibee今次嗌左炸雞同薯條，加左8蚊配cooler樂園（即係青檸雪碧）。炸雞依舊大大件，好好食，表皮炸得鬆脆，內裡雞肉嫩滑，超多肉汁，仲有一定要蘸既蘑菇汁食過一次，就會一直念念不忘。side dish有薯蓉、薯條、粟米同飯揀，薯條炸得香脆，只係份量較少，食得無甘過癮cooler樂園既味道清新，配炸雞和薯條，有少少解膩的作用眼望餐廳所有人都有order炸雞，真係經典必食推介…Read More

突然好想食韓燒，咁岩行過見到間新餐廳，企企理理，就WALK IN入左去，叫左個特選豬拼盤($198 加1) 同埋巨峰提子沙冰($48 加1)😋😋不過就算唔叫飲品，都有檸檬水提供落完單冇耐，職員就拎啲前菜黎(有芽菜、蘿蔔、泡菜等等)，食落好開胃，不錯不錯啲豬肉好快就黎到，望落好新鮮，個爐火侯夠猛，燒一陣好快就食得 👏用生菜包一包，完全唔油膩，好好味😉😉生菜仲可以無限REFILL，職員完全冇唔耐煩👍👍沙冰應該溝左少少奶，飲到落底有陣奶味，唔會太濃，唔會太甜，又唔會完全冇味，味道岩岩好，值得推薦👍👍…Read More

泰皇咖哩炒海鮮(少辣)有青口、大蝦、蜆等海鮮，咖哩味道濃郁，配上薄餅，真的不錯。泰式海鮮炒飯有不少魷魚，飯亦炒得粒粒分明，唯一的美中不足是味道偏淡，亦有可能是泰皇咖哩真的太野味了，其他味道都蓋住了。雞軟骨、珍寶腸、豬肉、牛肉、雞肉沙嗲串燒，沙嗲醬以花生醬作底，味道甜甜的，配上串燒，濃郁而不膩口，真係一啖接一啖。黃咖哩雞肉黄咖哩是甜口的，滿滿椰漿的味道，沒有想過的是，雞肉竟然有骨。沒有對比就沒有傷害，泰皇咖哩真的太好味，相比下，黃咖哩略為有點失色。5人的份量，以openrice下單，外賣自取有9折，總共500蚊左右，真的不錯。…Read More

入到太古城既food court，個冷氣真係麻麻地，座位吾算多，只係勝在比較多野食揀。本身平平地，想試下午茶套餐。但諗得黎，過左2分鐘，下午茶完左，所以唯有嗌牛肉蕃茄濃湯烏冬配野菜魷魚。本身對烏冬超有期待，話晒都係烏冬專門店，烏冬水準應有中上水平，最後只能說「期望愈大，失望愈大」，水準只屬一般。但蕃茄濃湯有驚喜，味道偏甜濃郁，很合我口味。野菜魷魚很多粉很油，沒有想像中彈牙，可能因為凍左。另外，服務態度真係有待改善。…Read More

今次1點黎到，等左一陣就有位。今次嗌左山海烏冬鍋+6件特別壽司定食，總共$176。山海烏冬鍋很適合有選擇困難症的我，配料種類多，但份量少，吾會食吾晒。偏甜壽喜燒湯底配上彈牙烏冬，很合我口味，唯一美中不足的是蜆有沙。另外，下次一定要叫番天婦羅炸蝦，好好食。而壽司既飯唔會一夾就散，壽司都算幾新鮮。飯後，仲有好好味既牛奶雪糕做甜品。以lunch黎講，等待時間過長，應該係吾夠人，舉手落單等左5分鐘先有人理，等上菜等左15分鐘左右。…Read More

Black Bangkok新開了一段時間，裝修走新式型格路線的泰國餐廳。過了午飯時間才到達，人不多，餐牌上的價錢比我想像中抵食，午餐的價錢都不過百，不加一。在海南雞飯、大蝦金邊粉和咖哩軟殼蟹配薄餅爭紮了一番後，點了咖哩軟殼蟹配薄餅，凍檸茶是附餐贈送的。咖哩的口感順滑，有點像意式濃湯，不辣，有少許青椒、紅椒、洋蔥等蔬菜，單吃也很好吃。軟殼蟹炸得鬆脆，單吃有點稍咸，但配上咖哩和薄餅，味道剛剛好。薄餅跟一般手抓餅差不多，數量雖然不是很多，但飽。凍檸茶普普通通，味道不是很甜那種，清清的。食飯期間，外面抄牌，餐廳都有通知食客，很貼心。整體來說，服務好，食物不錯，值得再來。…Read More

每次走過，都會看見每個很漂亮的蛋糕，有很多不同奇趣的造型。而今次是walk in，沒有預訂，仍有不少選擇。今次買了以經典的鮮紅色糖果扭蛋機為主題，透明波波內裡有一枝枝七彩繽紛的珍寶珠，令人會想起童年的回憶！可惜的是，沒有一枝是藍色可樂味的，可能是為了配色，只有紅色的士多啤梨味、橙色橙味和青綠色蘋果味。紅色機身內裡是四層煙煙韌韌的紅莓果乾牛油蛋糕，配上酸酸甜甜的藍莓層，還加上吉士醬，香香甜甜的牛奶味道，味道清新，不錯總括來說，這蛋糕是實實在在，不是很甜的蛋糕，適合不同年齡的人士，不用說，更適合打卡之用！！…Read More

雖然地點不算太難找得到，但要走過長長的斜路才到達，所以到達時已接近2時。幸好，還有最後一碗限定的鯛沾麵，當然要嘗試。鯛沾麵一般沾麵的沾醬都很濃郁，最初會覺得味道太濃。可是，第一口吃到鯛沾麵的沾醬，很有驚喜，不是咸咸濃濃的滋味，味道有點像芝麻醬，是比芝麻醬更豐富的味道，值得推介。鯛清湯拉麵鯛清湯的湯底清甜而不膩，配上炸鯛魚皮和鯛魚碎，味道什好，特別是炸鯛魚皮。雖然只有一片簿簿的叉燒，但已是足夠，剛剛好，不會太膩。拉麵是有咬口的麵底，個人平日也喜歡較硬的麵，所以覺得不錯。溏心蛋價錢有點稍貴的普通溏心蛋環境廚房就在面前，配料、湯底、麵底都一目了然，超近距離看著。…Read More

天水圍新北江商場中的一間小小日式小食店。雖然堂食座位不是很多，但每次放飯時間經過，都會有很多學生。今次外賣有折，所以試了很多不同款式的日式小食：鐵板一口牛、鐵板雞軟骨、玉子燒、日式叉燒豬骨濃湯烏冬、豬軟骨、吉列豬扒。其中鐵板一口牛和鐵板雞軟骨很值得推介，燒得脆脆的有少許焦脆焦脆的感覺，相信櫻花樹下其他鐵板燒都不錯。玉子燒涼了，所以用微波爐叮了30秒，味道不錯，少甜。叉燒和豬軟骨一般，烏冬有分湯，外賣也是用心之作。雖然等待外賣的時間不是太長，半個小時就送到了，但吉列豬扒有少許淋了，相信堂食味道會更好。價錢相宜，食物質素不錯。170蚊都吾駛，已經有好多小食，勁抵食！！…Read More

平時lunch行過，見到好多人排隊，所以都未試過廉記。今日lunch，約左朋友食飯，因為大家lunch時間吾一致，所以朋友先去排隊。因為要等齊人先入得，所以朋友都要等多我5分鐘先入得。落完order，超級快上菜，抵讚我嗌左鐵板燒汁牛扒意粉拼煎蛋，朋友嗌左鐵板燒汁雞扒薯菜拼午餐肉。2個餐都勁大份，牛扒起碼15厘米，雞扒比手掌仲大，煎雙蛋之外，午餐肉都有2塊。雖然我嗌左意粉，但都會有少許薯菜。最後意粉同薯菜都要打包拎走，太飽了，其實2個人嗌1份鐵板已經夠食味道方面只可以說是正常茶餐廳的水準。臨走時，看見門口的菠蘿包，樣子很不錯，超後悔無嗌到。成餐飯，由落order到埋單吾駛半個鐘，呀姐超快手…Read More

未入去之前，排左個幾鐘隊先到我地，真係好多人，所以都好期待。我地嗌左NENE雙重滋味炸雞（甜辣、初雪）、金大人串燒拼盤、NENE藍莓汁、Detox Blue Lemon Tea。1. 食物甜辣炸雞沒有特別，可以吾駛試。初雪炸雞味道幾好，甜甜地，不錯，值得一試。拼盤，只有中間的麵包值得一提，芝士加麵包味道係吾錯，其他都無乜特別。3.飲品Detox Blue Lemon Tea雖然影相係幾靚， 但味道超伏，似係糖粉溝水，糖粉仲要未溶晒最後＄479埋單，不過不失，如果吾駛排甘耐隊，都可以去試下炸雞。…Read More

晚上想吃韓燒，在尖沙咀附近逛了一會，才選擇了炑八，因為朋友不吃牛，自己不吃豬，所以套餐中要有牛有豬才能滿足我們的要求，炑木的菜單較容易配搭，附近很多餐廳的套餐都只有牛/豬，2樣的話需要散叫，比較不化算。最後選擇了炑八＄498的套餐，有雞有海鮮有牛小排有五花肉，還有肉眼，所有肉類的種類都有。套餐中的墨魚，真的超美味，超推介！！！前菜有泡菜，海帶，大豆芽，蘿蔔，沙津，前4樣可以任加，但後加的前菜，需要一點時間才會上菜，大概是廚房需時。大豆芽和蘿蔔很好吃！！！…Read More